ئێمە لە تۆرە کۆمەڵایەتیەکان

ئابوری

ڕێوشوێنی نوێ‌ لەسەر مووچەی فەرمانبەرانی هەرێم دەگیرێتە بەر

خەڵك- بەشی هەواڵ
پەڕلەمانی عیراق لێپرسینەوە لە وەزیری دارایی و بەڕێوەبەری گشتی بودجە دەكات سەبارەت بە خەرجكردنی مووچە و بودجەی هەرێمی كوردستان و پەڕلەمانتارێكی كوردیش دەڵێت: “مەترسی لەسەر مووچەی فەرمانبەران نییە”.

محەمەد حەلبوسی، سەرۆكی پەڕلەمانی عیراق لە كۆبوونەوەی ئەمڕۆ 15ی حوزەیران بڕیاریدا بە بانگهێشتكردنی وەزیری دارایی و بەڕێوەبەری گشتی بودجە لە وەزارەتی دارایی بۆ لێپرسینەوە لەسەر شێوازی خەرج كردنی مووچە و بودجەی هەرێمی كوردستان.

بەختیار شاوێس، ئەندامی پەڕلەمانی عیراق لە فراكسیۆنی یەكێتی بۆ (خەڵك) ڕایگەیاند، بانگهێشتكردنی وەزیری دارایی بۆ پەڕلەمان پەیوەندی بە مووچە و بودجەی هەرێمی كوردستانەوە هەیە، چونكە لیژنەی دارایی پەڕلەمان ڕاپۆرتێكی لەسەر مووچەی فەرمانبەرانی هەرێم ئامادە كردووە.

ڕاشیگەیاند، هیچ كێشەیەك بۆ مووچەی فەرمانبەران دروست نابێت، چونكە وەزیری دارایی قسەی خۆی دەبێت، كە بەپێی یاسای بودجە، مووچەی بۆ فەرمانبەرانی هەرێم ڕەوانە كردووە.

ئەو پەڕلەمانتارە كوردە جەختیشی كردەوە، كە حكومەتی هەرێم پێویستە بە زووترین كات شاند بنێرێت و لەگەڵ پێكهێنانی كابینەی نوێی حكومەت شاندی بێتە بەغدا و ڕێكبكەوێت و ئەو بابەتە چارەسەر بكات.

لیژنەی دارایی پەڕلەمانی عیراق ڕاپۆرتێكی لەسەر خەرج كردنی مووچەی فەرمانبەرانی هەرێم ئامادە كردووە و تێیدا تێبینی كردووە، كە لە بودجەی ساڵی 2019دا وەزارەتی دارایی عیراق 5 مووچەی بۆ فەرمانبەرانی هەرێم خەرج كردووە، بەڵام 3 مووچە دراوە بە فەرمانبەران.

ئابوری

وەزارەتی كشتوكاڵ داوایەك لە جوتیاران دەكات

خەڵك – بەشی هەواڵ

وەزارەتی كشتوكاڵی عیراق داوا دەكات وەبەرهێنان لەو زەویانەی بیابانەكان بكرێت كە ڕووبەریان لە ملیۆنێك دۆنم زیاترە.

ساڵح حەسەنی وەزیری كشتوكاڵی عیراق لە ڕاگەیەنراوێكدا داوایكرد: زەوییە بیابانییەكان بەمەبەستی كشتوكاڵكردن وەبەرهێنانیان تێدا بكرێت، تا بەرهەمی ناوخۆیی زیاتر بێت ‌و هەلی كار بڕەخسێنرێت‌ و ئابووری وڵات گەشە بكات.

وەزیری كشتوكاڵی عیراق ئاماژەی بەوەشكرد: دەتوانرێت لە قۆناغی یەكەمدا لەسەر ڕووبەری زیاتر لە ملیۆنێك دۆنم زەوی چەندین پڕۆژەی كشتوكاڵیی دروست بكرێت.

وەزیری كشتوكاڵی عیراق ئەوەشی خستەڕوو: ئامانج لەو پڕۆژەیە زیادكردنی زەوی كشتوكاڵی‌ و بەرهەمی ناوخۆییە لەگەڵ كۆنتڕۆڵكردنی كوالێتی ئەو خۆراكەی كە بە هاووڵاتیانی عیراق دەدرێت، هەروەها دەستەبەركردنی بەرهەمی كشتوكاڵییە تا بتوانین پێداویستی خۆراكیی لەناوخۆدا پڕبكەینەوە.

بەردەوام بە لە خوێندنەوە

ئابوری

حكومەتی هەرێم دوابڕیار لەسەر خانەنشینی و مووچە و دەرماڵە دەدات

خەڵك- ئارام سەردار
بڕیارە سبەینێ‌ چوار شەممە 11ی كانوونی یەكەمی 2019 ئەنجوومەنی وەزیرانی هەرێمی كوردستان كۆببێتەوە و گفتووگۆ لەبارەی پیشنیازی ( یاسای چاكسازی لە خانەنشینی و مووچە و دەرماڵە و بەخشین و ئیمتیازاتەكانی دیكە لە هەرێمی كوردستان) بكات و ڕەوانەی پەڕلەمانی بكات.

عەبدولحەكیم خەسرۆ، بەرپرسی فەرمانگەی هەماهەنگی و بەدواداچوون لە ئەنجوومەنی وەزیران بە ڕۆژنامەوانانی ڕاگەیاند، سبەینێ‌ چوار شەممە ئەنجوومەنی وەزیرانی هەرێمی كوردستان كۆدەبێتەوە، چاوەڕوان دەكرێت گفتووگۆ لەبارەی پیشنیازی (یاسای چاكسازی لە خانەنشینی و مووچە و دەرماڵە و بەخشین و ئیمتیازاتەكانی دیكە لە هەرێمی كوردستان) بكات.

دەشڵێت: “چاوەڕوان دەكرێت ئەنجوومەنی وەزیرانی پێشنیازە یاساییەكە پەسەند بكات و ڕەوانەی پەڕلەمانی بكات”.

ئەوەشی خستەڕوو، سەرۆك وەزیرانیش لەكاتی پێشكەشكردنی ڕاپۆرتی ۱۰۰ ڕۆژی كاركردنی ئاماژەی بەم یاسایە كرد و تەواو ئامادەكراوە.

بەپێی زانیاریەكانیش، ئەنجوومەنی وەزیران لەكۆبوونەوەی سبەینێ‌ چوار شەممە گفتووگۆ لەبارەی چەند بابەتێكی تریش دەكات.

بەردەوام بە لە خوێندنەوە

ئابوری

دەقی بڕیاری حكومەتی هەرێم بۆ بە هەمیشەیی كردنی گرێبەستەكان بڵاوكرایەوە

خەڵك- بەشی هەواڵ
ئەنجوومەنی وەزیرانی هەرێمی كوردستان لە كۆبوونەوەی پێشووتری بڕیاری بە هەمیشەیی كردنی مامۆستایانی گرێبەستی دەركرد و بڕیارەكەش لە سەری ساڵی نوێوە دەچێتە بواری جێبەجێ‌ كردنەوە.

بەپێی بڕیارەكەی ئەنجوومەنی وەزیرانی هەرێم، كە دەست (خەڵك) كەوتووە، مامۆستایانی گرێبەست بە مووچە و پلە و دەرماڵەی شایستە دەكرێنە هەمیشەیی لەسەر میلاكی وەزارەتی پەروەردە و وەزارەتی دارایی پلەی وەزیفی و ئەركی دارایی لە ساڵی 2020 بۆ دابین دەكات.

هەر بەپێی بڕیارەكە، ماوەی خزمەتی پێشووی گرێبەست بۆ ئەو مامۆستایانە هەژمار دەكرێت بەپێی ڕێنماییەكانی وەزارەتی دارایی هەرێم.

دەقی بڕیارەكە:
بڕیاری ژمارە 34 لە 6-11-2019
پشت بەست بە ئەحمامی ماددەی (8) لە یاسای ئەنجوومەنی وەزیرانی هەرێمی كوردستان ژمارە (3)ی ساڵی (1992)ی هەمواركراو، لەبەر ڕۆشنایی كۆنووسی كۆبوونەوەی یاسایی ئەنجوومەنی وەزیران ژمارە (13) لە (6-11-2019) و ئاماژە بە كۆنووسی كۆبوونەوەی لیژنەی هاوبەش لە بەڕێزان وەزیرانی (پەروەردە، دارایی و ئابووری، پلاندانان) پێكهاتبوو بە بڕیاری كۆبوونەوەی ئەنجوومەنی وەزیران لە دانیشتنی ئاسایی خۆی ژمارە (5) لە (4-9-2019) بە ڕەچاوكردنی ئەوەی مامۆستایانی گرێبەست ماوەی چەندین ساڵە لە بواری پەروەردەدا خزمەت دەكەن و پێداویستی بواری پەروەردەیان پڕكردۆتەوە بڕیار درا بە:
1- بە هەمیشەیی كردنی دامەزراندنی مامۆستایانی گرێبەست لەسەر میلاكی وەزارەتی پەروەردە بە ناونیشان و مووچە و دەرماڵەی شایستە.
2- وەزارەتی دارایی و ئابووری پلەی وەزیفی تەرخانكراوی دارایی پێویست لەسەر میلاكی وەزارەتی پەروەردە بۆ ئاماژە پێكراوان لە بڕگەی (1)ی سەرەوە دابین دەكات لە ساڵی دارایی 2020.
3- سەبارەت بە ماوەی خزمەتی پێشووی ئاماژە پێكراوان لە بڕگەی (1)ی سەرەوە وەك مامۆستایانی گرێبەست، وەزارەتی دارایی و ئابووری بەپێی شایستە بوونیان لە چوارچێوەی یاسا و ڕێنماییە بەركارەكان مامەڵەیان دەكات.
4- وەزارەت و لایەنە پەیوەندیدارەكان ئەم بڕیارە جێبەجێ‌ دەكەن.

بەردەوام بە لە خوێندنەوە

کوردستان