ئێمە لە تۆرە کۆمەڵایەتیەکان

ئابوری

مەترسییەكی نوێ‌ لەسەر هەرێمی كوردستان دروست دەبێت

خەڵك – بەشی هەواڵ
ئەندامێكی لیژنەی دارایی لە پەڕلەمانی عیراق ڕایدەگەیەنێت، دڵسۆزبوون بۆ گەل و نیشتمان بەقسەی بریقەدار و موزایەدەی سیاسی بێ مانا ناكرێت و دەشڵێت: “خەڵكی كوردستان ئاگادار دەكەمەوە هەرچی ڕوودەدات لەئەستۆی ئەو بەرپرسانەیە، كە گوێ ناگرن”.

ئەحمەدی حاجی ڕەشید، ئەندامی لیژنەی دارایی لە پەڕلەمانی عیراق لە هەژماری تایبەتی خۆی لە فەیسبووك ڕایگەیاندووە، دیارە دڵسۆزبوون بۆ گەل و نیشتمان بەقسەی بریقەدار و و موزایەدەی سیاسی بێ مانا ناكرێت و لەهەمان كاتدا پەردە پۆشكردنی هەندێك ڕاستی دەچێتە خانەی خیانەت لەو ئەمانەتەی، كە هاووڵاتیانی كورد بەخشیویانە بەهێزە سیاسیەكان.

دەشڵێت: “نزیكەی مانگیك پێش ئیستا هەندیك هەواڵ هەبوو سەبارەت بە گرفت دروستكردن بۆ هەرێمی كوردستان پشكی بودجە و بابەتی نەوت لەسەر ئاستی ناوخۆ و ئیقلیم، دوای كۆمەڵێك مشورەت لەگەڵ هاوڕێكانم لە لیژنەی دارایی و سەردانی كردنی سەرۆك كۆمار و موناقەشەی بابەتەكان لە (۱۳\٥\۲٠۱۹) دوو یاداشتم نووسی بۆ سەرۆك كۆماری عیراق و سەرۆكی حكومەتی كاربەڕیكەری هەرێم و ڕاستەوخۆ سەرۆك كۆمارم ئاگاداركردەوە لەو هەوڵانەی، كە دەدرێن دژ بەبەرژەوەندی خەڵكی كوردستانن و لەڕێگەی ڕاوێژكار هاوژین عومەر یاداشتم ڕادەستی سەرۆك كۆمار كرد و یاداشتی دووەم لە ڕێگەی عەبدولستار مەجید، سەرۆكی فراكسیۆنی كۆمەڵ ئاڕاستە نێچیرڤان بارزانی كرد و بۆ دڵنیابونیشم وێنەیەكیم نارد بۆ دكتۆر ئامانج ڕەحیم، سكرتێری ئەنجوومەنی وەزیران و وێنەی سێهەمم نارد بۆ فارس سلێڤانی، بەرپرسی كاروباری فراكسیۆنی پارتی لەبەغدا بۆ ئەوەی بگات بەدەستی سەرۆكی حكومەتی نوێ”.

ڕایگەیاندووە، جەماوەری خەڵكی كوردستان ئاگادار دەكەمەوە هەرچی ڕوودەدات لەئەستۆی ئەو بەرپرسانەیە، كە گوێ ناگرن بۆ دڵسۆزیەكانی ئێمە، چونكە ئەو زانیاریانەی دەست ئێمە دەكەوێت ڕاستەوخۆ شوێنی تایبەتیان لێ ئاگاداردەكەمەوە، لەنێو پەڕلەمانی فیدڕاڵدا متمانەیەكمان هەیە، كە زۆرێك لە فراكسیۆنەكان گوێمان بۆ دەگرن.

ئاماژەی بۆ ئەوەشكردووە، لەماوەی چەند ڕۆژی ڕابردودا لە كۆبوونەوەی لیژنەی دارایی لەگەڵ وەزیری دارایی ڕاپۆرتیك ئامادەكراوە و ئەمڕۆش بڕیاری پێكهێنانی لیژنەیەكی فراوان درا، كە ئەندامانی (چوار) لیژنە لە خۆ دەگرێت بۆ بابەتی ئەو سكاڵایەی، كە عیراق تۆماری كردوە لەسەر توركیا، كە من لە خاڵی یەكەمی یاداشتەكەم ئاماژەم پێداوە.

ئاشكراشیكردووە، لەماوەی داهاتوودا بە بەڵگە، بەڵگەنامەكان دەخەمەڕوو، كە ئەو سكاڵایە لەچی پێكهاتووە و چ گرفتێك دروست دەكات.

ئابوری

تائێستا پارەی بەغدا نەنێراوە
هەفتەی داهاتوو دابەشكردنی موچە بەردەوام دەبێت؟

خەڵك- بەشی هەواڵ

خشتەی دابەشكردنی موچەی فەرمانبەران وەك مانگەكانی پێشوو دانراوە، بەڵام وەك مانگەكانی پێشوو پارەكەی بەغدا لەكاتی خۆیدا نەنێراوە، ئەوەش ئەو گومانەی دروستكردووە، كە ئایا هەفتەی داهاتوو دابەشكردنی موچە بەردەوام دەبێت، یان نا؟.

سەرچاوەیەكی ئاگادار لە وەزارەتی دارایی و ئابوری حكومەتی هەرێمی كوردستان بە (خەڵك)ی ڕاگەیاند، ئەگەر پارەكەی بەغدا بگات لەكاتی خۆیدا دەستبەدابەشكردنی موچە دەكرێت و ڕۆژی 23ی مانگ دابەشكردنی موچەی مانگی نیسان تەواو دەبێت.

سەرچاوەكە كە نەیوست ناوەكەی بڵاوبكرێتەوە، وتیشی”خشتە وەك مانگەكانی پێشوو دانراوە و ئەگەری زۆرە وەك مانگەكانی پێشوو موچە دابەش بكرێت، ئەوەشی دەربارەی دواكەوتنی پارەكە دەوترێت، ئەگەرێكی بێهێزە، لەبەرئەوەی یاسا و جێبەجێ‌ كراوە لە مانگەكانی پێشوودا و ئەم مانگەش وەك پێشوو دەبێت”.

مانگەكانی دیكە زیاتر لە ناوەڕاستی مانگدا پارەكەی بەغدا دەنێرا، كە بڕەكەی 453 ملیار دینار و موچەی بەشێكی فەرمانبەرانی پێدەدرێت.

حكومەتی هەرێمی كوردستان مانگانە پێویستی بە 881 ملیار دینار هەیە بۆ دابەشكردنی موچەی مانگانە و بەشێكی پارەی موچە لەلایەن بەغداوە دابین دەكرێت.

بەردەوام بە لە خوێندنەوە

ئابوری

گرژییەكانی كەنداو نرخی نەوت بەرزدەكاتەوە

خەڵك –بەشی هەواڵ

نرخی نەوتی خاو لە بازاڕەكانی جیهاندا بەكاریگەری گرژییەكانی تەنگەی هۆرمز بەرزبووەوە.

دوای ئەوەی ئەمریكا خستنەخوارەوەی فڕۆكەیەكی بێفڕۆكەوانی ئێرانی لە نزیك یەكێك لە كەشتییە جەنگییەكان لە تەنگەی هۆرمز ڕاگەیاند، نرخی نەوت بەرز بووەوە.

ئەمڕۆ نرخی نەوتی خاوی برێنت گەیشتە 62.74 دۆلار بۆ هەر بەرمیلێك و بە ڕێژەی 1.31% بەرز بووەوە.

هاوكات نرخی گرێبەستەكانی خاوی ئەمریكایی لە نەوتی تێكساسی نێوەڕاست بە ڕێژەی 0.78% بەرزبووە و گەیشتە 55.73 دۆلار بۆ هەر بەرمیلێك.

ئەو بەرزبوونەوەیە هاوكاتە لەگەڵ گرژییە نوێیەكانی ناوچەی كەنداو، دوای ئەوەی ترەمپ سەرۆكی ئەمریكا ڕایگەیاند فڕۆكەیەكی بێفڕۆكەوانی ئێرانیان خستووەتەخوارەوە دوای ئەوەی لە كەشتی جەنگی یوئێس بوكسر نزیكبووەتەوە بۆ چەند هەزار مەترێك لە تەنگەی هۆرمز.

ئەمە لەكاتێكدایە ئێرانیش دوێنێ دەستی بەسەر كەشتییەكی نەوت هەڵگردا گرت لە كەنداو كە سوپای پاسدارانی ڕایگەیاند، بارەكە قاچاخ بووە.

بەردەوام بە لە خوێندنەوە

ئابوری

لیژنەی دارایی پەڕلەمانی عیراق: دەستكاری دەرماڵەی فەرمانبەران دەكرێتەوە

خەڵك- بەشی هەواڵ

ئەندامێكی لیژنەی دارایی و ئابوری پەڕلەمانی عیراق ڕایگەیاند، كە پڕۆژەیەكیان ئامادەكردووە بۆ دەستكاریكردنەوەی دەرماڵەی فەرمانبەران و دەستكاریكردنەكەش لەسەر بنەمای موچەی بنەڕەتی نابێت.

ئیخلاس دلێمی، بە میدیاكانی عیراقی وتووە”بە لە بەرچاوگرتنی ڕاگرتنی باڵانس و دۆخی ئابوری وڵات و ئیش و كاری فەرمانبەر و بڕوانامە، جارێكی دیكە دەستكاری دەرماڵە دەكرێتەوە”.

وتیشی”ئەوەی تائێستا دڵنیابووینەتەوە كە هەریەك لە وەزارەتەكانی نەوت و كارەبا مافی ئەوەیان هەیە لە وەزارەتەكانی دیكە دەرماڵەیان زیاتر بێت”.

هەر لە قسەكانیدا ئەو پەڕلەمانتارە ڕونیكردووەتەوە، لە مانگی تشرینی دووەمی ئەمساڵدا پڕۆژەكە پەسەند دەكرێت و ساڵی داهاتوو لە كۆی گشتی موچەدا جێگەی دەكرێتەوە.

بەردەوام بە لە خوێندنەوە

کوردستان