ئێمە لە تۆرە کۆمەڵایەتیەکان

کوردستان

لە پێنجوێن دوو بەشی زانكۆ كرانەوە

خەڵك- بەشی هەواڵ
زانكۆی پۆلیتەكنیكی سلێمانی ئاشكرای دەكات، كە دوو بەشی زانستی زانكۆكە لە شارۆچكەی پێنجوێن كرانەوە.

بەپێی ڕاگەیەندراوێكی زانكۆی پۆلیتەكنیكی سلێمانی، بەمەبەستی ئاگاداربوون و بەدواداچوونی كردنەوەی دوو بەشی زانستی لە پێنجوێن، د. یوسف گۆران، وەزیری خوێندنی باڵا و توێژینەوەی زانستی بە یاوەری پ.ی.د. ئالان فەرەیدون، سەرۆكی زانكۆی پۆلیتەكنیكی سلێمانی و سەرۆكی زانكۆكانی (سلێمانی و سۆران و كۆمار) شارۆچكەی پێنجوێن-یان بەسەركردەوە و سەردانی هەردوو بەشی زانستی (پەرستاری و كارگێری)یان كرد، كە سەر بە پەیمانگای تەكنیكی سلێمانیە.

وەزیری خوێندنی باڵا ڕایگەیاند، هەرچی لەدەستمان بێت بۆ خزمەتكردنی خەڵكی بەشەرەفی پێنجوێن و دەووروبەری درێغی ناكەین و هەمیشە پشتیوانیان دەبین.

لای خۆشیەوە، سەرۆكی زانكۆی پۆلیتەكنیكی سلێمانی وتی، “لە پێناو خزمەتكردنی هاووڵاتیان و خوێندكارانی خۆشەویستی پێنجوێن و پڕكردنەوەی ئەو كەلێنەی لەم شارۆچكەیەدا هەبوو، كە هیچ ناوەندێكی خوێندنی باڵای تیادا نەبووە، لەسەر بڕیاری قوباد تاڵەبانی، جێگری سەرۆكی حكومەتی هەرێمی كوردستان و ڕەزامەندی وەزارەتی خوێندنی باڵا پار ساڵ دەستمان كرد بە ئامادەسازی بۆ كردنەوەی دوو بەشی زانستی، كە هەردوو بەشی (پەرستاری و كارگێڕییە) لە پێنجوێن، كە ئەمە سەرەتایەكە بۆ كردنەوەی پەیمانگا و لەدوایشدا كۆلێج”.

وتیشی، “بەسوپاسەوە وەزارەتی ڕۆشنبیری لەناو بیناكەی خۆیاندا جێی ئەو دوو بەشەیان بۆ كردوینەتەوە و پاشان بە ڕەزامەندی وەزارەتی خوێندنی باڵا و لەسەر بودجەی سەرۆكایەتی زانكۆ هەستاین بە نۆژەنكردنەوەی بەشێكی بیناكە و دابینكردنی پێداویستییەكانی خوێندن، بڕیارە ئەمساڵ ئەم دوو بەشە زانستییە بۆ خوێندنی 2019-2020 خوێندكار وەربگرێت”.

کوردستان

پۆلیس دەست بەسەر ئۆتۆمبێلی دزراوی ھاووڵاتییەكدا دەگرێت

خەڵك- بەشی هەواڵ
بەڕێوەبەرایەتی پۆلیسی پارێزگای سلێمانی ئاشكرای دەكات، كە ئۆتۆمبێلی هاووڵاتییەك دوای دزرانی ئۆتۆمبێلێك، لەلایەن هێزەكانیانەوە توانراوە لە یەكێك لە گەڕەكەكانی شار بدۆزرێتەوە.

بەڕێوەبەرایەتی پۆلیسی پارێزگای سلێمانی لە ڕاگەیەنراوێكدا ئاماژەی بەوەكردووە، شەوی ڕابردوو مەفرەزەكانی بەشی پۆلیسی نەھێشتنی تاوانی سلێمانی دەستیان بەسەر ئۆتۆمبێلی دزراوی ھاووڵاتییەكدا گرت و دوای ڕێكارە یاساییەكان ڕادەستی خاوەنەكەی دەكرێتەوە .

ئاشكراشی كردووە، پاش تۆماركردنی سكاڵای یاسایی لەلایەن ھاووڵاتییەكەوە، كە سێیەم ڕۆژی جەژنی قوربان بۆ كڕینی كەلوپەل لەماركێتێك لەنزیك پاركی ئازادی دابەزیوە و ئۆتۆمبێلەكەی بەكارپێكراوی بەجێهێشتووە و لێی دزراوە، دەستبەجێ ھێزەكانی پۆلیس لێكۆڵینەوەكانیان دەستپێكرد و توانییان شەوی ڕابردو لەگەڕەكێك لەشاری سلێمانی دەست بەسەر ئۆتۆمبێلەكەدا بگرن و دوای گرتنەبەری ڕێكارە یاساییەكان ڕادەستی خاوەنەكەی دەكرێتەوە.

پۆلیس دەشڵێت: “لەئێستادا ئۆتۆمبێلەكە، كە لەجۆری كامارۆیە لەبەشی پۆلیسی نەھێشتنی تاوانە لێكۆڵینەوە لە ڕوداوەكە بەردەوامە” .

پۆلیسی سلێمانی داوا لە هاووڵاتیان دەكات، “لەكاتی دابەزینیان، ئۆتۆمبێلەكانیان بە كارپێكراوی بەجێ‌ مەهێڵن تا تووشی ڕووداوی لەو شێوەیە نەبنەوە”.

بەردەوام بە لە خوێندنەوە

کوردستان

پێشمەرگەیەك بە تەزووی كارەبا گیانی لەدەستدا

خەڵك- بەشی هەواڵ
پێشمەرگەیەك لە دیوانی وەزارەتی پێشمەرگەی حكومەتی هەرێمی كوردستان، بە تەزووی كارەبا گیانی لە دەستدا.

بەپێی ڕاگەیەندراوێك كە ئەمڕۆ چوار شەممە لەلایەن شۆڕش ئیسماعیل وەزیری پێشمەرگەی حكومەتی هەرێمی كوردستانەوە بڵاوكرایەوە:”سەرلەبەیانی ئەمڕۆ چوارشەممە 5ی ئابی2020، هەواڵی كۆچی دوایی پێشمەرگە و كارمەندی دیوانی وەزارەتمان (ن.ع / سامان سادق مستەفا) پێگەیشت”.

وەزیری پێشمەرگە دەڵێت: “كۆچكردوو، ماوەی چەندین ساڵە لەخۆشەویستی بۆ باخچەكانی وەزارەت و دڵسۆزی لە پێشمەرگایەتیدا خۆنەویستانە لە ئەركەكەی بەردەوام بوو، ئەمڕۆش لەكاتی كاركردندا، كە چەندین ساڵە باخەوانی وەزارەتە بەهۆی رووداوی كارەباوە گیانی لەدەستدا”.

هەر لە ڕاگەیەندراوەكەدا شۆڕش ئیسماعیل دەڵێت” پرسە و سەرەخۆشی لەخۆمان و كەسوكارو خانەوادەكەیان دەكەین ئومێدەوارین دواناخۆشی هەموولایەك بێت، رۆحی كۆچكردووش شاد بێت”.

بەردەوام بە لە خوێندنەوە

کوردستان

كەركوك، فەرماندەیەكی مەیدانی داعش دەستگیركرا

خەڵك- بەشی هەواڵ
دەزگای ئاسایشی نیشتمانی عیراق، دەستگیركردنی فەرماندەیەكی مەیدانی و چەكدارێكی (دیوان الجند)ی ڕێكخراوەكە لە پارێزگەی كەركوك ڕادەگەیەنێت.

بەپێی ڕاگەیەندراوێك كە ئەمڕۆ چوار شەممە لەلایەن دەزگای ئاسایشی نیشتمانی عیراقەوە بڵاوكرایەوە”بەپشتبەستن بە زانیارییە هەواڵگرییەكان، هێزێكی دەزگای ئاسایشی نیشتمانی لە پارێزگەی كەركوك توانی لەڕێی یاداشتی دادوەرییەوە یەكێك لە فەرماندە مەیدانییەكانی بە ناو (دیوانی جوندی سەر ویلایەتی كەركوك)ی سەردەمی دەستگرتنی داعش بەسەر ناوچەكەدا دەستگیربكات، ئەو فەرماندەیەی داعش دانی ناوە بە سەركردایەتیكردنی بۆ هێرشكردنە ناوچەی بەشیر و هێرشكردنە سەر هێزە ئەمنییەكان، وێڕای ڕاگواستنی خێزانەكان و تەقاندنەوەی ماڵەكانیان”.

هەر لە ڕاگەیەندراوەكەدا هاتووە”هێزێكی تری سەر بە دەزگاكە، یەكێك لە چەكدارەكانی بە ناوی دیوانی جوندی ویلایەتی كەركوك بەپێی ماددەی (1/4 تیرۆر) دەستگیركرد، دەستگیركراوەكەش دانی ناوە بە بەشداریی لە چەندان هێرش بۆسەر هێزە حكومییەكان لە باشووری خۆرئاوای كەركوك و لەپاش وەرگرتنی وتەكانيشی، ڕادەستی لایەنە پەیوەندیدارەكان كرا، تا ڕێوشوێنی یاسایی لەدژ بگیرێتەبەر”.

بەردەوام بە لە خوێندنەوە

کوردستان