ئێمە لە تۆرە کۆمەڵایەتیەکان

عێراق

بەڤیدیۆ؛ لەناو پەڕلەمانی عیراق بوو بە شەڕ

خەڵك- بەشی هەواڵ
لە كۆبوونەوەی ئەمڕۆی پەڕلەمانی عیراق شەڕ لەنێوان چەند پەڕلەمانتارێك دروست بوو، پەڕلەمانتارێكی كوردیش دەڵێت: “ئەوە پەیوەندی بە كوردەوە نەبووە”.

ئەمڕۆ پەڕلەمانی عیراق بە سەرۆكایەتی محەمەد حەلبوسی، سەرۆكی پەڕلەمان كۆبووەوە و گفتوگۆ لەسەر چەند پڕۆژە یاسایەك كرا و لەناو كۆبوونەوەكەشدا شەڕە بۆكس لەنێوان دوو پەڕلەمانتاری سوننە بەناوەكانی (تەڵاڵ زوبەیعی و عەبدوڵا خەربیت) ڕوویدا.

د. میران محەمەد، ئەندامی پەڕلەمانی عیراق لە فراكسیۆنی یەكێتی بۆ (خەڵك) ئاشكرای كرد، كە شەڕەكە پەیوەندی بە كوردەوە نییە و دوو پەڕلەمانتاری سوننە بۆتە كێشە و دەمەبۆڵەیان و شەڕ ڕوویداوە.

ڕاشیگەیاند، كە ئەو دوو پەڕلەمانتارە لە هاوپەیمانی میحوەری سوننەكانن و بەهۆی ئەوەی ڕێككەوتنیان هەبووە حزبەكانیان و ئێستا ململانێ‌ لەنێوانیان دروست بووە و ڕێككەوتنەكانیان هەڵوەشاوەتەوە، بۆیە میحوەر بۆتە دوو بەش و بەشێكیشیان ماونەتەوە.

لای خۆشیەوە زوبەیعی لە كۆنگرەیەكی ڕۆژنامەوانیدا ڕایگەیاند، كە خەربیت بەبێ‌ هیچ هۆیەك هێرشی كردۆتە سەرم و بیانووەكەشی ئەوە بووە، كە ئێمە پێشتر بەهۆی گومانمان لەسەر دروستی سەرۆكایەتی پەڕلەمان سكاڵامان لەسەر محەمەد حەلبوسی تۆمار كردبوو.

جەختیشی كردەوە، كە لەسەر ئەو هەڵسوكەوتە سكاڵا لەسەر خەربیت تۆمار دەكات و لەسەر سكاڵاكەشی لەسەر حەلبوسی بەردەوام دەبێت.

ئەمڕۆ.. شەڕ لەنێو کۆبوونەوەی پەرلەمانی عێراق درووست بووشەڕەکە لە نێوان هەردوو پەرلەمانتار (تەڵاڵ زەوبەعی) و (عەبدوڵا خەربیت) ڕووی داوە…

Posted by ‎بهزادبؤتانى .رؤزنامةوان‎ on Saturday, June 15, 2019

عێراق

بەغدا.. سێ‌ مووشەك ئاڕاستەی ناوچەی كەڕادە كران
مووشەكێك لقی پێنجی پارتی كردووەتە ئامانج

خەڵك – بەشی هەواڵ

ئەمشەو سێ مووشەك لە ناوچەی كەڕادەی بەغدا كەوتنە خوارەوە و یەكێكیان بەر دیواری لقی پێنجی پارتی دیمكراتی كوردستان كەوتووە.

لەوبارەیەوە، شوان محەمەد تەھا، لێپرسراوی لقی پێنجی پارتی دیموكراتی كوردستان لە بەغدا ڕایگەیاند، ئەو مووشەكەی بەر دیواری بارەگای لقی پێنچی پارتی كەوتووە ھیچ زیانێكی گیانی و ماددی نەبووە.

لقی پێنجی پارتی لە بەغدا لە ناوچەی كەڕادەیە و دەكەوێتە سەر شەقامی 52 كە لە ناوچەی سەوزەوە نزیكە.

بەردەوام بە لە خوێندنەوە

عێراق

سادیقون: پێویستە سنورێك بۆ توركیا دابنرێت

خەڵك- بەشی هەواڵ
بزوتنەوەی (سادیقون)، بە توندی ئیدانەی هێرشەكەی توركیا دەكات كە بووە مایەی شەهيدبوونى دوو ئەفسەری عیراقی لە هێزەكانی پاسەوانی سنور لە ناحیەی سیدەكانی سەر بە پارێزگەی هەولێر.

مەحمود ڕەوبەیعی، وتەبێژی مەكتەبی سیاسی بزوتنەوەی سادیقون لە تویتێكیدا لەسەر تۆڕی كۆمەڵایەتی (تویتەر) ڕایگەیاند”سوپای داگیركەریی توركیا تاوانێكی چەپەڵی ئەنجامدا بە كوشتنی دوو فەرماندەی سەربازیی عیراقی و شۆفێركەیان لە پاسەوانی سنور لە سیدەكانی سەر بە پارێزگەی هەولێری باكووری عیراق”.

بە وتەی ڕوبەیعی”پێویستە سنورێك بۆ ئەو سوكایەتیپێكردنی توركیا بە سەروەریی و خوێنی عیراقییەكان دابنرێت كە تائێستادا حكومەت لەبەر هۆكاریی ناڕاگەیەندراو لەسەریان بێدەنگ بووە”.

وتەبێژەكەی بزوتنەوەی (سادیقون) پێیوایە”دەستهەڵگرتن بە ئیدانەكردن و ڕسواكردنی هێرشەكان، ئاسانكاریی بۆ دوژمنكاريی زياتر خۆشدەكات و هێندەی تر هاندان دەبێت بۆ دەستدرێژییەكان”.

هەر ئەمڕۆ شانەی میدیای ئەمنی عیراقی، توركیای بە تێوەگلان لە هێرشەكەی باكووری پارێزگەی هەولێر تۆمەتبار كرد.

شانەی میدیای ئەمنی لە بەیاننامەیەكدا ڕایگەیاند”ئیدانەی دەستدرێژییەكەی توركیا دەكەین كە لەڕێی فڕۆكەی بێفڕۆكەوانەوە ئەنجامدرا و كاروانێكی سەربازی پاسەوانی سنوری لە ناوچەی سیدەكان كردە ئامانج و بووە مایەی شەهیدبوونی فەرماندەی لیوای دووی پاسەوانی سنوری ناوچەی یەك و فەرماندەی فەوجی سێ‌/ لیوای دوو و شۆفێری ئۆتۆمبێلەكەیان.

بەردەوام بە لە خوێندنەوە

عێراق

دادگای فیدڕاڵی بڕیارێكی لە بەرژەوەندی ڕۆژنامەنووسان دەركرد

خەڵك- بەشی هەواڵ
دادگای فیدڕاڵی عیراق بڕیار دەدات، كە نابێت لەو سكاڵایانەی لەسەر ڕۆژنامەنووسان تۆمار دەكرێت، فەرمانی گرتنیان بۆ دەربچێت.

بەپێی گشتاندنێكی دادگای فیدڕاڵی، كە ئاڕاستەی سەرجەم دادگاكانی تێهەڵچوونەوە كراوە، ئاماژە بەوەكراوە، بەپێی دەستوور مافی ڕۆژنامەوانی و چاپ و ڕاگەیاندن و بڵاوكردنەوە فەراهەم كراوە، بۆیە دەبێت بە وریاییەوە مامەڵە لەگەڵ ئەو سكاڵایانە بكرێت، كە لەسەر ڕۆژنامەنووسان تۆمار دەكرێت.

جەختیشكراوەتەوە، كە لەو سكاڵایانەدا دەبێت سەرەتا ڕێكارەكان پەیڕەو بكرێت لە بانگهێشتی ڕۆژنامەنووس و پەلە نەكرێت لە دەركردنی فەرمانی گرتن.

ئاماژە بەوەشكراوە، كە لەكاتی ئەنجامدانی هەر ڕێكارێك بەرامبەر ڕۆژنامەنووسان، دەبێت سەندیكای ڕۆژنامەنووسان ئاگادار بكرێتەوە.

بەردەوام بە لە خوێندنەوە

کوردستان