ئێمە لە تۆرە کۆمەڵایەتیەکان

کوردستان

هەفتەی داهاتوو مەسرور بارزانی سەردانی سلێمانی دەكات

خەڵك-بەشی هەواڵ

مەسروور بارزانی ڕاسپێردراو بۆ پێكهێنانی كابینەی 9ی حكومەتی هەرێمی كوردستان، هەفتەی داهاتوو سەردانی پارێزگەی سلێمانی دەكات و لەگەڵ‌ یەكێتی و گۆڕان كۆدەبێتەوە.

بەپێی زانیارییەكان، سەردانەكەی مەسرور بارزانی بە مەبەستی گفتوگۆكردنە سەبارەت بە چۆنێتی پێكهێنانی كابینەی حكومەت و دیاریكردنی كاندیدەكانی ئەو حزبانەیە بۆ كابینەی نوێی حكومەت.

دیاری حسێن ئەندامی سەركردایەتی پارتی دیموكراتی كوردستان بە ماڵپەڕی حزبەكەی ڕاگەیاند، ڕێككەوتنەكانی پارتی و یەكێتی و گۆڕان باش بەرەو پێشەوە ڕۆیشتوون و لە چەند ڕۆژی داهاتووشدا مەسرور بارزانی سەردانی ئەو لایەنانە ‌دەكات كە بڕیاریان داوە لە كابینەی نوێ حكومەتدا بەشداری بكەن.

وتیشی”پارتی كاندیدەكانی بۆ پۆستە وەزارییەكان دیاری كردووە و‌ مەكتەبی سیاسی و سەرۆك بارزانی هەر بڕیارێك بدەن، وەك خۆی جێبەجێ دەكرێت، هەركات پێویستی كرد ناوەكان ڕادەگەیەنین و ڕادەستی مەسرور بارزانییان دەكەین”.

ئاماژەی بۆ ئەوەش كرد، هیوادارین ئەو حزبانەی بەشداریی كابینەی نوێی حكومەت دەكەن لەكاتی خۆیدا ناوی كاندیدانی خۆیان بۆ پۆستە وەزارییەكان دیاری بكەن.

ئاشكراشیكرد، پێمان وایە لەپێش وادەی خۆیدا كابینەی نوێی حكومەت ڕادەگەیەندرێت.

ئەمەش لەكاتێكدایە ڕۆژی 12ی ئەم مانگە نێچیرڤان بارزانی سەرۆكی هەرێمی كوردستان مەرسومی سەرۆكایەتیی بۆ مەسروور بارزانی دەركرد و ڕایسپارد بۆ پێكهێنانی كابینەی نوێی حكومەت.، بەپێی زانیارییەكانیش جگە لە یەكێتی و گۆڕان، پێكهاتەكان و حزبی سۆسیالیستیش بەشداری كابینەی حكومەت دەكەن.

کوردستان

مامۆستایانی ناوچەیەكی هەرێم بایۆتی پرۆسەی خوێندنیان كرد

خەڵك – بەشی هەواڵ

خوێندنەگە ئامادەییەكانی سنوری پشدەر ڕایدەگەیەنن، بێ باكی حكومەت لە ئاست داواكارییەكانیان و پێنەدانی ماف و شایستە داراییەكانیان، بەشێكن لە هۆكاری دەست پێنەكردنەوەی دەوام بڕیاری بایكۆتی پرۆسەی خوێندن دەدەن.

مامۆستایان و بەڕێوەبەرانی خوێندنگە ئامادەییەكانی سنوری پەروەردەی پشدەر لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، پێنەدانی ماف و شایستە داراییەكانی مامۆستایان لەلایەن حكومەتەوە، كاریگەرییە خراپەكانی خوێندنی ئەلكترۆنی بۆ سەر پرۆسەی پەروەردە و فێركردن، دەستەبەرنەكردنی هۆكارە خۆپارێزییەكان لەسەرجەم ناوەندەكانی خوێندن لەلایەن وەزارەتی پەروەردەوە وایكرد پرۆسەی خوێندن دوا بخەن.

ڕاشیگەیاندووە، دوای ڕاگۆڕینەوە و هەڵسەنگاندنی دۆخەكە بڕیاریانداوە تا رۆژی (10/10/2020) دەوامی قوتابخانە و خوێندگەكان دەستپێنەكەنەوە.

ئەمە لەكاتێكدایە ، دوێنێ لە راگەیەندراوێكدا بەڕێوەبەرانی ئامادەییەكی كەلار بایكۆتی پرۆسەی خوێندنیان راگەیاند.

بەردەوام بە لە خوێندنەوە

کوردستان

هاتووچۆی گەرمیان؛ سێ ئۆتۆمبێل بەیەكیاندادا قوربانی لێكەوتەوە

خەڵك – بەشی هەواڵ

بەڕێوەبەرایەتی هاتووچۆی گەرمیان ڕایدەگەیەنێت، لەسەر ڕێگای كەلار بۆ خانەقین ڕووداوێكی پێكدادان ڕوویدا بەهۆیەوە شۆفێرێك بریندار بوو، ڕووداوەكە لە نزیك دێ ی سەوز بڵاخ بووە لە نێوان سێ ئۆتۆمبێل یەكێك لە شۆفێرەكان برینداربووە.

بەڕێوەبەرایەتی هاتوچۆی گەرمیان لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، بەهۆی ڕووداوێكی هاتووچۆوە لە نێوان سێ ئۆتۆمبێل لەجۆرەكانی مسبۆشی لانسەر و مان بارهەڵگر و پیكاب تویوتا شۆفێری ئۆتۆمبێلی مسیبۆشی لانسەرەكە بریندار بوو.

ئاماژەبۆ ئەوەشكراوە، بەمەبەستی وەرگرتنی چارەسەر ڕەوانەی نەخۆشخانە كراوە، زیانی مادی زۆریش بەر هەسێ ئۆتۆمبێلەكە كەوتووە، مەفرەزەكانی هاتووچۆش لەسەر ڕووداوەكەن لێكۆڵینەوەیان لە چۆنیەتی ڕوودانی ڕووداوەكە دەستپێكردووە.

بەردەوام بە لە خوێندنەوە

کوردستان

فڕۆكەكانی توركیا ناوچەیەك لە پارێزگەی دهۆك بۆردومان دەكەن

خەڵك- بەشی هەواڵ
فڕۆكە جەنگییەكانی توركیا، لوتكەی (بیسمەتی) لە زنجیرە چیای (گارا) كە دەڕوانێت بەسەر قەزای ئامێدی لە باكووری پارێزگەی دهۆك، بۆردومان دەكەن.

بەگوێرەی زانیارییەكان، نیوەڕۆی ئەمڕۆ هەینی، فڕۆكە جەنگییەكانی توركیا لوتكەی بیسمەتیان لە زنجیرە چیای گارا لە نزیك قەزای ئامێدی لە دهۆك بۆردومان كردووە و دەنگی دوو تەقینەوەی گەورەش بیستراوە كە دواتر بەرزبوونەوەی دووكەڵێكی زۆری لە لوتكەی چیاكە بەدواداهاتووە كە دەڕوانێت بەسەر هەردوو گوندی (كیزی و بلێتی).

سوپای توركیا لە ساڵی 2020وە، بە بیانووی بوونی گەریلاكانی پارتی كرێكارانی كوردستان (پەكەكە)، ئۆپەراسیۆنە سەربازییەكانی لەنێو خاكی هەرێمی كوردستاندا چڕكردۆتەوە، بەو هۆیەشەوە تائێستا چەندان هاووڵاتی بونەتە قوربانی و زیانی زۆيش بە ڕووبەرێكی فراوانی سروشتی و كشتوكاڵی گەیشتووە.

بەردەوام بە لە خوێندنەوە

کوردستان