ئێمە لە تۆرە کۆمەڵایەتیەکان

هەواڵەکان

تۆماری دەنگی کامەران نەجم لە کاتی برینداربوونی و لەو کاتەشدا کە لای داعش بەند بووە ببیستە

خێزان

ئەمەی خوارەوە تۆماری دەنگی فۆتۆگرافەر کامەران نەجمە لە کاتی برینداربوونی و لەو کاتەشدا کە لای داعش بەند بووە.

لە ڕاپۆرتكی بنکۆڵکاریدا کە ڕادیۆی npr ی ئەمریکی ئەنجامی داوە، چەند تۆمارێکی دەنگی کامەران نەجم بڵاوکراوەتەوە.

لە یەکێک لە تۆمارەکاندا لەو کاتەدایە کە کامەران نەجم فیشەکی بەردەکەوێت و دەڵێت “مردم” پاشان دەڵێت ” I love you all”

لە پاش ئەوە کامەران نەجم بەبرینداری بەجێدەمێنێت و دەکەوێتە دەست داعش، تا دواتر لە ناکاو پەیوەندی بە هاوڕێیەکیەوە دەکات و داوای ژمارەی سەرحەد قادری لێدەکات.

هەر لەو کاتەشدا کەسێک بە عەرەبی دەڵێت ئێمە لە دەوڵەتی ئیسلامیەوە پەیوەندی دەکەین و پێویستە ژمارەی سەرحەد قادرمان بۆ بنێرن تا هێرش نەکاتە سەر گوندێک، ئەگەر نا کامەران دەکوژین.

لێرەوە گوێبیستی دەنگەکە ببە و بۆ گوێگرتن لە تەواوی ڕاپۆڕتەکەش کە بە زمانی ئیگلیزیە کلیک لێرە بکە:

هەواڵەکان

سەیران (لای لایە)ی بۆ ڕۆژئاوای کوردستان بڵاوکردەوە

خانمە گۆرانیبێژ سەیران عوسمان دووەم بەرهەمی هونەری خۆی بڵاوکردەوە کە گۆرانیەکەی تایبەتە بە ڕۆژئاوای کوردستان.

سەیران عوسمان لەبارەی بەرهەمەکەیەوە  ڕایگەیاندووە”بەداخەوە ئێستا خوشک و براکانمان لە ڕۆژئاوای کوردستان لە دۆخێکی ناهەموار و ناخۆشدان، ئەرکی ئێمەشە کە هەریەکەمان بەپێی بوار  و کاری خۆی پشتگیریان لێبکات، هەر بۆیە بڕیارمدا کە بەرهەمێکی تایبەت بە ڕۆژئاوا بەرهەم بهێنم و لاوانەوەیەکیان بۆ بکەم”

سەیران عوسمان وتیشی”بەرهەمەکە بەناوی (لای لایە بۆ ڕۆژئاوا)یە و لە هۆندراوەی ئەفشین موحەمەدیە و  سمکۆ فەیزی کاری ڕێکخستنی موزیکی بۆ کردووە و ئوسف لەشکری کاری دەرهێنانی بۆ ڤیدیۆ کلیپەکە کردووە، ئەمەش دووەمن بەرهەمی هونەری منە”

سەیران عوسمان ماوەی چەند ساڵێکە کاری پێشکەشکاری دەکات و ئێستاش دەستی کردووە بە کاری هونەری و خاوەنی ڤیدیۆ کلیپێکە بەناوی  (فۆلکلۆر).

بەردەوام بە لە خوێندنەوە

هەواڵەکان

هەنسک ئەحمەد: من جلەکانم ڕووتە، ئێوە عەقڵتان

خێزان

کچە مۆدێل هەنسک ئەحمەد لە پەیامێکی نوێدا قسە لەسەر شێوازی جلوبەرگەکانی دەکات و ئامژە بەوە دەدات کە ڕاستە ئەو جلەکانی ڕوتە، بەڵام خەڵکانێک عەقڵیان ڕووتە.

هەنسک ئەحمەد دەڵێت”من ڕەنگە جلم ڕووت بێت بەڵام کەس ناکوژم ! من ڕەنگە جلم ڕووت بێ بەڵام خاوەن دڵێکم پڕە لەمیھرەبانی ! من ڕەنگە جلم ڕووت بێ بەڵام بەقسەکانم کەسم ئازار نەداوە ، من دڵخۆشی دەوروبەرەکەم لەپێش خۆمەوە داناوە !”

هەنسک نوسیویشیەتی”بەڵێ من ئەوکچەم ھەمیشە گیانی ھاوکاریم تیابوە ! من ئەو پیاوە نیم شەوان ژنەکەم بەگریانەوە بخەوێ بەلام دیاری بۆدۆستەکەم بکڕم !! من ئەو پیاوە نیم ژنەکەم لەمالەوە سجن بێ من لەگەل دۆستەکەم پیاسە بکەم !ئێستا دەزانن جیاوازی من و ئێوە چییە ؟ من جلم ڕووتە ئێوە ئەقڵتان !!؟”

هەنسک لەبارەی لەبەرکردنی جلوبەرگی نیمچە ڕوتەوە وتوشیەتی”ڕەخنەی زۆر لە جلوبەرگ و کارەکەم گیراوە بەڵام من قسەی خەڵکم لا گرنگ نییە، ئەوەی لە نزیکمە دەزانێت من چۆنم ئەوە بەسە بۆ من، خۆشبەختانە لەم کارەمدا خێزانەکەم زۆر لە پشتم بوون، بێگومان کە خێزانەکەت لە پشت بێت قسەی خەڵک هیچ کارت تێ ناکات”

 

بەردەوام بە لە خوێندنەوە

هەواڵەکان

هونەرمەندانی بەرنامەی بەرنامە کەمپین ڕادەگەیەنن

خێزان

پاش ئەنجامدانی چەند کەمپینێکی کۆکردنەوەی هاوکاری بۆ کوردانی ڕۆژئاوا، هونەرمەندانی بەرنامەی بەرنامەش کەمپین ڕادەگەیەنن.

بەرزانی قالەی خەڵوز کە یەکێک بوو لە هونەرمەندانی بەرنامەکە ڕایگەیاندووە کە ڕۆژانە لە سەعات ٩ی بەیانی بۆ ٩ی شەو پێشوازیی لە خەڵكی خێرخواز و بەخشندەی شاری سلێمانی دەكەن بۆ وەرگرتنی شتومەك لە ناو کارگەی جگەرەی سلێمانی لەشەقامی سالم”

بەرزانی قالەی خەڵوز وتیشی” داوا  لە دانیشتوانی شاری سلێمانی كرد بەشدرایی كەمپینەكە بكەن و بەهەر شتێك دەتوانن هاریكاریی ئەم بەخشینە مرۆڤانەیە بكەن بۆ كوردانی ڕۆژئاوا”

ئەمەش لەکاتێکدایە کە ژمارەیەک لە هونەرمەندانی بەرنامەی بەرنامە و چەند هونەرمەندێکی دیکەش لە کەمپیەنەکدا بەشداریان کردووە.

 

بەردەوام بە لە خوێندنەوە

کوردستان