ئێمە لە تۆرە کۆمەڵایەتیەکان

عێراق

لەسەر داوای سەرۆك كۆماری عیراقە
یۆنسكۆ نوسینگەی هەرێمایەتی خۆی لە عەممانەوە دەگوازێتەوە بۆ بەغدا

خەڵك- بەشی هەواڵ
ڕێكخراوی یونسكۆ نوسینگەی هەرێمایەتی خۆی دەگوازێتەوە بۆ عیراق، ئەمەش لەسەر داوایەكی بەرهەم ساڵح سەرۆك كۆماری عیراق،

ڕێكخراوی نەتەوە یەكگرتووەكان بۆ پەروەردەو زانست و ڕۆشنبیری (یونسكۆ)، وەڵامی ئەو داواكاریییەی بەرهەم ساڵح سەرۆك كۆماری عیراق-ی دایەوە، سەبارەت بە گواستنەوەی نوسینگەی هەرێمایەتی رێكخراوەكە لە عەممانی پایتەختی ئەردەنەوە بۆ بەغدا.

ئەم هەڵوێستەی ڕێكخراوی یونسكۆ دوای پەیوەندیەكی تەلەفۆنی نێوان بەرهەم ساڵح سەرۆك كۆماری عیراق و ئودری ئازولا بەڕێوەبەری رێكخراوی یۆنسكۆ بوو.

لای خۆیەوە سەرۆك كۆماری عیراق هەڵوێستكەكەی ڕێكخراوی یونسكۆی بەرزنرخاند كە چاوەڕوان دەكرێت ببێتە هۆكاری بەهێزكردنی پەیوەندییە هاوبەشەكانی نێوان عیراق و ڕێكخراوی یونسكۆ و بەرەوپێشبردنی ئەو دەستكەوتانەی بەدەستهاتوون لە ڕێگای پشتیوانیكردنی یونسكۆ بۆ ڕەوشی پەروەردەو ڕۆشنبیری و زانست و شوێنەوار لە عیراق.

هەر لەو بارەیەوە سەرۆك كۆماری عیراق،بەدەنگەوەهاتنەكەی یونسكۆی بە هەنگاوێكی ئەرێنی دانابوو بۆ چالاكییەكانی داهاتووی ڕێكخراوەكە لە عیراق، بەتایبەت لە بواری بەرەوپێشبردنی پرۆگرامەكانی خوێندن و مەشق و پیشەیی و تەكنیك، كە دەبێتە پاڵنەرێك بۆ بەرزكردنەوەی توانای كادر و كارمەندان لە كەرتە جیاجیاكانی وڵات.

عێراق

ڕێگە بە عیراق دەدرێتەوە كارەبا لە ئێران بكڕێت

خەڵك- بەشی هەواڵ
بەرپرسێك لە وەزارەتی دەرەوەی ئەمریكا ڕایدەگەیەنێت، ویلایەتە یەكگرتووەكان جارێكی تر عیراق لە سزاكانی سەر ئێران بەدەر دەكات و ڕێگەی پێدەدات بۆ ماوەی 60 ڕۆژی تر كارەبا لە ئێران بكڕێت.

بە وتەی ئەو بەرپرسەی ئەمریكا، درێژكردنەوەی بەدەركردنی عیراق لەو سزایانە، ڕێگە بۆ بەغدا خۆشدەكات، تا ڕێوشوێنی كاریگەر بۆ كەمكردنەوەی پشتبەستن بە ئێران بۆ دەستخستنی وزە بگرێتەبەر.

ئەمریكا پێشتر مۆڵەتی 90 ڕۆژ و 120 ڕۆژی داوەتە عیراق، تا كارەبا لە ئێران بكڕێت، درێژكردنەوەی مۆڵەتی ئەمجارەش بە بۆچوونی عیراقییەكان كە ماوەیەكەی كەمترە، كاردانەوەی تەنگژەكانی نێوان هەردوو وڵاتە بەهۆی هێرشەكانی ئەمدواییە بۆسەر هێزەكانی ئەمریكا لە عیراق.

پێشتر دێڤید هێڵ بریكاری وەزارەتی دەرەوەی ئەمریكا لەكاتی دانیشتنی گوێگرتن لە ئەنجومەنی پیران ڕایگەیاندبوو، عیراق دەتوانێت لەماوەی 60 ڕۆژدا، لەڕووی دابینكردنی وزەوە، پشتبەستنی بە ئێران كەمبكاتەوە.

بەردەوام بە لە خوێندنەوە

عێراق

غالب محەمەد؛ كۆمپانیای نیشتیمانی پەیوەندییەكان كۆتایی بەگرانی نرخی پەیوەندییەكان دەهێنێت

خەڵك – بەشی هەواڵ
ئەندامێكی پەڕلەمانی عیراق ڕایدەگەیەنێت ، ئەمرۆ پەڕلەمان بریارێكی گرنگی دا بە ناچاركردنی حكومەت بۆ دامەزراندنی كۆمپانیای نیشتیمانی پەیوەندییەكان ئیتر كۆتایی بە قۆرخكاری كۆمپانیاكانی پەیوەندی دەهێنرێت و ئەگەر بمێنێت تەنها بەنسبە دەبێت و كاری سیخوری بۆ حزبەكانیش نامێنێت .
غالب محەمەد عەلی، ئەندامی پەڕلەمانی عیراق بە (خەڵك) ی ڕاگەیاند، ئەمرۆ 24 ی ئەیلول ی 2020 پەڕلەمان بریارێكی گرنگیدا بە ناچاركردنی حكومەت بۆ دامەزراندنی كۆمپانیای نیشتیمانی پەیوەندییەكان (كۆمپانیاكانی مۆبایل) .

وتیشی،”بریارەكەی ئەمرۆ دوای بریاری دادگای كەرخ هات بە راگرتنی مۆڵەتی كۆمپانیا حزبییەكانی بواری مۆبایل، كە ئەمەهەنگاوێكی گرنگە بۆ دەرهێنانی بواری پەیوەندییەكان لە دەستی كۆمپانیا حزبییەكان و گێڕانەوەی بەشێك لە داهاتەكەی بۆ خەزێنەی دەوڵەت لەبری خەزێنەی حزب”.

ڕاشیگەیاند ، كاری ئەم كۆمپانیایە كۆنترۆڵی دەزگا سیخورییەكانی حزب بەسەر ئەم كۆمپانیا حزبیانەوە نامێنێ و دەوڵەت و پەڕلەمان دەتوانێت چاودێری كارەكانی بكات ، هەروەها ئیتر بۆ پەیوەندییەكان تەنها حكومەت بڕیار لەسەر نرخ دەدات.

ئاشكراشیكرد، ئەگەر بڕیارەكە جێ بەجێ بكرێت كۆمپانیاكانی ئێستای پەیوەندی كردن نامێنن گەر بشمێنن دەبێت بە شێوەی نسبە لەگەڵ ئەو كۆمپانیا حكومییە كار بكەن.

بەردەوام بە لە خوێندنەوە

عێراق

گەشتە ئاسمانیەكانی نێوان عيراق و توركیا دەستپێدەكەنەوە

خەڵك- بەشی هەواڵ

دوای ماوەیەك لە ڕاگرتنی گەشتەكان، دەسەڵاتی فڕۆكەوانی توركیا ڕایدەگەیەنێت، لە سبەینێ‌ هەینییەوە گەشتە ئاسمانیەكانی نێوان عیراق و توركیا دەستپێدەكەنەوە، هەفتانەش چوار گەشت ئەنجام دەدرێن.

بەپێی ڕاگەیەندراوێك كە لەلایەن دەسەڵاتی فرۆكەوانی مەدەنی توركیاوە بڵاوكرایەوە”لە سبەینێ هەینی 2020،9/25وە، هێڵی ئاسمانی توركیا گەشتەكانی بۆ عیراق دەستپێدەكاتەوە و هەفتانەش چوار گەشت ئەنجامدەدرێن”.

هەر لە ڕاگەیەندراوەكەدا هاتووە”كۆمپانیا فرۆكەوانییە توركییەكان و هێڵی ئاسمانی عیراقی، ڕێگەیان پێدەدرێت گەشتەكانیان بۆ فڕۆكەخانەكانی هەردوو وڵات ئەنجام بدەن”.

پێشتر، بەهۆی بڵاوبونەوەی ڤایرۆسی كۆرۆنا و ڕێكارەكانی خۆپارێزی، گەشتە ئاسمانییەكانی نێوان عیراق و توركیا ڕاگیران.

بەردەوام بە لە خوێندنەوە

کوردستان