ئێمە لە تۆرە کۆمەڵایەتیەکان

جیهان

خامنەیی: ئەزموونی تاڵی دانوستاندنی ڕابردوو لەگەڵ ئەمریكاییەكان دووبارە ناكەینەوە

خەڵك-بەشی هەواڵ

ڕێبەری شۆڕشی ئیسلامی ئێران چاوی بە سەرۆك وەزیرانی ژاپۆن و شاندی یاوەری كەوت و ئاماژەی بۆ ئەوە كرد، كۆماری ئیسلامی ئێران هیچ متمانەیەكی بە ئەمریكا نییە و ئەزموونی تاڵی دانوستانەكانی پێشوو لە چوارچێوەی ڕێككەوتنی ناوەكی بە هیچ شێوازێك دووبارە نابێتەوە لەبەرئەوەی هیچ گەلێكی ئازادیخواز و عاقڵمەند لە ژێر گوشاردا دانوستان ناكات.

دوێنێ شینزۆ ئاپێ سەرۆك وەزیرانی ژاپۆن چاوی بە حەسەن ڕۆحانی سەرۆك كۆماری ئێران كەوت و ئەمڕۆش سەردانی عەلی خامنەیی ڕێبەری كۆماری ئیسلامی ئێرانی كرد، ئەمەش لەكاتێكدایە ناوبراو دەیەوێت وەك ناوبژوانێك لەنێوان ئێران و ئەمریكا كارەكانی دەست پێبكات.

میدیاكانی ئێران بڵاویانكردەوە، عەلی خامنەیی لە كۆبوونەوەكەدا ڕایگەیاند، گومانمان لە نیازپاكی و جددیبوونی ژاپۆن نییە، بەڵام سەبارەت بەوەی باس لە پەیامی سەرۆك كۆماری ئەمریكا دەكەن، من ترەمپ بە شیاوی هیچ ئاڵوگۆڕێكی پەیام نازانم و هیچ وەڵامێكم بۆ ئەو نییە و وەڵامی نادەمەوە.
ئاشكراشیكرد، كێشەی ئێمە لەگەڵ ئەمریكاییەكان پرسی گۆڕینی دەسەڵاتی ئێران نییە، لەبەرئەوەی ئەوان ئەگەر ویستی ئەمەشیان هەبێت بۆیان جێبەجێ ناكرێت، وەك چۆن سەرۆك كۆمارانی پێشووی ئەمریكا لە ماوەی چوار دەیەی ڕابردوو ئەوەیان ویست و بۆیان جێبەجێ نەكرا، ئەوەشی ترەمپ دەیڵێت ویستی گۆڕینی دەسەڵاتی ئێرانم نییە درۆیە، لەبەرئەوەی ئەگەر توانای جێبەجێكردنی ئەمەی هەبووایە دەیكرد، بەڵام سەركەوتوو نەبووە.

جیهان

توركیا دۆسیەی دیكە لە دژی دەمیرتاش و یۆكسەكداغ دەكاتەوە

خەڵك- بەشی هەواڵ
دادگای تاوانە قورسەكانی ئەنقەرە دۆسیەی دیكە لە دژی دەمیرتاش و یۆكسەكداغ، هاوسەرۆكانی پێشووی هەدەپە دەكاتەوە.

دادگای تاوانە قورسەكانی ئەنقەرە ئەمڕۆ شەممە بڕیاریدا بە داخستنی دۆسیەی بەرگریكردن لە سەڵاحەدین دەمیرتاش و فیگەن یۆكسەكداغ و هێشتنەوەیان لەزیندان.

بەپێی هەواڵی میدیاكانی توركیا، دادگای ئەنقەرە ئامادەكاری دەكات بۆ كردنەوەی دۆسیەیەك لەسەر خۆپیشاندانەكانی ساڵی 2014 دژی پەلاماردانی كۆبانێ‌ لەلایەن چەكدارانی داعشەوە و تۆمەتباركردنی دەمیرتاش و یۆكسەكداغ بە هاندانی هاووڵاتیان بۆ خۆپیشاندان.

ئەمە لەكاتێكدایە، كە لە دانیشتنی پێشوودا دادگاكە بڕیاریدا بە بێ تاوان بوونی دەمیرتاش لە دۆسیەی سەرەكی و ئەو تۆمەتانەی خرابوونە پاڵی دەربارەی پشتیوانی لە “تیرۆر” و بڕیاری ئازادكردنی دەرچوو، بەڵام توركیا بە بیانووی جۆراوجۆر بەرپرسانی كوردی باكووری كوردستان لە زیندان دەهێڵێتەوە سەرەڕای پشتیوانی دادگای ئەوروپا لە ئازادكردنی دەمیرتاش.

بەردەوام بە لە خوێندنەوە

جیهان

سوپای پاسداران: هەر كەس دەستدرێژی بكاتەسەر سنوورەكانمان دەیكەینە ئامانج

خەڵك-بەشی هەواڵ

فەرماندەی گشتی سوپای پاسداران ئاشكرایدەكات، بە ئاشكرا ڕادەگەیەنین، هەر كەس دەستدرێژی بكاتە سەر هەرێمی سنوورەكانمان دەیكەینە ئامانج.

هەواڵی میهر بڵاویكردەوە، سەردار حسێن سەلامی فەرماندەی گشتی سوپای پاسداران ڕایگەیاند، بەئاشكرا ڕادەگەیەنین هەر كەس دەستدرێژی بكاتەسەر سنوورەكانمان، دەیكەینە ئامانج و ئەوەش ناشارینەوە و بە ئاشكرا دەیڵێین و بەرپرسایەتی هەڵمەتەكانمان لە ئەستۆ دەگرین، بەڵام با بزانن ئەوە تەنیا بەشێكی بچكۆلەی تەكنۆلۆژیا و توانستی بەرگریی ئێرانە.

وتیشی” هیچكات ڕێگا نادەین شەڕ بێتە ناو خاكی ئێرانەوە و تا كۆتایی دەوەستین”.

ئەمەش لەكاتێكدایە ناوبراو ئەمڕۆ یەكەمین پێشانگای فڕۆكەی بێ فڕۆكەوانی بەسەر كردەوە و ڕایگەیاند، كردنەوەی ئەم جۆرە پێشانگایانە دوو مانای تاڵ و شیرینی هەیە، تاڵە بەو پێیەی نیشاندەری دەستدرێژیی ئەمریكا بە خاكی وڵاتی ئێران و شیرینە بەو پێیەی نیشاندەری داخران و كرانە ئامانجە و ئەوەش واتە دابەزینی دەسەڵاتی تەكنۆلۆژیی ئەمریكا.

بەردەوام بە لە خوێندنەوە

جیهان

عیراق یەكێكیانە
ئێران بە پێنج وڵات هەڕەشە لە سعودیە دەكات

خەڵك- بەشی هەواڵ
ئایەتوڵڵا ئەحمەد عیلم ئەلهودا، ئەندامی ئەنجومەنی (خوبەرا)ی ئێرانی ڕایدەگەیەنێت، ڕووبەری وڵاتەكەی گەورەترە لە سنورە جوگرافییەكەی، چونكە “هەموو ئەو گروپە چەكدارانەی لە خۆرهەڵاتی ناوەڕاست پشتیوانی لە تاران دەكەن، بەشێكن لە ئێران”.

ئاژانسی (ئێسنا)ی ئێرانی لە زاری عیلم ئەلهودا بڵاویكردەوە”ئێران لەمڕۆدا هەر تەنیا ئێران نییە، و سنورەكان لە خۆرئاواوە بە عیراق نەگیراوە، حەشدی شەعبی لە عیراق و حزبوڵڵا لە لوبنان و ئەنساروڵڵا لە یەمەن (حوسییەكان) و هێزەكانی بەرگری نیشتمانی لە سوریا و جیهادی ئیسلامی و حەماس لە فەلەستین، هەموو ئەمانە ئێرانن”.

ئەحمەد عیلم ئەلهودا وتاربێژی هەینییە لە شاری مەشهەد كە دەكەوێتە باكووری خۆرهەڵاتی ئێران و دووەم گەورەترین شاری وڵاتەكەیە، ئەندامی ئەنجومەنی (خوبەرا)شە كە ڕابەری باڵا هەڵدەبژێرێت و سەرپەرشتی كارەكانی دەكات و توانی لەسەركارلابردنیشی هەیە.

لێدوانەكانی عیلم ئەلهودا، دوای هەفتەیەكە لەو هێرشەی كرایە سەر دامەزراوە نەوتییەكانی سعودیە كە حوسییەكان بەرپرسیارێتی خۆیان بەرانبەر ئەنجامدانی ڕاگەیاند، لەكاتێكدا ڕیاز و واشنتن، ئێران بە ئەنجامدانی تۆمەتباردەكەن.

بەردەوام بە لە خوێندنەوە

کوردستان