ئێمە لە تۆرە کۆمەڵایەتیەکان

کوردستان

وەزارەتی كارەبا: لە ناوەڕاستی ئەم مانگەوە پێدانی كارەبا كەمدەكات

خەڵك- بەشی هەواڵ

وەزارەتی كارەبای حكومەتی هەرێمی كوردستان ڕایگەیاند، كاتژمێرەكانی پێدانی كارەبا لە ناوەڕاستی ئەم مانگەوە دەبێت بە 17-18 كاتژمێر.

دابەشكردنی كارەبا لە ناوەڕاستی بەپێی ئەم پلانە لەكاتێكدایە، ئێستا ڕۆژانە نزیكەی 20 كاتژمێر كارەبا دەدرێت بە هاووڵاتیان.

دەقی ڕاگەیەندراوەكە:
پاش هەڵسەنگاندی بارودۆخی كارەبا و چۆنیەتی ئیشپێكردنی یەكەكانی وێستگەكانی غازی بەرهەمهێنانی كارەبا و كارۆ ئاوی لەهەردوو بەنداوی دوكان و دەربەندیخان، كە لە ئێستادا بەتێكڕا 3570 مێگاوات كارەبا بەرهەم دەهێنرێت، بەم بڕە كارەبایە و بەرەچاوكردنی بەرزبوونەوەی پلەكانی گەرما و هەڵكشانی خواست لەسەر بەكارهێنانی كارەبا بۆ 5000 مێگاوات، وەزارەتی كارەبا دەتوانێت لە ناوەراستی ئەم مانگە 17- 18 كاتژمێر كارەبا بدات بە هاوڵاتیان و 6 كاتژمێرەكەی دیكەش لە رێگەی موەلیدەی ئەهلیەوە كارەبا بەسەر هاوڵاتیاندا دابەش دەكرێت، داوا لەهاوڵاتیانی بەڕێزیش دەكەین هاوكارمان بن لەكەمكردنەوەی زیاد بەكارهێنانی كارەبا، چونكە لە وەرزی هاوین دا بارگرانیەكی زۆر دەكەوێتە سەر وێستگەو گۆڕەرو تۆڕەكانی دابەشكردنی كارەباو بەهۆیەوە زۆرجار بەپێی پێویست ناتوانرێت كارەبا بگەیەنرێتە هەموو هاوبەشانی كارەبا.

کوردستان

بەرپرسێكی كۆمەڵ: كاتی ئەوە نەهاتووە بازگەكان لابرێن؟

خەڵك – بەشی هەواڵ
كارگێڕی ئەنجوومەنی سیاسی كۆمەڵی ئیسلامی كوردستان ڕایدەگەیەنێت، ڕووداوی ڕێگرتن لە بەرپرسان لە بازگەكان بە دواییدا تەقەكردن لە بارەگاكانی هەردوولا دڵەڕاوكێ و مەترسی گەورەبوونی ناكۆكیەكان لای هاووڵاتیان دروست دەبێت، دەشڵێت: “كاتی ئەوە نەهاتووە سەرۆكایەتی حكومەت بیر لە لابردنی ئەم هەموو بازگانەی نێوان شارەكان بكاتەوە؟”.

محەمەد حەكیم، كارگێڕی ئەنجوومەنی سیاسی كۆمەڵی ئیسلامی كوردستان لە هەژماری تایبەتی خۆی لە فەیسبووك ڕایگەیاندووە، ڕووداوی ڕێگرتن لە بەرپرسان لە بازگەكان، كە ئۆتۆماتیكی بە دواییدا تەقەكردن لە بارەگاكانی هەردوولا دێت و دواتر دەبێتە دڵەڕاوكێ و مەترسی گەورەبوونی ناكۆكیەكان لای هاووڵاتیان.

ئەو بەرپرسەی كۆمەڵ دەشپرسێت، “كاتی ئەوە نەهاتووە، سەرۆكایەتی حكومەت بیر لە لابردنی ئەم ھەموو بازگانەی نێوان شارەكان بكاتەوە و تەنها بازگەكانی نێوان ھەرێم و ناوەند مەحكەم بكات و چاودێری ئەمنی نێو شارەكان توندكرێن؟”.

ئەمە لەكاتێكدایە، كە ڕۆژی پێنج شەممە لە بازگەی سماقوڵی ڕێگری لە مەحمود سەنگاوی، ئەندامی مەكتەبی سیاسی یەكێتی كرا بچێتە هەولێر و دوابەدوای ئەوەش سەركردایەتی پارتی لە سلێمانی ڕایگەیاند، كە تەقە لە بارەگای لقی چوار كراوە و شەوی ڕابردووش تەقە لە 3 كۆمیتەی یەكێتی لە هەولێر كرا.

بەردەوام بە لە خوێندنەوە

کوردستان

پۆلیسی گەرمیان؛ دەست بەسەر كەرەستەی هەڵكەندنی بیری ئاودا گیرا

خەڵك – بەشی هەواڵ
بەڕێوەبەرایەتی پۆلیسی گەرمیان ڕایدەگەیەنێت، شەوی ڕابردوو دەستیان گرت بەسەر كەرەستەی هەڵكەندنی بیری ئاو كە بەزیادەڕەویی و نایاسایی سەرقاڵی هەڵكەندی بیری ئاو بوو.

بەڕێوەبەرایەتی پۆلیسی گەرمیان لە ڕاگەیەنراوێكدا، كە وێنەیەكی بۆ (خەڵك) نێراوە ڕایگەیاندووە، دوای وەرگرتنی زانیاری و چاودێری ورد پۆلیسی شارەوانییەكانی سەربە بەڕێوەبەرایەتیمان لەسنووری ناحیەی سەرقەڵا شەوی ڕابردوو دەستیان گرت بەسەر كەرەستەی هەڵكەندنی بیری ئاو كەبەزیادەڕەویی و نایاسایی سەرقاڵی هەڵكەندی بیری ئاو بوو .

ڕاشیگەیاندووە، بەردەوام چاودێری ئەو ناوچانە دەكەین، كە زیادەڕەوی تێیدا دەكرێت هەركەسێك بیری ئاو لێ بدات دەست بەسەركەرەستەكانیدا دەگیرێت و خۆشی ڕوبەڕوی یاسای دەكرێتەوە.

وێنەی ‏بەڕێوەبەرایەتی پۆلیسی گەرمیان‏.

وێنەی ‏بەڕێوەبەرایەتی پۆلیسی گەرمیان‏.وێنەی ‏بەڕێوەبەرایەتی پۆلیسی گەرمیان‏.وێنەی ‏بەڕێوەبەرایەتی پۆلیسی گەرمیان‏.

بەردەوام بە لە خوێندنەوە

کوردستان

لە ڕۆژهەڵاتی كوردستان 3 كچ خۆیان كوشت

خەڵك- بەشی هەواڵ
لە ماوەی ڕۆژانی ڕابردوودا سێ كچی لاو لە شارەكانی پیرانشار، نەغەدە و دێولان كۆتاییان بە ژیانی خۆیان هێناوە.

بەپێی ڕاپۆرتێكی ڕێكخراوی مافی مرۆڤی كوردستان، ئێوارەی ڕۆژی هەینی ٢٠ی ئەیلولی ٢٠١٩، كچێكی تەمەن ١٨ ساڵی خەڵكی نەغدە بە ناوی (س . ئا) بە هۆكارێكی نادیار لە شوێنی كارەكەی خۆی، كە (ئارایشگە)یە خۆی هەڵواسیوە و كۆتایی بە ژیانی خۆی هێناوە.

ڕاشیگەیاندووە، ڕۆژی پێنج شەممەی ڕابردوو، ژنێكی خەڵكی گوندی بڵوان ئاوای دێولان بە ناوی (دڵگەش محەمەدی) بە هۆی كێشەی خێزانییەوە كۆتایی بە ژیانی خۆی هێناوە.

هەر بەپێی ڕاپۆرتەكە، “كچێكی تەمەن ١٦ ساڵی خەڵكی گوندی شیناوێی پیرانشار بە ناوی (ڕۆژین مستەفاپوور) كە چەند ڕۆژێك لەمەوپێش خۆی هەڵواسیبوو، ئەمڕۆ گیانی لەدەستداوە”.

بەردەوام بە لە خوێندنەوە

کوردستان