ئێمە لە تۆرە کۆمەڵایەتیەکان

ئابوری

ئەمڕۆ ڕاپۆرتێك لەسەر موچەی فەرمانبەرانی هەرێم لە پەڕلەمانی عیراق دەخوێندرێتەوە

خەڵك- بەشی هەواڵ

بڕیارە ئەمڕۆ ڕاپۆرتێكی نوێ لەسەر موچەی فەرمانبەرانی هەرێمی كوردستان لە پەڕلەمانی عیراق بخوێندرێتەوە و ئەندامێكی لیژنەكەش دەڵێت”لە نێو پەڕلەماندا خەڵكانێك هەن دەیانەوێت موچەی فەرمانبەرانی هەرێم ببڕن، چونكە هەرێم پابەندنەبووە بە ناردنی نەوتەوە و ئەو پارەشی بۆ موچە دەنێردرێت دابەشی ناكات”.

جەمال كۆچەر، ئەندامی لیژنەی دارایی و ئابوری پەڕلەمانی عیراق بە (خەڵك)ی ڕاگەیاند، چەند فڕاكسیۆنی پەڕلەمانی عیراق لە نێویاندا، دەوڵەتی یاسا و ڕەوتی حیكمە و چەند پەڕلەمانتارێكی دیكە ناردنی موچەی فەرمانبەرانی هەرێم، بەبێ‌ ڕادەستكردنی نەوت ڕەتدەكەنەوە، بۆیە پەڕلەمانی عیراق داوای لە لیژنەی دارایی كرد لەگەڵ وەزارەتی دارایی و ئابوری ڕاپۆرتێكی تازە ئامادە بكەن و ڕونیبكەنەوە، بۆچی هەرێم پابەند نابێت؟ هەروەها ئەو پارەیەشی بۆ موچە دەنێرێت ناگاتە دەستی فەرمانبەران؟

جەمال كۆچەر وتیشی”ئەمڕۆ ڕاپۆرتەكەی لیژنەی دارایی و ئابوری دەخوێنرێتەوە، دەوڵەتی یاسا و ژمارەیەك كوتلەی دیكە ڕەخنەی ئەوە دەگرن، كە سەرباری ئەوەی هەرێم نەوتیش نانێرێت، ئەو پارەیەش دابەشناكات كە بەغدا بۆ فەرمانبەرانی هەرێمی كوردستانی دەنێرێت، بۆیە ئەوان سورن لەسەر ڕاگرتنی موچەی فەرمانبەران تا ئەو كاتەی موچە دەگاتە دەستی فەرمانبەرانی هەرێم”.

جەمال كۆچەر وتیشی”بۆچونێكی دیكەش لە ڕاپۆرتەكەی ئەمڕۆدا پێشنیازكراوە، كە ئەگەر حكومەتی هەرێم وەك ئێستا پابەندی دابەشكردنی موچە نەبێت، حكومەتی عیراق ڕاستەوخۆ لە ڕێگەی پارێزگارەكانەوە دابەشی دەكات، ئەوەش مەترسییە لەسەر قەوارەی سیاسی هەرێم، بەڵام ناچارن، چونكە پارەكە ناگاتە فەرمانبەران”.

حكومەتی عیراق مانگانە 453 ملیار دینار دەنێرێت بۆ فەرمانبەرانی هەرێمی كوردستان و لە ماوەی ڕابردوودا بە فەڕمی ڕایگەیاند، چوار موچەی ناردووە، بەڵام لە هەرێمی كوردستان تەنها دوو موچە دابەش كراوە.

پێشتر وەزیری دارایی و ئابوری هەرێم ڕایگەیاند، چوار موچەی بەغدایان وەرگرتووە، بەڵام موچەی مانگەكانی 12 و نیوەی 11ی ساڵی ڕابردوویان تەواو كردووە، لەكاتێكدا پارەكە بۆ ساڵی 2019 نێرابوو.

ئابوری

ڕێباز حەملان بڕیارێكی نوێی دەركرد

خەڵك- بەشی هەواڵ

ڕێباز حەملان، وەزیری دارایی و ئابووری حكومەتی هەرێمی كوردستان بڕیارێكی لەسەر كارتی ئەلكترۆنی بۆ پێدانی سوتەمەنی دەركرد.

بەپێی نوسراوێك كە واژۆی ناوبراوی لەسەرە، بریارێكی لەسەر كارتی‌ ئەلكترۆنی‌ سوتەمەنی‌ بۆ فەرمانگەكان دەركردووە و ڕایگەیاندووە، تا سیستمی كارتی ئەلیكترۆنی بۆ دەزگاكان دابین دەكرێت كار بە پسووڵەی سووتەمەنی بكرێت.

بەردەوام بە لە خوێندنەوە

ئابوری

لە هەولێر چوار شوێن بەهۆی پابەند نەبوون بە ڕێنماییەكان داخران

 

خەڵك-ئارام سەردار
لێژنەی پشكنین وچاودێری بازاڕ بەسەرپەرشتی قایمقامی ناوەندیی هەولێر، دوای ئەنجامدانی پشكنین و بەدواداچوون، لە هەولێر چوار شوێن بەهۆی پابەند نەبوون بە ڕێنماییەكانی داخست.

بەپێی ڕاگەیەنراوێكی قایمقامیەتی هەولێر كە وێنەیەكی بۆ (خەڵك) نێردراوە تێیدا هاتووە، لەڕێكەوتی٢٠۱۹/٦/١٨ ” لەلایەن لێژنەی پشكنینی قایمقامیەتی ناوەندیی هەولێر لە شەوی ڕابردوو، توانرا لە شەقامی شۆڕش و۱٠٠مەتری گەڕەكی ڕاپەرین پشكنین بۆ (۲٤) شوێن بكرێ، لە دوكانی مەیفرۆشتن و كافتریا و خواردنگە پێكهاتبوون.

لەڕاگەیەنراوەكەدا دەشڵێن، ” لەمیانەی پشكنینەكان سەرپێچیەكان تۆماركران چوار شوێن داخران بەهۆی سەرپێچی وپابەند نەبوون بەڕێنماییەكان (۲۰)شوێنیش هۆشداریان پێدرا”.

بەردەوام بە لە خوێندنەوە

ئابوری

شارەوانی هەولێر هۆشداری دەدات لەكڕین و فرۆشتنی زەوییەكانی قەرەبووی گوندی كۆریایی

خەڵك-ئارام سەردار

بەڕێوەبەری ڕاگەیاندنی سەرۆكایەتی شارەوانی هەولێر ئاشكرای دەكات، ئەوان بەهیچ شێوەیەك وەك شارەوانی كارتیان نەداوە بەم كەسانەی زەوییان وەك قەرەبوو لەبڕی گوندی كۆریایی وەرگرتووە، بۆیە مامەڵەكردن و كڕین و فرۆشتنی كارتی زەوی بەناوی زەوییەكانی گوندی كۆریایی كە بەگەڕەكی بەختەوەری ناسراوە، ساختەن و هیچ بەرپرسیارەتییەكیش هەڵناگرن.

كرمانج دەشتەكی بەڕێوەبەری ڕاگەیاندنی شارەوانیی هەولێر بۆ (خەڵك) ئاشكرای كرد، لەبەرامبەر تەواونەبوونی خانووەكانیان و هەروەها وەرگرتنەوەی زەوییەكان، بەبڕیاری نێچیرڤان بارزانی سەرۆكی پێشووی ئەنجوومەنی وەزیران بە زیاتر لە ٤ هەزار و ١٣٠ پارچە زەوی قەرەبووی ئەو كەسانەكرا كە هاوبەشی پڕۆژەی گوندی كۆریایی بوون.

دەشڵێت “ئێستاش دەبیسترێت لەبازاڕەكاندا كڕین و فرۆشتن بەجۆرە كارتێك دەكرێت گوایە كارتی زەوی قەرەبووی گوندی كۆریاییە لەسەر شەقامی ١٥٠ مەتری، بەڵام ساختەن و داوا لەهاووڵاتیان دەكەین مامەڵەی پێوە نەكەن، بەپێچەوانەوە وەزارەتی شارەوانی و شارەوانی هەولێر هیچ بەرپرسیارەتییەك هەڵناگرێت”.

بەڕێوەبەری ڕاگەیاندنی شارەوانیی هەولێـر، ڕەتیشیكردەوە كە ئەوان لەكاتی تیروپشكی زەوییەكان كارتیان بەخاوەن زەوییەكان دابێت، بەڵكو تەنها ژمارەیان بەخاوەنەكانیان داوە و هەركاتیكیش ڕێكارەكانیان تەواوببێت لەتاپۆ، تاپۆیان پێ دەدرێتەوە و بەزووترین كات.

بەردەوام بە لە خوێندنەوە

کوردستان