ئێمە لە تۆرە کۆمەڵایەتیەکان

کوردستان

(خەڵك) مەترسییەكانی یەكێتی لە یەكخستنەوەی هێزی پێشمەرگە ئاشكرا دەكات

خەڵك-سەعد مەلا عەبدوڵڵا گوڵپی

پەرلەمانتارێكی پێشووی یەكێتی لە لیژنەی پێشمەرگە لە پەڕلەمانی كوردستان ڕایدەگەیەنێت، پارتی دەیەوێت دەسەڵاتی سەربازیش لە هەرێم بۆ خۆی قۆرخ بكات.

یەكێك لە ئەركە سەختەكانی كابینەی داهاتووی حكومەتی هەرێم یەكخستنەوەی هێزەكانی پێشمەرگەیە و ئەمەش هەنگاوێكی نیشتمانییە، بەڵام جێبەجێكردنیشی ئەركێكی قورس و زەحمەتە.

قادر ڕەزگەیی ئەندامی پێشووی لیژنەی پێشمەرگە لە پەڕلەمانی كوردستان بە (خەڵك)ی ڕاگەیاند، پڕۆژەیەكی ئەمریكا و بەریتانیا و ئەڵمانیاییەكان هەیە كە لە 37 مادە پێكهاتووە بۆ یەكخستنەوەی هێزەكانی پیشمەرگە و حكومەت و لایەنەكانیش پشتگیری ناوەڕۆكەكەیان كردووە.
وتیشی”لە ئێستادا ئیرادەیی سیاسی نییە بۆ یەكخستنەوەی هێزی پێشمەرگە و دروستكردنی سوپایەك بە لەبەرچاوكردنی پێداویستییەكانی سوپاكە و ڕەچاوكردنی مافە داراییەكانی كۆی هێزی پێشمەرگە”.
ئاماژەی بۆ ئەوەش كرد، لەبەرنامەی كاری ئەم كابینەیە و لە وتاری بەرپرسەكانیشدا لە چەند ڕۆژی داهاتوودا بە دڵنییاییەوە تەئكید لە یەكخستنەوەی هێزی پێشمەرگە دەكرێتەوە، و ئێمەش تەئكیدی لێدەكەینەوە، بەڵام هەنگاوەكانی قورسن و ئەوەی بە مەترسی دەزانم لەم قۆناغەدا ئەوەیە فەرماندەی گشتی هێزی پێشمەرگەی كوردستان كە سەرۆكی هەرێمە بەر پارتی كەوتووە، سەرۆكی حكومەتیش هەر لە پشكی پارتییە، ئەمەش مەترسی ئەوەی لێدەكرێت كە چۆن قۆرخی دەسەڵاتی سیاسی و مامەڵەكردن‌و بەكارهێنانی داهات و سامانی سروشتی كراوە لە هەرێم، بەهەمان شێوە قۆرخی سەركردایەتیكردنی هێزی پێشمەرگە بكرێت لەلایەن پارتییەوە، ئەمەش مەترسیدارە.

ئاشكراشیكرد، یەكخستنەوەی پێشمەرگە پێویستە بە فۆڕمێكی سەربازی هاوچەرخ هەیە، بەشێوەیەك پێداویستییەكانی بۆ دابین بكرێت.

قادر ڕەزگەیی ڕاشیگەیاند، پێویستە هەر بەو واتایە نەبێت كە بوترێت هێزی پێشمەرگەمان لە چنگی دوو حزب دەرهێناو خستمانە ژێر دەستی حزبێك، واتە قیادەكردنی هێزی پێشمەرگە كەلایەن دوو پارتەوەیە یەكخستنەوەكەی واتای ئەوەی نەبێت بخرێتە چنگی یەك حزب و پێویستە بەرنامەیەكی بۆ دابنرێت كە ئەو مەترسییە نەهێڵێت كە هێزێكی سیاسی دەست بەسەر هێزە چەكدارەكاندا بگرێت.

کوردستان

بەرپرسێكی كۆمەڵ: كاتی ئەوە نەهاتووە بازگەكان لابرێن؟

خەڵك – بەشی هەواڵ
كارگێڕی ئەنجوومەنی سیاسی كۆمەڵی ئیسلامی كوردستان ڕایدەگەیەنێت، ڕووداوی ڕێگرتن لە بەرپرسان لە بازگەكان بە دواییدا تەقەكردن لە بارەگاكانی هەردوولا دڵەڕاوكێ و مەترسی گەورەبوونی ناكۆكیەكان لای هاووڵاتیان دروست دەبێت، دەشڵێت: “كاتی ئەوە نەهاتووە سەرۆكایەتی حكومەت بیر لە لابردنی ئەم هەموو بازگانەی نێوان شارەكان بكاتەوە؟”.

محەمەد حەكیم، كارگێڕی ئەنجوومەنی سیاسی كۆمەڵی ئیسلامی كوردستان لە هەژماری تایبەتی خۆی لە فەیسبووك ڕایگەیاندووە، ڕووداوی ڕێگرتن لە بەرپرسان لە بازگەكان، كە ئۆتۆماتیكی بە دواییدا تەقەكردن لە بارەگاكانی هەردوولا دێت و دواتر دەبێتە دڵەڕاوكێ و مەترسی گەورەبوونی ناكۆكیەكان لای هاووڵاتیان.

ئەو بەرپرسەی كۆمەڵ دەشپرسێت، “كاتی ئەوە نەهاتووە، سەرۆكایەتی حكومەت بیر لە لابردنی ئەم ھەموو بازگانەی نێوان شارەكان بكاتەوە و تەنها بازگەكانی نێوان ھەرێم و ناوەند مەحكەم بكات و چاودێری ئەمنی نێو شارەكان توندكرێن؟”.

ئەمە لەكاتێكدایە، كە ڕۆژی پێنج شەممە لە بازگەی سماقوڵی ڕێگری لە مەحمود سەنگاوی، ئەندامی مەكتەبی سیاسی یەكێتی كرا بچێتە هەولێر و دوابەدوای ئەوەش سەركردایەتی پارتی لە سلێمانی ڕایگەیاند، كە تەقە لە بارەگای لقی چوار كراوە و شەوی ڕابردووش تەقە لە 3 كۆمیتەی یەكێتی لە هەولێر كرا.

بەردەوام بە لە خوێندنەوە

کوردستان

پۆلیسی گەرمیان؛ دەست بەسەر كەرەستەی هەڵكەندنی بیری ئاودا گیرا

خەڵك – بەشی هەواڵ
بەڕێوەبەرایەتی پۆلیسی گەرمیان ڕایدەگەیەنێت، شەوی ڕابردوو دەستیان گرت بەسەر كەرەستەی هەڵكەندنی بیری ئاو كە بەزیادەڕەویی و نایاسایی سەرقاڵی هەڵكەندی بیری ئاو بوو.

بەڕێوەبەرایەتی پۆلیسی گەرمیان لە ڕاگەیەنراوێكدا، كە وێنەیەكی بۆ (خەڵك) نێراوە ڕایگەیاندووە، دوای وەرگرتنی زانیاری و چاودێری ورد پۆلیسی شارەوانییەكانی سەربە بەڕێوەبەرایەتیمان لەسنووری ناحیەی سەرقەڵا شەوی ڕابردوو دەستیان گرت بەسەر كەرەستەی هەڵكەندنی بیری ئاو كەبەزیادەڕەویی و نایاسایی سەرقاڵی هەڵكەندی بیری ئاو بوو .

ڕاشیگەیاندووە، بەردەوام چاودێری ئەو ناوچانە دەكەین، كە زیادەڕەوی تێیدا دەكرێت هەركەسێك بیری ئاو لێ بدات دەست بەسەركەرەستەكانیدا دەگیرێت و خۆشی ڕوبەڕوی یاسای دەكرێتەوە.

وێنەی ‏بەڕێوەبەرایەتی پۆلیسی گەرمیان‏.

وێنەی ‏بەڕێوەبەرایەتی پۆلیسی گەرمیان‏.وێنەی ‏بەڕێوەبەرایەتی پۆلیسی گەرمیان‏.وێنەی ‏بەڕێوەبەرایەتی پۆلیسی گەرمیان‏.

بەردەوام بە لە خوێندنەوە

کوردستان

لە ڕۆژهەڵاتی كوردستان 3 كچ خۆیان كوشت

خەڵك- بەشی هەواڵ
لە ماوەی ڕۆژانی ڕابردوودا سێ كچی لاو لە شارەكانی پیرانشار، نەغەدە و دێولان كۆتاییان بە ژیانی خۆیان هێناوە.

بەپێی ڕاپۆرتێكی ڕێكخراوی مافی مرۆڤی كوردستان، ئێوارەی ڕۆژی هەینی ٢٠ی ئەیلولی ٢٠١٩، كچێكی تەمەن ١٨ ساڵی خەڵكی نەغدە بە ناوی (س . ئا) بە هۆكارێكی نادیار لە شوێنی كارەكەی خۆی، كە (ئارایشگە)یە خۆی هەڵواسیوە و كۆتایی بە ژیانی خۆی هێناوە.

ڕاشیگەیاندووە، ڕۆژی پێنج شەممەی ڕابردوو، ژنێكی خەڵكی گوندی بڵوان ئاوای دێولان بە ناوی (دڵگەش محەمەدی) بە هۆی كێشەی خێزانییەوە كۆتایی بە ژیانی خۆی هێناوە.

هەر بەپێی ڕاپۆرتەكە، “كچێكی تەمەن ١٦ ساڵی خەڵكی گوندی شیناوێی پیرانشار بە ناوی (ڕۆژین مستەفاپوور) كە چەند ڕۆژێك لەمەوپێش خۆی هەڵواسیبوو، ئەمڕۆ گیانی لەدەستداوە”.

بەردەوام بە لە خوێندنەوە

کوردستان