ئێمە لە تۆرە کۆمەڵایەتیەکان

تەندروستی

پزیشکێک نامەیەکی توند ئاراستەی ھەموو پزیشکەکان دەکات

خێزان

پزیشکێک نامەیەکی توند ئاراستەی ھەموو پزیشکەکان دەکات ، و دەڵێت، نامەیەک (بۆ ھەموو پزیشکێک کەلەم جۆرەن ) نەک بە گشتی :

١- دەزانیت ئەوە ناپاکی و خیانەتە پزیشک نەخۆشەکەی خۆی بفرۆشێت بە کۆمپانیاکانی دەرمان کە ( دیاری ، پارە ، ڕۆشتن بۆ دەرەوەی ووڵاتی .. گەشت کردن بۆ ڕابواردن …ھتد ) پێ ئەبەخشن ، تەنھا لەبەرئەوەی دەرمانی ئەو کۆمپانیایە بنووسیت یان ئەویتر ، بە مەرجێک بێگومانیت لەوەی جۆرێکی باشتر ھەیە و بەنرخێکی ھەرزانتریشە بەڵام ھی کۆمپانیایەکە کە ئۆفەری نیە …
٢- دەزانیت ناپاکی و خیانەتە بەرامبەر نەخۆشەکانت کە دەیان فرۆشیت بە تاقیگەکان و شوێنی ئەشیعەو موختەبەرەکان کە گرانجانن بە بۆنەی ئەوەی تەنیا متمانەت بەو تاقیگەیە یان ئەو ئەشیعەیە ھەیە ، لەڕاستیشدا تەنیا لەبەر ئەوەیە ڕێژەت دەدەنێ ، تۆزێک بەویژدان بە ، با نەخۆشەکەت ئازاد بێت لەکوێ پشکنین دەکات یان ئەشیعە دەگرێت …
لەوەش خراپتر ئەوەیە کە کاتێک پێویستی بەپشکنینی زیادە نیە و پێویست بە ئەشعە ناکات تۆ ھەموو پشکنینەکانی کەی وەلاوە دەنێت و دەڵێت دەبێت پشکنین و ئەشعەی تازە بکەیت …

٣- دەزانیت ناپاکی و خیانەتە کە نەخۆشەکەت لەکاتی منداڵ بووندا پێویستی بەنەشتەرگەری نیە و دەتوانێت بە سروشتی بیبێت کەچی تۆ تەنھا لەبەر پارەی نەخۆشخانەی ئەھلی پێی دەڵێت دەبێت نەشتەرگەری بکەیت …

٤- دەزانیت خیانەتە وەستانی نەشتەرگەری لەنەخۆشخانە حکومیەکاندا ( ھەرچەندە بە داخەوە لای ئێمە ھەندێ جار دەسەڵاتی پزیشکی تیا نیە ) تەنیا بۆ ئەوەی نەخۆش لە نەخۆشخانە ئەھلیەکاندا زیاد بکات و نرخێکی خەیاڵی دابنێت لەسەریان کە پشتی نەخۆش دەشکێنێت ، دەزانیت ھەندێک نەخۆش ناچارن چیان ھەیە بیفرۆشن بەکەمترین نرخ ، شکۆیان بشکێنن ، قەرز بکەن تەنیا بۆ ئەوەی ئەوە پارەیە دابین کەن کە تۆ داوا ئەکەیت …
٥- پزیشکی بەڕێز دەزانیت خیانەتە کەلەنەخۆشخانەیەکی ئەھلیدا مناڵێکی تازەلە دایک بوو پێویستی بە ( خدج) نەبێت و بەڵام تۆ ھەر بینێریت تەنیا لەبەر پارە ..

٦- دەزانیت چاوبرسێتی و ناپاکی یە لەگەڵ نەخۆش کە دەیبەتە نەخۆشخانەیەک پێشەکی دەزانیت پێداویستیەکانی ئەوی لێ نیە ، دەیھێڵیتەوەو کۆڵێک پارەی پێ سەرف ئەکەیت لە دوایدا پێی دەڵێت داوای لێبوردن دەکەم دەبێت بگوێزرێتەوە بۆ نەخۆشخانەیەکی تر ، بەمەرجێک لە سەرەتاوە دەتزانی ئەو نەخۆشخانەیە نەگونجاوە …
٧- دەزانیت چاوچنۆکی وناپاکی یە نرخی خەیاڵی دابنرێت بۆ ئەو ئۆتۆمبیلی فریاکەوتنانەی دێن ونەخۆش دەگوازنەوە لە حاڵەتە نەخوازراوەکاندا کەپێویست دەکات بە زووترین کات بگوازرێنەوە …
٨- کارمەندی تەندروستی ئازیز ، پەرستیاری بەڕێز ، کارمەندی تاقیگە ، شۆفێری ئۆتۆمبێلی فریاکەوتن دەزانیت ناپاکی یە لە کارە مرۆڤایەتیەکەت کە وەسفی دکتۆرێک دەکەیت و نەخۆش دەنێریت بۆ لای تەنیا لەبەر ئەوەی بڕیاری داوە ڕێژەیەکت بداتێ و لەناخیشتدا دەزانیت تەنیا بازرگانەو پزیشک نی یە ….
پرسیارەکە ئێستا ئەوەیە ؟؟؟؟؟
– ئایە ئێمە زانستی پزیشکی دەخوێنین بۆ ئەوەی لە بواری پزیشکیدا پێش بکەوین و خزمەتی نەخۆشەکانمان بکەین ، یاخود بۆ ئەوەی سواری کۆڵی خەڵک بین و بیان چەوسێنینەوە …؟!!!
– ئایە تۆ پزیشکیت فێری مرۆڤایەتی و میھرەبانی بوویت ، یاخود فرۆشیاریت تەنیا بۆ قازانج ھەوڵ دەدەیت بە چاوچنۆکی و چاوبرسێتی یەوە و نەخۆشەکەت دەفرۆشیت بەرامبەر قازانجێکی زیاتر ؟!!
…..ھتد و زۆر شتی تر کەبوار نیە بیڵێم …
ھاوڕێیان ، برادەران ..
پزیشکبوون پەیامێکی زۆر بەرزە ،کارێکی مرۆڤانەیە کەھەموو کەس بۆی ناگونجێت بیکات ..
پزیشکبوون پابەندبوون و ئیلتزامێکی ئەخلاقییە کە بنەما و ڕوڵی خۆی ھەیە کەنەنوسراوە پێویستە پزیشکەکان لە دڵیاندا ھەڵیگرن نەک لە گیرفانیان …
سڵاوێکی گەرم بۆ ئەو پزیشکە شەرەفمەندانەی کەخاوەنی ویژدانێکی بەخەبەرن لەھەر کوێیەکی دنیادا بن …کەناتوانین پاداشتی ماندووبونیان بدەینەوە بەسوپاس و پیاھەڵدان ، بەڵام پاداشتیان لای خوای گەورەو میھرەبانەو لە ڕۆژی دواییدایە ، بە ھەموو ماڵی دونیا ناتوانرێت ھەڵبسەنگێنرێت ..
بەڕێزان ویژدانی خۆت تەنیا بەرپرسی ئەخلاقی و چاودێریکەری گەورەی تۆیە ، تەنیا بەویژدانت دا بچۆرەوە بۆ جارێک ، لەبەرئەوەی تەنیا کلیلی خۆشبەختی ویژدانێکی ئاسودەیە …
من ویژدانی مرۆڤایەتی ھەموو پزیشکێک دەدوێنم لەم ووڵاتە خۆشەویستەم دا …
دوای ئەوەی ئەم گەندەڵکاری و خاڵە نەگەتیڤانە بوونەتە ھۆی سەرگەردان بوون و مردن و شێواندنی ژیانی چەندەھا ھاوڵاتی کەمدەست و کەم دەرامەت ..
بەبێ ھیچ ترسێک لەویژدان ، لەخوای گەورە ، یاخود تەنیا میھرەبانی ..
# تکایە شەیری کەن با بگاتە دەست ھەموو پزیشکێک ، ھەموو کۆمپانیاکانی دەرمان ، بازرگانەکانی دەرمان ، خاوەنی نەخۆشخانە ئەھلیەکان و تاقیگەکان ..
# وەڕگێڕاوە لە عەرەبی یەوە بە دەستکاریەوە بەپێ کۆمەڵگای خۆمان …

د. ھەڤین کمال شاە محەمەد …

ریکلام

تەندروستی

چەند خواردنێک کە زیانی زۆری بۆ ددانەکانت هەیە و پێویستە کەمی بکەیتەوە

خێزان

ئەمەی خوارەوە چەند خواردنێکە کە زیانی زۆری بۆ ددانەکانت هەیە و پێویستە کەمی بکەیتەوە:

 

-شەکر و شیرینی یەکێکە لەو خواردنانەی زیانی زۆری بۆ ددان هەیە، چونکە بەکتریاکانی ناو ددان زۆر زیاد دەکات

-کرۆشاندنی سەهۆڵ یەکێکە لە کارە مەترسیدارەکان بۆ ددانت، کە دەبێتە هۆی درز و برینداربوونی

– خواردنی ئەو خواردەمەنیانەی کە بەددانەوە دەمێننەوە و پیویستیان بە جوینە بەهەمان شێوە زیانی بۆ ددان هەیە

-زۆر خواردنەوەی چاو قاوە یەکێکی دیکەیە لە خواردنەوە مەترسیدارەکان چونکە ددان زەرد دەکەن.

– خواردنەوە کحولیەکان و جگەرە دوو دووژمنی سەرەکی ددانەکانتن.

– زۆر خواردنی میوە ترشەکان بەهەمان شێوە بۆ ددان مەترسیدارە، چونکە ترشەڵۆکەکان ددانەکە لاواز دەکەن.

 

بەردەوام بە لە خوێندنەوە

تەندروستی

چەند نیشانەیەکی پێشوەختە کە دەری دەخات منداڵەکەت خەریکە بخنکێت و پێویستە فریای کەویت

خێزان

ئەمەی خوارەوە چەند نیشانەیەکی پێشوەختە کە دەری دەخات منداڵەکەت خەریکە بخنکێت و پێویستە فریای کەویت:

 

-بە قورسی دەیەوێت سەر بهێنێتە دەرەوە بۆ ئەوەی هەناسە بدات یاخود قسەیەک بکات

-شێوەی جوڵانی قۆڵەکانی هێمایەکی دیکەیە، کە کەسێک کە خەریکە دەخنکێت هاوسەنگی لەدەستدەدات و قۆڵەکانی زۆر بە ناڕێکی و شپرزەیی دەجوڵێنیت.

-کەسی نوقوم بوو جەستەی بەشێوەی ستونی لەسەر ئاوەکە دەبێت

-چەند نیشانەیەکی دیکە وەک داخستنی چاو و شەپەشەپ کردن و هاتنەخوارەوەی قژ بۆ سەرچاوی و هەوڵدان بۆ گەیشتن بە وشکانی

 

لەکاتی ئاوقتدانی زۆر پێویستە چی بکەیت؟

 

پێویستە خێرا منداڵەکە دەربهێنیت لە ئاوەکە و هەناسەدانی بپشکنیت، گەر زانیت ناتوانێت هەناسە بدات، ئەوا پێویستە CPRی بۆ بکەیت، دواتریش پێویستە بیبەیتە نەخۆشخانە بۆ چارەسەر.

 

بەردەوام بە لە خوێندنەوە

تەندروستی

٨ نیشانەی شێرپەنجەی ( ملی مناڵدان) کە پێویستە خانمان زانیاریان لەسەری هەبێت

خێزان

 ملی مناڵدان بەشێکی تەشی ئاسایە لە منداڵدانی خانماندا و  کرژ بوونەوەی ئەم ماسوولکانە لە کاتی زاندا دەبێتە هۆی ژان گرتن و لەدایک بوونی مناڵ.

ئەمەی خوارەوە کۆمەڵێک نیشانەی شێرپەنجەی ( ملی مناڵدان)ە کە پێویستە خانمان زانیاریان لەسەری هەبێت:

 

-بونی خوێن لەکاتی ئەنجامدانی سێکسدا

-بوونی ئازار و خوێنی زۆر لەکاتی سووڕی مانگانە لەکاتێکدا پێشتر بەوجۆرە نەبووە

-بونی خوێن لەپاش تەمەنی بێهیوایی و لە زک چونەوە

– بونی خوێن لەکاتێکدا کە کاتی سوڕی مانگانەش نییە

– بونی ئازار لە ناوچەی حەوز و کەلەکە

– درێژبونەوەی نائاسای ماوەی سوڕی مانگانە لەکاتێکدا پێشتر بەوجۆرە نەبووە

– نائاسایی بوونی دەردراوی زێ و هەوکردنی زۆر و بونی ڕەنگی جیاوازی خوێن و دەردراو

– چێژ وەرنەگرتن لە سێکس و بونی ئازاری زۆر

بەردەوام بە لە خوێندنەوە

کوردستان