ئێمە لە تۆرە کۆمەڵایەتیەکان

کوردستان

” سلێمانی پێویستی بەدروستكردنی‌ ٢٠٠ خوێندنگەی‌ تر هەیە”

خەڵك – بەشی هەواڵ

بەڕێوەبەری پلاندانانی پەروەردەی گشتی‌ سلێمانی هۆكارەكانی‌ كێشەی‌ دوو دەوامی‌ لەخوێندنگەكان ئاشكرادەكات و چارەسەرەكەشی‌ دەخاتەڕوو، هاوكات ڕاشیدەگەیەنێت، “وەزارەتی پەروەردە هیچ بەرنامەیەكی بۆ دروستكردنی خوێندنگە نییە”.

خۆگر خالید ئیسماعیل بەڕێوەبەری پلاندانان لە بەڕێوەبەرایەتی گشتی پەروەردەی سلێمانی بە (تۆڕی میدیایی خەڵك)ی ڕاگەیاند،” لەسنوری بەڕێوەبەرایەتی گشتیی پەروەردەی سلێمانی هەزار و 736 خوێندنگەی بنەڕەتی و ئامادەیی هەیە و ٤٦٩ هەزار و ٧٦٥ خوێندكار هەیە و 39 هەزار و سێ‌ مامۆستاشمان هەیە”.

بەڕێوەبەری پلاندانان لەبەڕێوەبەرایەتی گشتی پەروەردەی سلێمانی ئاماژەی بەوەشدا،”لەكۆی سەرجەم خوێندنگەكانی سنوری بەڕێوەبەرایەتی گشتیی پەروەردەی سلێمانی نزیكەی ٤٠٠ خوێندنگە پێویستی بەنۆژەنكردنەوە هەیە، بۆ ئەوەی‌ كە دوو دەوامیش لەخوێندنگەكاندا نەمێنێت، پەروەردەی گشتیی سلێمانی پێویستی بەدروستكردنی‌ ٢٠٠ خوێندنگەی‌ تر هەیە”.

خۆگر خالید ئاشكراشیكرد،بانكی نێودەوڵەتی بڕیاریداوە بۆ ساڵی داهاتووی خوێندن ١٠ خوێندنگە دروستبكات و ١٠ خوێندنگەی تریش نۆژەنبكاتەوە، جگەلەمەش وەزارەتی پەروەردە بۆ ساڵی داهاتوو بودجەی پێویستی بۆ نۆژەنكردنەوەی خوێندنگەكان هەیە، بەڵام هیچ بەرنامەیەكی بۆ دروستكردنی خوێندنگە نییە”.

کوردستان

پۆلیسی هەولێر دەستگیركردنی تۆمەتبارێكی هەڵاتووی ڕاگەیاند

خەڵك – بەشی هەواڵ

بەڕێوەبەرایەتی پۆلیسی هەولێر ڕایدەگەیەنێت، دوای هەڵاتنی تۆمەتبارێك لە كەركوكەوە بۆ هەولێر توانیویانە دەستگیری بكەن و ڕادەستی پۆلیسی ئەو پارێزگایەی بكەنەوە.

بەڕێوەبەرایەتی پۆلیسی هەولێر لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردەوە، دوای هەڵاتنی تۆمەتبارێك لە پارێزگای كەركوك، كە بۆ ماوەی 15 ساڵ سزای زیندانی بۆ بڕابووەوە بەپێی ماددەكانی (٤٥٦، ٤٤۳، ۲٦۷)، ڕایكردبوو بۆ سنوری پارێزگای هەولێر، ئەمڕۆ یەكشەممە 18/8/2019 لەلایەن هێزەكانی بەڕێوەبەرایەتییەكەیانەوە تۆمەتبار دەستگیر كراوە.

ئاماژە بەوەشدراوە، دوای ئاگاداركردنەوەی پۆلیسی هەولێر لە ڕاكردنی ئەم تۆمەتبارە، تیمێك لە بەڕێوەبەرایەتی پۆلیسی هەولێر بەسەرپەرشتی (مقەدەم/ سالار ساڵح ئەحمەد) توانیویانە تۆمەتبارەكە دەستگیر بكەن و دواتر ڕادەستی پۆلیسی پارێزگای كەركوك بكەنەوە و نێردراوەتەوە بۆ پارێزگای كەركوك.

بەردەوام بە لە خوێندنەوە

کوردستان

وێنە.. لە گەرمیان ڕووداوێكی هاتوچۆ 3 برینداری لێكەوتەوە

خەڵك – بەشی هەواڵ

پۆلیسی هاتوچۆی گەرمیان ڕایدەگەیەنێت، بەهۆی نەبوونی مەرجەكانی توندوتۆڵی و دڵنیایی ئۆتۆمبێلێك لەسەر ڕێگای كەلار – دەربەندیخان وەرگەڕا و بەهۆیەوە سێ كەس برینداربوون.

ڕاگەیاندنی پۆلیسی هاتوچۆی گەرمیان لە لاپەڕەی فەڕمی خۆی لە تۆڕی كۆمەڵایەتی فەیسبوك بڵاویكردووەتەوە، كاتژمێر (4:00)ی پاش نێوەڕۆی ئەمڕۆ یەكشەممە 18/8/2019 ڕووداوێكی هاتوچۆ لەسەر ڕێگای كەلار – دەربەندیخان لەنزیك گوندی پارێوڵەی بچووك ڕوویداوە.

پۆلیسی هاتوچۆی گەرمیان ڕوونیشیكردووەتەوە، ڕووداوەكە 3 برینداری لێكەوتووەتەوە و بەهۆی سەختی برینی یەكێك لە بریندارەكان ڕەوانەی نەخۆشخانەی فریاكەوتنی سلێمانی كراوە.

پۆلیسی هاتوچۆی گەرمیان هۆكاری ڕووداوەكەشی ئاشكرا كردووە و ڕایگەیاندوە، بەهۆی نەبوونی مەرجەكانی توندوتۆڵی و دڵنیایی ئۆتۆمبێلی جۆری (هیوندای – مینی پاس) لەكاتی ڕۆیشتن ئەكسڵی تێكچووە و كۆنتڕۆڵی لەدەستداوە و وەرگەڕاوە.

بەردەوام بە لە خوێندنەوە

کوردستان

سەرۆكایەتی هەرێم: جموجوڵی تیرۆریستانی داعش هەڕەشە و مەترسیی ڕاستەقینەن

خەڵك – بەشی هەواڵ

سەرۆكایەتی هەرێمی كوردستان لە ڕاگەیەندراوێكدا بە توندی سەركۆنەی ئەو هێرشە تیرۆربستییە دەكات كە تیرۆریستانی داعش ئەمڕۆ یەكشەممە 18/8/2019 لە قامیشلۆ‌ ئەنجامیاندا و زیانی گیانی و ماددی لێكەوتەوە، هەروەها لە حەسەكەش مینێك بە ئۆمبێلێكدا تەقێندراوەتەوە و كەسێك بریندار بووە.

سەرۆكایەتی هەرێمی كوردستان لە ڕاگەیەندراوەكەدا، پرسە و سەرەخۆشی لە كەسوكاری قوربانییان دەكات و هاوخەمی بۆیان دەربڕیوە، هیوای زووچاكبوونەوەشی بۆ برینداران و بەركەوتووان خواستووە.

سەرۆكایەتی هەرێمی كوردستان لە ڕاگەیەندراوەكەدا ئەوەشیخستووەتەڕوو، سەرهەڵدانەوەی جموجوڵی تیرۆریستانی داعش و كارە تیرۆرستییەكانیان لە ناوچەكە، هەڕەشە و مەترسیی ڕاستەقینەن و لەسەر ئاستی وڵاتانی ناوچەكە و نێودەوڵەتیش پێویستی بە هاوكاری و هەماهەنگیی زیاتر و كاری جددیترە بۆ ڕووبەڕووبوونەوە و لەناوبردنیان.

بەردەوام بە لە خوێندنەوە

کوردستان