ئێمە لە تۆرە کۆمەڵایەتیەکان

ئابوری

سەرۆكی لیژنەی وزەی پەڕلەمانی عیراق بۆ (خەڵك): قەیرانی كارەبا كۆتایی دێت

خەڵك- ئیدریس جەبار
سەرۆكی لیژنەی نەوت و وزە و سامانە سروشتییەكان لە پەڕلەمانی عیراق دەڵێت، لە هاوینی ساڵی 2020، قەیرانی كارەبا لە عیراقدا كۆتایی دێت، بەشێك لە هۆكاری كۆتایی هاتنی قەیرانی كارەباش لە عیراق بۆ ئەو گرێبەستانە دەگێڕێتەوە، كە عادل عەبدولمەهدی، سەرۆك وەزیران لەگەڵ كۆمپانیاكانی ئەڵمانیا و ئەمریكا لەم ماوەیەی دواییدا بەستی.

هەیبەت حەلبوسی، سەرۆكی لیژنەی نەوت و وزە و سامانە سروشتییەكان لە پەڕلەمانی عیراق لە لێدوانێكی تایبەت بە (خەڵك) ڕایگەیاند، “لەئێستادا توانی بەرهەمهێنانی وزەی كارەبا لەلایەن وەزارەتی نەوتەوە گەیشتۆتە 18 هەزار مێگاوات، بەكارهێنانەكەش هەر 18 هەزار مێگاواتە و دەستكراوە بە دابەشكردنی”.

سەبارەت بە كۆتایی هاتنی كێشەی كارەبا، هەیبەتی حەلبوسی وتی، “لەو بڕوایەدام لە ساڵی داهاتوو یان كۆتایی ساڵی داهاتوو قەیرانی كارەبا لە عیراق كۆتایی بێت، چونكە وێستگەكان لەلایەن وەزارەتی كارەباوە لەمساڵ و لە ساڵی داهاتوودا دەخرێنەگەڕ، لەماوەی سەردانەكەی عادل عەبدولمەهدی، سەرۆك وەزیرانیش بۆ ئەڵمانیا و ئیمزاكردنی چەند گرێبەستێك لەگەڵ كۆمپانیای سیمنسی و (جی) ئەمریكایی، كۆتایی بە كێشەی بەرهەمهێنانی وزەی كارەبا دەهێنێت لە وڵاتدا”.

بە وتەی حەلبوسی، “گواستنەوە و دابەشكردنی كارەبا، كێشەیەكی گەورەی تێدایە بە تایبەت لە پارێزگا زیانلێكەوتووەكان، كە تۆڕەكانی كارەبا تێیاندا بە تەواوەتی خاپوربووە، بۆ ئەو مەبەستەش بڕێك پارە بۆ چاككردنەوەی ئەو تۆڕانە لە بودجەی گشتیدا تەرخانكراوە و هەردوو كۆمپانیای سیمنس و جی ئەركی چاككردنەوەیان لەئەستۆ دەگرن”.

سەبارەت بەو گرێبەستانەی عەبدولمەهدیش لەگەڵ سیمنس و كۆمپانیای (جی) ئەمریكادا ئیمزای كردوون، سەرۆكی لیژنەی نەوت و وزە و سامانە سروشتییەكان لە پەڕلەمانی عیراق، پێیوایە،” ئەو گرێبەستانە بەشێكی زۆر لە كێشەی كارەبا لە عیراقدا چارەسەر دەكەن، بەڵام لە چەند ڕۆژی داهاتوودا گرێبەستێك لەگەڵ كوێت ئیمزا دەكرێت بۆ بەستنەوەی تۆڕی كارەبای عیراق بە وڵاتانی كەنداوەوە، كە بڕی 500 مێگاوات كارەبا بۆ عیراق دابین دەكات، لەڕێی هێڵی 400وە، كە ڕادەكێشرێت سەبارەت بە پارێزگەكانی خۆرئاواش، لە عەممانی پایتەختی ئەردنەوە، 100 مێگاوات كارەبا بۆ پارێزگەی ئەنبار دابین دەكرێت”.

هەیبەت حەلبوسی، گەشبینی خۆی خستەڕوو سەبارەت بە كۆتایی هاتنی تەواوەتی قەیرانی كارەبا لە عیراق و لەو ڕووەوە هەوڵەكانی لیژنەی نەوت و وزە و سامانە سروشتییەكانی پەڕلەمان و وەزارەتی نەوت و كارەبای بەرزنرخاند.

ئابوری

پەروەردە سەبارەت بە دامەزراندنی مامۆستای وانەبێژی بڕیارێك دەردەكات

خەڵك- بەشی هەواڵ
بەڕێوەبەرێتی پەروەردەی شارباژێڕ سەبارەت بە دامەزراندنی مامۆستای وانەبێژ بۆ ساڵی نوێی خوێندن بڕیار دەدات مامۆستاكانی ساڵی ڕابردوو دابنێتەوە.

پشتیوان تاڵب، وتەبێژی بەڕێوەبەرێتی پەروەردەی شارباژێڕ بۆ (خەڵك) ئاماژەی بەوەكرد، سەرجەم مامۆستایانی وانەبێژ ئەوەی لە قۆناغی ئامادەیی ساڵی ڕابردوو (2018- 2019) لە سنوری پەروەردەكەمان وانەبێژ بوون سبەینێ‌ یەك شەممە لە بەشی خۆیەتی و میلاك لە پەروەردەی شارباژێڕ ئامادەبن.

ڕاشیگەیاند، كە ئەو مامۆستا وانەبێژانە دەبێت وانەبێژییان بۆ ساڵی نوێی خوێندنی (2019 – 2020) تازە بكەنەوە.

ئاشكراشی كرد، كە پێویستە ئەو مامۆستایانە پێداویستیەكانی (ڕەگەزنامە و پێناسی باری شارستانی یان (كارتی نیشتمانی)، پشتگیری خوێندنگە، دوو وێنەی كەسێتی) لەگەڵ خۆیتان بهێنن.

وەك وتەبێژی پەروەردەی شارباژێڕ ڕوونی كردەوە، هەر مامۆستایەكی وانەبێژ پرسیاری هەیە پەیوەندی بكات بە كاك ئامانج، لێپرسراوی خۆیەتی و میلاك بە ژمارە تەلەفۆنی (0773 552 5520).

بەردەوام بە لە خوێندنەوە

ئابوری

كوێستان محەمەد مەرجی پێدانی مووچەی كابانی ماڵ ئاشكرادەكات

خەڵك – بەشی هەواڵ
وەزیری كار و كاروباری كۆمەڵایەتی حكومەتی هەرێم ڕایدەگەیەنێت، كۆمەڵێك پڕۆژە یاسامان لە كارنامەی وەزارەت دارشتووە، كە سوودی بۆ هاووڵاتیان و كەمئەندامان و توێژەكان دەبێت، دەشڵێت: “پێدانی مووچەی كابانی ماڵ بە هەڵە لێكدانەوەی بۆ كرا”.

كوێستان محەمەد، وەزیری كار و كاروباری كۆمەڵایەتی حكومەتی هەرێم بە (خەڵك)ی ڕاگەیاند، لە كابینەی نۆیەم لایەنەكانی بەشدار لە حكومەت بە كۆمەڵێك كارنامە و پڕۆژەوە بەشداری حكومەتیان كردووە.

وتیشی، “ئێمە كۆمەڵێك پڕۆژەی باش لە كارنامەكەماندایە، كە سوودی زۆری بۆ هاووڵاتیان و كەمئەندامان و چین و توێژەكان هەیە، بەڵام دەبێت لە ئەنجوومەنی وەزیران پەسەند بكرێت ئەوجا باسی دەكەین، چونكە هێشتا كارنامەی كاری چوار ساڵی وەزارەت نەبراوەتە ئەنجوومەنی وەزیران”.

ڕاشیگەیاند، لەماوەی ڕابردوودا باس كردن لە پێدانی مووچەی كابانی ماڵ بە هەڵە لە میدیاكانەوە لێكدانەوەی بۆ كرا، ئێمە ئەوەمان وت، كە ئەوە پڕۆژەیە كارنامەی بزووتنەوەی گۆڕان بووە بۆ حكومەت، بۆیە ئەگەر ئەنجوومەنی وەزیران پەسەندی بكات، دەخرێتە بواری جێبەجێ كردنەوە.

بەردەوام بە لە خوێندنەوە

ئابوری

چایخانەیەك لەسلێمانی داخرا

خەڵك- بەشی هەواڵ
بەڕێوەبەرایەتی چاودێری تەندروستی سلێمانی ئاشكرای دەكات، كە چایخانەیەك لە ناوچەی پیشەسازی لەسەر نەبوونی مۆڵەت و پابەند نەبوونی بەڕێنماییەكانەوە داخراوە.

بەڕێوەبەرایەتی چاودێری تەندروستی سلێمانی لە ڕاگەیەندراوێكدا، كە وێنەی داوە بە (خەڵك) ئاماژەی بەوەكردووە، تیمەكانی چاودێری مەڵبەندی تەندروستی (د.ابراهیم عباس ) لە ڕزگاری بەهۆی پابەند نەبوون بەمەرج و ڕێنماییە تەندروستەكان و نەبوونی مۆڵەت نامەی تەندروستی بڕیار لەسەر داخستنی چایخانەیەك لەناوچەی پیشەسازی دەدەن و لەلایەن لیژنە داخستن و بنكەی پۆلیسی نەخۆشخانە داخرا.

ڕاشیگەیاندووە، تاكو ڕێنماییە تەندروستیەكان جێبەجێ نەكات شوێنەكەی بۆناكرێتەوە.

چاودێری تەندروستی سلێمانی داوا لەهاووڵاتیان دەكات، “لەكاتی بوونی سەرپێچی تەندروستی و بوونی خۆراكی خراپ و ماوەبەسەرچوو بەزوترین كات لیژنەكانی چاودێری تەندروستی سلێمانی یان نزیكترین مەڵبەند و بنكە تەندروستیەكانی پارێزگای سلێمانی لێ ئاگاداربكەنەوە”.

بەردەوام بە لە خوێندنەوە

کوردستان