ئێمە لە تۆرە کۆمەڵایەتیەکان

عێراق

عادل عەبدولمەهدی دوا وادەی بۆ هەر سێ‌ لایەنی شیعە و سوننە و كورد دیاریكرد

خەڵك- بەشی هەواڵ
سەرۆك وەیزرانی عیراق دوا وادە بۆ حزب و لایەنە سیاسییەكان دیاری دەكات سەبارەت بە دواكەوتنی تەواوكردنی كابینە وزارییەكەی.

كەریم علێوی، ئەندامی پەڕلەمانی عیراق لە هاوپەیمانی فەتح بۆ (شەفەق نیوز) ڕایگەیاندووە، عادل عەبدولمەهدی، سەرۆك وەزیرانی عیراق سەرجەم حزب و كوتلە سیاسییەكانی ئاگاداركردۆتەوە، كە چاوەڕێی كاندیدەكانیان دەكات بۆ پڕكردنەوەی وەزارەتە بەتاڵەكان و بۆ ئەوەش ماوەی تا 20ی ئەم مانگەی بۆ دیاری كردوون.

ڕاشیگەیاندووە، كە ئەگەر لایەنەكان تا ئەو كاتە كاندیدەكانیان پێشكەش نەكەن و نەگەنە ڕێككەوتن، ئەوا خۆی كاندید بۆ ئەو وەزارەتانە پێشكەشی پەڕلەمان دەكات و جارێكی دیكە ناگەڕێتەوە بۆ حزبەكان و ئەگەر دەنگیش بە كاندیدێك نەدرێت بۆ ڕۆژی دواتر كاندیدی دیكە پێشكەش دەكات و ئەوەشی بە كوتلەكان وتووە.

ئێوارەی دوێنێ‌ سێ‌ شەممە، عادل عەبدولمەهدی، سەرۆك وەزیرانی عیراق لە وتاری هەفتانی خۆی ڕایگەیاند، دەبێت كابینە وزاریەكە تەواو بكرێت پێش كۆتایی هاتنی وەرزی ئێستای یاسادانان.

وتیشی، “ئەو هەواڵانەی باس لەوەدەكەن، كە بەنیازم دەستلەكار بكێشمەوە ڕاست نیین”.

لە 25ی ئەیلولی ساڵی ڕابرووەوە پەڕلەمانی عیراق دەنگی داوە لەسەر پەسەندكردنی كابینە وزارییەكەی عادل عەبدولمەهدی و متمانەی بە 14 وەزیر داوە، بەڵام بەهۆی ناكۆكی لایەنە سیاسییەكانەوە تا ئێستا پۆستی وەزارەتەكانی (بەرگری و ناوخۆ و پەروەردە) و بەهۆی ڕێكنەكەوتنی یەكێتی و پارتی-شەوە پۆستی وەزارەتی (داد) پڕنەكراونەتەوە و بە بەتاڵی ماونەتەوە.

عێراق

وەزارەتی دارایی عیراق؛ هەرێم بە هەڵە وەڵامی وەزیری دارایی داوەتەوە

خەڵك – بەشی هەواڵ

وەزارەتی دارایی عیراق ڕایدەگەیەنێت ، بەسەر سوڕمانەوە بەیاننامەكەی حكومەتی هەرێمی كوردستانیان بینیوە و دەبووە گوێیان‌ لەدیدارە فەرمییەكەی وەزیری داراییان بگرتایە، نەك وەڵامی كۆپی تەزویری دیدارەكە بدەنەوە.

وەزارەتی دارایی حكومەتی عیراق لە ڕاگەیەنراوێكدا وەڵامی ڕاگەیەنراوەكەی وەزارەتی دارایی هەرێمیان دایەوە و ڕایگەیاندووە، بەسەر سوڕمانەوە سەیری ڕاگەیەنراوەكەی حكومەتی هەرێمی كوردستانیان كردووە، كە دەربارەی دیدارێكی وەزیری دارایی عیراق لەگەڵ رۆژنامەی (فاینانشاڵ تایمز) ی لەندەنی.

ڕاشیگەیاندووە، دەبوو حكومەتی هەرێمی كوردستان گوێ‌ لەدیدارە فەرمییەكەی وەزیری دارایی عیراقیان بگرتایە نەك وەڵامی كۆپی تەزویری دیدارەكە بدەنەوە.

بەردەوام بە لە خوێندنەوە

عێراق

عیراق؛ ئاماری توشبوون بە كۆرۆنای بڵاوكردەوە

خەڵك- بەشی هەواڵ

وەزارەتی تەندروستی عیراق ئاشكرای دەكات، 4593 حاڵەتی نوێی تووشبوون بە ڤایرۆسی كۆرۆنا تۆماركراوە و 4505 كەسیش چاكبوونەتەوە و 68 حاڵەتی مردنیش هەبووە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 20 هەزار و 662 پشكنینی تایبەت بە كۆرۆنا ئەنجام دراوە و دەركەوتووە 4593 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 191 و هەولێر 250 و كەركوك 131 و دهۆك 265 حاڵەت تۆماركراوە.

ڕوونیشی كردۆتەوە ، كە 4505 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 101 و هەولێر 194 و دهۆك 226 و كەركوك 111 كەس چاكبوونەوە.

ڕاشیگەیاندووە، 68 كەس بە پەتاكە گیانیان لەدەستداوە و بەوەش ژمارەی مردووان گەیشتۆتە 8867 كەس.

بەردەوام بە لە خوێندنەوە

عێراق

وەزیری دەرەوەی ئەمریكا: باڵیۆزخانەكەمان لە بەغدا دادەخەین

خەڵك- بەشی هەواڵ
سەرچاوەیەك لە نوسینگەی بەرهەم ساڵح سەرۆك كۆماری عیراق ڕایدەگەیەنێت، مایك پۆمپیۆ وەزیری دەرەوەی ئەمریكا بە سەرۆك كۆماری ڕایگەیاندووە، واشنتن باڵیۆزخانەكەی لە بەغدا دادەخات گەر هێرشە مووشەكییەكان ڕانەگیرێن، ئەمەش لەكاتێكدایە كە دەستی حەشدی شەعبی خۆی لە بۆردومانكردنی باڵیۆزخانەكە بە مووشەك، بێ‌ بەری كرد.

ئەمڕۆ هەینی، سەرچاوەیەك لە نوسینگەی سەرۆك كۆماری عیراق بە میدیاكانی عیراقی ڕاگەیاند”پۆمپیۆ لە پەیوەندییەكی تەلەفۆنیدا بە سەرۆك بەرهەمی ڕاگەیاندووە، وڵاتەكەی بەنیازە لەماوەیەكی كورتدا باڵیۆزخانەكەی لە بەغدا دابخات، گەر بەئامانجگرتنی باڵیۆزخانەكە بە مووشەك بەمێشوەی ئێستا بەردەوام بێت و ڕانەگیرێت”.

بە وتەی سەرچاوەكە”پۆمپیۆ بە سەرۆكی عیراقی وتووە، بڕیارەكه بۆ سەرۆك دۆناڵد ترەمپ دەگەڕێتەوە، چونكە ئەو نایەوێت بچێتە كێبڕكێی هەڵبژاردنەوە، لەكاتێكدا باڵیۆزخانەی وڵاتەكەی لە بەغدا ڕووبەڕووی بۆردومان و هەڕەشەی بەردەوام دەبێتەوە”.

بەردەوام بە لە خوێندنەوە

کوردستان