ئێمە لە تۆرە کۆمەڵایەتیەکان

ئابوری

بۆچی ئەم مانگە پارە كۆنەكرایەوە؟
پارەی ئەمپێری كارەبای مۆلیدە ئەهلییەكان دیاری دەكرێت


خەڵك – بەشی هەواڵ
سەرۆكی كۆمەڵەی مۆلیدە ئەهلیەكانی سلێمانی ڕایدەگەیەنێت، بە بڕیاری قائیمقامیەت و كارەبای سلێمانی پارەی كرێی ئەمپێری مۆلیدەی مانگی پێنج و شەش پێكەوە وەردەگیرێت، دەشڵێت: “جگە لە سلێمانی لە پارێزگاكانی دیكەی هەرێم پارە مانگانە وەرگیراوە”.

تاریق سەمین، سەرۆكی كۆمەڵەی مۆلیدە ئەهلییەكانی سلێمانی بە (خەڵك)ی ڕاگەیاند، ئێمە بۆ وەرگرتنی كارەبای مانگی پێنج داوامان كرد بڕێ پارەكە دیاری بكریـَت و لە هاووڵاتیان وەربگیرێـت، هەر چەندە كارپێكردنی كارەبا كەم بوو، بەڵام ئێمە پابەندكرابووین بەوەی دەبێت 24 كاتژمێر ئامادەبین.

وتیشی، “بەهۆی ئەوەی مانگی پێنج كارەبای مۆلیدە كەم بووە، بە بڕیاری قائیمقامیەت و كارەبا و ئاسایشی سلێمانی بڕیاردرا كرێی كۆكردنەوەی پارەی كارەبای مۆلیدە بۆ مانگی پێنج لەگەڵ شەش لێك بدرێت و هەردوو مانگەكە پێكەوە لە مانگی حەوتدا لە هاووڵاتیان وەربگرێت”.

ڕاشیگەیاند، ئەمەی كراوە تەنها لە پارێزگای سلێمانی بوونی هەیە و لە شارەكانی دیكەی هەرێم هەر مانگە و پارەی كارەبا كۆكراوەتەوە، لە سلێمانی دوو مانگ پێكەوە وەردەگیرێت.

جەختیشی كردەوە، بەهۆی ئەوەی مانگی شەش پێدانی كاتژمێرەكانی كارەبای مۆلیدە ئەهلییەكان زیاتر بووە ڕەنگە پارەی ئەمپێری زیاتر بێت.

ئابوری

بەڵگە.. 400 ملیارەكەی بەغدا خراوەتە سەر هەژماری بانكی حكومەتی هەرێم


خەڵك – بەشی هەواڵ

وەزارەتی دارایی حكومەتی عیراق، بەشێوەیەكی فەڕمی 400 ملیار دینارەكەی بۆ مووچەی فەرمانبەرانی هەرێمی كوردستان ڕەوانەی لقی هەولێری بانكی ناوەندی كرد.

بەپێی نووسراوێكی فەڕمی، كە واژۆی عەلی عەبدولئەمیر عەلاوی، وەزیری دارایی عێراقی لەسەرە و ڕۆژی 24ی ئەم مانگە دەرچووە، ئاماژە بەوەكراوە بڕی 400 ملیار دینار دەخرێتە سەر هەژماری بانكی وەزارەتی دارایی و ئابووری هەرێمی كوردستان لەڕێگەی لقی هەولێری بانكی ناوەندییەوە.

لە نووسراوەكەدا ئاماژە بە بڕیاری ئەمینداریەتی سەرۆكی ئەنجومەنی وەزیرانی عیراقیش كراوە كە تیایدا بڕیاری ناردنی ئەو بەشەی لە پشكی هەرێمداوە.

 

بەردەوام بە لە خوێندنەوە

ئابوری

نرخی زێڕ و دراوەکان


خەڵک – بەشی هەواڵ

 

ئەمڕۆ پێنج شەممە نرخی زێڕ و دراوەکان لەبازاڕەکانى هەرێمی کوردستان بەم جۆرەى خوارەوەیە، کە زەڕەنگەری پێشین وەرگیراوە:

یەک مسقاڵ زێڕی عەیاری ٢٤= ٣٤٠٫٠٠٠دینار
یەک مسقاڵ زێڕی عەیاری ٢١= ٢٩٨٫٠٠٠دینار
یەک مسقاڵ زێڕی عەیاری ١٨= ٢٥٥,٠٠٠دینار
لیرەی عەیاری 22= 365$

ئۆنس:1719
………..
100$=123,100
100€= 134,500
100£= 150,000
100$= 1,720,000 تمەن (نەقدی)
100$= 675 لیرەی تورکی

بەردەوام بە لە خوێندنەوە

ئابوری

نەخۆشخانەیەكی كۆرۆنا دەوام دەستپێدەكاتەوە
شێواز و كاتی دەستپێكردنەوەی دەوامی فەرمانبەران ڕاگەیەنرا


خەڵك- بەشی هەواڵ
سبەینێ‌ پشووی حكومەتی هەرێم بۆ جەژنی ڕەمەزان كۆتایی دێت و سەرەتای هەفتەی داهاتوو دەوامی فەرمانبەران بەشێوەی تەناوب دەستپێدەكاتەوە و نەخۆشخانەیەكی تایبەت بە نەخۆشانی كۆرۆنا ئاشكرای دەكات، كە دەست بە بینینی نەخۆش دەكەنەوە.

سەرچاوەیەكی حكومی بۆ (خەڵك) ئاشكرای كرد، كە سەرەتای هەفتەی داهاتوو دەوامی فەرمانگەكان دەستپێدەكاتەوە، بەڵام بۆ خۆپارێزی لە ڤایرۆسی كۆرۆنا، فەرمانبەران بەشێوەی تەناوب دەوام دەكەن ڕۆژانە لە 9ی بەیانی بۆ 1ی نیوەڕۆ و ڕۆژانی پێنج شەممەش پشوو دەبێت.

سەرچاوەكە ئاماژەی بەوەشكرد، كە هێشتا مەترسی ڤایرۆسی كۆرۆنا ماوە و ڕۆژانە چەند كەسێك تووشی ئەو پەتایە دەبن، بۆیە تا دۆخەكە كۆنتڕۆڵ دەبێت دەوامی فەرمانبەرانیش بەو جۆرەی پێشوو دەمێنێتەوە.

لای خۆشیەوە نەخۆشخانەی ڕزگاری هەولێر، كە ماوەیەك تایبەت كرابوو بە نەخۆشانی كۆرۆنا لە ڕاگەیەنراوێكدا ئاماژەی بەوكردووە، لە ڕۆژی شەممەوە 30/ 5/ 2020 نەخۆشخانەكە دەست دەكاتەوە بە پێشوازی كردن لە نەخۆشان لە گشت بەشەكان.

ڕوونیشی كردۆتەوە، چۆنیەتی دەوام بە پێی ڕێنماییەكانی حكومەت دەبێت، كە ڕۆژانە كاتژمێر (9) تا وەكو (1) جگە لە ڕۆژانی پێنج شەممە و هەینی.

ئاشكراشی كردووە، كە پێویستە لەسەر ئەو كەسانەی سەردانی نەخۆشخانەكە دەكەن (احالە) ڕەوانە كردنیان پێبێت یاخود لە لایەن پزیشكێكی پسپۆر ڕەوانە كرابێت و نەخۆش بە تەنها بێت بۆ نەخۆشخانە مەگەر بۆ نەشتەرگەری یان هۆكارێكی پێویست بێت دەتوانێت كەسێك لەگەل خۆی بێنێت و پابەندی ڕێنماییەكان بن وەك ماسك و دەستكێش.

جەختیشی كردۆتەوە، سەردانی كردنی نەخۆش بەهەموو شێوەیەك لە هەموو كاتێك قەدەغەیە .

دەشڵێت: ” هەر نەخۆشێك نیشانەكانی كۆرۆنای تێدابێت وەك كۆكە و تای بەرز و تەنگە نەفەسی پێویستە سەردانی نەخۆشخانەی فریاكەوتنی ناوەند بكات، كە تایبەتە بە سەنتەری كۆڕۆنا”.

بەردەوام بە لە خوێندنەوە

کوردستان