ئێمە لە تۆرە کۆمەڵایەتیەکان

ژینگە

بەهۆی هەورە بروسكەوە 140 دۆنم پووش و پاوان لە سلێمانی سووتا


خەڵك- بەشی هەواڵ
ڕووداوی ئاگركەوتنەوە یەكێكە لەو دیاردانەی ساڵانە چەند جارێك دووبارە دەبنەوە و لەگەڵ ئەوەی كوژاندنەوە و كۆنتڕۆڵ كردنیان كارێكی زەحمەتە هاوكات زیانێكی زۆر بەسروشت و ژینگەی كوردستان دەگەیەنێت، بەرێوەبەرایەتی پۆلیسی دارستان و ژینگەی سلێمانی ڕایدەگەیەنێت، بەهۆی ئاگرەوە لەسنوری شارباژێڕ و بنكەی سیتەك نزیكەی (140) دۆنم پوش و پاوان سووتاوە.

عەمیدی پۆلیس، هێمن كمرخان ئەفندی، بەڕێوەبەری ڕاگەیاندن لە بەرێوەبەرایەتی پۆلیسی دارستان و ژینگەی پارێزگای سلێمانی بۆ (خەڵك) ڕایگەیاند، ئاگریكی بەرفراوان كەوتەوە لەسنوری گوندی (سوێریلە/ هەرمێلە) و دەست بەجێ مەفرەزەكانی بەشی پۆلیسی دارستان و ژینگەی شارباژێڕ گەیشتە شوێنی ڕووداوەكە و توانیان بەهاوكاری هاووڵاتیانی سنورەكە ئاگرەكە كۆنتڕۆڵ بكرێت، بەڵام زیانی ئاگرەكە سووتانی (20) دۆنم پوش و پاوان بوو لەگەڵ چەند دارێكی تەمەن جیاواز، كە هۆكاری كەتنەوەی ئاگرەكە هەورە بروسكە بووە.

وتیشی، “ئاگرێك لە شاخی گوێژە كەوتەوە و دەست بەجێ مەفرەزەكانی بنكەی پۆلیسی دارستانی سیتەك گەیشتنە شوێنی ڕووداوەكە، بەڵام زیانی ئاگرەكە سووتانی (70) دۆنم پوش و پاوان بوو لەگەڵ (2000) داری تەمەن جیاواز و تا ئێستا هۆكارەكەی نەزانراوە”.

جەختیشی كردەوە، هەر لە سنوری سیتەك ئاگرێكی بەرفراوان كەوتەوە و بەهۆیەوە (50) دۆنم پوش و پاوان سووتا، بەڵام هۆكاری ئاگرەكە نەزانراوە.

هێمن كمرخان داوا لە هاووڵاتیان دەكات، “بەهەموومان ژینگەی و سروشتی كوردستان بپارێزین بەتایبەتی لەم وەرزەدا هاووڵاتیان ڕوو دەكەنە دەشت و چیاكان و زۆر دڵنیابن لە پاشماوەی ئاگر و پشكۆ لە دوای خۆیان بەجێ نەهێڵن بۆ ئەوەی كارەساتی گەورە ڕوونەدات “.

ژینگە

ڕێكخراوی سروشتی كوردستان ڕاگەیەنراوێك بڵاودەكاتەوە


خەڵك – بەشی هەواڵ

ڕێكخراوی سروشتی كوردستان- بۆردی باڵا ڕایدەگەیەنێت ، لە ماوەی ڕابردوودا ڕێكخراوەكەمان سەربەخۆیانە و قازانج نەویستانە بەردەوام بووە لە كاركردنی بۆ پاراستنی ژینگەی كوردستان و پەروەردەی ژینگە و یاسای ژینگەی كردووە بە بنەمای كاركردنی لە داهاتوشدا بەردەوام دەبێت .

ڕێكخراوی سروشتی كوردستان-بۆردی باڵا بەبۆنەی نۆهەمین ساڵیادی دامەزراندنی ڕێكخراوەكەیان، كە هاوكاتە لەگەڵ ڕۆژی جیهانی ژینگە ڕاگەیەنراوێكی بڵاوكردەوە تێیدا هاتووە، لەم یادەدا پەیاممان ئاڕاستەی سەرۆكایەتی پەڕلەمانی كوردستان و سەرجەم فراكسیۆنەكان دەكەین بە مەبەستی خستنە بەرنامەی كار و پەسەندكردنی هەردوو پرۆژەی یاسای پێشكەشكراوی ڕێكخراوەكەمان پرۆژە یاسای پاركی نیشتمانی و پرۆژە یاسای ئاژەڵانی بێ پەناگە.

ئاماژە بۆ ئەوەشكراوە ، كە ڕێكخراوەكەیان داوا لە وەزارەتی پەروەردەی حكومەتی هەرێمی كوردستان دەكات ژینگە بكەن بە پرۆگرام لە ناوەندەكانی خوێندن بەتایبەت قۆناغی باخچەی منداڵان و بنەڕەتی.

ساڵیادی دامەزراندنی ڕێكخراوی سروشتی كوردستان
بەبۆنەی 9 نۆ هەمین ساڵیادی دامەزراندنی ڕێكخراوی سروشتی كوردستان, كە هاوكاتە لەگەڵ ڕۆژی جیهانی ژینگە, جوانترین پیرۆبایی لە خۆمان و تەواوی ئەندامانمان دەكەین لە سەرجەم نوێنەرایەتیەكانی(هەولێر, سلێمانی, هەڵەبجەی شەهید, گەرمیان, ڕاپەڕین, دەربەندیخان).
وەك چۆن لە ڕابردودا ڕێكخراوەكەمان سەربەخۆیانە و قازانج نەویستانە, بەردەوام بووە لە كاركردنی بۆ پاراستنی ژینگەی كوردستان , وە پەروەردەی ژینگە و یاسای ژینگەی كردووە بە بنەمای كاركردنی, لە داهاتوشدا لە ژێر دروشمی ژینگەیەكی سەوز و تەندروست لە پەروەردەیەكی دروستەوە سەرچاوە دەگرێت, كاری زیاتر و باشتر دەكات بۆ تێگەیاندن و پێگەیاندنی تاك و نەوەكانمان, بە ئاراستەی پاراستن و چاككردنی ژینگەی باشوری كوردستان.
بەپێویستی دەزانین پەیاممان ئاراستەی سەرۆكایەتی پەرلەمانی كوردستان و سەرجەم فراكسیۆنەكان بكەین بەمەبەستی خستنە بەرنامەی كار و پەسەندكردنی هەردو پرۆژەی یاسای پێشكەشكراوی ڕێكخراوەكەمان(پرۆژەیاسای پاركی نیشتمانی, پرۆژە یاسای ئاژەڵانی بێ پەناگە). وە داوا لە وەزارەتی پەروەردەی حكومەتی هەرێمی كوردستانیش دەكەین ژینگە بكەن بە پرۆگرام لە ناوەندەكانی خوێندن, بەتایبەت قۆناغی باخچەی منداڵان و بنەڕەتی.
هەرلەمڕۆدا و بەبۆنەی ساڵیادی دامەزراندنی ڕێكخراوەكەمانەوە, یەكەمین پرۆژەی ئۆنلاینی ژینگەیی بەناوی(قوتابخانەی سەوز) “شۆڕشی سەوز” ڕادەگەیەنین, كە پرۆژەیەكی پەروەردەیی ژینگەییە و كاردەكات بۆ ئەنجامدانی خول و سیمیناری ژینگەیی ئۆنلاین.
پاراستنی ژینگە.. پاراستنی ژیانە
ڕێكخراوی سروشتی كوردستان- بۆردی باڵا
5/6/2020

بەردەوام بە لە خوێندنەوە

ژینگە

كەشناسی هەرێم ڕاگەیەنراوێكی بڵاوكردەوە


خەڵك – بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت ، ئەمڕۆ ئاسمانی شارەكانی هەرێم ساماڵ دەبێـت و پلەكانی گەرما 34 بۆ 42 پلەدەبێت ، دەشڵێت،” نزمترین پلەی گەرما 19 پلە لە سلێمانی و دهۆك تۆماردەكرێت”.

بەڕێوەبەرایەتی گشتی كەشناسی و بومەلەرزەزانی هەرێمی كوردستان پێشبینیەكانی بۆ ئەمڕۆ هەینی 5ی حوزەیرانی 2020 بڵاوكردەوە و بە پێی پێشبینیەكان ئەمڕۆ ئاسمانی شارەكانی هەرێم تەواو سامان دەبێت.

ڕاشیگەیاندووە ، پلەكانی گەرما لە پارێزگای هەولێر 36 پلە و سلێمانی 34 پلە و دهۆك 35 پلە و كەركوك 42 پلە تۆمار دەكرێت، هەروەها خێرایی باش لەنێوان (5-10) كم دا دەبێت.

بەردەوام بە لە خوێندنەوە

جیهان

ئەمڕۆ ڕۆژی جیهانی ژینگەیە


خەڵك – بەشی هەواڵ

دوای ئەوەی ئەنجومەنی گشتی نەتەوە یەكگرتووەكان یەكەمین كۆنفرانسی ژینگەیی لە ستۆكهۆڵم پایتەختی سوید، بەست لە ژێر دروشمی ژینگەی ئادەمیزاد ڕۆژی 5ی حوزەیرانی وەك ڕۆژی ژینگەی جیهانی دەست نیشانكرد.

ئەنجومەنی گشتی نەتەوەیەكگرتووەكان لە ساڵی ۱۹۷۲ یەكەمین كۆنفرانسی ژینگەیی لە ستۆكهۆڵمی پایتەختی سوید بەست و ڕۆژی 5ی حوزەیران كرایە ڕۆژی جیهانی ژینگە.

هەر لەو كۆنفرانسەدا بڕیاردرا بە دامەزراندنی پرۆگرامی ژینگە پارێزی نەتەوە یەكگرتووەكان UNEP و پاشان بریارنامەیەك لەلایەن ئەنجومەنەكەوە بۆ ئەو مەبەستە ڕاگەیەندرا.

بەردەوام بە لە خوێندنەوە

کوردستان