ئێمە لە تۆرە کۆمەڵایەتیەکان

ئابوری

“هەناردەی نەوتی هەرێمی كوردستان پەردەپۆش دەكرێت”
سەركردەیەكی دەوڵەتی یاسا لەسەر نەوتی هەرێم قسە بۆ (خەڵك) دەكات


خەڵك-بەشی هەواڵ
سەركردەیەكی هاوپەیمانی دەوڵەتی یاسا ڕایدەگەیەنێت، پرسی هەناردەی نەوتی هەرێمی كوردستان پەیوەندی بە حكومەتی فیدڕاڵەوە هەیە نەك بە فراكسیۆنە سیاسییەكانە، سەرۆك وەزیرانیش بە بەرپرسی یەكەم دادەنێت، تا بەپێی دەستور هەناردەی نەوتی وڵات ڕێكبخات.

سەعد موتەڵیبی، سەركردە لە هاوپەیمانی دەوڵەتی یاسا لە لێدوانێكیدا بۆ (خەڵك) ڕایگەیاند، “ئەركی فراكسیۆنە سیاسییەكان نییە باس لە پرسی هەناردەی نەوتی هەرێم بكەن، ئەركی سەرۆكی حكومەتی فیدڕاڵە ئەو پرسە یەكلایی بكاتەوە، بەڵام زۆرینەی هەرە زۆری گەلی عیراق ئاگادارن، كە هەناردەی نەوتی هەرێمی كوردستان پەردەپۆش دەكرێت و گەلی عیراق سوودی لێنابینێت”.

بە بۆچوونی موتەڵیبی، “زیانی هەرە گەورەی شاردنەوەی بڕی ڕاستەقینەی هەناردەی نەوتی هەرێمی كوردستان بۆ هاووڵاتیانی هەرێمی كوردستان و گەلی كوردە، چونكە ئەو داهاتە، كە دەدزرێت قوتی گەلی كوردستانە، بۆیە پرسەكە كوردییە وەك لەوەی عەرەبی یان عیراقی بێت، بەڵام لەگەڵ ئەوەشدا پرسەكە لە بەرپرسیارێتی حكومەت و وەزارەتی نەوتە، ئەوانە بەرپرسن لەو بابەتەدا، لەگەڵ ئەوەشدا فراكسیۆنە سیاسییەكان مافی خۆیانە باس لەو بابەتە بكەن، بەڵام لەبارەی ڕێوشوێنە یاسایی و پراكتیكییەكانەوە، ئەركی حكومەتە پرسەكە یەكلایی بكاتەوە”.

سەركردەكەی دەوڵەتی یاسا، بەپێویستی دەزانێت سەرۆك وەزیرانی عیراق، لێكۆڵینەوە لە پرسی هەناردەی نەوتی عیراقدا بكات و بزانێت پارەی داهاتی نەوتەكە بۆ كوێ‌ دەچێت، جەختی لەسەر گرنگی ئاشكراكردنی بڕی هەناردەی نەوت و داهاتەكانی هەرێم كردەوە و بە ئەركی حكومەتی فیدڕاڵیشی لەقەڵەمدا لەو بارەیەوە سكاڵا لەسەر وڵاتانی دراوسێ‌ تۆمار بكات كە بە وتەی ئەو “نەوتی هەرێم دەكڕن و كار بۆ بەقاچاخبردنی دەكەن”.

سەعد موتەڵیبی دەڵێت: “ئێمە وەك هاوپەیمانی دەولًَەتی یاسا، دەنگمانداوە بە عادل عەبدولمەهدی وەك سەرۆك وەزیران، ئەویش لای خۆیەوە پاراستنی سامانی نیشتمانی دەكەوێتە ئەستۆ، تا بەشێوەیەكی دروست داهاتی ئەو سامانە بۆ بەرژەوەندییەكانی گەلی عیراق بەكاربهێنرێت و پێویستە سەرۆك وەزیرانیش ئەو بەرپرسیارێتییە لەئەستۆ بگرێت”.

ئەمە لەكاتێكدایە، كە عالیە نوسەیف، پەڕلەمانتاری هاوپەیمانی دەوڵەتی یاسا لە بەیاننامەیەكدا ڕایگەیاندووە، “كەمتەرخەمی كردن لە داهاتەكانی سامانی نەوت و چاوپۆشین لە ژمارەی ڕاستەقینەی هەناردەی نەوتی هەرێم، مانای هاوبەشیكردنە لە بڕینی نانی بێ‌ دایك و باوكەكان و بێوەژنەكان و كەسوكاری شەهیدان و ئەوانەی لەژێر هێڵی هەژارییەوە دەژین لە وڵاتدا”.

ئابوری

دواین بڕیار لەبارەی گەشتە ئاسمانییەكانەوە دەركرا


خەڵك- بەشی هەواڵ

دەسەڵاتی فڕۆكەوانی شارستانی عیراقی ماوەی ڕاگرتنی گەشتە ئاسمانییەكانی تـــــا كاتێكی نادیار ڕاگەیاند.

فڕۆكەخانەی نێودەوڵەتی سلێمانی لە ڕاگەیەنراوێكدا ئاماژەی بەوەكردووە، دەسەڵاتی فڕۆكەوانی شارستانی عیراقی بڕیاری ماوەی ڕاگرتنی گەشتە ئاسمانییەكان لە سەرجەم فڕۆكەخانەكانی عیراق تـــــا كاتێكی نـــادیـــار ڕاگەیاند، تــــا ئاگاداركردنەوەیەكی تر .

ڕاشیگەیاندووە، بڕیارەكە گەشتی فڕۆكەكانی مانگی سوور و سەربازی و یارمەتییە تەندروستییەكان و فریاگوزارییەكان و بارهەڵگر (كارگۆ) ناگرێتەوه.

جەختیشی كردۆتەوە، ‌دەرچوواندنی بڕیارەكەی دەسەڵاتی فڕۆكەوانی شارستانی عیراقی مەترسیداری بارودۆخی‌ بڵاوبوونەوەی ڤایرۆسی كۆرۆنایە، كە ئەمەش لەچوارچێوەی بەرگیری كردن.

بەردەوام بە لە خوێندنەوە

ئابوری

دەوڵەتانی كۆمەڵەی ئۆپیك پلەس ڕێككەوتن
نرخی نەوت بەرزدەبێتەوە و عیراق سزا دەدرێت


خەڵك- بەشی هەواڵ
وڵاتانی كۆمەڵەی ئۆپیك پڵەس، كە پێكهاتوون لە وڵاتانی ئۆپیك و ڕوسیا و چەند وڵاتێكی دیكە ڕێككەوتن بۆ مانگی داهاتووش بەرهەمهێنانی نەوت كەمبكەنەوە و بەوەش نرخی نەوت بەرزدەبێتەوە.

بەپێی هەواڵێكی ئاژانسی (بلومبێرگ) بڵاویكردەوە، وڵاتانی كۆمەڵەی ئۆپیك پڵەس لە كۆبوونەوەی ئەمڕۆیاندا ڕێككەوتن لەسەر ئەوەی ڕێككەوتنەكەیان بۆ كەمكردنەوەی بەرهەمهێنانی نەوت بۆ ماوەی مانگی داهاتووش درێژ بكەنەوە.

بەپێی ڕێككەوتنەكەی مانگی نیسان، بڕی 9.7 ملیۆن بەرمیل نەوتی ڕۆژانە لە هەردوو مانگی ئایار و حوزەیران لەلایەن وڵاتانی بەرهەمێنەری نەوتەوە كەم دەكرێتەوە ئەوەش بۆ ئەوەی پاڵپشتی نرخی نەوت بكات، كە بەهۆی بڵاوبوونەوەی كۆرۆناوە تووشی دابەزینێكی زۆر بووبوو.

هەر بەپێی ڕاپۆرتەكە، پێشبینی دەكرێت بڕی بەرهەمهێنانی نەوت بۆ مانگەكانی تەمموز تاوەكو ئەیلول ب بڕی 7.7 ملیۆن بەرمیلی ڕۆژانە كەم بكرێتەوە و بەوەش نرخی نەوت زیاتر بەرزدەبێتەوە.

هەر بەپێی ئەو ڕێكككەوتنە، ئەو وڵاتانەی تاوەكو ئێستا پابەند نەبوون بە كەمكردنەوەی بەرهەمهێنانی نەوتەوە لە مانگەكانی ئایار و حوزەیران، دەبێت بڕی 100%ی پابەندییەكانیان لە مانگەكانی تەمموز تاوەكو ئەیلول جێبەجێ‌ بكەن و لە پشكی ئەو مانگانە كەمی بكەنەوە.

هەر بەپێی (بلومبێرگ)، بەهۆی ئەوەی عیراق تاوەكو ئێستا پابەندی كەمكردنەوەكە نەبووە، بۆیە دەبێت لەمانگی ئاب (8) ڕۆژانە بڕی 1.3 ملیۆن بەرمیل كەمبكاتەوە.

لە ئێستادا نرخی بەرمیلێك نەوتی برێنت بۆ 42 دۆلار و 48 سەنت و نەوتی خاوی تەكساسی ئەمریكا بۆ 39 دۆلار و 20 سەنت بەرزبۆتەوە.

بەردەوام بە لە خوێندنەوە

ئابوری

پزیشك و كارمەندانی تەندروستی لە سلێمانی بایكۆتی دەوام ڕادەگەیەنن


خەڵك – بەشی هەواڵ
بەهۆی دواكەوتنی مووچەكانیان لە ئێستادا سەرجەم كارمەندانی نەخۆشخانەی شار لە سلێمانی بایكۆتی دەوامیان كردوە و نەخۆشخانەكەیان چۆڵكردووە، داواش دەكەن مووچەكانیان لەكاتی خۆیدا پێ بدرێت، ئەگەرنا دەوام ناكەن.

بەپێی زانیارییەكانی (خەڵك) ژمارەیەكی زۆر لە كارمەندانی نەخۆشخانەی شار بە هۆی بەهۆی دواكەوتنی دابەشكردنی مووچەوە دەوامیان جێهێشت و داوا دەكەن لە كاتی خۆیدا مووچەكانیان پێ بدرێت ئەگەرنا دەوام ناكەن.

(خەڵك) بۆ وەرگرتنی زانیاری لەسەر بایكۆتی كەرتی تەندروستی پەیوەندی بە د. سەباح هەورامی، بەڕێوەبەری گشتی تەندروستی سلێمانی و د. یاد نەقشبەندی، وتەبێژی تەندروستی سلێمانی و د. ئومێد عەلی، بەڕێوەبەری نەخۆشخانەی شار-ەوە كرد، بەڵام هیچكام لە پەیوەندیەكان وەڵام نەدرانەوە.

بوونی بایكۆت لە ئێستادا و بەتایبەت كەرتی تەندروستی كاریگەری خراپی دەبێت لەسەر تەشەنەكردنی ڤایرۆسی كۆرۆنا، كە ئێستا لە ئاستی مەترسیداریە لە شاری سلێمانی.

لای خۆشیەوە، د. ئومێد بە چەند میدیایەكی وتووە، “كارمەندانی تەندروستی نەخۆشخانەكەمان مانیان گرت و لەئێستادا ناخۆشخانەی شار-یان چۆڵكردووە”.

بەردەوام بە لە خوێندنەوە

کوردستان