ئێمە لە تۆرە کۆمەڵایەتیەکان

عێراق

بڕیارێكی نوێ‌ بۆ كۆچبەرانی عیراقی لە ئەڵمانیا دەرچوو


خەڵك- بەشی هەواڵ
حكومەتی عیراق، ڕەزامەندی لەسەر گەڕانەوەی ئارەزوومەندانەی كۆچبەرە عیراقییەكان لە ئەڵمانیاوە بۆ عیراق و دابینكردنی پێویستی تەواوەتی بۆیان، دەردەبڕێت و ئەو بڕیارەش سەرجەم هاووڵاتیانی كورد و عەرەب و نەتەوەكانی دیكە، كە هەڵگری ڕەگەزنامەی عیراقین دەگرێتەوە.

ئەمڕۆ چوار شەممە، وەزارەتی كۆچ و كۆچبەرانی عیراق، لە بەیاننامەیەكدا ڕایگەیاندووە، “نەوفل بەها موسا، وەزیری كۆچ و كچبەرانی عیراق لەگەڵ بریكاری وەزیری گەشەی ئابووری ئەڵمانی كۆبۆتەوە و پێكەوە ڕێڕەوەكانی هەماهەنگی هاوبەش و باشتركردنی گوزەرانی خێزانە ئاوارەكانی تاوتوێ‌ كردووە، بە تایبەت ئەو ئاوارانەی لە گەڕاونەتەوە و پێشتر كۆچیان كردبوو بۆ ئەڵمانیا، ئەمەش لەكاتی پەلاماری دڕندانەی ڕێكخراوی داعش بووە مایەی كاولكاریی لە هەندێك شاری عیراق”.

هەر لە بەیاننامەكەدا هاتووە، “كۆچبەرێكی عیراقی زۆر لە كۆماری ئەڵمانیان ڕووبەڕووی كێشەی زۆر بوونەتەوە، بۆیە هەوڵ دەدەین لەگەڵ حكومەتی ئەڵمانیا هەماهەنگی بكەین بۆ چارەسەركردنی ئەو كێشانە و گەڕانەوەی ئەو كۆچبەرانە بەشێوەیەكی ئارەزوومەندانە، بە تایبەت ئەوانەی داواكاریی پەنابەرییان ڕەتكراوەتەوە و ناتوانن بگەڕێنەوە بۆ وڵات”.

لە ساڵی 2014وە تەوژمێكی كۆچی بەكۆمەڵ لە عیراق و سوریاوە بەرەو ئەوروپا دەستیپێكرد، هۆكاریی ئەم كۆچكردنەش هێرش و پەلاماری گروپە توندڕەوەكان و بە تایبەت ڕێكخراوی داعش بوو، كە دەستی بەسەر زۆرێك لە شار و شارۆچكەكانی هەردوو وڵاتدا گرت، زۆرێكیش لەو كۆچبەرانە ڕوویان كردە وڵاتی ئەڵمانیا.

عێراق

سەرۆك وەزیرانی عیراق بە زمانی كوردی پەیامێكی بڵاوكردەوە


خەڵك- بەشی هەواڵ
سەرۆك وەزیرانی عیراق بە كوردی پەیامێك ئاڕاستەی پەڕلەمانی عیراق دەكات و دەڵێت: “ئەوە هەنگاوێكی باشە بۆ جێبەجێ‌ كردنی كارنامەكانمان”.

ئەمڕۆ شەممە، پەڕلەمانی عیراق بە ئامادەبوونی مستەفا كازمی، سەرۆك وەزیرانی عیراق كۆبووەوە و متمانەی بە وەزیرەكانی (دەرەوە و داد) لە پشكی كورد و نەوت و كشتوكاڵ و كۆچ و بازرگانی بەخشی.

لای خۆشیەوە، مستەفا كازمی لە هەژماری خۆی لە تویتەر ڕایگەیاندووە، “سووپاس بۆ پەڕلەمان، كە دووبارە متمانەی بە حكومەتەكەمان بەخشییەوە، ئەوە هەنگاوێكی باشە بۆ جێبەجێ‌ كردنی كارنامەكانمان”.

ڕاشیگەیاندووە، “وەفادار و پابەندین بەرامبەر گەلی عیراق. بە گەشبینی و ڕاستگۆییەوە داهاتوو بەڕێدەكەین”.

بەردەوام بە لە خوێندنەوە

عێراق

متمانە درا بە كاندیدەكانی یەكێتی و پارتی
كۆبوونەوەی پەڕلەمانی عیراق بە ئامادەبوونی كازمی دەستی پێكرد


خەڵك- بەشی هەواڵ
دوای دواخستنی بۆ ماوەی نیو كاتژمێر، كۆبوونەوەی پەڕلەمانی عیراق بە ئامادەبووونی سەرۆك وەزیران دەستی پێكرد و تێیدا متمانە درا بە كاندیدی پارتی بۆ وەزارەتی دەرەوە و كاندیدی یەكێتی بۆ وەزیری دادی عیراق.

دوانیوەڕۆی ئەمڕۆ بە سەرۆكایەتی محەمەد حەلبوسی، سەرۆكی پەڕلەمانی عیراق و ئامادەبوونی فراكسیۆنە كوردییەكان، كۆبوونەوەی پەڕلەمانی عیراق بە ئامادەبوونی مستەفا كازمی، سەرۆك وەزیران بۆ متمانەدان بە تەواوكردنی كابینە وزارییەكە دەستی پێكرد.

هەر لە كۆبوونەوەكەدا متمانە درا بە د. فوئاد حسێن، كاندیدی پارتی دیموكراتی كوردستان بۆ وەزارەتی دەرەوەی عیراق و سالار عەبدولستار محەمەد، كاندیدی یەكێتی بۆ وەزیری دادی عیراق.

هەروەها متمانە درا بە ئیڤان فایەق ئەعقوب بۆ وەزیری كۆچ و كۆچبەران و عەلا ئەحمەد حەسەن بۆ وەزیری بازرگانی و محەمەد كەریم جاسم بۆ وەزیری كشتوكاڵ و ئیحسان عەبدولجەبار بۆ وەزیری نەوت.

رئيس الوزراء يصل مجلس النواب

بەردەوام بە لە خوێندنەوە

عێراق

فراکسیۆنی گۆڕان: دەنگ بە کاندیدی وەزارەتەکانی حکومەتى نوێی عیراق نادەین


خەڵک – بەشی هەواڵ

 

فراکسیۆنی گۆڕان لە ئەنجومەنی نوینەرانی عێراق ڕایدەگەیەنێت، دەنگ بە هیچ کام لەو ناوانە نادەن کە بڕیارە ئەمرۆ بۆ پۆستی چەند وەزارەتێکی حکومەتى نوێی عیراق دەنگیان پێ بدرێت.

 

فراکسیۆنی گۆڕان لە ئەنجومەنی نوینەرانی عێراق لەڕاگەیەندراوێکدا ڕایگەیاند، لە دانیشتنی بەخشینی متمانە بە کابینەکەی مستەفا کازمی ڕایانگەیاند، دەنگ بە حکومەتەکەی نادەن. ئەمرۆش کە برگەیەکی دانیشتنی پەرلەمان تایبەتە بە تەواوکردنی ئەو کابینەیە جەخت لە هەمان هەڵوێست دەکەنەوە و ڕایدەگەیەنن، دەنگ بە هیچ کام لەو ناوانە نادەن کە بڕیارە ئەمرۆ بۆ پۆستی چەند وەزارەتێک دەنگیان پێ بدرێت.

 

ده‌قی راگەیەندراوه‌كه‌ی فراکسێۆنی گۆڕان:

وەک فراکسێۆنی گۆڕان لە ئەنجومەنی نوینەرانی عێراق لە دانیشتنی بەخشینی متمانە بە کابینەکەی بەرێز مستەفا کازمی رامانگەیاند کە دەنگ بە حکومەتەکەی نادەین. ئەمرۆش کە برگەیەکی دانیشتنی پەرلەمان تایبەتە بە تەواوکردنی ئەو کابینەیە جەخت لە هەمان هەڵوێست دەکەینەوە و رایدەگەیەنین کە دەنگ بە هیچ کام لەو ناوانە نادەین کە بریارە ئەمرۆ بۆ پۆستی چەند وەزارەتێک دەنگیان پێ بدرێ.
لەسەرەتای متمانە بەخشین بەم کابینە نوێیە نیگەرانیی خۆمان لەوە دەربری کە بێ هیچ رێکەوتن و گرەنتیەک بۆ چارەسەری کێشە هەنوکەییەکانی نێوان هەرێم و بەغداد بە تایبەت پرسی بودجە و موچە و مافەکانی پێشمەرگە و شایستە داراییەکانی جوتیاران دەنگدان بەو کابینەیە بدرئت.
وەک فراکسێۆنی گۆڕان بە توندی دژی ئەو نەریتە سیاسیەی بەشێک لە هێزە سیاسیە کوردستانیەکان دەوەستینەوە کە پرسی بەشداریکردن لە حکومەتی فیدراڵی عێراق لە مەسەلەیەکی نشتیمانی فراوانەوە بۆ ویستیكی حزبی و لەناو حزبیشدا بۆ ئەجێندایەکی تاکە کەسی بچوک دەکەنەوە و هەمو داواکاریان دەبێتە ئەوەی کەسێک وەک تاکە کاندید دەبێ بکرێتە وەزیر و لەو پێناوەشدا سازش لەسەر تێکرای مافە دەستوریەکانی خەڵکی کوردستان دەکەن و ناچار بە چەندین رێکەوتن و بەندوباوی ژێر بەژێر دەبن بۆ تێپەراندی کاندیدە کەسی و حزبیەکانیان.
ئێمە لە فراکسێۆنی گۆڕان پێمان وایە بەشداریکردن لە حکومەتی فیدراڵ دەبێ پرسێکی نیشتیمانی بێ نەک حزبی و شەخسی و لە دانوستانیشدا لەبری پچڕاندنی پۆست و پایە بۆ کەسێک، مافە دەستوریەکانی خەڵکی کوردستان ئەولەویەتیان هەبێت، بەتایبەت کێشەی ناوچە جێناکۆکەکان و پرسی دابەشکردنی داهات لەنیوان هەرێم و حکومەتی فیدراڵ و پاشان بەشداریەکی هاوسەنگ لە حکومەتدا نەک کورتکردنەوەی هەمو ئەوانە لە یەک پۆست و یەک تاکە کەسدا.
ئێمە کە بەشدار نین لە کابینەکەی کازمی هەمو هەوڵێک دەخەینە گەڕ بۆ زیندو راگرتنی مافە دەستوریەکانی خەڵکی هەرێم بەتایبەت جەخت لەوە دەکەینەوە کە هەردو حکومەت بە خێرایی بگەنە رێکەوتن سەبارەت بە دۆسێی نەوت و داهات و چیتر موچەی فەرمانبەرانی هەرێم و مافەکانی پێشمەرگە و شایستە داراییەکانی جوتیاران نەبێتە قوربانی نێوانیـان.
فراکسێۆنی گۆران لە ئەنجومەنی نوێنەرانی عێراق
٦ ی حوزەیرانی ۲٠۲٠
بەغداد

بەردەوام بە لە خوێندنەوە

کوردستان