ئێمە لە تۆرە کۆمەڵایەتیەکان

عێراق

بڕیارێكی نوێ‌ بۆ كۆچبەرانی عیراقی لە ئەڵمانیا دەرچوو

خەڵك- بەشی هەواڵ
حكومەتی عیراق، ڕەزامەندی لەسەر گەڕانەوەی ئارەزوومەندانەی كۆچبەرە عیراقییەكان لە ئەڵمانیاوە بۆ عیراق و دابینكردنی پێویستی تەواوەتی بۆیان، دەردەبڕێت و ئەو بڕیارەش سەرجەم هاووڵاتیانی كورد و عەرەب و نەتەوەكانی دیكە، كە هەڵگری ڕەگەزنامەی عیراقین دەگرێتەوە.

ئەمڕۆ چوار شەممە، وەزارەتی كۆچ و كۆچبەرانی عیراق، لە بەیاننامەیەكدا ڕایگەیاندووە، “نەوفل بەها موسا، وەزیری كۆچ و كچبەرانی عیراق لەگەڵ بریكاری وەزیری گەشەی ئابووری ئەڵمانی كۆبۆتەوە و پێكەوە ڕێڕەوەكانی هەماهەنگی هاوبەش و باشتركردنی گوزەرانی خێزانە ئاوارەكانی تاوتوێ‌ كردووە، بە تایبەت ئەو ئاوارانەی لە گەڕاونەتەوە و پێشتر كۆچیان كردبوو بۆ ئەڵمانیا، ئەمەش لەكاتی پەلاماری دڕندانەی ڕێكخراوی داعش بووە مایەی كاولكاریی لە هەندێك شاری عیراق”.

هەر لە بەیاننامەكەدا هاتووە، “كۆچبەرێكی عیراقی زۆر لە كۆماری ئەڵمانیان ڕووبەڕووی كێشەی زۆر بوونەتەوە، بۆیە هەوڵ دەدەین لەگەڵ حكومەتی ئەڵمانیا هەماهەنگی بكەین بۆ چارەسەركردنی ئەو كێشانە و گەڕانەوەی ئەو كۆچبەرانە بەشێوەیەكی ئارەزوومەندانە، بە تایبەت ئەوانەی داواكاریی پەنابەرییان ڕەتكراوەتەوە و ناتوانن بگەڕێنەوە بۆ وڵات”.

لە ساڵی 2014وە تەوژمێكی كۆچی بەكۆمەڵ لە عیراق و سوریاوە بەرەو ئەوروپا دەستیپێكرد، هۆكاریی ئەم كۆچكردنەش هێرش و پەلاماری گروپە توندڕەوەكان و بە تایبەت ڕێكخراوی داعش بوو، كە دەستی بەسەر زۆرێك لە شار و شارۆچكەكانی هەردوو وڵاتدا گرت، زۆرێكیش لەو كۆچبەرانە ڕوویان كردە وڵاتی ئەڵمانیا.

عێراق

سەرۆك كۆمار: پێویستە سوپا بەردەوام بێت لە ڕیشەكێشكردنی تیرۆر

خەڵك – بەشی هەواڵ

سەرۆك كۆماری عیراق وەزارەتی بەرگری بەسەركردەوە و جەختی لەوە كردەوە كە پێویستە سوپا بەردەوام بێت لە ڕیشەكێشكردنی تیرۆر و دووبارە سەرھەڵنەدانەوەی داعش لە وڵاتدا.

نووسینگەی ڕۆژنامەوانی سەرۆكایەتی كۆمار بڵاویكردەوە، د. بەرھەم ساڵح سەرۆك كۆماری عیراق ئەمڕۆ یەكشەممە 18/8/2019 سەردانی وەزارەتی بەرگری كرد و لەلایەن نەجاح شمری وەزیری بەرگری و گەورە ئەفسەرانی سوپا بەگەرمی پێشوازیكرا.

لە میانی پێشوازییەكی رەسمیدا مارشی كۆماری لێدرا پاشان سەرۆك كۆمار و وەزیری بەرگری پاسەوانی شەرەفیان پشكنی كە سەرجەم پێكھاتەكانی سوپای عیراقی لە خۆگرتووە.

سەرۆك كۆمار لە وەزارەتی بەرگری وتارێكی پێشكەشكرد، تێیدا دووپاتیكردەوە كە خوێنی شەھیدان و قوربانی ھێزە چەكدارەكان لە سوپا و پۆلیس و پێشمەرگە و حەشدی شەعبی و حەشدی نیشتمانی و دژە تیرۆر بەرز دەنرخێنین كە لە پێناو پاراستنی ھاووڵاتییان و گشت عیراقدا ڕشتیان، ھەروەھا ڕایگەیاند كەبرینەكان خەریكە ساڕێژ دەبن، چونكە ئیرادەی ئێوە لە خواستی تیرۆر گەورەتربوو و یەكڕیزیتان بووە نمونەی یەكڕیزی نیشتمانی لەكاتە سەختەكاندا، ھەروەك ئەمڕۆش بوونەتە جێگای ڕێزی مرۆڤایەتی كە بەشەرەفەوە بەرگریتانكرد لە بەرامبەر تیرۆریستاندا، ھاوكات وتی ھێزەچەكدارەكان بەگشت پێكھاتەكانییەوە گەورەترین داستانیان تۆماركرد لە جەنگی دژ بە تیرۆریستانی داعش و سەركەوتنی گەورەیان بە دەستھێنا.

لە درێژەی وتارەكەیدا سەرۆك كۆمار ڕایگەیاند: پێویستە سوپا بەردەوام بێت لە ڕیشەكێشكردنی تیرۆر و دووبارە سەرھەڵنەدانەوەی داعش لە عیراقدا.

سەرۆك كۆمار ئەوەشی دووپاتكردەوە كە نابێت سوپا بەشدار بێت لە یەكلایكردنەوەی ھاوكێشە سیاسییەكاندا بەڵكو دەبێت بێ لایەنی خۆی بپارێزێت و پیشەیانە ئەركەكانی خۆی جێبەجێ بكات، ھاوكات جەختی لەوە كردەوە كە پێویستە چەك تەنھا بە دەست دەوڵەت بێت.

سەبارەت بە كێشەكانی ناوچەكە سەرۆك كۆمار وتی: عیراق جارێكی تر نابێتە گۆڕەپانی یەكلاییكردنەوەی ململانییە سیاسییەكانی ناوچەكە بەڵكو عیراق دەبێتە پێگەیەك بۆ بەیەكگەیشتنی لایەنە ناكۆكەكان، تا جارێكی تر ناوچەكە تووشی شەڕ و ماڵوێرانی نەبێتەوە.

لەلای خۆیەوە وەزیری بەرگری سوپاسی سەرۆك كۆماری كرد بۆ گرنگیدان بە كارمەندانی سوپا و ھاوكات جەختیكردەوە كە ھێزە چەكدارەكان پەیمان دووپاتدەكەنەوە كە سەربازێكی وەفاداربن بۆ بەرگریكردن لە ھاووڵاتییان و خاكی نیشتمان.

بەردەوام بە لە خوێندنەوە

عێراق

لە چەند پارێزگایەك ڕۆژێكی ئەم هەفتەیە دەكرێتە پشوو

خەڵك- بەشی هەواڵ
بەبۆنەی “جەژنی غەدیر”ەوە ژمارەیەك لە پارێزگا شیعە نشینەكانی عیراق ڕۆژی سێ‌ شەممەی ئەم هەفتەیە دەكەنە پشووی فەرمی.

ژمارەیەك لە ئەنجوومەنی پارێزگاكانی عیراق، كە پێكهاتوون لە (واست، بابل، میسان، كەربەلا، دیوانیە، زیقار، بەسرە) بڕیاریاندا ڕۆژی سێ‌ شەممەی ئەم هەفتەیە 20ی ئاب بكرێتە پشوو بەبۆنەی “جەژنی غەدیر”ەوە.

ساڵانە بە بۆنەی “جەژنی غەدیر”ەوە موسڵمانانی شیعە ڕۆژی 18ی زیلحیجە، كە ئەمساڵ دەكاتە 20ی ئاب (سێ‌ شەممە) ئاهەنگ دەگێڕن و دەیكەنە پشوو، ئەوەش وەك خۆیان دەڵێن: “لەو ڕۆژەدا لە ناوچەی غەدیر، كە دەكەوێتە نزیك مەككەی پیرۆز، پێغەمبەری خودا (د.خ) وەسیەتی بۆ ئیمامی عەلی (ر.خ) كردووە لەدوای (حەجی ماڵئاوایی) تاوەكو ببێتە خەلیفەی موسڵمانان دوای كۆچی دوایی خۆی”.

بەردەوام بە لە خوێندنەوە

عێراق

هۆشداری سەندنەوەی متمانە درایە عەبدولمەهدی

خەڵك- بەشی هەواڵ

ئەندامێكی پەڕلەمانی عیراق لە فڕاكسیۆنی سائیرونی سەر بە ڕەوتی سەدر ڕایگەیاند، سەرۆك وەزیرانی عیراق ماوەكەی خەریكە تەواو دەبێت و هیچ یەكێك لە كارنامەی حكومەتەكەی تەواونەكردووە، بۆیە پێشبینی دەكرێت لە مانگی تشرینی یەكەمی ئەمساڵدا متمانەی لێوەربگیرێتەوە.

جەواد ساعیدی لە كۆنفڕانسێكی ڕۆژنامەوانیدا ئەمڕۆ لە بەغدا وتی”لەمكاتەدا مەبەستمان وەرگرتنەوەی متمانە لە سەرۆك وەزیران نییە، بەڵكو دەمانەوێت بەرنامەی حكومەت جێبەجێ‌ بكرێت”.

هەر لە قسەكانیدا ناوبراو ڕونیكردەوە، كوتلەی سائیرون دەیەوێت سەرۆك وەزیران سەركەوتووبێت، بەڵام لەهەمانكاتدا فشاریش دەكات بۆ زوو جێبەجێ‌ كردنی كارنامە و بەپێچەوانەوە ئەوەدەكات، كە گەلی عیراق پێویستی پێیەتی، چونكە بەهۆی جێبەجێ‌ نەكردنی بەرنامەی كابینەی نوێوە، ئەوەندە بابەت هەیە كە بتوانرێت بەهۆیەوە متمانە لە سەرۆك وەزیران وەربگیرێتەوە.

هەر لە قسەكانیدا ئەو پەڕلەمانتارە هۆشداری ئەوەشیداوە كە زۆربەی پەڕلەمانتاری فڕاكسیۆنە جیاوازەكان بە قسەی سەرۆكی كوتلەكانیان ناكەن و دورنییە لە مانگی تشرینی یەكەمی ئەمساڵدا متمانە لە سەرۆك وەزیران وەربگیرێتەوە.

بەردەوام بە لە خوێندنەوە

کوردستان