ئێمە لە تۆرە کۆمەڵایەتیەکان

جیهانی

(مێسی یه‌که‌مه‌) ئه‌و (١٠) وه‌رزشکاره‌ی له‌ساڵی ٢٠١٩دا زۆرترین داهاتیان کۆکردۆته‌وه‌

خه‌ڵک سپۆرت

لیۆنێل مێسی ئه‌رجه‌نتینی ئه‌ستێره‌ی یانه‌ی به‌رشلۆنه‌ له‌جیهانی تۆپی پێدا به‌ ده‌وڵه‌ندترین یاریزان هه‌ژمار ده‌کرێت و له‌ ساڵی ٢٠١٩دا زۆرترین داهاتی کۆکردۆته‌وه‌.

وه‌ک ئاشکرایه‌ له‌ساڵانی پێشوودا کریستیانۆ ڕۆنالدۆی پورتوگالی و چه‌ند یاریزانێکی بواری باسکه‌ له‌ڕووی داهاته‌وه‌ له‌ لوتکه‌دا بوون، به‌ڵام له‌ ساڵی ٢٠١٩دا لیۆ مێسی ته‌واوی هاوکێشه‌کانی پێچه‌وانه‌ کردۆته‌وه‌ و لوتکه‌ی ڕیزبه‌ندی خاوه‌ن زۆرترین داهاته‌کانی گرتووه‌.

به‌پێی ڕیزبه‌ندی نوێ و داتاکانی گۆڤاری “فۆربس”ی جیهانی، له‌ئێستادا جادوگه‌ره‌که‌ی ئه‌رجه‌نتین خاوه‌ن زۆرترین داهاته‌ له‌نێو سه‌رجه‌م وه‌رزشکارانی جیهاندا و له‌ساڵی ٢٠١٩دا بڕی ١٢٧ ملیۆن دۆلاری کۆکردۆته‌وه‌، که‌ بڕی ٩٢ ملیۆنی له‌ڕێگه‌ی موچه‌ و ئیمتیازاته‌وه‌ بووه‌ و ٣٥ ملیۆنیش له‌ڕێگه‌ بازرگانیه‌کانه‌وه‌.

ڕیزبه‌ندی ئه‌و یاریزانانه‌ی بۆ ساڵی ٢٠١٩ خاوه‌ن زۆرترین داهات بوون:

لیۆ مێسی (تۆپی پێ): ١٢٧ ملیۆن دۆلار

کریستیانۆ ڕۆناڵدۆ (تۆپی پێ): ١٠٩ ملیۆن

نایمار دا سیلڤا (تۆپی پێ): ١٠٥ ملیۆن

کانیلۆ ئالڤارێز (بۆکسێن): ٩٤ ملیۆن

ڕۆجێر فێدره‌ر (تێنسی سه‌رزه‌وی): ٩٣.٤ ملیۆن

ڕاسڵ ویلسۆن (فوتباڵی ئه‌مریکی): ٨٩.٥ ملیۆن

ئارۆن ڕۆجه‌رز (فوتباڵی ئه‌مریکی): ٨٩.٣ ملیۆن

لیبرۆن جه‌یمس (باسکه‌): ٨٩ ملیۆن

ستیفان کوری (باسکه‌): ٧٩.٨ ملیۆن

کیڤن دورانت (باسکه‌): ٦٥.٤ ملیۆن

جیهانی

نایمار ناگه‌ڕێته‌وه‌ بۆ پاریس، خلێفی داوای “بۆندی خه‌یاڵ” له‌ بارسا ده‌کات و پێرێز چاوه‌ڕێیه‌

خه‌ڵک سپۆرت

نایمار دا سیلڤای به‌رازیلی ئه‌ستێره‌ی یانه‌ی پاریس سانت جێرمان بڕیاریداوه‌ نه‌گه‌ڕێته‌وه‌ بۆ یانه‌ فه‌ره‌نسیه‌که‌ و  یانه‌کانی به‌رشلۆنه‌ و ڕیاڵ مه‌درید ده‌یانه‌وێت هه‌له‌که‌ بقۆزنه‌وه‌.

ڕۆژنامه‌ی “موندۆ دیپۆرتیڤۆ”ی که‌ته‌لۆنی له‌زاری سه‌رچاوه‌ ناوخۆییه‌کانی یانه‌ی پاریس سانت جێرمانه‌وه‌ ئاشکرای کردووه‌، له‌کۆتا په‌یوه‌ندی نێوان ناسڕ خلێفی خاوه‌نی “پی ئێس جی” و نایمار دا سیلڤا، یاریزانه‌که‌ی سیلیساو ڕایگه‌یاندووه‌ که‌ نایه‌وێت چیتر بگه‌ڕێته‌وه‌ بۆ فه‌ره‌نسا و خه‌ون ده‌بینێت دووباره‌ په‌یوه‌ندی به‌ یانه‌ی به‌رشلۆنه‌وه‌ بکاته‌وه‌.

سه‌رچاوه‌ ئیسپانیه‌کان ئاماژه‌یان کردووه‌، گواستنه‌وه‌ی نایمار بۆ هه‌ر یانه‌یه‌کی تر ئاسان نییه‌، به‌ڵکو خلێفی به‌توڕه‌ییه‌وه‌ داوای بڕی (٣٠٠) ملیۆن یورۆ به‌رامبه‌ر گواستنه‌وه‌ی ده‌کات، له‌به‌رامبه‌ردا ئیداره‌ی یانه‌ی به‌رشلۆنه‌ هه‌وڵده‌ده‌ن ناوه‌کانی عوسمان دیمبیلی و فیلیپی کۆتینیپۆ تێهه‌ڵکێشی گواستنه‌وه‌ مێژوویه‌که‌ بکه‌ن.

له‌لایه‌کی تره‌وه‌ ڕۆژنامه‌ی “لو باریزیان”ی فه‌ره‌نسی دووپاتی کردۆته‌وه‌، گواستنه‌وه‌ی “نێی” بۆ بارسا به‌خواستی خۆی نییه‌ و مسۆگه‌ریش نییه‌، به‌ڵکو ئه‌گه‌ر زۆره‌ ناسڕ خلێفی له‌وه‌ڵامی هه‌ڵوێسته‌کانی نایمار و ئیداره‌ی یانه‌ی به‌رشلۆنه‌دا یاریزانه‌که‌ ئاڕاسته‌ی یانه‌ی ڕیاڵ مه‌درید بکات، که‌ به‌هه‌مان شێوه‌ داواکاری تواناکانین، به‌ڵکو په‌یوه‌ندی نێوان ئیداره‌کانی پاریس و ڕیاڵ توندوتۆڵتره‌ و به‌دوور نازانرێت فلۆرنتینۆ پێرێزی سه‌رۆکی یانه‌ی شاهانه‌ هه‌له‌که‌ بقۆزێته‌وه‌.

بەردەوام بە لە خوێندنەوە

جیهانی

پاش ١٣ ساڵ لێکترازان، یاریزانێکی ڕیاڵ مه‌درید ڕاسته‌وخۆ په‌یوه‌ندی به‌ ئه‌تله‌تیکۆوه‌ کرد !

خه‌ڵک سپۆرت

ئه‌مڕۆ به‌فه‌رمی پێگه‌کانی یانه‌ی ئه‌تله‌تیکۆ مه‌دریدی ئیسپانی گواستنه‌وه‌ی مارکۆس لۆرێنتی ئه‌ستێره‌ی لاوی یانه‌ی ڕیاڵ مه‌دریدیان بۆ ڕیزه‌کانیان‌ ئاشکرا کرد.

ڕۆژنامه‌کانی “مارکا و ئاس” ئاشکرایان کرد، ئه‌مڕۆ به‌فه‌رمی مارکۆس لۆرێنتی له‌ یانه‌ی ڕیاڵ مه‌دریده‌وه‌ به‌بڕی ٤٠ ملیۆن یورۆ په‌یوه‌ندی به‌ ئه‌تله‌تیکۆ مه‌دریدی ڕکابه‌ری مێژووییه‌وه‌ کردووه‌، گواستنه‌وه‌ی ناوه‌ندسازه‌ لاوه‌که‌ بڕی ٤٠ ملیۆن یورۆی تێچووه‌ و وه‌ک شوێنگره‌وه‌ی “ڕۆدری” مامه‌ڵه‌ی له‌گه‌ڵدا ده‌کرێت.

بڕیاره‌ له‌چه‌ند ڕۆژی داهاتودا “ڕۆدری” ئه‌ستێره‌ی هێڵی ناوه‌ندی ئه‌تله‌تی به‌ بڕی ٧٠ ملیۆن یورۆ په‌یوه‌ندی به‌ یانه‌ی مانچسته‌ر سیتی ئینگلیزیه‌وه‌ بکات، وه‌ک شوێنگره‌وه‌ دیێگۆ سیمیۆنی داوای گواستنه‌وه‌ی لۆرێنتی کردووه‌ و یاریزانه‌که‌ و یانه‌ی شاهانه‌ له‌سه‌ر ڕاسپارده‌ی زینه‌دین زێدان ڕه‌زامه‌ندیان نیشانداوه‌.

جێی باسه‌، ماوه‌ی ١٣ساڵه‌ واتا له‌ساڵی ٢٠٠٦وه‌ په‌یوه‌ندی نێوان دوو یانه‌ زه‌به‌لاحه‌که‌ی مه‌درید سه‌باره‌ت به‌ گواستنه‌وه‌ی ڕاسته‌وخۆی یاریزانان لاواز بووه‌ و به‌پێی ڕێکه‌وتنێکی نهێنی، دوو یانه‌ی ناوبراو قه‌ده‌غه‌ بوو یاریزان له‌ڕیزه‌کانی یه‌کتریه‌وه‌ بگوێزنه‌وه‌، به‌ڵام له‌دوای ئه‌م گواستنه‌وه‌یه‌ په‌یوه‌ندیه‌کان ئاسایی ده‌بنه‌وه‌.

بەردەوام بە لە خوێندنەوە

جیهانی

کۆنتی به‌بێ ده‌نگی ڕه‌زامه‌ندی چوار یاریزانی به‌ده‌ستهێناوه‌ و چاوه‌ڕێی وه‌ڵامی یانه‌ فرۆشیاره‌کانه‌ !

خه‌ڵک سپۆرت

ئه‌نتۆنیۆ کۆنتی ڕاهێنه‌ری نوێی یانه‌ی ئینته‌رمیلان به‌شێوه‌یه‌کی نهێنی کار له‌سه‌ر گواستنه‌وه‌کان ده‌کات و له‌چوار جه‌مسه‌ره‌وه‌ سه‌رکه‌وتنی به‌ده‌ست هێناوه‌.

ڕۆژنامه‌ی “کۆرێری دێلۆ سپۆرت”ی ئیتاڵی له‌زاری سه‌رچاوه‌ ناوخۆییه‌کانی یانه‌ی ئینته‌رمیلانه‌وه‌ ئاشکرای کردووه‌، کۆنتی و هاوکارانی له‌ ئیداره‌ی “نێراتزۆری” له‌ماوه‌ی چه‌ند هه‌فته‌ی ڕابردوودا گفتوگۆی چڕوپڕ و ئاسته‌میان بۆ گواستنه‌وه‌ی چوار ئه‌ستێره‌ی ناودار ئه‌نجامداوه‌ و له‌سه‌رجه‌میاندا سه‌رکه‌وتوو بوون، واتا ڕه‌زامه‌ندی هه‌ر چوار یاریزانه‌که‌یان به‌ده‌ستهێناوه‌.

داواکراوان بریتی بوون له‌: ڕۆمێلۆ لوکاکۆی به‌لجیکی هێرشبه‌ری یانه‌ی مانچسته‌ر یونایتد و ئیدین دزیکۆی بۆسنی ئه‌ستێره‌ی یانه‌ی ڕۆما، و سێیه‌م و چواره‌م ناویش نیکۆلۆ بارێلای ئه‌ستێره‌ی کالیه‌ری و ڤالێنتینۆ لازارۆی باڵی هێرشبه‌ری یانه‌ی هێرتا به‌رلین بوون.

به‌پێی سه‌رچاوه‌که‌، پاش یه‌کلایی کردنه‌وه‌ی هه‌ڵوێستی یاریزانه‌کان، ئیداره‌ی ماره‌ شینه‌کانی میلان ڕاسته‌وخۆ بۆندی داواکراویان پێشکه‌شی یانه‌ فرۆشیاره‌کان کردووه‌ و حاڵی حازر ته‌واوی کارمه‌ندانی یانه‌ چاوه‌ڕوانی وه‌ڵامی کۆتایی ئه‌و یانانه‌ ده‌که‌ن.

“کۆرێری” دووپاتی کردۆته‌وه‌، له‌ وه‌رزی نوێدا هانده‌رانی یانه‌ چاوه‌ڕوانی زیاتر و زیاتر له‌ کۆنتی ده‌که‌ن و ئه‌و ڕاهێنه‌ره‌ش له‌پێناو به‌دیهێنانی ئامانجه‌کانیدا چه‌ندین داواکاری له‌ ئیداره‌ی یانه‌ هه‌بووه‌، له‌هه‌موو داواکاریه‌کان گرنگتر به‌هێزکردنی پێکهاته‌ی سه‌ره‌کی بووه‌ به‌م چوار یاریزانه‌ و ئه‌و مه‌رجه‌شی وه‌ک به‌ڵێن له‌ سه‌رۆکایه‌تی یانه‌وه‌ مسۆگه‌ر کردووه‌.

بەردەوام بە لە خوێندنەوە

کوردستان