ئێمە لە تۆرە کۆمەڵایەتیەکان

ئابوری

هەولێر.. كاسبكارانی سەر شۆستە و شەقامەكان دووردەخرێنەوە


خەڵك-ئارام سەردار

قائیمقامی هەولێر ڕایدەگەیەنێت، هەركەسێك شۆستەو شەقامەكان بۆ فرۆشتنی سەوزە و میوە و ماسی و چەندین كەلوپەلی دیكە بەكاربهێنێت بەپێی یاسای زێدەڕۆیی مامەڵەی لەگەڵ دەكرێت.

نەبەز عەبدولواحید، قائیمقامی هەولێر سەبارەت بەداگیركردنی شۆستەو شەقامەكان بۆ فرۆشتنی سەوزە و میوە و ماسی و چەندین كەلو پەلی دیكە كە بوونەتە هۆكاری قەرەباڵغی شەقامەكان، بە(خەڵك)ی ڕاگەیاند، یاسای ژمارەی ۳ی ساڵی ۲۰۱۸ تایبەت بە دیاردەی زێدەڕۆیی لەپەڕلەمانی كوردستان دەرچووە، داگیركردنی شۆستە و شەقامەكانیش لەلایەن ئەو كەسانەوە بەزێدەڕۆیی لەقەڵەم دراوە و دەبێت ئەوكەسانە سزا بدرێن.

دەشڵێت “ئاگاداری هەموو شارەوانییەكانمان كردووەتەوە، پێویستە بەو كارەی خۆیان هەڵبستن، ئێمەش هەموو پاڵپشتییەكیان دەكەین، ڕۆژانەش دەست بەسەر دەیان ئۆتۆمبێلدا دەگرین”.

قائیمقامی هەولێر ئەوەش دەخاتەڕوو، كەسانێك وەك پیشە بەم كارە هەڵدەستن، دیارە چەند جارێكیش سزادراون، پێویستە هاووڵاتیانیش لەكڕینی كەلوپەل لەم شوێنانە دووربكەونەوە، بەتایبەت كڕینی گۆشت، چونكە ئەگەر مۆری سەربڕخانەی پێوەنەبێت، بەدڵنیایی گۆشتێكی نەخۆشە و كاریگەری خراپی بۆ سەر تەندروستی دەبێت، بۆیە دەبێت هاووڵاتیانیش هاوكاربن و هیچ شتێك لەشەقامەكان نەكڕن.

ریکلام

ئابوری

ئەپڵ، پەیامێك ئاڕاستەی خۆپیشاندەرانی ئەمریكا دەكات


خەڵك-بەشی هەواڵ

كۆمپانیای ئەپڵ پەیامێك ئاڕاستەی خۆپیشاندەرانی ئەمریكا دەكات و ئاشكرایدەكات، ئەو مۆبایلانەی بردووتانە بیگێڕنەوە، ئەگەر نا دەخرێنە ژێر چاودێرییەوە.
ماڵپەری reddit ئەمریكایی بڵاویكردەوە، لەسەر شاشەی مۆبایلە ئایفۆنە درزاوەكان پەیامێك دەركەوت كە داوای لە خۆپیشاندەران كردووە مۆبایلەكان بگێڕنەوە.
ئەپل، لە پەیامێكدا كە بۆسەر شاشەی موبایلەكانی ناردووە نووسیوێتی” داوا لە ئێوە دەكرێت ئەم دەزگایە بگێڕنەوە بۆ فرۆشگاكان، ئەم دەزگایە لەكار خراوە”.
دوای كوشتنی جورج فلوید كە كەسێكی ڕەشپێستی ئەمریكاییە لەلایەن پۆلیسێكەوە، بەشێك لە هاووڵاتیانی ئەمریكا وەك ناڕەزایەتییەك ڕژانەسەر شەقامەكان و زیاتر لە هەفتەیەكە خۆپیشاندانەكان بەردەوامە.

بەردەوام بە لە خوێندنەوە

ئابوری

نرخی نەوت بەرز بووەوە


خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ سێ شەممە، 2ی‌ حوزەیرانی 2020 دابەزیوە، بەشێوەیەك نرخی‌ نەوتی برێنت بە 38 دۆلار و 62 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 35 دۆلارو 72 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

ئابوری

نرخی نەوت لە 38 دۆلار نزیكدەبێتەوە


خەڵك- بەشی هەواڵ
نرخی نەوت لە سایەی كۆبوونەوەی چاوەڕوانكراوەكەی گروپی (ئۆپیك+) كە وابڕیارە لەم هەفتەیەدا سازبكرێت، هەندێك بەرزبۆوونەوەی بەخۆوەبینی.

ئەمڕۆ دوو شەممە، نرخی بەرمیلێك نەوتی برێنت گەیشتە 37.84 دۆلار، لە هەمان كاتدا نرخی بەرمیلێك نەوتی خۆرئاوای تكساس بۆ گرێبەستە دواخراوەكان گەیشتە 35.53 دۆلار.

نرخی نەوت لە مانگی ئایاری ڕابردوودا هەندێك بوژانەوەی بەخۆوەبینی كە بەهۆی كەمبوونەوەی بێپێشینەی بەرهەمی نەوتی (ئۆپیك) و پێشبینییەكانی تایبەت بە بەرزبوونەوەی ئاستی داواكاریی لەسەر نەوت كە بەهۆی هەڵگرتنی ڕێكارەكانی داخستی تایبەت بە كۆرۆنایە لە زۆربەی وڵاتان.

واچاوەڕوان دەكرێت وڵاتانی گروپی (ئۆپیك+) لەم هەفتەیەدا كۆبوونەوەیەك بۆ تاوتوێكردنی بازاڕی نەوت لە جیهان و درێژكردنەوەی كارپێكردن ڕێكەوتنی كەمكردنەوەی بەرهەم، سازبكەن.

بەردەوام بە لە خوێندنەوە

کوردستان