ئێمە لە تۆرە کۆمەڵایەتیەکان

کوردستان

كتێبێكی ناوازە لەسەر ژیانی حەسەن زیرەك لە ساڵوەگەڕی كۆچی دواییەكەیدا بڵاودەكرێتەوە

خەڵك- نزار جەزا

بڕیارە كتێبێكی زۆرتر لە هەزار لاپەڕەیی لەبارەی ژیان و بەرهەمی هونەرمەندی گەورەی كورد حەسەن زیرەك لە ساڵوەگەڕی كۆچی دواییەكەیدا بڵاوبكرێتەوە.

مەریوان مەسعود، ئامادەكار و سەرپەرشتیاری چاپكردنی كتێبی ( حەسەن زیرەك.. چریكەیەك بۆ شادی) بە (خەڵك)ی ڕاگەیاند، بڕیارە لە ئێوارەی 26ی ئەم مانگەدا لەیادی حەسەن زیرەكدا لە سەرای سلێمانی ئەم كتێبە بڵاوبكرێتەوە.

ناوبراو ڕوونیكردەوە، بیرۆكەی ئەم كتێبە دەگەڕێتەوە بۆ ساڵێك لەمەوبەر، كە لەگەڵ بابەكر دڕەیی بەڕێوەبەری ڕۆشنبیری سلێمانی بیرۆكەكەیان دانا، و تاكو ئێستا خەریكی بووە و گەیشتووەتە چاپ.

ئەوەشی خستەڕوو، ئەم كتێبە گرنگترین سەرچاوەی زانستی دەبێت لەسەر حەسەن زیرەك، چونكە 1080 لاپەڕەیە و بەدیزاینێكی زۆر جوان چاپكراوە، هەروەها سود لە حەوت كتێب و سەرچاوەی دیكە وەرگیراوە، هاوكات كۆمەڵێك وێنەی دەگمەن و بەشێك لەشێعر و ئاوازی گۆرانییەكانی تێدایە، لەلایەكی دیكەوە ژیانی حەسەن زیرەكی تێدا باسكراوە، كە یەكەمجارە كتێبێكی لەم شێوەیە لەسەر هونەرمەندێك ئامادەبكرێت و هەموو عاشقانی حەسەن زیرەك خۆیان لەم كتێبەدا دەبیننەوە.

باسی لەئەوەشكرد، ئەركی لەچاپدانی كتێبەكە لەسەر ئەستۆی هەڤاڵ ئەبوبەكر پارێزگاری سلێمانی بوو، چونكە كتێبەكەی پێ گرینگ و ناوازە بوو.

دەشڵێت “ئەم كتێبەم ناوناوە حەوت كتێب لەناو یەك كتێبدا، چونكە ئەم كتێبە سوودی لە حەوت كتێبی دیكە وەرگرتووە، كە پێكهاتون لە كتێبەكانی، (میدیای زەندی، میرزا كەریم خۆشناو (دوو كتێب)، د.هیوا عومەر ئەحمەد، د.مەولود ئیبراهیم حەسەن، زۆزك ئەحمەد قەرەداغی و زاهیر محەمەد عەزیز، عادل محەمەد كەریم )”.

ساڵانە لە 26ی حوزەیراندا ڕێوڕەسمی تایبەت بە كۆچی دوایی هونەرمەندی گەورەی كورد لە نێوخۆو دەرەوەی كوردستان سازدەكرێن.

کوردستان

بەرپرسێكی شارۆچكەی دەربەندیخان دەستی لەكاركێشایەوە

خەڵك- بەشی هەواڵ

بەڕێوەبەری ئاوی شارۆچكەی دەربەندیخان بەهۆی ناڕەزایەتی هاووڵاتیانەوە دەستی لەكاركێشایەوە.

بەپێی زانیارییەكان ئەكبەر مەحمود، بەڕێوەبەری ئاوی دەربەندیخان ئەمڕۆ دەستی لەكاركێشاوەتەوە، وەك كاردانەوەیەك بەرامبەر بە نەبوونی ئاوی خواردنەوە لە زۆربەی گەڕەكەكانی شارۆچكەكەدا.

بەردەوام بە لە خوێندنەوە

کوردستان

باشووری كوردستان.. ئەمڕۆ بەهۆی ڕووداوی هاتوچۆ پێنج هاووڵاتی گیانیان لەدەست دا و بریندار بوون

خەڵك –بەشی هەواڵ

ئەمڕۆ یەك شەممە لە چەند ناوچەیەكی باشووری كوردستان بەهۆی ڕووداوی هاتوچۆوە پێنج هاووڵاتی گیانیان لەدەست دا و بریندار بوون.

بەڕێوەبەرایەتی هاتوچۆی گەرمیان برینداربوونی دوو هاووڵاتی بەهۆی ڕووداوێكی هاتوچۆوە لە سەر ڕێگەی كەلار- دەربەندیخان ڕاگەیاند.

بەڕێوەبەرایەتییەكە، ئاشكرایكرد “ڕووداوەكە لە جۆری پێكدادان بووە لە سەرو بازگەی ساڵح ئاغاوە بووە لەنیوان دوو ئۆتۆمبێل لەجۆرەكانی كیا بریجۆ و مازدا ستەیشن، بەهۆی ڕووداوەكەوە شۆفیری هەردوو ئۆتۆمبێل بەسەختی برینداربوون، دەست بەجێ ڕەوانەی نەخۆشخانەی فریاكەوتنی شەهید هەژار كراون بەمەبەستی وەرگرتنی چارەسەر”.

هاوكات هاتوچۆی گەرمیان گیانلەدەستدانی دوو هاووڵاتی دیكەی لە ڕووداوێكی پێكداداندا لە لەسەر ڕێگەی كەلار – خانەقین ڕاگەیاند.

لەلایەكی دیكەوە لە سەر ڕێگەی كۆیە بارهەڵگرێك وەرگەڕا و بەپێی زانیارییەكان شۆفێرەكەی گیانی لەدەست داوە.

ڕۆژانە بەهۆی خراپی ڕێگەوبانەكانی دەرەوەی شارەكان و پابەندنەبوونی شۆفێران بە ڕێنماییەكانی هاتوچۆ ڕووداو ڕوو دەدان و هاووڵاتیان دەبنەقوربانی.

بەردەوام بە لە خوێندنەوە

کوردستان

گەرمیان.. ڕووداوێكی هاتوچۆ گیان لەدەستدانی دوو كەسی لێكەوتەوە

خەڵك –بەشی هەواڵ

بەڕێوەبەرایەتی هاتوچۆی گەرمیان ڕایگەیاند “سەرلەبەیانی ئەمڕۆ لەسەر ڕێگای خانەقین – كەلار ئۆتۆمبێڵێكی پیك ئاب لەگەڵ ئۆتۆمبێلێكی كیا بەیەكیان دادا”.

بەڕێوەبەرایەتییەكە لە ڕاگەیەندراوێكدا ئاشكراشیكرد “بەداخەوە لەم ڕووداوەدا دوو كەس گیانیان لەدەست دا و دووانی دیكەش بریندار بوون”.

هاوكات هەر ئەمڕۆ بەهۆی وەرگەڕانی بارهەڵگرێكەوە لە سەر ڕێگەی كۆیە، كەسێك گیانی لە دەست دا.

بەردەوام بە لە خوێندنەوە

کوردستان