ئێمە لە تۆرە کۆمەڵایەتیەکان

ئابوری

كابینەی ئایندەی هەرێم چۆن پاشەكەوتی موچە دەداتەوە؟

خەڵك-بەشی هەواڵ

بەڕێوەبەری ڕێكخراوی گەشەپێدانی ئابوری ڕایدەگەیەنێت، ئەگەر حكومەتی داهاتووی هەرێم لەگەڵ بەغدا ڕێكنەكەوێت جارێكی دیكە كێشەی موچەمان بۆ دروست دەبێتەوە.

دوای تێپەڕاندنی قەیرانی دارایی و بێ موچەیی لە هەرێمی كوردستان، تا ئێستا ڕوئیایەكی تەواوەتی نییە بۆ چارەسەربوونی دۆخی قەیراناوی دارایی هەرێم، هەرچەندە سەرۆك وەزیرانی پێشووی هەرێم ئەوەی ئاشكرا كرد، قەیرانی دارایی لە هەرێم كۆتایی پێهات، ئەمەش لەكاتێكدایە تا ئێستا هیچ بڕیارێك نییە بۆ دانەوەی پاشەكەوتی موچەی فەرانبەرانی هەرێم كە لە ساڵانی ڕابردودا لێیان زەوت كراوە.

حوسام بەرزنجی بەڕێوەبەری ڕێكخراوی گەشەپێدانی ئابوری كوردستان بە (خەڵك)ی ڕاگەیاند، پێویستە حكومەتی نوێی هەرێم هەوڵ بدات موچە ڕێكبخات بەشێوەیەك هەموو مانگێك لە ڕۆژی دیاریكراوی خۆیدا بدرێت، ئەوكات بیر لەوە بكرێتەوە میكانیزمێك بدۆزێتەوە بۆ دانەوەی پاشەكەوت.
دەشڵێت “ئێستا كێشەكە لەوەدایە ئایا نەوت لە ڕێگای بەغداوە دەڕوات یان نا، چونكە دەبێت 250 هەزار بەرمیل بدەینە بەغدا تاكو ئەو بودجە بنێرێت ئەوە تا ئێستا ناڕوونە و ئایا حكومەت چۆن ڕێكدەكەوێت”.

ئاشكراشیكرد، باشترین كار حكومەتی داهاتوو بیكات ئەوەیە سندوقی داهاتە نەوتییەكان كە لە 2015 بڕیاری لەسەردرا جێبەجێ بكات، چونكە زۆربەی كێشەكانمان چارەسەر دەبێت، بەشێوەیەك داهاتی نەوت دەچێتە ئەو سندوقەوە و داهاتەكەی دیاردەبێت و دەتوانین موچە و بودجەی لەسەر دابنێین، بەڵام ئەگەر ئەوە نەكەین دەبێت پشت بە بودجەی بەغدا و داهاتی نەوتی خۆمان ببەستین كە نازانین داهاتەكەی بە تەواوەتی چەندە.

ئاماژەی بۆ ئەوەش كرد، نازانین بودجەمان چەندە و ڕێكنەخراوە، دەبێت ئەم حكومەتە پێش هەموو شتێك هەنگاو بنێت بۆ ڕێكخستنی بودجەی ساڵی 2019 لەسەر ڕۆشنای بودجەی بەغدا و داهاتی نەوت و ناوخۆ، ئەگەر ئەوە نەبێت بەرچاو ڕوونی نابێت و كێشەی داراییمان بەردەوام دەبێت و ئەگەر 250 هەزار بەرمیلەش نەنێرین دووبارە كێشەی موچەمان بۆ دروست دەبێتەوە.

ئابوری

هاوردەكردنی غاز لە ئێرانەوە بۆ عێراق كەمیكرد

خەڵك- بەشی هەواڵ

وەزارەتی كارەبای عێراق رایگەیاند سەعاتەكانی كارەبا لە بەغدا و شارەكانی دیكە نەتوانراوە زیاد بكرێت بەهۆی كەمبوونەوەی بڕی غازی هاوردەكراو لە ئێرانەوە بۆ كارپێكردنی وێستگەكانی بەرهەم و كاری سیانە لەگەڵ كردنە ئامانجی تاوەرەكانی گواستنەوەی وزە لە باكور.

ئەحمەد عەبادی وتەبێژی وەزارەتی كارەبای عێراق بە رۆژنامەی سەباحی وتووە، وەزارەت هەوڵ دەدات بۆ زیادكردنی توانای بەرهەمهێنان لە وزە و زیادكردنی بەرهەم لە وێستگەكانی بەرهەم هێنان ، بەڵام سیستمی كارەبا لە دوو رۆژی رابردوو 3565 مێگاواتی لە ناوچەكانی باشور و ناوەڕاست و بەشێكی باكور لە دەستدا بەهۆی كەمبونەوەی بڕی غازی هەناردەكراو لە ئێرانەوە.

رونیشیكردەوە هاوردەكردنی غاز لە ئێرانەوە بۆ ئەو ناوچانە 10 ملیۆن مەتر چوار گۆشە لە رۆژێكدا كەمیكرد كە پێشتر 25 ملیۆن مەتر چوارگۆشە بوو، كە كاریگەری كرد لە وێستگەكانی بسمایە، سەدر، قودس، كەربەلا، حەیدەریە، نەجەف، مەنسوریە، شەتی عەرەب، حلە، دیوانیە، نەجیبیە، واست، باشوری بەغدا.

ئاماژەی بەوەشكرد لە هەمان كاتدا سیستمی كارە روبەڕووی كردنەئامانجی هێڵەكانی گواستنەوە بووە لە چەند ناوچەیەك لەوانە هێڵی رەشید، بسمایە و گەیارە، موسڵ و گەیارە، كەركوك، كە بەهۆی بەشێك لە تاوەرەكانی گواستنەوە لەكار كەوتن.

بەردەوام بە لە خوێندنەوە

ئابوری

وەزیری نەوتی عێراق: نرخی نەوت دەگاتە 50 دۆلار

خەڵك- بەشی هەواڵ

وەزیری نەوتی عێراق ئەمڕۆ یەك شەممە رایگەیاند نرخی نەوت دەگاتە 50 دۆلار بۆ بەرمیلێك لەسەرەتای ساڵی تازە.

وەزیری نەوتی عێراق بە رۆژنامەی سەباحی وتووە، عێراق داوا ناكات لە رێكخراوی ئۆپێك بیبورێت لە رێككەوتنی كەمكردنەوەی بەرهەم، چونكە پێشبینی دەكەین لەسەرەتای ساڵی نوێ نرخی نەوت بگاتە 50 دۆلار بۆ بەرمیلێك.

وتیشی: پشتیوانی عێراق بۆ رێككەوتنەكە ئاسانكاری دەكات بۆ پشتیوانی نرخی نەوت، بەغدا هەوڵی لێخۆشبوون نادات لەلایەن ئۆپێكەوە بەهۆی پاشەكشەی نوێی نرخی نەوت.

عێراق دەناڵێنێت بەدەست قەیرانی داراییەوە بەهۆی دابەزینی بەهای نەوت ، چونكە عێراق 90%ی داهاتەكە پشت بە داهاتە نەوتییەكان دەبەستێت.

لە ژێر كاریگەری نەخۆشی كۆرۆنا لەسەرانسەری جیهاندا نرخی نەوت بەشێوەیەكی بێوێنە لەمساڵدا دابەزینی بەخۆیەوە بینی، كاریگەری گەورەی لەسەر ئەو وڵاتانە كرد كە تەنها پشت بە نەوت دەبەستن بۆ داهات.

بەردەوام بە لە خوێندنەوە

ئابوری

ئێران لە هەرێمەوە بەبەهای 5 ملیار دۆلار كاڵای رەوانەی عێراق كردووە

خەڵك- بەشی هەواڵ

بەرپرسی گشتی ڕێكخراوی بازرگانی ئێران ئاماژەی بە هەناردە كردنی كاڵا بە بەهای پێنج ملیار دۆلار بۆ عێراق لە ماوەی حەوت مانگی یەكەمی ئەمساڵ كرد.

فەرزاد پیتلن بۆ میدیاكانی ئێران وتی: بڕی كێشی هەناردە كردنی ئێران بۆ عێراق لە ماوەی حەوت مانگی یەكەمی ئەمساڵ ١٧ ملیۆن و ٦٠٠ هەزار تۆن بووە، لە ئەم ماوەیەدا ئێران زیاتر لە چین هەناردە كردنی بۆ عێراق بووە.

وتیشی: دوای وڵاتی عێراق، هەناردە كردنەكانی ئێران لە ڕیزەوە بۆ وڵاتانی چین بە چوار ملیار و ٤٠٠ ملیۆن دۆلار و ٢٤ لەسەد لە پلەی دووهەم، ئیمارات بە ٢ ملیار و ٢٠٠ ملیۆن دۆلار و ١٢ لەسەدی هەناردە كردنەكان لە پلەی سێهەم، توركیا بە یەك ملیار و ٥٠٠ ملیۆن دۆلار و ٨.٢ لەسەد لە پلەی چوارەم، ئەفغانستان بە یەك ملیار و ٣٠٠ ملیۆن دۆلار و ٧.٣ لەسەد لە پلەی پێنجەم، بووە.

رونیشیكردەوە زیادكردنی ٢٦ لەسەدی هەناردە كردنەكانی ئێران بۆ عێراق لە باری كێشەوە لە چاو ساڵی ڕابردوو هەبووە، جگە لە گاز و كارەبا، ئاسنی، تەماتە، كاشی و سرامیك، شامی، فێنك كەرەوە، دۆشاوی تەماتە، پەنێر و بیسكویت لە كاڵا هەناردەییەكانی ئێران بۆ عێراق بووە.

زیادترین ڕێژەی ئەم هەناردە كردنە لە ڕێگای سنوور و ڕێڕەوەكانی نێوان ئێران و هەرێمی كوردستانەوە ئەنجام دەدرێت و لە هەرێمی كوردستانەوە بە سەر هەموو عێراقدا دابەش دەكرێت.

بەردەوام بە لە خوێندنەوە

کوردستان