ئێمە لە تۆرە کۆمەڵایەتیەکان

ئابوری

كابینەی ئایندەی هەرێم چۆن پاشەكەوتی موچە دەداتەوە؟

خەڵك-بەشی هەواڵ

بەڕێوەبەری ڕێكخراوی گەشەپێدانی ئابوری ڕایدەگەیەنێت، ئەگەر حكومەتی داهاتووی هەرێم لەگەڵ بەغدا ڕێكنەكەوێت جارێكی دیكە كێشەی موچەمان بۆ دروست دەبێتەوە.

دوای تێپەڕاندنی قەیرانی دارایی و بێ موچەیی لە هەرێمی كوردستان، تا ئێستا ڕوئیایەكی تەواوەتی نییە بۆ چارەسەربوونی دۆخی قەیراناوی دارایی هەرێم، هەرچەندە سەرۆك وەزیرانی پێشووی هەرێم ئەوەی ئاشكرا كرد، قەیرانی دارایی لە هەرێم كۆتایی پێهات، ئەمەش لەكاتێكدایە تا ئێستا هیچ بڕیارێك نییە بۆ دانەوەی پاشەكەوتی موچەی فەرانبەرانی هەرێم كە لە ساڵانی ڕابردودا لێیان زەوت كراوە.

حوسام بەرزنجی بەڕێوەبەری ڕێكخراوی گەشەپێدانی ئابوری كوردستان بە (خەڵك)ی ڕاگەیاند، پێویستە حكومەتی نوێی هەرێم هەوڵ بدات موچە ڕێكبخات بەشێوەیەك هەموو مانگێك لە ڕۆژی دیاریكراوی خۆیدا بدرێت، ئەوكات بیر لەوە بكرێتەوە میكانیزمێك بدۆزێتەوە بۆ دانەوەی پاشەكەوت.
دەشڵێت “ئێستا كێشەكە لەوەدایە ئایا نەوت لە ڕێگای بەغداوە دەڕوات یان نا، چونكە دەبێت 250 هەزار بەرمیل بدەینە بەغدا تاكو ئەو بودجە بنێرێت ئەوە تا ئێستا ناڕوونە و ئایا حكومەت چۆن ڕێكدەكەوێت”.

ئاشكراشیكرد، باشترین كار حكومەتی داهاتوو بیكات ئەوەیە سندوقی داهاتە نەوتییەكان كە لە 2015 بڕیاری لەسەردرا جێبەجێ بكات، چونكە زۆربەی كێشەكانمان چارەسەر دەبێت، بەشێوەیەك داهاتی نەوت دەچێتە ئەو سندوقەوە و داهاتەكەی دیاردەبێت و دەتوانین موچە و بودجەی لەسەر دابنێین، بەڵام ئەگەر ئەوە نەكەین دەبێت پشت بە بودجەی بەغدا و داهاتی نەوتی خۆمان ببەستین كە نازانین داهاتەكەی بە تەواوەتی چەندە.

ئاماژەی بۆ ئەوەش كرد، نازانین بودجەمان چەندە و ڕێكنەخراوە، دەبێت ئەم حكومەتە پێش هەموو شتێك هەنگاو بنێت بۆ ڕێكخستنی بودجەی ساڵی 2019 لەسەر ڕۆشنای بودجەی بەغدا و داهاتی نەوت و ناوخۆ، ئەگەر ئەوە نەبێت بەرچاو ڕوونی نابێت و كێشەی داراییمان بەردەوام دەبێت و ئەگەر 250 هەزار بەرمیلەش نەنێرین دووبارە كێشەی موچەمان بۆ دروست دەبێتەوە.

ئابوری

وەزارەتی كشتوكاڵ داوایەك لە جوتیاران دەكات

خەڵك – بەشی هەواڵ

وەزارەتی كشتوكاڵی عیراق داوا دەكات وەبەرهێنان لەو زەویانەی بیابانەكان بكرێت كە ڕووبەریان لە ملیۆنێك دۆنم زیاترە.

ساڵح حەسەنی وەزیری كشتوكاڵی عیراق لە ڕاگەیەنراوێكدا داوایكرد: زەوییە بیابانییەكان بەمەبەستی كشتوكاڵكردن وەبەرهێنانیان تێدا بكرێت، تا بەرهەمی ناوخۆیی زیاتر بێت ‌و هەلی كار بڕەخسێنرێت‌ و ئابووری وڵات گەشە بكات.

وەزیری كشتوكاڵی عیراق ئاماژەی بەوەشكرد: دەتوانرێت لە قۆناغی یەكەمدا لەسەر ڕووبەری زیاتر لە ملیۆنێك دۆنم زەوی چەندین پڕۆژەی كشتوكاڵیی دروست بكرێت.

وەزیری كشتوكاڵی عیراق ئەوەشی خستەڕوو: ئامانج لەو پڕۆژەیە زیادكردنی زەوی كشتوكاڵی‌ و بەرهەمی ناوخۆییە لەگەڵ كۆنتڕۆڵكردنی كوالێتی ئەو خۆراكەی كە بە هاووڵاتیانی عیراق دەدرێت، هەروەها دەستەبەركردنی بەرهەمی كشتوكاڵییە تا بتوانین پێداویستی خۆراكیی لەناوخۆدا پڕبكەینەوە.

بەردەوام بە لە خوێندنەوە

ئابوری

حكومەتی هەرێم دوابڕیار لەسەر خانەنشینی و مووچە و دەرماڵە دەدات

خەڵك- ئارام سەردار
بڕیارە سبەینێ‌ چوار شەممە 11ی كانوونی یەكەمی 2019 ئەنجوومەنی وەزیرانی هەرێمی كوردستان كۆببێتەوە و گفتووگۆ لەبارەی پیشنیازی ( یاسای چاكسازی لە خانەنشینی و مووچە و دەرماڵە و بەخشین و ئیمتیازاتەكانی دیكە لە هەرێمی كوردستان) بكات و ڕەوانەی پەڕلەمانی بكات.

عەبدولحەكیم خەسرۆ، بەرپرسی فەرمانگەی هەماهەنگی و بەدواداچوون لە ئەنجوومەنی وەزیران بە ڕۆژنامەوانانی ڕاگەیاند، سبەینێ‌ چوار شەممە ئەنجوومەنی وەزیرانی هەرێمی كوردستان كۆدەبێتەوە، چاوەڕوان دەكرێت گفتووگۆ لەبارەی پیشنیازی (یاسای چاكسازی لە خانەنشینی و مووچە و دەرماڵە و بەخشین و ئیمتیازاتەكانی دیكە لە هەرێمی كوردستان) بكات.

دەشڵێت: “چاوەڕوان دەكرێت ئەنجوومەنی وەزیرانی پێشنیازە یاساییەكە پەسەند بكات و ڕەوانەی پەڕلەمانی بكات”.

ئەوەشی خستەڕوو، سەرۆك وەزیرانیش لەكاتی پێشكەشكردنی ڕاپۆرتی ۱۰۰ ڕۆژی كاركردنی ئاماژەی بەم یاسایە كرد و تەواو ئامادەكراوە.

بەپێی زانیاریەكانیش، ئەنجوومەنی وەزیران لەكۆبوونەوەی سبەینێ‌ چوار شەممە گفتووگۆ لەبارەی چەند بابەتێكی تریش دەكات.

بەردەوام بە لە خوێندنەوە

ئابوری

دەقی بڕیاری حكومەتی هەرێم بۆ بە هەمیشەیی كردنی گرێبەستەكان بڵاوكرایەوە

خەڵك- بەشی هەواڵ
ئەنجوومەنی وەزیرانی هەرێمی كوردستان لە كۆبوونەوەی پێشووتری بڕیاری بە هەمیشەیی كردنی مامۆستایانی گرێبەستی دەركرد و بڕیارەكەش لە سەری ساڵی نوێوە دەچێتە بواری جێبەجێ‌ كردنەوە.

بەپێی بڕیارەكەی ئەنجوومەنی وەزیرانی هەرێم، كە دەست (خەڵك) كەوتووە، مامۆستایانی گرێبەست بە مووچە و پلە و دەرماڵەی شایستە دەكرێنە هەمیشەیی لەسەر میلاكی وەزارەتی پەروەردە و وەزارەتی دارایی پلەی وەزیفی و ئەركی دارایی لە ساڵی 2020 بۆ دابین دەكات.

هەر بەپێی بڕیارەكە، ماوەی خزمەتی پێشووی گرێبەست بۆ ئەو مامۆستایانە هەژمار دەكرێت بەپێی ڕێنماییەكانی وەزارەتی دارایی هەرێم.

دەقی بڕیارەكە:
بڕیاری ژمارە 34 لە 6-11-2019
پشت بەست بە ئەحمامی ماددەی (8) لە یاسای ئەنجوومەنی وەزیرانی هەرێمی كوردستان ژمارە (3)ی ساڵی (1992)ی هەمواركراو، لەبەر ڕۆشنایی كۆنووسی كۆبوونەوەی یاسایی ئەنجوومەنی وەزیران ژمارە (13) لە (6-11-2019) و ئاماژە بە كۆنووسی كۆبوونەوەی لیژنەی هاوبەش لە بەڕێزان وەزیرانی (پەروەردە، دارایی و ئابووری، پلاندانان) پێكهاتبوو بە بڕیاری كۆبوونەوەی ئەنجوومەنی وەزیران لە دانیشتنی ئاسایی خۆی ژمارە (5) لە (4-9-2019) بە ڕەچاوكردنی ئەوەی مامۆستایانی گرێبەست ماوەی چەندین ساڵە لە بواری پەروەردەدا خزمەت دەكەن و پێداویستی بواری پەروەردەیان پڕكردۆتەوە بڕیار درا بە:
1- بە هەمیشەیی كردنی دامەزراندنی مامۆستایانی گرێبەست لەسەر میلاكی وەزارەتی پەروەردە بە ناونیشان و مووچە و دەرماڵەی شایستە.
2- وەزارەتی دارایی و ئابووری پلەی وەزیفی تەرخانكراوی دارایی پێویست لەسەر میلاكی وەزارەتی پەروەردە بۆ ئاماژە پێكراوان لە بڕگەی (1)ی سەرەوە دابین دەكات لە ساڵی دارایی 2020.
3- سەبارەت بە ماوەی خزمەتی پێشووی ئاماژە پێكراوان لە بڕگەی (1)ی سەرەوە وەك مامۆستایانی گرێبەست، وەزارەتی دارایی و ئابووری بەپێی شایستە بوونیان لە چوارچێوەی یاسا و ڕێنماییە بەركارەكان مامەڵەیان دەكات.
4- وەزارەت و لایەنە پەیوەندیدارەكان ئەم بڕیارە جێبەجێ‌ دەكەن.

بەردەوام بە لە خوێندنەوە

کوردستان