ئێمە لە تۆرە کۆمەڵایەتیەکان

جیهان

عەڕەبستان هەڕەشەی وەڵامدانەوەی توند و بەپەلەی هێرشە مووشەكییەكەی هاوپەیمانەكانی ئێران دەكات

خەڵك –بەشی هەواڵ

وتەبێژی هاوپەیمانی عەرەبی بە سەركردایەتی عەڕەبستانی سعودی هەڕەشەیكرد “فەرماندەیی هێزە هاوبەشەكانی هاوپەیمانان لەپێش كردە تیرۆرستی و زێدەڕۆییە ناڕەوشتییەكانی میلیشیای حووسییەكان ڕێوشوێنی بەپەلە و توند دەگرێتەبەر بۆ وەڵامدانەوەیان”.

توركی مالكی لە بەیاننامەیەكدا دەڵێت “ڕێوشوێنەكان لە پێناو پاراستنی دامەزراوە و هاووڵاتیانی سڤیلن و لێپرسینەوەش لە بەرپرسانی هێرشەكە دەكەین لەوانەی پلانیان داناوە و جێبەجێیانكردووە، ئەمەش دەگونجێت لەگەڵ یاسای نێونەتەوەیی مرۆیی و بنەما نەریتییەكان”.

لای خۆیەوە وەزیری دەرەوەی بەحرێن دەڵێت “كردنە ئامانجی فڕۆكەخانەی ئەبها پەرەسەندنێكی مەترسیدارە بە چەكی ئێرانی دەكرێت”.

ئەمڕۆ حووسییەكانی یەمەن هاوپەیمانی ئێران هێرشی مووشەكیان بە مووشەكی كرووز كردەسەر فڕۆكەخانەی نێودەوڵەتی ئەبها لە باشووری عەڕەبستان، بەپێی هەواڵی تەلەفزیۆنی مەسیرەی سەر بە حووسییەكان.

لەلایەكی دیكەوە هاوپەیمانی عەرەبی ئاشكرایكرد، 26 كەس بەهۆی هێرشەكەوە بریندار بوون و ڕاشیگەیاند، ئەو هێرشە بەڵگەی دەستكەوتنی چەكی جۆری و نوێیە لەلایەن حووسییەكان و بەردەوامی پشتیوانی ئێران بۆ تیرۆر.

ئۆتۆمبێل و تەکنەلۆژیا

لە تویتەر 102 هەژماری داعش ڕاگیران

خەڵك – بەشی هەواڵ

فەرماندەی ناوەندیی هێزەكانی ئەمریكا ڕایدەگەیەنێت، بەردەوامین لە ڕاگرتنی هەژماری تیرۆریستان لە تۆڕی كۆمەڵایەتی تویتەر.

فەرماندەی ناوەندیی هێزەكانی ئەمریكا (Centcom) ئاشكرایكرد، 102 هەژماری تایبەت بە ڕێكخراوی دەوڵەتی ئیسلامی لە عیراق و شام ناسراو بە “داعش” لە لایەن تۆڕی كۆمەڵایەتی تویتەرەوە داخراون.

فەرماندەی ناوەندیی هێزەكانی ئەمریكا ئاماژەی بەوەشداوە، ئەو هەژمارانە هەواڵ و چالاكییەكانی داعشییان بڵاوكردووەتەوە، لەپاڵ بڵاوكردنەوەی چەندین شتی تری پەیوەست بە تیرۆرەوە.

هەژماری (Report_ISIS) كە سەر بەو فەرماندەییەیە و تایبەتە بە بڵاوكردنەوەی هەژمارەكانی داعش بۆ ئەوەی تویتەر لە”پێشێلكارییەكان” ئاگادار بكاتەوە، بڵاویكردووەتەوە توانیویانە 102 هەژماری داعش لە تۆڕی كۆمەڵایەتی تویتەر بسڕنەوە و بلۆك بكەن پاش ئاگاداركردنەوەی بەڕێوەبەرایەتی تویتەر.

فەرماندەی ناوەندیی هێزەكانی ئەمریكا لە گرتەیەكی ڤیدیۆیی كورتیشدا ناو و ناونیشانی سەرجەم هەژمارە بلۆككراوەكانی لەلایەن تۆڕی كۆمەڵایەتی تویتەرەوە ئاشكراكردووە.

بەردەوام بە لە خوێندنەوە

جیهان

ئێران لەبارەی دروستكردنی ناوچەی ئارام لە باكوری سوریا هاتە دەنگ

خەڵك – بەشی هەواڵ

وەزارەتی دەرەوەی ئێران ڕایدەگەیەنێت، دروستكردنی ناوچەی ئارام ئاڵۆزییەكانی سوریا قوڵتر دەكاتەوە.

وەزارەتی دەرەوەی ئێران لە ڕاگەیەندراوێكدا ڕایگەیاند، ڕێككەوتنی ئەمریكا و توركیا لەبارەی سوریا و دروستكردنی ناوچەی ئارام لە باكوری ئەو وڵاتە ڕەتدەكەنەوە.

وەزارەتی دەرەوەی ئێران ئەوەشیخستووەتەڕوو، دروستكردنی ناوچەی ئارام لە سوریا جێی نیگەرانییە و پێشێلكردنی سەروەریی ئەو وڵاتەیە.

وەزارەتی دەرەوەی ئێران ڕوونیشیكردووەتەوە، دروستكردنی ناوچەی ئارام یەكپارچەیی سوریا دەخاتە مەترسییەوە و ئاڵۆزییەكانی ئەو وڵاتە قوڵتر دەكاتەوە.

بەردەوام بە لە خوێندنەوە

جیهان

بەوێنە؛ حاجیە منداڵەكانی حەجی ئەمساڵ

خەڵك – بەشی هەواڵ
لە پەراوێزی بەجێگەیاندنی فەریزەی حەجی ئەمساڵ، كە نزیكەی 2 ملیۆن 500 هەزار موسڵمان لە سەرتاسەری جیهان بەشداریان كرد، بە هەزاران منداڵیش شانبەشانی دایك و باوكیان لەناو كەعبەی پیرۆز و مەڕاسیمەكانی حەج دەركەوتن.

ئاژانسی فەرمی (ئیرنا)ی ئێران لە ستۆریەكدا، وێنەی هەندێك لەو منداڵانەی داناوە، كە ئەمساڵ لەگەڵ كەسوكاریان بەشداریان لە مەڕاسیمەكانی بەجێگەیاندنی فەریزەی حەج كردووە، هەندێك لەو منداڵانە بە كۆڵی باوك یان باوەشی دایكیانەوە بەشداری ئەو كەشە ئیمانیەیان كردووە.

بەردەوام بە لە خوێندنەوە

کوردستان