ئێمە لە تۆرە کۆمەڵایەتیەکان

کوردستان

پارتی سەرجەم كاندیدەكانی یەكێتی بۆ پارێزگاری كەركوك ڕەتكردەوە

خەڵك –بەشی هەواڵ

ئەندامێكی ئەنجومەنی سەركردایەتی یەكێتی نیشتمانی كوردستان دەڵێت ” هەندێك “كۆنتاكت”ی تایبەت لەنێوان هەردولادا (یەكێتی و پارتی) هەبوو كارێكی وایكرد یەكێتی هەڵوێستێكی نەرمتر لەوبارەیەوە بنوێنێت هێشتا پەیوەندییەكان ئەنجامەكانیان دەرنەكەوتووە، بەڵام ئومێد هەیە هەردوولا بگەنە فۆڕمێك كە بۆ هەردولا گونجاو بێت”.

فەرید ئەسەسەرد بە دەنگی ئەمریكای ڕاگەیاند “هەندێك لایەن و كەسایەتی ناوخۆیی هەرێمی كوردستان هەن كە ئەو پەیوەندییانەیان گرتووەتە ئەستۆی خۆیان، دەبێت حساب بۆ ئەوەش بكەین كە لەناو خۆی یەكێتی هەندێك گروپ هەن كە كار بۆ ئەوە دەكەن پەیوەندییەكان لەگەڵ پارتی چاك بكەنەوە بەدڵنیاییەوە لەناو پارتیش ئەو گروپانە هەیە و لەدەرەوەی پارتی و یەكێتیش ئەو گروپ و كەسایەتیانە هەن.”

دەشڵێت “پارتی هەموو ئەو ناوانەی ڕەتكردووەتەوە كە یەكێتی داوێتی بۆ پۆستی پارێزگاری كەركوك، بەڵام بێ ئومێد نەبووین لەوەی كە بگەین بە ناوێكی دیاریكراو لەگەڵ پارتی، ئەو ناوانەی پێشكەشمان كردوون هەموویان بەشایستە دەزانین بەڵام هەوڵمان داوە كەسێك هەڵبژێرین كە بەدڵی هەردوولا بێت دواجاریش دوو ناومان پێشكەش بە پارتی كردووە كە هەریەكە لە خالید شوانی و لیوا جەمال-ئەگەر ڕِێكیش بكەوین لەگەڵ پارتی هەر لەسەر یەكێك لەو دوو ناوە ڕێكدەكەوین”.

ڕاشیگەیاند “ئەگەر نەگەینە ڕێككەوتن ئەوا لەگەڵ ئەوەی بڕیار و ڕێكەوتنی بەشداری كردنمان لەحكومەتدا هەیە بەڵام كاریگەری خراپی لەسەر ناوخۆی كوردستان و كابینەی نۆی حكومەت دەبێت ڕەنگە نەتوانین بەشداربین لەحكومەت.”

کوردستان

ئەو قاچاخچیەی بووە هۆی خنكانی ژمارەیەك پەنابەر دەستگیركرا

خەڵك – بەشی هەواڵ
دەزگای لوتكە بۆ كاروباری ئاوارە و پەنابەران ڕایدەگەیەنێت، بەرپرسانی ئوسترالیا ھەڵاتوویەكی عیراقییان دەستگیركرد، كە تۆمەتبارە بە خنكانی سەدان پەنابەر، دادگاش دەڵێت: “لە ئەگەری سەلماندنی تاوانەكەدا، سزای ١٠ ساڵ زیندانی بەسەردا دەسەپێنرێت، لە كاتێكدا ماوەی ١٨ ساڵە پۆلیس سەرقاڵی لێكۆڵینەوەیە لە دۆسیەكە”.

دەزگای لوتكە بۆ كاروباری ئاوارە و پەنابەران لە ڕاگەیەنراوێكدا، كە بۆ (خەڵك) نێردراوە ڕایگەیاندووە، پۆلیسی ئوسترالیا ئەو تۆمەتبارە عیراقییەی بەوە تۆمەتبار كردووە، كە دەستی هەبووە لە ژێرئاوخستنی كەشتییەكی پەنابەران، كە ساڵی ٢٠٠١ لە ئەندەنوسیاوە بەرەو ئوسترالیا چووە.

ڕاشیگەیاندووە، (مەیسەم ڕازی) تەمەن ٤٣ ساڵ، ئەو تۆمەتبارە عیراقییەیە، كە لەگەڵ دوو كەسی دیكەدا تۆمەتبارە لە دۆسیەی خنكانی ٣٥٠ پەنابەر لە ساڵی ٢٠٠١ لەناو ئەو كەشتییە و بەیانی ئەمڕۆ لە فڕۆكەخانەی بریزبان لە ویلایەتی كوینزلاندی ئوسترالیا دەستگیركرا.

دادگای بتیزبان ئاشكراشی كردووە، ئەگەر تاوانەكەی بەسەردا ساغ بووەوە، سزای ١٠ ساڵ زیندانی بەسەردا دەسەپێنرێت، لە كاتێكدا ماوەی ١٨ ساڵە پۆلیس سەرقاڵی لێكۆڵینەوەیە لە دۆسیەكە.

ساڵی ٢٠٠١ لە دورگەی كریسماسی ئوسترالیا لە زەریای ھیندی ئەو كەشتیە ژێرئاو كەوت و بەھۆیەوە ٣٥٣ كەس خنكان لەنێویشیاندا ١٤٦ منداڵ ھەبوون، كەشتییەكە جیا لە پەنابەران، ٤٢١ خوێندكاری عیراقی و ئەفغانیشی تێدابوو، پێشتر دوو كەس بەتۆمەتی ژێرئاوكەتنی كەشتیەكە دادگایی كران بە ڕەگەز ئوسترالی و میسری بوون.

بەردەوام بە لە خوێندنەوە

کوردستان

یەكێتی كۆنفڕانسی كۆمیتەكان ئەنجام دەدات

خەڵك – بەشی هەواڵ
كۆمیسیۆنی باڵای ئامادەكاری كۆنگرەی چواری یەكێتیی نیشتمانیی كوردستان لە كۆبوونەوەی ئەمڕۆدا ئامادەكارییەكان بۆ بەستنی كۆنگرەی چوار هەڵدەسەنگێنێت و بڕیاریدا لەداهاتوویەكی نزیكدا كۆنفڕانسی كۆمێتەكان بەپێی پرەنسیپ و ڕێسای بڕیار لێدراو دەست پێ بكات.

كۆمیسیۆنی باڵای ئامادەكاری كۆنگرەی چواری یەكێتیی نیشتمانیی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، پێشنیوەڕۆی ئەمڕۆ شەممە 19/10/2019 كۆمیسیۆنی باڵای ئامادەكاری كۆنگرەی چواری یەكێتی لەبارەگای مەكتەبی سیاسی لە سلێمانی كۆبووەوە.

دوابەدوای كۆبوونەوەكە حاكم قادر حەمەجان، سەرۆكی كۆمیسیۆنی باڵای ئامادەكاری كۆنگرە ڕایگەیاند، لە كۆبونەوەكەدا بڕیاردرا لەداهاتوویەكی نزیكدا كۆنفڕانسی كۆمیتەكان بەپێی پرەنسیپ و ڕێسای بڕیار لێدراو دەست پێ بكات.

بەردەوام بە لە خوێندنەوە

کوردستان

هاووڵاتیان داوای دووبارەكردنەوە ڕیفراندۆم دەكەن
پەڕلەمانی بەریتانیا دەنگدانی لەسەر برێكزت دواخست

خەڵك- بەشی هەواڵ
دەیان هەزار هاووڵاتی بەریتانی ڕژانە سەر شەقامەكانی لەندەنی پایتەخت و داوای دووبارەكردنەوەی ڕیفراندۆم دەربارەی دەرچوونی وڵاتەكەیان لە یەكێتی ئەوروپا “برێكزت” دەكەن، پەڕلەمانی وڵاتەكەش دەنگدانی لەسەر بابەتەكە دواخست و سەرۆك وەزیرانیش دەڵێت: “لەگەڵ ئەوروپاییەكان قسە ناكەمەوە”.

ئەمڕۆ شەممە، بە دەیان هەزار هاووڵاتی بەریتانی لە شەقامەكانی لەندەنی پایتەخت دەستیان بە خۆپیشاندان كرد و داوای وەستاندنی برێكزت-یان دەكرد و داوای مانەوەی وڵاتەكەیان لە ناو یەكێتی ئەوروپا دەكرد و دەیان وت، “دەبێتە هۆی كارەساتی نیشتمانی و وێران بوونی ئابووری وڵات”.

هاوكات هەر ئەمڕۆ پەڕلەمانی بەریتانیا كۆبوونەوەیەكی سەبارەت بە دەنگدان لەسەر برێكزت بە ئامادەبوونی بۆریس جۆنسن ڕێكخست، بەڵام بەهۆی ناڕەزایی هاووڵاتیانەوە دەنگدانی لەسەر بابەتەكە دواخست و دەنگی نەدا بۆ جیابوونەوەی وڵاتەكە لە یەكێتی ئەوروپا.

لای خۆشیەوە، بۆریس جۆنسن، سەرۆك وەزیرانی بەریتانیا ڕایگەیاند، كە ئەگەر پەڕلەمان دەنگ نەدا لەسەر برێكزت، ئەوا دەكرێت بەبێ‌ ڕێككەوتن لە یەكێتی ئەوروپا دەربچین ئەوەش لەسەر داواكارییەك بۆ پێدانی مۆڵەتێكی دیكە.

جەختیشی كردەوە، كە جارێكی دیكە لەگەڵ ئەوروپاییەكان لەسەر برێكزت گفتوگۆ ناكەمەوە.

ئەمڕۆ شەممە 19ی ئۆكتۆبەر، تەنها 12 ڕۆژ دەمێنێت بۆ كۆتا وادەی جیابوونەوەی بەریتانیا لە یەكێتی ئەوروپا ئەوەش دوای دوو جار دواخستنی كاتەكەی.

بەردەوام بە لە خوێندنەوە

کوردستان