ئێمە لە تۆرە کۆمەڵایەتیەکان

ئابوری

چاودێری دارایی: لە فەرمانگەیەكی هەرێم بە پارەی حكومەت مەشرووب دەخۆنەوە

خەڵك –بەشی هەواڵ

بەپێی ڕاپۆرتێكی دیوانی چاودێری دارایی لە بەڕێوەبەرایەتی گشتی گومركی هەرێمی كوردستان، زێدەڕۆیی زۆر لە خەرجكردنی پارە و بە هەدەردان و كاری نایاسایی لە بودجەكەیاندا هەیە.

بە پێی ڕاپۆرتەكە، زێدەڕۆیی كراوە لە بودجەی خەمڵێندراوی بەڕێوەبەرایەتییەكە لەوانە لە بڕگەكانی چاكسازی كارەبا، ئۆتۆمبێل، پێشوازی و ڕێوڕەسمەكان كە زۆرتر لە شەش ملیۆن دینار بۆجەی بۆ دیاری كراوە.

بەپێی ڕاپۆرتەكە، بەڕێوەبەرایەتی گشتی گومركی هەرێمی كوردستان پارەی خواردنەوە كحولییەكانیشی لە بودجەی گشتی و پارەی حكومەتی هەرێم داوە و پسووڵەی مینی ماركێتێكیان هەیە و ئەوەش بەدەر لە ڕێنمیاییەكانە.

هەروەها بۆ هەشت تەلەفۆنی نۆڕماڵ بڕی پێنج ملیۆن دینار خەرجكراوە لە كاتێكدا مانگانەی تەلەفۆنی نۆڕماڵ تەنها 24 هەزار دینارە و كۆی گشتی ساڵانەكەی دەگاتە 768 هەزار دینار.

هەروەها كرێ و دەرماڵەی زێدە بۆ بەشێك لە فەرمانبەر و بەڕێوەبەرەكان بە نایاسایی خەرجكراوە.

ریکلام

ئابوری

جوتیار عادل: بەغدا پارەكە نەنێرێت بژاردەی ترمان هەیە

خەڵك – بەشی هەواڵ

وتەبێژی حكومەتی هەرێمی كوردستان ڕایدەگەیەنێت، گەشبینن لە چەند ڕۆژی داهاتوودا بەغدا 320 ملیار دینارەكە بنێرێت بۆ مووچە. دەشڵێت، ئەگەر پارەكە نەنێرن، بژارەی تریان هەیە.

جوتیار عادل، وتەبێژی حكومەتی هەرێمی كوردستان بە ڕووداوی ڕاگەیاند:”حكومەتی هەرێمی كوردستان هەموو هەوڵێك دەدات بۆ دابەشكردنی مووچە. گەشبینین لە چەند ڕۆژی داهاتوودا بەغدا 320 ملیار دینارەكە بنێرێت”.

وتەبێژی حكومەت وتیشی:ئەگەر 320 ملیار دینارەكە نەهات بۆ دابەشكردنی مووچە، ئێمە بژارەی خۆمان دەبێت. بەپێی ڕێككەوتن دەبێت لە عیراقەوە مووچەی چوار مانگی ترمان بۆ ڕەوانە بكرێت”.

بەردەوام بە لە خوێندنەوە

ئابوری

دواین بڕیار لەسەر پێدانی پارە بە هاووڵاتیان لەبری بەشەخۆراك دەدرێت

خەڵك- بەشی هەواڵ
وەزیری بازرگانی عیراق ئاشكرای دەكات، كە لێكۆڵینەوەی ئابووری دەكەن بۆ دیاری كردنی میكانیزمی دابەشكردنی پارە لەبری بەشەخۆراك و دواتر ئەنجوومەنی ئابووری حكومەت و ئەنجوومەنی وەزیران بڕیاری لێ‌ دەدەن و دەشڵێت: “بەشەخۆراكی بەشێكی فەرمانبەران دەبڕدرێت”.

وەزارەتی بازرگانی عیراق لە بەیاننامەیەكدا ئاماژەی بەوەكردووە، كە د.عەلا جبوری، وەزیری بازرگانی و د. عادل ركابی، وەزیری كار و كاروباری كۆمەلایەتی كۆبوونەوە و ڕێككەوتوون لەسەر پێكهێنانی لیژنەیەكی هاوبەش تاوەكو ناوی هەموو ئەوانەی تۆماركراون بۆ تۆڕی پاراستنی كۆمەڵایەتی و كەمئەندامان لە هەمان كاتدا پسووڵەی ئەلیكترۆنی خۆراك-یان پێ‌ بدرێت.

وەزیری بازرگانی ڕاشیگەیاندووە، كە لێكۆڵینەوەی ئابووری و هونەری دەكەن بۆ دیاری كردنی میكانیزمی دابەشكردن و پشت پێ‌ بەستن بە دابەشكردنی پارە لەبری بەشەخۆراك یان بەردەوامبوون لەسەر دابەشكردنی بەشەخۆراكی مانگانە.

ئاماژەی بەوەشكردووە، ئەنجامی لێكۆڵینەوەكە دەخرێتە بەردەم ئەنجوومەنی ئابووری حكومەت پێش ئەوەی بەرزبكرێتەوە بۆ ئەنجوومەنی وەزیران تاوەكو بڕیار بدرێت لەسەر ئەو چین و توێژانەی بەشەخۆراك دەیانگرێتەوە.

جەختیشی كردۆتەوە، كە پسووڵەی خۆراك دەكەن بە ئەلیكترۆنی و بەشەخۆراكی مردووان و ئەو فەرمانبەرانەی مووچەكانیان لەسەرووی ملیۆنێك و 500 هەزارەوەیە دەبڕن.

ئاشكراشی كردووە، كە كاردەكەن بۆ سنوورداركردن و دیاری كردنی ئەو چین و توێژانەی شایستەی وەرگرتنی بەشەخۆراكن و لەبەرامبەردا باشكردن و زیادكردنی ماددەكانی بەشەخۆراك.

بەردەوام بە لە خوێندنەوە

ئابوری

نرخی ئاڵتون بەشێوەیەكی لەناكاو دابەزی

خەڵك- بەشی هەواڵ
بڵاوبوونەوەی هەواڵی دۆزینەوەی ڤاكسینی كۆرۆنا لەلایەن كۆمپانیاكانی دەرمانەوە كاریگەری گەورەی كردۆتە سەر نرخی زێڕ و دراوە بیانییەكان و ئابووری جیهانی و بەو هۆیەوە ئەمڕۆ ئاڵتون كەمترین نرخی لەماوەی ئەمساڵدا تۆماركرد.

بەپێی بەدواداچوونێكی (خەڵك) ئەمڕۆ نرخی ئاڵتون بەشێوەیەكی بەرچاو لە بۆڕسەی جیهانی دابەزیوە و نرخی ئۆنسێك بووە بە (1808) دۆلار، كە ئەمە كەمترین نرخە لەمساڵدا تۆمار كرابێت.

هەر بەپێی زانیارییەكان، كە لە سەندیكای زێرەنگەرانی كوردستانەوە دەست كەوتووە، نرخی لیرەیەك بە 383 دۆلارە و عەیارە 24 بە 363 هەزار و عەیارە 21 بە 320 هەزار و عەیارە 18 بە 272 هەزار دینارەز

دوابەدوای بڵاوبوونەوەی ڤایرۆسی كۆرۆنا و وەستانی گەشەی ئابووری جیهانی و ڕاوەستانی بەشێكی زۆری ئاڵوگۆڕی بازرگانی، مەترسی لەسەر دراوە جیهانییەكان دروست بوو، بەو هۆیەشەوە دراوی قورسی ئاڵتون خواست لەسەری زیادی كرد و بەوەش نرخەكەی بۆ 2 هەزار دۆلار بۆ ئۆنسێك بەرزبووەوە.

بەردەوام بە لە خوێندنەوە

کوردستان