ئێمە لە تۆرە کۆمەڵایەتیەکان

کوردستان

لە ئیلام ژنێك خۆی كوشت و لە ورمێش ژنێك و كوڕەكەی كوژران

خەڵك –بەشی هەواڵ

ژنێكی لاوی خەڵكی ئیلام كۆتایی بە ژیانی خۆی هێنا و ژنێكی دیكەش لە ورمێ لەلایەن هاوژینەكەیەوە كوژرا.

بەپێی هەواڵی گەیشتوو بە ڕێكخراوی مافی مرۆڤی هەنگاو، ڕۆژی سێشەممە ژنێكی تەمەن ٢٥ ساڵ بە هۆی كێشەی بنەماڵەییەوە كۆتایی بە ژیانی خۆی هێناوە.

هەواڵنێری هەنگاو لە ئیلام ناسنامەی ئەو ژنەی كە بە خواردنی حەبی برینج كۆتایی بە ژیان خۆی هێناوە، بە زارا شەریفی ڕاگەیاندووە.

لەلایەكی دیكەوە، ڕۆژی دووشەممە ژنێكی تەمەن ٤٧ ساڵان لە گەڕەكی مەیسەمی ورمێ لەلایەن هاوژینەكەیەوە كوژراوە.

بە پێی ماڵپەڕی تەسنیم، ئەو پیاوە بە هۆی كێشەی بنەماڵەییەوە، ژنەكەی و كوڕە تەمەن ١٧ساڵانەكەی خۆی بە چەك كووشتووە و دوای چەند كاتژمێرێك خۆی ڕادەستی پۆلیس كردووە.

ریکلام

کوردستان

“تائێستا ڤایرۆس كۆرۆنا نەگەیشتووەتە كوردستان و هەولێر”
خەڵك-ئارام سەردار

بەمەبەستی خستنەڕووی ڕاپۆرتەكانی لیژنە جیاوازەكان، ئەمڕۆ پێنچ شەممە ۲۷ی شوباتی ۲۰۲۰ كۆبوونەوەی نائاسایی ئەنجومەنی پارێزگای هەولێر، سەبارەت بە بەرەنگاربوونەوەی ڤایرۆسی كۆرۆنا لە سنووری پارێزگاكە دەستیپێكرد.

عەلی ڕەشید سەرۆكی ئەنجوومەنی پارێزگای هەولێر بە (خەڵك)ی ڕایگەیاند، بەمەبەستی خستنەڕووی ڕاپۆرتەكانی لیژنە جیاوازەكان كە بریتین لە لیژنەكانی تەندروستی و ناوخۆ و ئەوقاف و شارەوانی.

دەشڵێت”لەم كۆبوونەوەیەدا دەمانەوێت بزانین وەك ئەنجوومەن چیمان پێدەكرێت بۆ هاوكاری حكومەت و هەروەها ئەو هەنگاو و ڕێكارانەی كەوا لایەنە پەیوەندیدارەكان بۆ بەرەنگاربوونەوەی ئەو پەتایەی بڵاوبووەتەوە چیكراوە، ئەوەی ئێمە لە دەسەڵاتماندایە ئەنجامی دەدەین و پێشنیاز دەكەین چی بكرێت”.

ئەوەشی خستەڕوو، تائێستا ئەو ڤایرۆسە نەگەیشتووەتە كوردستان و هەولێر.

بەردەوام بە لە خوێندنەوە

کوردستان

كۆبوونەوەیەكی فراوان لەنێوان لایەنە پەیوەندیدارەكانی سلێمانی بۆ ڕووبەڕووبونەوەی كۆرۆنا دەستیپێكرد

سلێمانی ـ نزار جەزا

نیوەڕۆی ئەمڕۆ پێنج شەممە كۆبوونەوەیەكی فراوان لەنێوان لایەنە پەیوەندیدارەكانی سلێمانی بۆ ڕووبەڕووبونەوەی كۆرۆنا دەستیپێكرد.

لە قائیمقامیەتی سلێمانی كۆبوونەوەیەكی فراوان لە بارەی ئامادەكارییەكان بۆ ڕێگریكردن لە كۆرۆنا دەستیپێكرد.

بڕیارە لەكۆبوونەوەكەدا بڕیاری پێویست لەوبارەیەوە بدرێت و لەكۆنفڕانسێكی ڕۆژنامەوانیدا بڕیارەكان بۆ ڕای گشتی بخرێنەڕوو.

بەردەوام بە لە خوێندنەوە

کوردستان

“ئەو هاوڵاتیانەی بەقاچاخ گەڕابوونەوە، خۆیان ڕادەستی تیمە پزیشكییەكان كردووە”

خەڵك-ئارام سەردار

ئەمڕۆ پێنچ شەممە ۲۷ی شوباتی ۲۰۲۰ كۆبوونەوەی نائاسایی ئەنجومەنی پارێزگای هەولێر، سەبارەت بە بەرەنگاربوونەوەی ڤایرۆسی كۆرۆنا لەسنووری پارێزگاكە ئەنجامدرا و تێیدا ڕاپۆرتی لیژنەی تەندروستی و لیژنەی كاروباری ئایینی و ئەوقاف و لیژنەی ناوخۆی ئەنجومەنی پارێزگا پێشكەش كران.

خانزاد مام وسوو، سەرۆكی لیژنەی تەندروستی لە ئەنجوومەنی پارێزگای هەولێر بە(خەڵك)ی ڕاگەیاند، سەرەڕای پەلەكردن لەجێبەجێكردنی ڕێكارەكان، بینیمان هەموو ڕێكارە تەندروستی و ئەمنیەكان بەباشی جێبەجێ كراون و تائێستاش هیچ حاڵەتێكی نەخۆشی كۆڕۆنا لەهەرێمی كوردستان نیە.

دەشڵێت”تائێستا ٤۷۰ كەس لەسنووری پارێزگای هەولێر لەژێر چاودێریدان و كەرەنتین كراون كە لە ئێران گەڕاونەتەوە، خۆشبەختانە تائێستا ئەنفلۆنزایەكی سادەشیان نیە و هیچ نیشانەیەكی نەخۆشیەكەیان نیە كە مەترسی بێت بۆ سەر هاوڵاتیان”.

لەبارەی گەڕانەوەی هاوڵاتیان بەقاچاخ، خانزاد مام وسوو ئاماژەی بۆ ئەوەكرد، هەندێك لەسنوورەكان داخراو نەبوون و تەنانەت خەڵك هەبوو هاوڕێ بوون هەریەكەیان لەسنوورێكەوە هاتۆتەوە ناو هەرێم و ماڵەكەی، بەڵام دوای زانینی ڕێكارە تەندروستیەكان خۆی سپاردووە بە تیمە پزیشكیەكان و ڕایگەیاندوە كە لەئێران گەڕاوتەوە، ئێستا لەژێر چاودێرین.

بەردەوام بە لە خوێندنەوە

کوردستان