ئێمە لە تۆرە کۆمەڵایەتیەکان

کوردستان

داوای پێكهێنانی حكومەتێكی كوردی لە ڕۆژهەڵاتی كوردستان دەكرێت


خەڵك-بەشی هەواڵ

سەرۆكی پارتی سەربەستی كوردستان ڕایدەگەیەنێت، پێویستە لە ئێستاوە و پێش پێكدادانەكانی نێوان ئەمریكا و ئێران، حكومەتێكی كاتی بۆ ڕۆژهەڵاتی كوردستان دروست بكرێت.

ململانێكانی نێوان ئەمریكا و ئێران گەیشتوەتە لوتكە و دۆناڵد تڕەمپ سەرۆكی ئەمریكا ئەوەی ئاشكرا كرد كە ئەگەری پێكدادانی نێوانمان لەگەڵ ئێران لە ئارادایە، بەڵام ئەو ئەنجامدانی گفتوگۆكان گرنگی پێدەدات و پێی وایە شەڕ دەبێتە هۆكاری ماڵوێرانی بۆ ناوچەكە، هەرچەندە دوێنێ چاودێرێكی سیاسی ئەمریكایی ئەوەی ئاشكرا كرد، واشنتن كار بۆ پاراستنی بەرژەوەندییەكانی ئیسرائیل دەكات نەك ئاشتی لە ڕۆژهەڵاتی ناوەڕاست، لە ئەگەری دروستببوونی پێكدادانەكانیش باشوور و ڕۆژهەڵاتی كوردستان زیانێكی زۆریان بەردەكەوێت.
عارف باوەجانی سەرۆكی پارتی سەربەستی كوردستان بە (خەڵك)ی ڕاگەیاند، ئێمە ئاگادارین عەرەبەكانی ئەهواز و بەلوچەكان بەرنامەیان هەیە لە ئەگەری هەر پێكدادانێكدا كە لە تاران بدرێت، ئەوان كۆنتڕۆڵی ناوچەكانی خۆیان دەكەن و نیمچە سەربەخۆییەك لە ناوچەكانی خۆیان ڕادەگەیەنن.

دەشڵێت “وەكو پارتی سەربەستی پێمانوایە دەبێت هێزە كوردییەكانی ڕۆژهەڵاتی كوردستان لە ئێستاوە حكومەتێكی كاتی دروست بكەین بۆ هەر ئەگەرێك كە ڕێگربین و نەهێڵین تاڵانی و ڕەشەكوژی ڕووبدات و هەر كەس و لایەنە بۆ خۆی و كۆنتڕۆڵی ناوچەیەك بكات و بە چەند كۆمپانیایەك كار بۆ پێگەیاندنی خۆی بكات”.

ئاماژەی بۆ ئەوەش كرد، ئەوەی هەیە لەسەر خاكی كوردستان موڵكی خەڵكی كوردستانە، بۆیە پێویستە یاسایەكی كاتیمان هەبێت تا دەچینە هەڵبژاردنێكی سەرتاسەری و نەهێڵین كوردستان ببێتە پاشاگەردانی و هەركەس بۆ خۆی حوكم بكات.

کوردستان

پشکنینی سەردانکەرانی پرسەکەی هەولێر بەردەوامدەبێت


خەڵک – ئارام سەردار

لەئەنجامی دانانی دوو پرسە لەشاری هەولێر  76 حاڵه‌تی نوێی كۆرۆنا تۆمارکرا، بۆیە ماوه‌ی چوار ڕۆژە تیمە تەندروستییەکان به‌ردەوامن بە وه‌رگرتنی نمونەى پشکنین له‌و كه‌سانه‌ی به‌ركه‌وتنیان هه‌بووه‌ .

دکتۆر سه‌رهه‌نگ جامباز، به‌ڕێوه‌به‌ری گشتی خۆپاراستنی ته‌ندروستی هه‌ولێر به‌ژمارەیەک دەزگای ڕاگەیاندنی وت، ماوەی چوار ڕوژ دەبێت تیمە تەندروستیەکان سامپڵ لەم کەسانە وەردەگرن کەوا بەرکەوتەی ئەو دوو پرسەیەن لەگەڕەکی کارێزان.

دەشڵێت، بەشێک لەوانەی بەرکەوتەی ئەو دوو پرسەیەن لەگەڕەک و شوێنی جیاوازن و گەڕاونەتەوە بۆ شوێنەکانی خۆیان، بۆ ئەمانیش بەهەمان شێوە سەردان دەکرێن ونمونەیان لێ وەردەگیرێت، جگە لەخۆیان و دراوسێی سامپڵ به‌شێوه‌ی هه‌ڕه‌مه‌كی وه‌رده‌گیرێت له‌ كۆڵان و ماڕكێت و دوكانه‌كانه‌كانی ئه‌و شوێنانه‌ .

ئەوەشی خستەڕوو، تیمەکان بەرداوام دەبن لەگەڕان بەدوای توشبووان لەم شوێنانەی کە ئه‌نجامی پشكنینیان پۆزه‌تیڤ بووه‌.

بەردەوام بە لە خوێندنەوە

کوردستان

لە دهۆك، سێ كەسی دیكە تووشی ڤایرۆسی كۆرۆنا بوون


خەڵك-بەشی هەواڵ

وەزارەتی تەندروستی ڕایدەگەیەنێـت، سێ كەسی دیكە لە دهۆك تووشی ڤایرۆسی كۆرۆنا بوون.
وەزارەتی تەندروستی حكومەتی هەرێمی كوردستان لەڕاگەیەنراوێكدا ئاماژە بۆ ئەوە دەكات، لە بەردەوامی پشكنینەكان و گەڕان بەدوای گومانلێكراوان، سێ تووشبووی ڤایرۆسی كۆڕۆنای نوێ COVID-19 لە شاری دهۆك دەستنیشانكران، كە خێزانێكی دایك و باوك تەمەن 31 ساڵن لەگەڵ منداڵێكی تەمەن 10 مانگ لە وڵاتی بەریتانیا گەڕاونەتەوە و لەكەڕەنتین دابوون.

ئەمەش لەكاتێكدایە، ئەمڕۆ سێ شەممە وەزارەتی تەندروستی تووشبوونی پێنج كەسی دیكەی لە شاری هەولێر ڕاگەیاند.

بەردەوام بە لە خوێندنەوە

کوردستان

هەڵمەتى شۆردنی شەقامەکانى سلێمانى دەستپێدەکات


خەڵک – بەشی هەواڵ

بڕیارە ئەمڕۆ سێ شەممە سەرۆکایەتى شارەوانی سلێمانی هەڵمەتى شۆردنی شەقامەکانی سلێمانی ئەنجامبدات.

 

سەردەشت ڕەفیق وتەبێژی شارەوانی سلێمانی ڕایگەیاند، سە‌رۆ‌كایە‌تی شارە‌وانی سلێمانی كاتژمێر١١پێشنیوە‌ڕۆ ھە‌ڵمە‌تی شۆردنی شە‌قامە‌كان ئە‌نجامدەدات.

 

ئاماژەى بەئەوەشدا، ئەم هەڵمەتە دەچێتە چوارچێوەی هەڵمەتەکانى ڕووبەڕووبوونەوەی ڤایرۆسی کۆرۆنا.

 

ئەوەشی خستەڕوو، بۆ شۆردنی شەقامەکان مادە‌‌ی كلۆر بە‌كاردێنن.

بەردەوام بە لە خوێندنەوە

کوردستان