ئێمە لە تۆرە کۆمەڵایەتیەکان

جیهانی

ئارسیناڵ له‌گه‌ڵ ئه‌ستێره‌ به‌لجیکیه‌که‌ی خولی چین ڕێکه‌وتووه‌ و ئاشکراکردنی بۆنده‌که‌ی ماوه‌  

خه‌ڵک سپۆرت

ئیداره‌ی یانه‌ی ئارسیناڵی ئینگلیزی توانیویه‌تی له‌گواستنه‌وه‌ی یه‌کێک له‌ ئه‌ستێره‌ به‌لجیکیه‌کان نزیک ببێته‌وه‌ و سه‌رچاوه‌کان جه‌خت ده‌که‌نه‌وه‌، که‌ گواستنه‌وه‌که‌ کۆتایی هاتووه‌.

ڕۆژنامه‌ی “ده‌یلی ئێکسپرێس”ی به‌ریتانی ئاشکرای کردووه‌، له‌ماوه‌ی ٢٤ کاتژمێری ڕابردوودا نوێنه‌رانی یانه‌ی ئارسیناڵی ئینگلیزی توانیویانه‌ گواستنه‌وه‌ی یانیک کاراسکۆی ئه‌ستێره‌ی هه‌ڵبژارده‌ی به‌لجیکا و پێشووی یانه‌ی ئه‌تله‌تیکۆ مه‌درید یه‌کلایی بکه‌نه‌وه‌.

به‌پێی سه‌رچاوه‌که‌، کاراسکۆ و ئیداره‌ی گانه‌رز گه‌یشتونه‌ته‌ ئه‌نجامی کۆتایی و ته‌نها چه‌ند ورده‌کارییه‌ک ماوه‌ بۆ یه‌کلایی کردنه‌وه‌ی بۆنده‌که‌ی له‌ یانه‌ی دالیان یڤانجی چینیه‌وه‌، له‌ مامه‌ڵه‌ی گواستنه‌وه‌کاندا یانه‌کانی ئینته‌رمیلان و ئه‌ی سی میلان ململانێکار بوون، به‌ڵام له‌کۆتاییدا یاریزانه‌که‌ خولی ئینگلیزی هه‌ڵبژاردووه‌.

“ده‌یلی ئێکسپرێس” ئاماژه‌ی به‌ڕووه‌ داراییه‌کان کردووه‌ و نوسیویه‌تی: گواستنه‌وه‌ی یانیک کاراسکۆی به‌لجیکی له‌ خولی چینه‌وه‌ بۆ ئارسیناڵ بڕی ٢٥ بۆ ٣٠ ملیۆن یورۆی تێده‌چێت، ئه‌گه‌ر هه‌ژماری داهاتی یانه‌ ئینگلیزیه‌که‌ بکه‌ین بۆمان ده‌رده‌که‌وێت که‌ ئیداره‌ی یانه‌ ته‌نها بڕی ١٥ ملیۆنی له‌ گواستنه‌وه‌کانی هاوینه‌دا به‌ده‌سته‌وه‌ ده‌مێنێته‌وه‌، ئه‌وه‌ش له‌به‌رئه‌وه‌ی شکستیان له‌ فاینه‌ڵی یوروپا لیگدا هێناوه‌ و ناتوانن به‌شداری خولی یانه‌ پاڵه‌وانه‌کانی وه‌رزی داهاتوو بکه‌ن.

جیهانی

یوڤانتۆس گره‌وه‌ی دی لیختی بردۆته‌وه‌ و ئه‌م هه‌فته‌یه‌ بۆندێکی گه‌وره‌ی تر ئاشکرا ده‌کات !

خه‌ڵک سپۆرت

ئیداره‌ی یانه‌ی یوڤانتۆسی ئیتاڵی گره‌وی گواستنه‌وه‌ی یه‌کێک له‌ گه‌وهه‌ره‌کانی هۆڵه‌ندای یه‌کلایی کردۆته‌وه‌ و له‌م چه‌ند ڕۆژه‌ی داهاتوشدا بۆندی ئه‌دریان ڕابیۆی فه‌ره‌نسی ئاشکرا ده‌کات.

ڕۆژنامه‌کانی ئیتاڵیا به‌تایبه‌ت “توتۆ سپۆرت” ئاشکرایان کردووه‌، له‌چه‌ند هه‌فته‌ی ڕابردوودا ئیداره‌ی یانه‌ی یوڤانتۆسی ئیتاڵی سه‌رکه‌وتوو بوون له‌ یه‌کلاکردنه‌وه‌ی هه‌ڵوێستی ماتیاس دی لیختی به‌رگریکاری هۆڵه‌ندی یانه‌ی ئه‌یاکس ئه‌مسته‌ردام، توانیویانه‌ له‌سه‌ره‌تای گفتوگۆکانه‌وه‌ یانه‌ی به‌رشلۆنه‌ دووربخه‌نه‌وه‌ و له‌کۆتا ڕۆژه‌کانی ئه‌م هه‌فته‌یه‌شدا یانه‌ی پاریس سانت جێرمانیان ناچاری کشانه‌وه‌ کردووه‌.

له‌ئێستادا ئه‌وه‌ی ده‌رباره‌ی دی لیخت بڵاوده‌کرێته‌وه‌ ئاشکرایه‌ و سه‌رچاوه‌کان ئاماژه‌یان به‌ڕێکه‌وتنێک کردووه‌ له‌نێوان مینۆ ڕایۆلای لێپرسراوی کاره‌کانی و ئیداره‌ی بیانکۆنێری له‌سه‌ر بڕی ١٩ ملیۆن یورۆی موچه‌ی ساڵانه‌ و چه‌ندین ئیمتیازی تر.

هه‌مان سه‌رچاوه‌ به‌ هه‌واڵێکی جیا ئاشکرای کردووه‌، که‌یسی گواستنه‌وه‌ی ئه‌دریان ڕابیۆی ناوه‌ندسازی فه‌ره‌نسی یانه‌ی پاریس سانت جێرمان به‌هه‌مان شێوه‌ له‌لایه‌ن ئه‌ندریا ئانێللی و هاوه‌ڵانیه‌وه‌ یه‌کلایی کراوه‌ته‌وه‌، به‌ڵکو دایکی یاریزانه‌که‌ که‌ لێپرسراوی کاره‌کانیشیه‌تی له‌گه‌ڵ پاڤڵ نیدڤید و فابیۆ پاراتیچی ڕێکه‌وتنی کۆتایی ئیمزا کردووه‌، به‌پێی ئه‌و ڕێکه‌وتنه‌ ڕابیۆ له‌ڕیزه‌کانی بیانکۆنێری ساڵانه‌ موچه‌ی حه‌وت ملیۆن یورۆ به‌ده‌ست ده‌هێنێت هاوشانی دوو تا سێ ملیۆنی تر له‌حاڵی سه‌رکه‌وتن و به‌ده‌ست هێنانی نازناوه‌کان و پێشکه‌شکردنی ئه‌و ئاسته‌ی لێی چاوه‌ڕوان ده‌کرێت.

“توتۆ سپۆرت” نوسیویه‌تی: ئه‌م گواستنه‌وانه‌ له‌سه‌ر کات وه‌ستاون، ئانێللی سه‌رۆکی یوڤی و هاوه‌ڵانی ده‌یانه‌وێت له‌مانگی حه‌وت ئاشکرایان بکه‌ن،له‌نێو یاریزانه‌ داواکراوه‌کاندا ناوی پۆل پۆگبای فه‌ره‌نسی بونی هه‌یه‌، به‌ڵام هیچکام له‌و گواستنه‌وانه‌ ئاشکرا ناکرێن بۆ ئه‌وه‌ی یاریزانه‌ نوێیه‌کان له‌سه‌ر داهاتی وه‌رزی داهاتوو ناونوس بکرێن، به‌وشێوه‌یه‌ش خۆیان له‌ڕێساکانی یاریی خاوێن ده‌پارێزن.

بەردەوام بە لە خوێندنەوە

جیهانی

بەرپرسێكی یەكێتی، ڕەخنە لە سكرتێری حزبی سۆسیالیست دەگرێت

خەڵك – بەشی هەواڵ

جێگری بەرپرسی مەڵبەندی كەركوكی یەكێتی، ڕەخنەی توند لە محەمەدی حاجی مەحمود سكرتێری حزبی سۆسیالیست دیموكراتی كوردستان دەگرێت و دەڵێت: ئەو یەكێك بووە لەوانەی پـێداگیری دەكرد لەوەی كەركوك تووشی ئەم كارەساتەی ئێستا بێت.

 

ڕەوەند مەلا مەحمود لە گفتوگۆیەكدا لەگەڵ دەنگی ئەمەریكا، وتویەتی”یەكێتی باوەڕی وایە كێشەكانی كەركوك، بەغدا و هەرێم لەگەڵ پارتی پێكەوە چارەسەر بكات، ئەمە ڕێككەوتنە و ئیمزاش كراوە، بەڵام لای هەڤاڵانی پارتیەوە هەندێك موماتەڵە هەبوو”.

 

دەشڵێت:”هەڵبژاردنی كوردێكی كەركوكی بە وەزیری داد هەنگاوێكی گرنگ بوو، بۆیە ئومێدی چارەسەركردنی كێشەكانی تریش دەكەین”.

 

ڕەوەند مەلا مەحمود، ئاماژەی بەوەشكرد وەفدێكی مەكتەبی سیاسی یەكێتی، پارتی ئاگاداركردۆتەوە لەوەی بێ چارەسەركردنی كێشەی كەركوك بەشداری لە حكومەتی هەرێم دا ناكەن، وتی”بڕیارە وەفدێكی پارتی بێنە لای یەكێتی بۆ گفتووگۆكردن لەسەر ئەو بابەتە، نیەتێك هەیە بۆ چارەسەركردنی كێشەكان.”

وتوشیەتی: “ڕاستە دانانی پارێزگار دۆخی كورد ناباتەوە ئەو سەردەمەی كە پێشمەرگە لەحەمرین بوو، بەڵام بەو پۆستە دەتوانرێت پێش بەپرۆسەی تەعریب و لابردنی بەرپرسانی كورد بگیرێت، پارێزگار سەرۆكی وەحدەی ئیداریە و پۆستێكی گرنگە.”

 

ئەو بەرپرسەی یەكێتی لە كەركوك، ئەوەشی وتووە: “كاك محەمەد یەكێك بوو لەوانەی پێداگیری كرد كەركوك توشی ئەم كێشەیە بكات كە ئێستا تێیداین، ئێمەی كەركوكیەكان چەند هاوارمان كرد، پێمانوتن توشی ئەم كێشە گەورەمان مەكەن، سوپای عیراق دێت و توشی شەڕی قورس دەبین، كەچی كاك محەمەد دەیگوت، ئێمە دەوڵەت دروست دەكەین.”

پێشتر لە وتووێژێكدا، محەمەدی حاجی مەحمود سكرتێری حیزبی سۆسیالیست دیموكراتی كوردستان، بێ هیوایی خۆی نیشان دا لەوەی جارێكی تر دەسەڵاتی كوردی بۆ كەركوك بگەڕێتەوە.

لەو بارەیەوە ڕەوەند مەلا مەحمود وتویەتی”ئێمە لە كەركوك ماوینەتەوە، ئەوە محەمەدی حاجی مەحمودە دەبێت لە شارەزوورەوە بە دووربین سەیری كەركوك بكات.”

بەردەوام بە لە خوێندنەوە

جیهانی

ڕیاڵ مه‌درید به‌هێزترین پڕۆسه‌ی فرۆشتن له‌مێژوویدا ده‌ست پێده‌کات: پێکهاته‌یه‌ک بۆ فرۆشتن

خه‌ڵک سپۆرت

ئیداره‌ی یانه‌ی ڕیاڵ مه‌دریدی ئیسپانی پڕۆسه‌ی فرۆشتنی یاریزانانی له‌ گواستنه‌وه‌کانی هاوینه‌ی ٢٠١٩دا ده‌ست پێکردووه‌ و بۆ ئه‌و مه‌به‌سته‌ش ده‌رگای گفتوگۆیان به‌ڕووی چه‌ندین یانه‌ی تردا کردۆته‌وه‌.

ڕۆژنامه‌ی “مارکا” به‌ وێنه‌وه‌ ئاشکرای کردووه‌، له‌ گواستنه‌وه‌کانی هاوینه‌دا و له‌سه‌ر ڕاسپارده‌ی زینه‌دین زێدان پاکتاوی پێکهاته‌ی دووه‌می یانه‌که‌ ده‌کرێت و له‌ جێگه‌یان یاریزانی گونجاو و ئاماده‌تر دابین ده‌کرێن.

ئه‌و یاریزانانه‌ی ده‌رگای فرۆشتن به‌ڕوویاندا کراوه‌ته‌وه‌ پێکهاتوون له‌: کیلۆر ناڤاس، ناچۆ هێرناندێز، لوکاس ڤاسکیز، ڤایخۆ، تیۆ، سیبالۆس، ئیسکۆ، لۆرێنتی (فرۆشرا به‌ ئه‌تله‌تیکۆ)، کۆڤاسیچ، ڕائول دی تۆماس، ماریانۆ دیاز، گاریس به‌یل، جه‌یمس ڕۆدریگێز، هه‌روه‌ها گواستنه‌وه‌ی مارتن ئۆدیگارد بۆ یانه‌ی ڕیاڵ سۆسیداد ته‌نها هه‌نگاوێکی ماوه‌.

“مارکا” دووپاتی ده‌کاته‌وه‌، ته‌واوی یاریزانه‌ ناوبراوه‌کان له‌گواستنه‌وه‌کانی هاوینه‌دا ناکرێت به‌ هه‌میشه‌یی بفرۆشرێن، به‌ڵکو هه‌ندێکیان به‌ یه‌کجاره‌کی ئاڕاسته‌ی یانه‌ داواکاره‌کان ده‌کرێن و هه‌ندێکیشیان به‌شێوه‌ی خواستن، به‌شێوه‌یه‌کی گشتیش له‌ کۆی پڕۆسه‌که‌ بڕی ٢٥٠ ملیۆن یورۆ کۆده‌کرێته‌وه‌، به‌وشێوه‌یه‌ش داهات و خه‌رجیات هاوتا ده‌که‌نه‌وه‌ وخۆیان له‌ڕێساکانی یاریی خاوێن ده‌پارێزن.

سه‌رچاوه‌کان پێیان وایه‌ گواستنه‌وه‌ی زۆرینه‌ی یاریزانان له‌ماوه‌ی دوو مانگی داهاتوودا ئاسان ده‌بێت، ته‌نها گواستنه‌وه‌ی گاریس به‌یلی وێڵزی نه‌بێت که‌ به‌ قورسترین وه‌سف ده‌کرێت و تا ئه‌م ساته‌ هیچ یانه‌یه‌کی داواکار ئاماده‌ نه‌بووه‌ بڕی ١٠٠ ملیۆن یورۆ بۆ گواستنه‌وه‌ی پێشکه‌ش بکات.

بەردەوام بە لە خوێندنەوە

کوردستان