ئێمە لە تۆرە کۆمەڵایەتیەکان

عێراق

عەلاوی: تیرۆر سەرهەڵدەداتەوە

خەڵك – بەشی هەواڵ

سەرۆكی ئیئتیلافی نیشتمانیی عیراقی داوای لێكۆڵینەوە لە هەرەسهێنانی سوپای عیراق و داگیركردنی شاری مووسڵ لەلایەن ڕێكخراوی تیرۆریستی داعش لە ساڵی 2014 دەكات و، هۆشدارییش دەدات لە دووبارە سەرهەڵدانەوەی تیرۆر لە عیراقدا.

ئەیاد عەلاوی سەرۆكی ئیئتیلافی نیشتمانیی عیراقی لە جریوەیەكدا لە هەژماری تایبەتی خۆی لە تۆڕی كۆمەڵایەتی تویتەر ئەمڕۆ سێشەممە 11/6/2019، هۆشداریی داوە و ڕایگەیاندووە، بەداخەوە تائێستا هۆكارەكانی سەرهەڵدانەوەی تیرۆر وەكو خۆیان ماون.

ئەیاد عەلاوی داواش دەكات لێكۆڵینەوە لە هۆكارەكانی كەوتنی موسڵ لە ساڵی 2014 بكرێت و نەخشەڕێگەیەكی (عیراقیی تەواو) بەبێ پشتگوێخستنی هیچ پێكهاتەیەك، بۆ قۆناغی داهاتوو و ڕێگریكردن لەسەرهەڵدانەوەی تیرۆر، ئامادە بكرێت.

جێی ئاماژەیە، لەمانگی 6ی 2014، نزیكەی دوو هەزار چەكداری ڕێكخراوی تیرۆریستی داعش پەلاماری شاری موسڵیاندا و لەماوەی چەند ڕۆژێكدا، هەرەسیان بەسوپای عیراق هێنا و زۆربەی ناوچەكانی پارێزگاكانی نەینەوا، دیالە، سەڵاحەدین و ئەنباریان داگیركرد.

جیهان

کازمی سەردانی فەرەنسا دەکات

 

خەڵک – بەشی هەواڵ

 

ئامادەکاری دەکرێت بۆئەوەی لەمانگی داهاتوودا سەرۆک وەزیرانی عیراق سەردانی فەرەنسا بکات.

 

وەزارەتی دەرەوەی عیراق ڕاگەیەندراوێکی بڵاوکردەوە، کە تێیدا باس لەسەردان و کۆبوونەوەی وەزیری دەرەوەی عیراق و وەزیری دەرەوەی فەرەنسا کراوە و لەخاڵێکدا ئاماژە بەئەوەکراوە، ئامادەکاری دەکەن بۆئەوەی لەمانگی داهاتوودا مستەفا کازمی سەردانی فەرەنسا بکات.

 

لەو ڕاگەیەندراوەدا ئاماژە بەئەوەشدراوە، لەکۆبوونەوەى هەردوو وەزیردا باس لەدۆخی سیاسی و ئەمنی عیراق و بەردەوامیدان بە پەیوەندییەکان کراوە.

 

ئەمە لەکاتێکدایە لەماوەى ڕابردوودا سەرۆکی فەرەنسا بەسەردانێک گەیشتە پایتەختی عیراق و لەگەڵ بەرپرسانی باڵای عیراق کۆبۆوە.

بەردەوام بە لە خوێندنەوە

عێراق

تەندروستی عیراق: زیاتر لە چوار هەزار و 300 كەسی دیكە تووشی كۆرۆنا بوون

خەڵك – بەشی هەواڵ
وەزارەتی تەندروستی عیراق ئاماری 24 كاتژمێری ڕابردووی كۆرۆنای بڵاوكردەوە.

لە ڕاگەیەندراوەكەی وەزارەتی تەندروستی عیراقدا هاتووە كە لە ماوەی 24 كاتژمێری ڕابردوودا چوار هەزار و 305 تووشبووی نوێ تۆماركراون.

ڕوونیشیكردەوە كە 76 تووشبووی پەتاكە گیانیان لە دەست داوە و چوار هەزار و 205 نەخۆشیش چاكبوونەتەوە.

بەردەوام بە لە خوێندنەوە

عێراق

تەقینەوەیەك لە سەربازگەی سپایكەر ڕوویدا

خەڵك – بەشی هەواڵ
تەقینەوەیەکی بەھێز بنکەی سەربازیی سپایکەری پارێزگای سەڵاحەدین ڕوویدا.

ئەمڕۆ هەینی لە پارێزگای سەڵاحەدین تەقینەوەیەكی لە بنكەی سەربازیی سپایكەر ڕوویدا و بە هۆیەوە باڵەخانەیەك ڕووخا.

تا ئێستا زانیاری دەربارەی ئەگەری كەوتنەوەی زیانی گیانیی لە تەقینەوەكە و هۆكارەكەی ڕانەگەیەندراوە.

بەردەوام بە لە خوێندنەوە

کوردستان