ئێمە لە تۆرە کۆمەڵایەتیەکان

ناوخۆیی

ئه‌فسانه‌کانی عیراق له‌ یاریی ماڵئاوایی ئه‌حمه‌د سالاردا به‌سه‌ر ئه‌ستێره‌ دێرینه‌کانی کوردستاندا سه‌رکه‌وتن

خه‌ڵک سپۆرت

ئه‌حمه‌د سالار، ئه‌ستێره‌ی پێشوی یانه‌کانی سلێمانی و نه‌ورۆز پاش ١٦ ساڵ یاریکردن ماڵئاوایی له‌ یاریگا سه‌وزه‌کانی تۆپی پێ کرد و وه‌ک ڕێزلێنانێک بۆ پێشکه‌شکاریه‌کانی یارییه‌کی دۆستانه‌ی گه‌وره‌ی بۆ ئه‌نجامدرا.

ڕووبه‌ڕوبونه‌وه‌ی ماڵئاوایی ئه‌حمه‌د سالار له‌ یاریگای (مه‌لعه‌به‌که‌) له‌شاری سلێمانی به‌ ئاماده‌بونی به‌شێک له‌ ئه‌فسانه‌کانی عیراق و کوردستان ئه‌نجامدرا، تیایدا ئه‌فسانه‌کانی عیراق به‌ ئه‌نجامی سێ گۆڵ به‌رامبه‌ر دوو گۆڵ سه‌رکه‌وتنیان به‌ده‌ستهێنا.

له‌ئه‌فسانه‌کانی عیراق هه‌ریه‌ک له‌: ئه‌حمه‌د رازی، یوونس مه‌حموود، نه‌شئه‌ت ئه‌كره‌م، هاوار مه‌لا محه‌مه‌د، نور سه‌بری، ساماڵ سه‌عید، باسم عه‌باس، حه‌بیب جه‌عفه‌ر، هه‌روه‌ها له‌ ئه‌فسانه‌کانی کوردستان چه‌ندین ناوی زه‌نگۆڵه‌دار به‌شداریان کرد ناودارترینیان پێکهاتبون له‌: سه‌فا نووری، محه‌مه‌د خۆشناو، كاروان محه‌مه‌د، سه‌میر بابۆ، پرسیار عه‌بدولره‌زاق، رافد به‌دره‌دین، جاسم محه‌مه‌د حاجی، محه‌مه‌د حه‌مه‌خان.

پرۆفایلی ئه‌حمه‌د سالار

ـ له‌ 1985 له‌ شارۆچكه‌ی چه‌مچه‌ماڵ له‌ دایكبووه‌.

ـ له‌ 1999 له‌ یاریگای یانه‌ی ئاشتی ده‌ركه‌وت

ـ له‌ 2001 په‌یوه‌ندی به‌ یانه‌ی كه‌مال سه‌لیمی پێشوه‌وه‌ كردووه‌

ـ له‌ 2004 درێسی یانه‌ی سلێمانی پۆشیوه‌

ـ دووجار له‌گه‌ڵ یانه‌ی سلێمانی بووه‌ته‌ پاڵه‌وانی خولی پله‌یه‌كی عێراق

ـ له‌گه‌ڵ یانه‌ی سلێمانی بۆ خولی نایابی عێراق سه‌ركه‌وتووه‌

ـ یاری بۆ یانه‌كانی، پێرسی پێشوو و زێره‌ڤانی ئێستا، پێشمه‌رگه‌ی سلێمانی، پێشمه‌رگه‌ی هه‌ولێر، نه‌ورۆز كردووه‌.

ـ له‌ وه‌رزی 2006 ـ 2007 گۆڵكاری خولی كوردستان بووه‌

ـ له‌ 2007 بانگهێشتی هه‌ڵبژارده‌ی ئۆڵۆمپی عیراق كراوه‌

ـ له‌ 2010 گۆڵكاری سه‌ر ئاستی پارێزگاكانی كوردستان بووه‌

ـ گۆڵكاری مێژوویی یانه‌ی سلێمانییه‌ به‌ 130 گۆڵ

ـ له‌ خوله‌كانی كوردستان 45 گۆڵی تۆمار كردووه‌

ناوخۆیی

سه‌رۆکی یه‌کێتی تۆپی پێی کوردستان ئاماده‌ نییه‌ له‌گه‌ڵ شانده‌که‌ی یانه‌ی ڕیاڵمه‌درید دابنیشێت

خه‌ڵک سپۆرت

له‌ماوه‌ی چه‌ند ڕۆژی ڕابردوودا شاندێکی یانه‌ی ڕیاڵ مه‌درید که‌ له‌ سێ که‌س پێکهاتبوون گه‌یشتنه‌ شاری هه‌ولێر بۆ ده‌ستنیشانکردنی چه‌ند لاوێکی به‌هره‌مه‌ند.

به‌پێی ئه‌وه‌ی له‌سه‌رچاوه‌کانه‌وه‌ ئاماژه‌ی پێکراوه‌، ئه‌م شانده‌ ئاماده‌ن منداڵانی کوردستان و خاوه‌ن به‌هره‌کان ئاڕاسته‌ی مه‌دریدی پایته‌ختی ئیسپانیا بکه‌ن، بۆ ئه‌و مه‌به‌سته‌ش بڕێک پاره‌ له‌ که‌سوکاری ئه‌و منداڵانه‌ وه‌رده‌گرن و له‌کاتی گه‌یشتنیان بۆ ئه‌کادیمیای ڕیاڵ مه‌درید ته‌نها تێستی تواناکانیان ده‌کرێت، واتا مسۆگه‌ر نییه‌ له‌ یانه‌ زه‌به‌لاحه‌که‌ به‌رده‌وام ده‌بن یان نا.

ئه‌مه‌ش بێزاری لای کاربه‌ده‌ستانی وه‌رزشیی یه‌کێتی تۆپی پێی کوردستان دروست کردووه‌  و له‌م باره‌یه‌وه‌ سه‌فین کانه‌بی سه‌رۆکی یه‌کێتی تۆپی پێ له‌ تۆڕه‌ کۆمه‌ڵایه‌تیه‌کانه‌وه‌ ڕوونکردنه‌وه‌یه‌کی بڵاوکردۆته‌وه‌، تیایدا جه‌خت ده‌کاته‌وه‌، شێوه‌ کارکردنی ستافه‌که‌ی ڕیاڵ مه‌درید  گونجاو نییه‌ و به‌دووریشی ده‌زانێت هه‌ماهه‌نگیان له‌گه‌ڵدا بکات، ته‌نانه‌ت ئاماده‌ش نییه‌ له‌گه‌ڵیاندا دابنیشێت.

ئه‌مه‌ش به‌شێکه‌ له‌ڕوونکردنه‌وه‌که‌:

روونكردنه‌وه‌یه‌كی پێویست لە سه‌فین كانه‌بی سه‌رۆكی یه‌كێتی تۆپی پێی كوردستان سەبارەت بە هاتنی شاندێکی یانەی ریال مه‌درید بۆ هەولێر …

چه‌ند رۆژێكه‌ له‌ رێگه‌ ده‌زگه‌كانی راگه‌یاندن گوێیست بووم, كه‌ چه‌ند كه‌سانێك له‌ ئه‌كادیمییای یانه‌ی ریال مه‌دریدی ئیسپانی هاتوونه‌ته‌ هه‌ولێر، گوایه‌ منداڵان و به‌هره‌مه‌ندانی كوردستان بۆ ئیسپانیا و ئه‌كادیمیای ریال مه‌درید ده‌به‌ن، به‌نده‌ وه‌ك سه‌رۆكی یه‌كێتی تۆپی پێی كوردستان به‌ هیچ شێوه‌یه‌ك دوور و نزیك ئاگاداری هاتنی ئه‌م شانده‌ نییم و ئاماده‌ش نیم له‌گه‌ڵیان دانیشم و پرۆتۆكۆڵیان له‌گه‌ڵ واژوو بكه‌م، چونكه‌ هاتنی ئه‌م شانده‌ ته‌نیا بۆ مه‌به‌ستی بازرگانی كردنه‌ به‌ منداڵانی كوردستان.

ئه‌وه‌ی به‌نده‌ زانیاری دروستی هه‌بێت، ئه‌م شانده‌ ئیسپانییه‌ بۆ هه‌ر منداڵێك داوای (12000) دوازده‌ هه‌زار دۆلار واته‌ (سه‌د و بیست وه‌رقه‌) ده‌كه‌ن، له‌ به‌رامبه‌ر ئه‌مه‌دا منداڵه‌كه‌ ته‌نیا بۆ ماوه‌یه‌كی كورت و دیارییكراو ده‌چێته‌ ئیسپانیا و ته‌نیا بۆ تاقیكردنه‌وه‌یه‌ نه‌ك یاری كردن له‌ ئه‌كادیمییای ریال مه‌درید!
روون و ئاشكراشه‌ هاتنی ئه‌م شانده‌ ته‌نیا بۆ منداڵانی ده‌وڵه‌مه‌نده‌، چونكه‌ بڕی ئه‌م پاره‌یه‌ لای هه‌ژاره‌كان نییه‌.

بۆیه‌ من وه‌ك سه‌رۆكی یه‌كێتی تۆپی پێی كوردستان به‌ شانازییه‌وه‌ دانیشتن له‌گه‌ڵ ئه‌م شانده‌ ره‌ت ده‌كه‌مه‌وه‌ و به‌ هیچ شێوه‌یه‌كیش وه‌ك یه‌كێتی تۆپی پێی كوردستان هه‌ماهه‌نگیان نابین، چونكه‌ به‌ بڕوای ئێمه‌ منداڵه‌ لێهاتووه‌كان و به‌هره‌مه‌نده‌كانی تۆپی پێی كوردستان زیاتر له‌ گه‌ڕه‌كه‌ هه‌ژار نشینه‌كان و خێزانه‌ هه‌ژاره‌كان هه‌ن و دروست ده‌بن، ئێمه‌ به‌ شانازییه‌وه‌ له‌ رێگه‌ پاڵه‌وانیه‌تی ساڵانه‌ی فێرگه‌كانی تۆپی پێی هه‌موو كوردستان، خزمه‌ت به‌ منداڵه‌ به‌هره‌مه‌نده‌كانی خۆمان ده‌كه‌ین، له‌گه‌ڵ رێزم.

سه‌فین كانه‌بی
سه‌رۆكی یه‌كێتی تۆپی پێی كوردستان

بەردەوام بە لە خوێندنەوە

ناوخۆیی

به‌منزیكانه‌ یه‌كه‌مین رێبه‌ری رۆژنامه‌وانی وه‌رزشی بڵاو ده‌كرێته‌وه‌

خەڵک سپۆرت

بۆ یه‌كه‌مجار له‌ مێژووی رۆژنامه‌گه‌ری كوردی، رێبه‌رێكی رۆژنامه‌وانی وه‌رزشی به‌ زمانی كوردی بڵاوده‌كرێته‌وه‌ .

ئه‌و رێبه‌ره‌ ئه‌نجامی زیاتر له‌ كاری ده‌ساڵ ئه‌زموونی مه‌یدانی منه‌ له‌بواری وه‌زرش له‌ پاڵه‌وانیتییه‌ گه‌وره‌كان، وه‌ك یه‌كه‌مین ڕێبه‌ری ڕۆژنامه‌وانی وه‌رزشییه‌ له‌ مێژووی ڕۆژنامه‌گه‌ری كوردی بۆ ئه‌و كه‌سانه‌ی كه‌ ده‌یانه‌وێت ببنه‌ ڕۆژنامه‌نووسێكی وه‌رزشی پرۆفیشناڵ له‌ناوخۆ و ده‌ره‌وه‌ی هه‌رێمی كوردستان.

له‌ رێبه‌ره‌كه‌ ته‌واوی ژانره‌ جیاوازه‌كانی رۆژنامه‌گه‌ری وه‌رزشی سه‌رده‌میانه‌ باسكراوه‌و كارئاسانییه‌كی گه‌وره‌شه‌ بۆ ئه‌و كه‌سانه‌ی ده‌یانه‌وێت بێنه‌ بواره‌كه‌وه‌و هاوكات كه‌لێنێكی گه‌وره‌ش له‌ ناوه‌نده‌ ئه‌كادیمی و زانستیه‌كانی بواری رۆژنامه‌وانی پڕ ده‌كاته‌وه‌ كه‌ له‌و بواره‌ زۆر هه‌ژارو كه‌م سه‌رچاوه‌یه‌.

رێبه‌ره‌كه‌ له‌ 100 لاپه‌ره‌ پێكهاتووه‌ تێیدا باس له‌ چۆنێتی مامه‌ڵه‌كردن له‌ گه‌ڵ هه‌واڵی وه‌رزشی و راپۆرت و دیدارو نووسینه‌وه‌و ستۆری و وتاری وه‌رزشی ده‌كرێت ، هاوكات رێگه‌ی فێرخوازو رۆژنامه‌نووسان ئاسان ده‌كات تاوه‌ك ببنه‌ ئه‌ندام له‌ سه‌ندیكاو رێكخراوه‌ وه‌رزشیه‌كانی ناوخۆو ده‌ره‌وه‌.

ئه‌ركی له‌ چاپدانی ئه‌و رێبه‌ره‌ له‌ سه‌ر ئه‌ركی به‌رێز لاهور شێخ جه‌نگی بووه‌و له‌ ئێستادا له‌ چاپخانه‌یه‌كی تارانی پایته‌ختی ئێران له‌ چاپدایه‌وه‌و به‌منزیكانه‌ ده‌كه‌وێته‌ به‌ر دیده‌ی خوێنه‌رانی .

بەردەوام بە لە خوێندنەوە

ناوخۆیی

یه‌كێتی تۆپی پێی كوردستان بڕیار و راسپارده‌ی نوێی ده‌ركرد

ئه‌مڕۆ شه‌ممه‌ 15/6/2019 به‌ ئاماده‌بوونی سه‌رۆك و جێگر و سه‌رجه‌م ئه‌ندامه‌كانی، یه‌كێتی تۆپی پێی كوردستان كۆبوونه‌وه‌ی ئاسایی خۆی ئه‌نجامدا و، ئه‌م بڕیار و راسپاردانه‌ی ده‌ركرد:

1- نوێنه‌رانی هه‌ردوو تیپی تازه‌پێگه‌یشتووانی یانه‌كانی شێروانه‌ و گاره‌، له‌ كۆبوونه‌وه‌ی داهاتووی یه‌كێتی تۆپی پێی كوردستان له‌ رۆژی شه‌ممه‌ 22/6/2019 له‌ كاتژمێر 12:00 ـی نیوه‌ڕۆ بۆ كاری پێویست ئاماده‌بن.

2- یارییه‌كانی گه‌ڕی دوازده‌یه‌می خولی نایابی لاوانی كوردستان، له‌ رۆژی سێشه‌ممه‌ 18/6/2019 به‌رێوه‌ ده‌چێت و، یارییه‌كانی گه‌ڕی سێزده‌یه‌م و كۆتایی له‌ رۆژی شه‌ممه‌ 22/6/2019 ئه‌نجام ده‌درێت.

3- ته‌نیا دوو یاریزانی تیپی پێشكه‌وتووانی یانه‌كانی به‌شدار له‌ خولی پله‌یه‌كی لاوانی كوردستان، ده‌توانن یاری بۆ تیپی لاوانی یانه‌كانی خۆیان بكه‌ن، به‌ هیچ شێوه‌یه‌ك له‌ لیستی ناوی یاریزانان (كشوفات) گۆڕانكاری له‌م دوو یاریزانه‌ ناكرێت.

4- رۆژی شه‌ممه‌ 22/6/2019 له‌ كاتژمێر 12:00 ـی نیوه‌ڕۆ، كۆبوونه‌وه‌ی هونه‌ری هه‌ژده‌ تیپه‌ سه‌ركه‌وتووه‌كه‌ی قۆناغی دووه‌می پاڵه‌وانیه‌تی فێرگه‌كانی تۆپی پێی كوردستان ئه‌نجام ده‌درێت، بۆیه‌ داوا له‌ نوێنه‌ری تیپه‌ سه‌ركه‌وتووه‌كان ده‌كه‌ین، له‌ كاتی دیارییكراو له‌ باره‌گه‌ی یه‌كێتی تۆپی پێی كوردستان ئاماده‌بن.

5- یارییه‌كانی قۆناغی دووه‌می پاڵه‌وانیه‌تی فێرگه‌كانی تۆپی پێی كوردستان، له‌ رۆژی دووشه‌ممه‌ 1/7/2019 ئه‌نجام ده‌درێت.

6- بڕیاردرا به‌ هه‌ڵوه‌شاندنه‌وه‌ی فێرگه‌ی یانه‌ی قه‌ڵا و دوورخستنه‌وه‌یان له‌ چالاكییه‌كانی یه‌كێتی تۆپی پێی كوردستان و، راگرتنی راهێنه‌ری فێرگه‌كه‌ به‌ ناوی (سۆران حه‌مه‌د) و وه‌رگرتنه‌وه‌ی بڕوانامه‌كه‌ی، كه‌ مافی راهێنه‌رایه‌تی له‌ چالاكییه‌كانی یه‌كێتی تۆپی پێی كوردستان نابێت.

بەردەوام بە لە خوێندنەوە

کوردستان