ئێمە لە تۆرە کۆمەڵایەتیەکان

کوردستان

خەڵك؛ بەرنامەی مەسرور بارزانی بۆ حكومەتی نوێ ئاشكرادەكات

خەڵك- بەشی
پەرلەمانتارێكی پارتی دیموكراتی كوردستان، پێشبینی دەكات نەگاتە مانگێك كابینەی نوێی حكومەتی هەرێمی كوردستان پێكبهێنرێت و دەستوری عیراقیش وەك پێوەرێك بۆ مامەڵەكردن لەگەڵ حكومەتی عیراقی لەقەڵەم دەدات.

ڕزگار عیسا بارزانی، ئەندامی پەڕلەمانی كوردستان لە فراكسیۆنی پارتی دیموكراتی كوردستان بە (خەڵك)ی ڕاگەیاند، “بەپێی پەیڕەوی ناوخۆ دەبێت لەماوەی 30 ڕۆژدا حكومەت پێكبهێنرێت، بەڵام لەبەرئەوەی زۆربەی كێشەكانی تایبەت بە وەزیرەكان و پێكهێنانی كابینەكە یەكلایی بۆتەوە، پێشبینی دەكەم لەماوی 15 بۆ 20 ڕۆژ حكومەت پێكبهێنرێت”.

سەبارەت بە بەرنامەی كاری حكومەتیش، ڕزگار بارزانی وتی، “كاك مەسرور بەو پێیەی سەرۆكی حكومەت دەبێت، بۆخۆی بەرنامەی كاری حكومەتەكەی دەستنیشان دەكات، بەڵام ئەو بەرنامەیەی، كە پارتی دیموكراتی كوردستان بەر لە هەڵبژاردن بانگەشەی بۆ كردبوو، لەسەر هەمان ڕێباز دەبێت، ئەوەی پەیوەندی بە چاكسازی و خزمەتگوزاری و باشكردنی باری گوزەرانی خەڵك و تەندروستییەوە هەبێت، ئەو بابەتانە هەموو لەخۆ دەگرێت”.

سەبارەت بە چۆنیەتی مامەڵەكردنی حكومەتی داهاتووی هەرێمی كوردستانیش لەگەڵ بەغدا، پەرلەمانتارەكەی پارتی پێیوایە، “ئەو بابەتە شتێك نییە تەنیا پەیوەندی بە مەسرور بارزانییەوە هەبێت، لەنێوان ئێمە و بەغدا شتێك هەیە بە ناوی دەستور، بۆیە هەركەسێك بێت، دەبێت پێداگری لەسەر جێبەجێكردنی ئەو دەستورە بكات”، ڕەتیشكردەوە ئەوان زیاتر لەو بڕگانەی لە دەستور هەیە داوای بكەن و تەنیا داواشیان جێبەجێكردنی دەستورە.

پەرلەمانتارەكەی پارتی دیموكراتی كوردستان، سەبارەت بە هۆكارەكانی ڕادەستنەكردنی بڕی 250 هەزار بەرمیلی ڕۆژانە بە كۆمپانیای بە بازاڕكردنی نەوتی عیراقی (سۆمۆ) كە لە بودجەی 2019ی عیراقدا ڕێكەوتنی لەسەركراوە، تا حكومەتی فیدراڵ پشكی دارایی و مووچەی فەرمانبەرانی هەرێم ڕەوانە بكات،ڕەتیكردەوە هیچ زانیارییەكی لەو بارەیەوە هەبێت و پرسەكەی وابەستەی وەزارەتی سامەنە سرووشتییەكانی هەرێم كرد.

ئەمڕۆ سێ‌ شەممە، پەڕلەمانی كوردستان بە زۆرینەی دەنگی پەڕلەمانتاران، مەسرور بارزانی، كاندیدی پارتی بۆ سەرۆك وەزیرانی نوێی هەریم پەسەند كرد و ڕایسپارد لەماوەی 30 ڕۆژا كابینەی حكومەت پێكبهێنێت.

کوردستان

حەسەكە.. تەقینەوەیەك ڕوویدا

خەڵك – بەشی هەواڵ

تەقینەوەیەكی بەهێز لەشاری حەسەكەی ڕۆژئاوای كوردستان ڕوویدا.

بەپێە زانیارییەكان، كاتژمێر 8ی ئەمشەو تەقینەوەك لە شاری حەسەكەی ڕۆژئاوای كوردستان ڕوویداوە كە دەنگێكی بەهێزی هەبووە و دوكەڵێكی گەورە ئاسمانی شارەكەی گرتووەتەوە، دوابەدوای ڕووداوەكەش تیمەكانی ئاگركوژێنەوە و تەندروستی ڕەوانەی شوێنی ڕووداوەكە كراون.

هاوكات، كەناڵی (ڕوسیا تودەی) بڵاویكردووەتەوە: تەقینەوەكە لە جبەخانەیەكی چەك و تەقەمەنی سەربازیی هێزەكانی سوریای دیموكرات (هەسەدە) بووە بەهۆی بەرزبوونەوەی پلەی گەرماوە ڕوویداوە.

جێی ئاماژەیە، تائێستا هیچ لایەنێكی فەڕمی لە ڕۆژئاوای كوردستان زانیاری تەواوی لەسەر هۆكاری ئەو تەقینەوەیە و زیانەكانی ئاشكرا نەكردووە.

بەردەوام بە لە خوێندنەوە

کوردستان

سەیدسادق.. دوو تووشبووی تری كۆرۆنا گیانیان لەدەستدا

خەڵك – بەشی هەواڵ

قائیمقامیەتی شارۆچكەی سەیدسادق گیانلەدەستدانی دوو تووشبووی تری ڤایرۆسی كۆرۆنای ڕاگەیاند.

قائیمقامیەتی شارۆچكەی سەیدسادق لە ڕاگەیەندراوێكدا ڕایگەیاند: دوو حاڵەتی نوێی مردن بە ڤایرۆسی كۆرۆنا تۆماركرا كە دوو پیاوی تەمەن ٦٦ ساڵ و ٥٠ ساڵن و دانیشتووی شارۆچكەكەیانن.

قائیمقامیەتی شارۆچكەی سەیدسادق ڕوونیشیكردووەتەوە: ئەو هاووڵاتییانە پاش ماوەی چەند ڕۆژێك داخڵ بوونیان و خەواندنیان لە نەخۆشخانە، ئێوارەی ئەمڕۆ گیانیان لە دەستدا.

بەمەش ژمارەی مردن بە ڤایرۆسی كۆرۆنا لە شارۆچكەی سەیدسادق گەیشتە 17 حاڵەت.

بەردەوام بە لە خوێندنەوە

کوردستان

بەندكراوێك لە سلێمانی بە كۆرۆنا گیانی لەدەستدا

خەڵك- بەشی هەواڵ

ڕاگیراوێكی گرتن و گواستنەوەی گەرمیان لە نەخۆشخانەی سلێمانی دوای ئەنجامدانی نەشتەرگەرییەك گیانی لەدەستدا.

بەڕێوەبەرایەتی گشتی تەندروستی گەرمیان لە ڕاگەیەنراوێكدا ئاماژەی بەوەكردووە، ڕاگیراوێكی گرتن و گواستنەوەی گەرمیان، كە توشبوی كۆرۆنا بوو، پاش ئەنجامدانی نەشتەرگەری لەچەند ڕۆژی ڕابردوودا، ئێوارەی ئەمڕۆ لە نەخۆشخانەی سلێمانی گیانی لەدەستدا.

ڕوونیشی كردۆتەوە، ئەو ڕاگیراوە پێشتر لە پشكنینەكانی تیمەكانمان دەركەوت، كە تووشبووی كۆرۆنایە، بەڵام دواتر بەھۆی حاڵەتێكی دیكەی تەندروستیەوە ڕەوانەی سلێمانی كرا و لەوێ نەشتەرگەری بۆ ئەنجامدرا، پاش مانەوەی بۆ ماوەی ٢ ڕۆژ لە نەخۆشخانەی سلێمانی گیانی لەدەستدا.

بەردەوام بە لە خوێندنەوە

کوردستان