ئێمە لە تۆرە کۆمەڵایەتیەکان

کوردستان

لەمەڕاسیمی سوێندخواردنی سەرۆكی هەرێم مارشی نیشتمانی عیراق لێنەدرا
هاوپەیمانیەكەی مالكی بۆ (خەڵك): دەبێت هەرێمی كوردستان داوای لێبوردن بكات

خەڵك- بەشی هەواڵ
پەڕلەمانتارێكی هاوپەیمانی دەوڵەتی یاسا، داوای لە هەرێمی كوردستان دەكات هۆكاری لێنەدانی مارشی نیشتمانی عیراق لەكاتی دەستنیشانكردنی نێچیرڤان بارزانی بە سەرۆكی هەرێمی كوردستان ڕوونبكاتەوە و بەپێویستی دەزانێت هەرێمی كوردستان ئەو كارەی بە مەبەست بووبێت یان بێ‌ مەبەست، داوای لێبوردن بكات.

عەلی غانمی، پەڕلەمانتاری هاوپەیمانی دەوڵەتی یاسا، لە لێدوانێكی تایبەت بە (خەڵك) ڕایگەیاند، “ئێمە ئێستا لە سایەی حكومەتێكی فیدڕاڵیدا دەژین، هەرێمی كوردستانیش بەشێكە لە عیراق، دەبو مارشی نیشتمانی عیراق پێش مارشی نیشتمانی كوردستان لێبدرێت، چونكە كوردستان بەشێكە لە عیراق”، بەپێویستیشی زانی هەرێمی كوردستان لەبارەی ئەو هەڵوێستەوە “بە مەبەست بوبێت، یان بەبێ‌ مەبەست، ڕوونكردنەوە بدات”.

بە وتەی غانمی، “ئێمە چاومان لە ئاسۆیەكی تر بڕیوە و چاوەڕوانبوین پەیوەندییەكانی نێوان هەرێم و بەغدا گەشەكردن بەخۆوەببینێت، بەڵام ئەوەی ڕوویدا ماسەی سەرسوڕمانە و بووە مایەی بێزاركردنی زۆرێك لە عیراقییەكان”.

عەلی غانمی دەڵێت: “دەبوو بەر لە لێدانی مارشی نیشتمانی كوردستان، مارشی نیشتمانی عیراقی لێبدرێت، بۆیە داوا لە هەرێم دەكەین هۆكاریی ئەو هەڵوێستە ڕوونبكاتەوە و داوای لێبوردنیش بكات”.

لە ڕێوڕەسمی ئاهەنگی دەستنیشانكردنی نێچیرڤان بارزانی بە سەرۆكی هەرێمی كوردستان، كە دوێنێ‌ دوو شەممە 10ی حوزەیرانی 2019 لە هەولێر بەڕێوەچوو، مارشی نیشتمانی عیراقی لێنەدرا، وێڕای ئەوەی زۆرێك لە كەسێتییە باڵاكانی عیراق و وڵاتانی بیانی، ئامادەی ڕێوڕەسمەكە بوون.

کوردستان

لەسەر كۆبوونەوەی لایەنە سیاسییەكانی كەركوك ڕوونكردنەوە دەدرێت

خەڵك -بەشی هەواڵ

 

بۆ دیاریكردنی سەرۆكی لیست و لۆگۆی لیستی “كەركوكی كوردستانی” بڕیار بوو ئەمڕۆ شەممە لایەنە سیاسییەكان لە شاری هەولێر كۆببنەوە، بەڵام تا ئێستا هیچ بڕیارێك نەدراوە لایەنە سیاسییەكان لە چ بارەگایەك و لە كوێ كۆببنەوە.

بەهۆی ڕێگریكردنیش لە مەحمود سەنگاوی ئەندامی مەكتەبی سیاسی یەكێتی نیشتمانی كوردستان لە بازگەیەكی هەولێر و تەقەكردن لە بارەگاكانی ئەو دوو حزبە لە هەولێر و سلێمانی ئەگەری ئەوەی هەیە ئەو كۆبوونەوە نەكرێت یاخود بۆ كاتێكی نادیار دوابخرێت.

حەسەن شێخانی بەرپرسی مەڵبەندی كەركوكی بزووتنەوەی ئیسلامی بە (خەڵك)ی ڕاگەیاند، پێشتر پێشنیارێك هەبوو كە یەك شەممە یاخود دوو شەممە لایەنە سیاسییەكان لە هەولێر كۆببینەوە، بەڵام تا ئێستا هیچ دەنگۆیەك نییە كۆبوونەوەكە ئەنجام بدرێت یاخود دوابخرێت.

وتیشی”ئەم هەفتەیە كراوەیە چ ڕۆژێك دیاری بكرێت بۆ ئەنجامدانی كۆبوونەوەكە، چونكە دەبێت ڕای سەرجەم حزبەكان وەربگیرێت”.

بەردەوام بە لە خوێندنەوە

کوردستان

49هەمین ساڵوەگەڕی دامەزراندنی یەكێتی زانایانی ئایینی ئیسلامی كوردستان

خەڵك-بەشی هەواڵ

ئەمڕۆ یادی دامەزراندنی یەكێتی زانایانی ئایینی ئیسلامی كوردستانە و لە مەراسیمێكدا یەكێتیەكە یادی دامەزراندنی دەكاتەوە و بەو بۆنەشەوە مەسروور بارزانی سەرۆكی حكومەتی هەرێمی كوردستان پەیامێكی پیرۆزبایی ئاڕاستەی یەكێتی زانایانی ئاینی ئیسلامی كوردستان كرد.

مەسرور بارزانی سەرۆكی حكومەتی هەرێمی كوردستان لە پەیامێكدا ئاماژە بۆ ئەوە دەكات، سەرۆك و ئەندامانی مەكتەبی تەنفیزی یەكێتی زانایانی ئاینی ئیسلامی كوردستان، بەبۆنەی 49 یەمین ساڵڕۆژی دامەزراندنی یەكێتی زانایانی ئاینی ئیسلامی كوردستان، گەرمترین پیرۆزباییتان لێدەكەم.

دەشڵێیت”یەكێتی زانایان كە لە 21ی ئەیلولی 1970 بەڕێنوێنی جەنابی بارزانی نەمر دامەزرا، ڕۆڵێكی دیاری لە خزمەتكردنی ئاینی پیرۆزی ئیسلام و بزووتنەوەی ڕزگاریخوازی گەلی كوردستاندا گێڕاوە و لە بەرەنگاربوونەوەی هزری توندڕەوی و تیرۆر و هوشیاركردنەوەی كۆمەڵگە و بڵاوكردنەوەی پەیامی میانڕەوی جێدەستیان دیارە.

یەكێتی زانایانی ئایینی ئیسلامی كوردستان، ڕێكخراوێكی پیشەیی تایبەت بە كاروباری زانایانی ئایینی كوردستانە، بارەگای سەرەكی لە هەولێرە.
بۆ یەكەمجار لە بەرواری (21/9/1970) لە گەڵاڵەی ناوچەی باڵەكایەتی سەر بە پارێزگای هەولێر بە چاودێری‌ و ئامادەبوونی مەلا مستەفای بارزانی دامەزراوە و تا ئێستا شەش كۆنگرەی ئەنجام داوە و 17 لقی لە سەرتاسەری هەرێمی كوردستان هەیە.

بەردەوام بە لە خوێندنەوە

کوردستان

لە ڕووداوێكی هاتوچۆدا 5 كەس بوونە قوربانی

خەڵك-بەشی هەواڵ

بەڕێوەبەرێتی هاتوچۆی شارەزوور ڕایدەگەیەنێت، بەهۆی ڕووداوێكی هاتوچۆوە سێ كەس بوونەتە قوربانی.

بەڕێوەبەرێتی هاتوچۆی شارەزوور لە ڕاگەیەندراوێكدا ئاماژە بۆ ئەوە دەكات، لەسەر ڕێگای ھاتووچۆی وارماوا دەربەندیخان ڕووداوێكی ھاتووچۆ ڕوویدا لە نێوان دوو ئۆتۆمبێل لە جۆری توێتا پیكاب و نیسان سدریك.

ئاشكراشیدەكات، بەداخەوە تا ئێستا سێ قوربانی لێكەوتووەتەوە.

بەپێی زانیارییەكان، لە ڕووداوەكەدا چوار كەس گیانیان لەدەست داوەو كەسێكی دیكەش بریندار بووە.

لای خۆشییەوە ڕێژەن بورهان بەڕێوەبەری هاتوچۆی دەربەندیخان بە میدیاكانی ڕاگەیاند، ئۆتۆمبێلی مارسیدس كە هۆكاری ڕووداوەكەش بووە چەند خولەكێك پێش ڕووداوەكە چەند هاوڵاتیەك پەیوەندیان بە ئێمەوە كرد كە ئەو ئۆتۆمبێلە لەنزیك گوندی چنارە زۆر بەهەڵەشەیی و لاساری ئۆتۆمبێل لێدەخوڕێت و ئێمەش لە هەوڵی ئەوەدابووین هاتوچۆی وارماوای لێئاگادار بكەینەوە كەدەستگیری بكەن و ئیجرائاتی لەگەڵ بكەن، بەڵام بەداخەوە زۆری نەخایاند و دوای دوو خولەك ئەم ڕووداوەی دروستكردووە.

بەردەوام بە لە خوێندنەوە

کوردستان