ئێمە لە تۆرە کۆمەڵایەتیەکان

عێراق

پلانی لابردنی عادل عەبدولمەهدی و گەڕانەوەی عەبادی لە ئارادایە

خەڵك- بەشی هەواڵ

عەلی بەدری سەركردە لە ڕەوتی حیكمەی نیشتیمانی كە لەلایەن عەمار حەكیمەوە سەرۆكایەتی دەكرێت ڕایگەیاند، لە ئەگەری لابردن یان دەستلەكاركێشانەوەی عادل عەبدولمەهدییدا، بەهێزترین چانس بەر حەیدەر عەبادی دەكەوێت بۆ گەڕانەوە بۆ سەر كورسی سەرۆك وەزیران.

هەندێك لە میدیاكانی عیراق لەزاری ناوبراوەوە بڵاویانكردووەتەوە، كە زۆربەی كوتلە سیاسییەكان توڕەن لە عەبدولمەهدی، چونكە بەپێی ئەو ماوەیەی بۆی دانرابوو سەركەوتوو نەبووە.

هەروەها وتویەتی”پێشبینی ئەوەدەكرێت عەبدولمەهدی خۆی دەستلەكاربكێشێتەوە، چونكە كوتلەكان فشارێكی زۆریان خستووەتەسەر، لەو حاڵەتەشدا حەیدەر عەبادی زۆرترین چانسی دەبێت”.

بەهێزی چانسی عەبادی لەوەوە سەرچاوە دەگرێت، كە ناوبراو لەلایەن ئەمریكاوە پشتیوانی دەكرێت و لە ماوەی ڕابردووشدا دەستی لە پۆستی حزبی و پەڕلەمانی كێشایەوە، بۆیە زیاتر گومانی ئەوەی لێدەكرێت لەلایەن ئەمریكاوە ئامادەكرابێت بۆ گەڕانەوە بۆ دەسەڵات.

ناسر هەركی، ئەندامی فڕاكسیۆنی پارتی دیموكراتی كوردستان لە پەڕلەمانی عیراق بە (خەڵك)ی ڕاگەیاند، ئەوانەی لەو بارەوە دەوترێن، هەموویان دەنگۆن، هیچیان نەچوونەتە قاڵبێكی فەڕمییەوە.

دەشڵێت “بە نافەڕمی باس لە دەستلەكاركێشانەوەی عادل عەبدولمەهدی دەكرێت، بەڵام نازانرێت سەرۆك وەزیران خۆی بۆچونی چییە، زۆر دەنگۆی تریش هەبوون، هیچیان ڕاستنەبوون”.

یەكێكی دیكە لەو كێشانەی لە ئەگەری دەستلەكاركێشانەوە یان لەسەركارلابردنی عەبدولمەهدییدا ڕوودەدات، موچەی فەرمانبەرانی هەرێمی كوردستانە، چونكە زۆربەی كوتلە و كەسایەتییە سیاسییەكانی عیراق لەگەڵ ئەوەن بە مەرجی ڕادەستكردنی نەوت موچەی فەرمانبەرانی هەرێم بدرێت، بێجگە لە عەبدولمەهدی، بۆیە پێشبینی ئەوەش دەكرێت، كێشەی جدی بۆ موچەش دروستبێتەوە، چونكە عەبادی بە ڕادەستكردنی نەوت، موچە ناداتە هەرێم و تاكو ئێستاش دیارنییە كابینەی داهاتووی هەرێم نەوتەكەی ڕادەستی بەغدا دەكات یان نا كە ئەم كابینە كاربەڕێكەرە سەرباری ڕێككەوتن لەگەڵ بەغدا تا ئێستا نەوتی ڕادەستنەكردووە.

عێراق

سەربازانی ئەڵمانیا ساڵێكی تریش لە عیراق دەمێننەوە

خەڵك – بەشی هەواڵ

حكومەتی ئەڵمانیا بڕیاریدا ماوەی ساڵێكی تریش سەربازانی وڵاتەكەی لەچوارچێوەی هاوپەیمانی نێودەوڵەتی دژی داعش لە عیراقدا بمێننەوە.

لەكۆبوونەوەی ئەنجومەنی وەزیرانی ئەڵمانیادا، ماوەی مانەوەی سەربازانی ئەڵمانیا تا 31ی تشرینی یەكەمی 2020 درێژكرایەوە و لەبڕیارەكەدا 100 سەرباز لە چاو ژمارەی ساڵی پاردا كەمكراوەتەوە و ژمارەیان گەیەنراوەتە 700 سەرباز.

جێی ئاماژەیە، سەربازە ئەڵمانییەكان لە كەمپەكاندا مەشق بە سوپای عیراق و پێشمەرگە دەكەن لەچوارچێوەی هاوپەیمانیەتی نێودەوڵەتی دژ بە داعش.

بەردەوام بە لە خوێندنەوە

عێراق

لەبارەی عەرعەرەوە هۆشداری دەدرێت

خەڵك – بەشی هەواڵ

سەركردەیەكی دەوڵەتی یاسا هۆشداری دەدات لەبارەی كردنەوەی دەروازەی سنووریی عەرعەر.

محەمەد سەیهود سەركردە لە هاوپەیمانی دەوڵەتی یاسا ڕایگەیاند، دەروازەی سنووریی عەرعەری نێوان عیراق و سعودییە مەترسییەكی گەورەی بۆ سەر ئاسایش و ساقامگیری عیراق هەیە و ئەگەری زۆرە گروپی تیرۆریستی داعش ئەو دەروازە سنوورییە بەكاربهێنێت بۆ گەیاندنی پاڵپشتییەكان بۆ شانە نوستووەكانی عیراق.

محەمەد سەیهود داواشی لە حكومەتی عیراق كرد پەلەنەكات لە كردنەوەی دەروازە سنوورییەكە، تا ئەوكاتەی ڕێوشوێنە ئەمنییەكان لە ناوخۆ و سەر سنوورەكان توندوتۆڵتر دەكرێت.

ئەم وتانەی سەركردەكەی دەوڵەتی یاسا لە كاتێكدایە كە پێشتر، كازم عقابی سەرۆكی دەستەی دەروازە سنوورییەكانی عیراق لە كۆبوونەوەی لیژنەی هەماهەنگی سعودی-عیراقی ئاماژەی بەوەدابوو لە ناوەڕاستی مانگی تشرینی یەكەمی داهاتوو پڕۆژەكانی دەروازەی سنووریی عەرعەر تەواو دەبێت و بە فەڕمی دەروازەكە دەكرێتەوە.

بەردەوام بە لە خوێندنەوە

عێراق

میسر ئاسانكاریی بۆ گەشتیارانی عیراقی دەكات

خەڵك- بەشی هەواڵ
باڵێوزخانەی عیراق لە قاهیرە ڕایدەگەیەنێت، میسر ئاسانكاریی گرنگ بۆ گەشتیارانی عیراقی دەكات.

بەپێی بەیاننامەیەك كە لەلایەن باڵێوزخانەی عیراقەوە لە قاهیرە بڵاوكرایەوە”لەگەڵ لایەنی پەیوەنیدار لە كۆماری میسری عەرەبی گەیشتنە ڕێكەوتن بۆ ڕێگەدان بەو عیراقیانەی دەچنە میسر، تا پاسپۆرتەكانیان لێوەرنەگیرێت لە فڕۆكەخانە كە لەماوەی چەندا ساڵی ڕابردوو بەو شێوەیە بووە، ڕێوشوێنە نوێیەكەش لەمڕۆ پێنج شەممەوە جێبەجێ‌ دەكرێت”.

هەر لە بەیاننامەكەدا هاتووە”دەسەڵاتدارانی میسر ڕێگەدەدەن بە كاروانی گەشتیارانی عیراقی پێنج كەس بن، دوای ئەوەی پێشتر كاروانەكان بە 20 كەس دیاریی كرابوون”.

ئەم ئاسانكارییانە وەك باڵێوزخانەی عیراق لە میسر ئاماژەيان پێدەكات، دوای وتوێژی نایف دلێمی باڵێوزی عیراق بووە لە قاهیرە لەگەڵ لایەنە پەیوەندیدارەكانی كۆماری میسری عەرەبی كە ئامادەییان بۆ هەماهەنگی و ڕەخساندنی ئەو كارئاسانییانە دەربڕیوە.

باڵێوزخانەی عیراق لە میسر، باسی لە ئاسانكاریی زیاتر كردووە لەلایەن قاهیرەوە بۆ عیراقییەكان كە “لە داهاتوویەكی نزیكدا ڕادەگەیەنرێن”.

بەردەوام بە لە خوێندنەوە

کوردستان