ئێمە لە تۆرە کۆمەڵایەتیەکان

ماڵداری

چەند خویەکی خراپی منداڵ کە لە بنەڕەتدا هەڵەی دایک و باوکەکەیە

خێزان

خێزان و پەروەردەی خێزان گرنگی زۆری هەیە لە ژیانی منداڵدا، ئەمەی خوارەوە ٦ هەڵەیە کە مندالان ئەنجامی دەدەن لە کاتێکدا بەهۆی هەڵەی دایک و باوکە لە پەروەردەدا:

 

-قسە پێبڕین

نابێت کە تەنها قسەی بە کەسێک بڕی پێی بڵێیت “بێدەنگ بە” بەڵکوو دەبێت بە کردەوە لە خۆتەوە ئەوەی فێربکەیت کاتێک کەسێک قسە دەکات ئەو گوێ بگرێت تا سەرەی دێت.

 

-کڕینی هەموو شتێک

کە منداڵ دەبەیتە بازاڕ وادەزانێت شتەکان خۆڕاین و داوای بردنی هەموو شتێک دەکەن، بۆ ئەوەی فێری ئەو سستمە بێت بەر لە چونە بازاڕ پێکەوە لیستی ئەو شتانە بنوسن کە دەبێت بیکڕن و لێی لانەدەن (دەتوانیت داوای لێبکەیت بە وێنە بیکێشێت)، کاغەزەکە بدە بە منداڵەکە با ئەو بڵێت کە چیتان دەوێت بیکڕن بەپێی لیستەکە.

 

-منداڵەکەت بە ئەدەبەوە قسە ناکات

تا زوتر منداڵەکەت فێربکەیت بە ڕێز و ئەدەبەوە قسە بکات باشترە، هیچ کارێک بۆ منداڵەکەت مەکە تا نەڵێت “بەیارمەتیت، تکایە، سوپاس، سڵاو، هتر”

 

-نازانێت کەی بوەستێت

بۆ منداڵ قورسە کە بزانیت کام زانیاریانە هی ئەوە نییە باسی بکات، هەوڵبدە فێری دەستەواژەی (نهێنیەکانی ماڵەوە)ی بکەیت، تا بزانێت کە هەموو شتێک بۆ وتن و باسکردن نییە.

 

 

-بەردەوام پێتەوە نووساون

کاتێک ڕێگە نەدەیت منداڵەکەت کەمێک لێت دوربکەوێتەوە، دواتر بۆ هەموو شتێک پشت بەتۆ دەبەستێت، هەوڵبدە ڕێگایان بدەیت کە شتە نوێکان تاقی بکەنەوە.

 

 

-کەسانی دیکە بێزار دەکەن

کاتێک دایک و باوک زیاد لە پێویست ناز دەدەن بە منداڵەکەیان و هەرچیەکی ویست بۆی دەکەن، وا دەزانێت کەسانی دیکەش بەهەمان شێوەن، بۆیە پێویستە فێری ئەوەی بکەیت کە رێز لە خواستی کەسانی دیکەش بگرێت.

ماڵداری

کۆمەڵێک بەکارهێنانی جیاوازی کاغەزی ئەلەمنیۆم کە دەتوانیت سوودی لێببینیت

خێزان

کاغەزی ئەلەمنیۆن ئێستا لە ماڵەکانماندا زۆرە، بەڵام بۆ چەند بوارێکی کەم سودی لێدەبینین لە کاتێکدا دەتوانرێت بۆ زۆر پێداویستی دیکە بەکاربێت کە ئەمەی خوارەوە بەشێکیانە:

 

-دەتوانیت بیکەیت بە ڕەحەتی و شلەمەنی پێبکەیتە دەبەوە.

-بیکەرە نێوان جلەوە، کاتێک لایەک ئوتو دەکەیت لایەکەی دیکەش ڕێکدەکاتەوە.

-دەتوانیت بۆ تیژکردنەوەی مقەست بەکاری بهێنیت.

-بیکەرە نێوان شوێنی پاتری و ئامێرەکەوە باشتر کاردەکات و تەمەنی درێژتر دەبێت.

-لە کاتی جلشۆریندا تۆپێکی لی دروستبکە و بیکەرە جلشۆرەکەوە، ئیدی جلەکانت کارەبا دروستناکات.

-کەمێ موعجیزە بدە لە بنی ئوتوو، دواتر بە ئەلەمنیۆم جوان پاکدەبێتەوە.

-بۆ تازەکردنەوەی کەرەستە زیوەکان، بیکەرە ناو دەفرێکی داپۆشراو بە ئەلەمنیۆم، دواتر ئاو لەگەڵ خوێ و سۆدەی نانی تێبکە بە جوانی پاکی دەکاتەوە.

-بۆ جوڵاندنی کەرەستەی ماڵ بە ئاسانی بەکاری بهێنە.

-چەند جارێک قەدی بکە و وەک ئەنتێنێک لای ئامێری Wi-Fi دای بنێ، زۆر بەهێزتری دەکات.

-دەتوانیت بۆ ئەوەی خواردنەکەت نەسوتێت لە نیو تاوەدا دای بنێیت.

-قەپاغی کولیچەی تایبەت بە خۆتی پێ دروستبکە.

بەردەوام بە لە خوێندنەوە

ماڵداری

چەند ڕێگایەکی سرووشتی و کاریگەر بۆ ڕزگاربوون لە کڕێش و ئەسپێ

خێزان

٥٠٪ی خەڵک لە قۆناغێک لە قۆناغەکانی تەمەنیدا کێشەی کڕێش و ئەسپێی  هەیە، هەر بۆیە گرنگە کە بە ڕێگایی سرووشتی چارەسەری بکەیت، ئەمەی خوارەوە چەند ڕێگایەکە:

 

– ٨ بۆ ١٠ دڵۆپ لە زەیتی داری چا بکەرە ناو شامپۆی قژەکەتەوە.

– هەمان بڕی سرکەی سێو لەگەڵ ئاو تێکەڵبکە و بیدە لەقژت، با ١٥ خولەک پێوەی بمێنێتەوە

– زەیتی گوێزی هیندی بدە لەقژت و با ٥ خولەک پێوەی بمێنێتەوە.

– ئاوی لیمۆ بدە لەقژت، با ٣٥ بۆ ٤٠ دەقە پێوەی بمێنێتەوە، دواتر بیشۆرەوە.

بەردەوام بە لە خوێندنەوە

ماڵداری

چەند ڕێنماییەکی گرنگ کە خانمانی دووگیان لەکاتی خەوتندا پێویستە ڕەچاوی بکەن

خێزان


مێشكێكی ئارام و دورر لە سترێس وادەكات خەوێكی خۆش و هێمنت هەبێت كە بە دڵنیاییەوە لەكاتی دووگیانیدا زۆر پێویستت پێی دەبێت بۆ تەندروستی خۆت و كۆرپەكەت، بۆیە زۆر گرنگە لە بێتاقەتی و خەفەت دور بكەویتەوە دەتوانیت گوێ‌ لە مۆسیقا بگریت بۆ ئارام بونەوەی دەرونت بۆ ئەوەی باشتر بتوانیت بخەویت.

 

لەبەر ئەوەی ئافرەتی دوگیان پێویستە زۆر ئاگاداری جوڵەو پاڵكەوتن و دانیشتنی بێت بۆ ئەوەی كۆرپەكەی لە زیانی لاوەكی بپارێزێت، باشترین شێوازی خەوتن بۆ ژنی دوگیان بریتیە لە خەوتن لەسەر لا واتە لەسەر تەنیشت بۆیە واباشترە هەمیشە لەسەر لای چەپ بخەویت چونكە بەوجۆرە بە شێوەیەكی باشتر خوێن و خۆراك بۆ وێڵاشی كۆرپەكە دەچێت.

 

لەگەڵ ئەوەشدا خەوتن لەسەر لا چەندین سودی تریشی هەیە وەك لە ئازاری گەدە رزگارت دەكات و كاری هەرسکردنی  خواردن و رزگاربون لە پیسیەكانی لەش ئاسانتر دەكات، هەروەها چارەسەرە بۆ ئازاری پشت.

 

ئەگەر هاتو هەستت بە نارەحەتیش كرد لەو جۆرە خەوە ئەوە دەتوانیت سەرینێك بخەیتە بەینی قاچەكانتەوە بۆ ئەوەی فەقەرەی پشتت رێك ببێتەوەو باشتر بخەویت.

بەردەوام بە لە خوێندنەوە

کوردستان