ئێمە لە تۆرە کۆمەڵایەتیەکان

کوردستان

یەكێتی و پارتی لەسەر ئاستی باڵا كۆدەبنەوە

خەڵك – بەشی هەواڵ
كارگێڕی مەڵبەندی نەینەوای یەكێتیی نیشتمانیی كوردستان ڕایدەگەیەنێت، لەدوای جەژنەوە پەیوەندیەكی باشی تەلەفۆنی لە نێوان حزبەكەی و پارتی هەیە، دەشڵێت: “لە چەند ڕۆژی داهاتوودا كۆبوونەوەی یەكێتی و پارتی ئەنجام دەدرێت و كۆتایی بە ئاڵۆزییەكان دەهێنرێت”.

غەیاس سورچی، كارگێڕی مەڵبەندی نەینەوای یەكێتی بە (خەڵك)ی ڕاگەیاند، بەشداری كردنی شاندی باڵای یەكێتی لە مەڕاسیمی سوێندخواردنی سەرۆكی هەرێم دەرگایەكی نوێیە بۆ كۆتایی هێنان بە ئاڵۆزییەكانی ئەم دواییەی نێوان یەكێتی و پارتی.

وتیشی، “ئاگاداری ئەوەم لە دوای جەژنەوە پەیوەندیەكی بەرفراوانی تەلەفۆنی لە نێوان هەردوولا هەیە، بە تایبەت لەسەر ئاستی باڵا و هەروەها كاك مەسعود بارزانیش خۆی داوای كردووە ئەو ئاڵۆزیانە بە كۆتا بهێنرێت و كێشەكانی نێوانیان چارەسەر بكرێت و ڕێگەچارەی گونجاویش بۆ كەركوك بدۆزرێتەوە”.

ڕاشیگەیاند، بەم نزیكانە و ڕەنگە لە چەند ڕۆی داهاتوودا كۆبوونەوەیەك لەسەر ئاستی باڵا لەنێوان هەردوولا ئەنجام دەدرێت و كۆتایی بەو ئاڵۆزیانەی نێوان یەكێتی و پارتی دەهێنرێت.

ئاشكرایكرد، هاتنی سەرۆك كۆماری عیراق بۆ هەولێر و بەشداری لە سوێندخواردنی سەرۆكی هەرێم، وەك سەرۆكی هەموو پێكهاتەكان هاتووە، بەڵام لە هەمان كاتدا جێگری سكرتێری یەكێتییە و ئەمە كردنەوەی دەرگایەكی نوێیە لە پەیوەندیەكانی نێوان پارتی و یەكێتی.

بەپێی زانیارییەكانی (خەڵك) بەم نزیكانە یەكێتی و پارتی كۆدەبنەوە و كۆتایی بە كێشەكانی نێوانیان بەتایبەت لەسەر پارێزگاری كەركوك و وەزیری دادی عیراق دەهێنن و فراكسیۆنەكەیان لە پەڕلەمانی كوردستان بەشداری پێكهێنانی حكومەتی هەرێم دەكات.

کوردستان

لەسەر كۆبوونەوەی لایەنە سیاسییەكانی كەركوك ڕوونكردنەوە دەدرێت

خەڵك -بەشی هەواڵ

 

بۆ دیاریكردنی سەرۆكی لیست و لۆگۆی لیستی “كەركوكی كوردستانی” بڕیار بوو ئەمڕۆ شەممە لایەنە سیاسییەكان لە شاری هەولێر كۆببنەوە، بەڵام تا ئێستا هیچ بڕیارێك نەدراوە لایەنە سیاسییەكان لە چ بارەگایەك و لە كوێ كۆببنەوە.

بەهۆی ڕێگریكردنیش لە مەحمود سەنگاوی ئەندامی مەكتەبی سیاسی یەكێتی نیشتمانی كوردستان لە بازگەیەكی هەولێر و تەقەكردن لە بارەگاكانی ئەو دوو حزبە لە هەولێر و سلێمانی ئەگەری ئەوەی هەیە ئەو كۆبوونەوە نەكرێت یاخود بۆ كاتێكی نادیار دوابخرێت.

حەسەن شێخانی بەرپرسی مەڵبەندی كەركوكی بزووتنەوەی ئیسلامی بە (خەڵك)ی ڕاگەیاند، پێشتر پێشنیارێك هەبوو كە یەك شەممە یاخود دوو شەممە لایەنە سیاسییەكان لە هەولێر كۆببینەوە، بەڵام تا ئێستا هیچ دەنگۆیەك نییە كۆبوونەوەكە ئەنجام بدرێت یاخود دوابخرێت.

وتیشی”ئەم هەفتەیە كراوەیە چ ڕۆژێك دیاری بكرێت بۆ ئەنجامدانی كۆبوونەوەكە، چونكە دەبێت ڕای سەرجەم حزبەكان وەربگیرێت”.

بەردەوام بە لە خوێندنەوە

کوردستان

49هەمین ساڵوەگەڕی دامەزراندنی یەكێتی زانایانی ئایینی ئیسلامی كوردستان

خەڵك-بەشی هەواڵ

ئەمڕۆ یادی دامەزراندنی یەكێتی زانایانی ئایینی ئیسلامی كوردستانە و لە مەراسیمێكدا یەكێتیەكە یادی دامەزراندنی دەكاتەوە و بەو بۆنەشەوە مەسروور بارزانی سەرۆكی حكومەتی هەرێمی كوردستان پەیامێكی پیرۆزبایی ئاڕاستەی یەكێتی زانایانی ئاینی ئیسلامی كوردستان كرد.

مەسرور بارزانی سەرۆكی حكومەتی هەرێمی كوردستان لە پەیامێكدا ئاماژە بۆ ئەوە دەكات، سەرۆك و ئەندامانی مەكتەبی تەنفیزی یەكێتی زانایانی ئاینی ئیسلامی كوردستان، بەبۆنەی 49 یەمین ساڵڕۆژی دامەزراندنی یەكێتی زانایانی ئاینی ئیسلامی كوردستان، گەرمترین پیرۆزباییتان لێدەكەم.

دەشڵێیت”یەكێتی زانایان كە لە 21ی ئەیلولی 1970 بەڕێنوێنی جەنابی بارزانی نەمر دامەزرا، ڕۆڵێكی دیاری لە خزمەتكردنی ئاینی پیرۆزی ئیسلام و بزووتنەوەی ڕزگاریخوازی گەلی كوردستاندا گێڕاوە و لە بەرەنگاربوونەوەی هزری توندڕەوی و تیرۆر و هوشیاركردنەوەی كۆمەڵگە و بڵاوكردنەوەی پەیامی میانڕەوی جێدەستیان دیارە.

یەكێتی زانایانی ئایینی ئیسلامی كوردستان، ڕێكخراوێكی پیشەیی تایبەت بە كاروباری زانایانی ئایینی كوردستانە، بارەگای سەرەكی لە هەولێرە.
بۆ یەكەمجار لە بەرواری (21/9/1970) لە گەڵاڵەی ناوچەی باڵەكایەتی سەر بە پارێزگای هەولێر بە چاودێری‌ و ئامادەبوونی مەلا مستەفای بارزانی دامەزراوە و تا ئێستا شەش كۆنگرەی ئەنجام داوە و 17 لقی لە سەرتاسەری هەرێمی كوردستان هەیە.

بەردەوام بە لە خوێندنەوە

کوردستان

لە ڕووداوێكی هاتوچۆدا 5 كەس بوونە قوربانی

خەڵك-بەشی هەواڵ

بەڕێوەبەرێتی هاتوچۆی شارەزوور ڕایدەگەیەنێت، بەهۆی ڕووداوێكی هاتوچۆوە سێ كەس بوونەتە قوربانی.

بەڕێوەبەرێتی هاتوچۆی شارەزوور لە ڕاگەیەندراوێكدا ئاماژە بۆ ئەوە دەكات، لەسەر ڕێگای ھاتووچۆی وارماوا دەربەندیخان ڕووداوێكی ھاتووچۆ ڕوویدا لە نێوان دوو ئۆتۆمبێل لە جۆری توێتا پیكاب و نیسان سدریك.

ئاشكراشیدەكات، بەداخەوە تا ئێستا سێ قوربانی لێكەوتووەتەوە.

بەپێی زانیارییەكان، لە ڕووداوەكەدا چوار كەس گیانیان لەدەست داوەو كەسێكی دیكەش بریندار بووە.

لای خۆشییەوە ڕێژەن بورهان بەڕێوەبەری هاتوچۆی دەربەندیخان بە میدیاكانی ڕاگەیاند، ئۆتۆمبێلی مارسیدس كە هۆكاری ڕووداوەكەش بووە چەند خولەكێك پێش ڕووداوەكە چەند هاوڵاتیەك پەیوەندیان بە ئێمەوە كرد كە ئەو ئۆتۆمبێلە لەنزیك گوندی چنارە زۆر بەهەڵەشەیی و لاساری ئۆتۆمبێل لێدەخوڕێت و ئێمەش لە هەوڵی ئەوەدابووین هاتوچۆی وارماوای لێئاگادار بكەینەوە كەدەستگیری بكەن و ئیجرائاتی لەگەڵ بكەن، بەڵام بەداخەوە زۆری نەخایاند و دوای دوو خولەك ئەم ڕووداوەی دروستكردووە.

بەردەوام بە لە خوێندنەوە

کوردستان