ئێمە لە تۆرە کۆمەڵایەتیەکان

ژینگە

كۆمپانیایەك ئاوی تانجەرۆ لە سلێمانی پاكدەكاتەوە

خەڵك- بەشی هەواڵ

كۆمپانیایەكی ئەڵمانیایی خواستی هەیە لە بواری پاكڕاگرتنی ژینگە بەتایبەت ژینگەی ئاو لە سلێمانی كار بكات و قائیمقامی سلێمانیش ڕایگەیاند، پشتگیری دەكەن.

قائیمقامیەتی سلێمانی لە ڕاگەیەندراوێكدا نوسیویەتی”كۆمپانیاكە خواستی هەیە لە سنوری پارێزگەی سلێمانیدا و لە بواری ژینگەدا كارێكی ستراتیژی بكات، بەتایبەت ڕۆڵی هەبێت لە پاككردنەوەی ئاوی سنووری تانجەرۆ كە بووەتە هۆی پیسبوونی ئاوی دەریاچەی دەربەندیخانیش.”

هەر لە ڕاگەیەندراوەكەدا هاتووە”قائیمقامی سلێمانی پێی ڕاگەیاندن پیسبوونی ئاوی تانجەرۆ و دەریاچەی دەربەندیخان بابەتێكی ژییانییە و دەمانەوێت چارەسەری بكەین و هیچ جێگرەوەیەكی نییە و ناكرێت دوابخرێت.”

ژینگە

گەشتی شاخەوانی زستانە بۆ چیای هەڵگورد ئەنجام دەدرێت

خەڵ – نزار مستەفا
لەگەڵ هاتنی وەرزی زستان و بارینی بەفر ساڵانە ژمارەیەكی زۆر لەگروپ و ڕێكخراوانی شاخەوانی فێستیڤاڵی ساڵانە بۆ سەر چیای هەڵگۆردی باشووری كوردستان ئەنجام دەدەن.

ئەنوەرعەلی دۆڵەمەڕی، بەرپرسی فیدراسیۆنی شاخەوانی كوردستان بە(خەڵك)ی ڕاگەیاند، ئەمساڵیش هاوشێوەی ساڵانی ڕابردوو لەدرێژەی كار و چالاكیەكانماندا بۆ گەشتی شاخەوانی بۆ بەرزترین لووتكەی چیایە، كە ئەویش چیای هەڵگوردی سەر بە پارێزگای هەولێرە.

وتیشی، “بڕیار وایە ئەگەر كەشوهەوای ناوچەكە لەباربێت لە ناوەڕاستی مانگ (13 و 14 و 15/2)ی داهاتوو ئەم گەشتە دەست پێ بكەین و مانەوەی شەو و سەركەوتن بۆ سەر چیاكە ئەنجام بدەین”.

ڕاشیگەیاند، داوا لەهەموو گروپ و ڕێكخراوان و دۆستانی ژینگە و ئەوانەی حەز و ئارەزوویان هەیه لەگەڵ ئێمە گەشت بكەن باپەیوەندیمان پێوە بكەن و كەلوپەلی خۆیان ئامادەبكەن.

ئەنوەرعەلی ئاماژەشی بەوەدا، لەم گەشتەدا چەند ڕاهێنەرێكی شاخەوانی ڕۆژهەڵاتی كوردستان بۆ گروپەكانی شاخەوانی كوردستان ئامەدەن و بەشدار دەبن و دوایین مۆڵەت بۆ تۆماركردنی گرووپەكان (6-2-2020) دەبێت.

بەرپرسی فیدراسیۆنی شاخەوانی كوردستان جەختیشی كردەوە، هەر گرووپێك دەبێ تیمێكی هەڵبژاردە پێشكەش بكات، كە لە ڕووی جەستەیی و كەلوپەل ئامادەكاری تەواوی گەشتێكی زستانەیان هەبێت.

بۆ پەیوەندی كردن:

ناوەندی هەولێر: 07504204041
ناوەندی سلێمانی: 07708088101
ناوەندی دهوك: 07504552809
ناوەندی كەركوك: 07501166112

بەردەوام بە لە خوێندنەوە

ژینگە

لە شارباژێڕ و سەیدصادق (3) هاووڵاتی دەستگیر كران

خەڵك- بەشی هەواڵ

پۆلیسی دارستان و ژینگەی سلێمانی جەختدەكاتەوە، كە ئەو هۆكارانەی دەبنە هۆی قڕكردنی ئاژەڵ و باڵندە كێویەكان و تێدانی ژینگە بە تەنها خودی هاووڵاتیانن و دەشلێت: “لە سنورەكانی شارباژێڕ و سەیدصادق (3) هاووڵاتی دەستگیركران و ڕووبەڕوی یاسا كرانەوە”.

عەمید هێمن كەمەرخان، بەڕێوەبەری ڕاگەیاندنی پۆلیسی دارستان و ژینگەی سلێمانی بۆ (خەڵك) ڕایگەیاند، مەفرەزەیەكی بەشی پۆلیسی دارستان و ژینگەی (شارباژێڕ) لە دەرچوونێكی مەیدانیاندا بۆ گوندی (كانی گەورە لە سیتەك) بەهاوكاری ئاسایش توانیویانە (2) هاووڵاتی دەستگیر بكەن، كە سەرقاڵی بیرلێدان بوون و دەستیش گیرا بەسەر جیهازێكی بیرلێداندا.

ڕاشیگەیاند، لە لایەكی ترەوە لە ئەنجامی دەرچوونی مەفرەزەیەكی بەشی پۆلیسی دارستان و ژینگەی (سەیدصادق) بۆ گوندی (ماوە)ی سەر بە سەیدصادق توانرا ڕاوچیەك دەستگیر بكەن بە هۆكاری ڕاوكردنی باڵندەی كێوی.

ئاشكراشی كرد، توانرا دەست بەسەر چەكێكی جۆری تاپڕ و (٨) فیشەك و ئۆتۆمبێلێك و (2) چەقۆ و (3) باڵندەی ڕاوكراودا بگیرێت .

جەختیشی كردەوە، كە پەڕاوی لێكۆڵینەوە بۆ دەستگیركراوەكان كراوەتەوە و ڕووبەڕی یاسا كرانەتەوە.

بەردەوام بە لە خوێندنەوە

ژینگە

لە سلێمانی، زۆرترین باران باریوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە 24 كاتژمێری ڕابردوو لەناوچەی بەرزنجە سەر بە پارێزگای سلێمانی بە بڕی 28.7 ملم باریوە.

كەشناسی ئاشكرایكرد، زۆرترین بڕی باران بارینی ئەمساڵ لە پارێزگای سلێمانی باریوە بە بڕی 307.9 ملم.

بەردەوام بە لە خوێندنەوە

کوردستان