ئێمە لە تۆرە کۆمەڵایەتیەکان

عێراق

بەفەڕمی داواكراوە پێشمەرگە بۆ نەینەوا بگەڕێتەوە

خەڵك – بەشی هەواڵ

ئیدارەی پارێزگای نەینەوا بەفەڕمی داوای گەڕانەوەی پێشمەرگە بۆ پارێزگاكە دەكات و لێپرسرواێكی كوردی ئەو پارێزگایەش ئاشكرایدەكات، داوایانكردووە نێو سەنتەری شار بە پۆلیسی ناوخۆ بدرێت و دەوروبەری موسڵیش لەلایەن پێشمەرگە و سوپای عیراقەوە بپارێزرێت.

سیروان ڕۆژبەیانی جێگری پارێزگاری موسڵ كە لەسەر پشكی پارتی دیمكراتی كوردستان ئەو پۆستەی وەرگرتووە بە ماڵپەڕی فەڕمی حزبەكەی ڕاگەیاند:”جووڵەی تیرۆریستانی داعش لە موسڵ زیادیكردووە و بەهۆی كەمیی هێزی ئەمنی و سەربازییەوە لە سەنتەری موسڵەوە تا دەگاتە ناوچەی شنگال و سنوری سوریا داعش دەستی بە جووڵە كردووەو پەرەیسەندووە”.

جێگری پارێزگاری موسڵ ئاماژەی بەوەشداوە: “داوامانكردووە پاراستنی دۆخی ئەمنیی نێو شاری موسڵ بە پۆلیسی ناوخۆ بسپێردرێت و دەوروبەری موسڵیش بە هەمانگیی نێوان هەرێمی كوردستان و بەغدا پارێزگاریی لێبكرێت و هێزێكی هاوبەشی سوپا و پێشمەرگەی تێدا جێگیر بكرێت”.

سیروان ڕۆژبەیانی ڕوونیشیكردووتەوە:”داوامان كردوە بۆ ئەو شوێنانەی كوردستانین لە دەوروبەری موسڵ هێزی پێشمەرگە بگەڕێتەوە و دۆسیەی پاراستنی ناوچەكە بە پێشمەرگە بدرێت”.

عێراق

ئێران دەروازەیەكی سنووریی وڵاتەكەی بە ڕووی هاووڵاتیانی عیراق داخست

خەڵك – بەشی هەواڵ

بەڕێوەبەری تێرمیناڵی دەروازەی سنووریی چەزابەی نێوان ئێران و عیراق ڕایدەگەیەنێت، دەروازەكە بەڕووی هاووڵاتیانی عیراقیدا داخراوە.

ئەحمەد سەهبانی بەڕێوەبەری تێرمینالی دەروازەی سنووریی چەزابە بە میدیای فەڕمی ئێرانی ڕاگەیاندووە، بەهۆی بەردەوامی خۆپیشاندانەكان و ناسەقامگیری بارودۆخی ئەمنی عیراقە، دەروازەكە تا كاتێكی نادیار بەڕووی هاتوچۆی هاووڵاتیانی عیراقیدا دادەخرێت.

ئەحمەد سەهبانی ئاشكراشیكردووە، لە ئێستادا ئاستی ئاڵوگۆڕی كاڵا لە دەروازەی سنووريی چەزابەوە دابەزیوە.
بەڕێوبەری تێرمینالی دەروازەی سنووریی چەزابە ئاماژەی بەوەشكردووە، لە دوو هەفتە بەر لە ئێستاوە هاتوچۆی زیارەتكارانی ئێرانیش بۆ مەزارە ئایینیەكانی عیراق ڕاگیراوە.

جێی ئاماژەیە، دەروازەی سنووريی چەزابە دەكەوێتە نێوان پارێزگاكانی خوزستانی ئێران و بەسڕەی عیراق.

بەردەوام بە لە خوێندنەوە

عێراق

لە سنووری دیالە داعش پەلاماری سوپای عیراقیدا

خەڵك – بەشی هەواڵ

ئێوارەی ئەمڕۆ یەكشەممە 15/12/2019 ژمارەیەك تیرۆریستی داعش لە شارۆچكەیەكی سەربە پارێزگای دیالە پەلاماری سوپای عیراقیانداوە.

بەپێی زانیارییەكان، تیرۆریستانی داعش لە شارۆچكەی میقدادیەی سەر بەپارێزگای دیالە پەلاماری سوپای عیراقیانداوە و دوو سەربازیان برینداركردووە، لەبەرامبەریشدا هێزە عیراقییەكان بەتوندی وەڵامیان داونەتەوە.

جێی ئاماژەیە، ماوەیەكە جموجوڵی تیرۆریستانی داعش لەسنووری پارێزگای دیالە زیادیكردووە و تیرۆریستان پەلاماری سوپای عیراق دەدەن و هێزە عیراقییەكانیانیش ڕووبەڕوویان دەبنەەو زیانیان پێدەگەیەنن.

بەردەوام بە لە خوێندنەوە

عێراق

فەلوجە.. گۆڕێكی بەكۆمەڵی گەورە دۆزرایەوە

خەڵك – بەشی هەواڵ

لە باكووری فەلوجەی سەر بە پارێزگای ئەنبار گۆڕێكی بەكۆمەڵی گەورە دۆزرایەوە.

حكومەتی عیراق دۆزینەوەی گۆڕێكی بەكۆمەڵی گەورەی لە باكووری شاری فەلوجەی سەر بە پارێزگای ئەنبار ڕاگەیاند كە قوربانییەكانی سەر بە یەك هۆزن و ژمارەیان 643 گەنج بوون و لەساڵی 2016 دا بێ سەروشوێن كراون.

لەوبارەیەوە، بەڕێوەبەرایەتی پزیشكی دادوەری ڕومادی ڕایگەیاندووە، بەپێی ئێسك و پروسك و جلوبەرگی قوربانییەكان دەردەكەوێت كۆمەڵكوژییەكی گەورە لەو شوێنەدا كراوە، تائێستاش نازانرێت ئەو تاوانی كۆمەڵكوژییە لەلایەن چ لایەنێكەوە ئەنجام دراوە.

بەردەوام بە لە خوێندنەوە

کوردستان