ئێمە لە تۆرە کۆمەڵایەتیەکان

کوردستان

“یەكێتی ڕێگری زیاتر لەبەردەم پێكهێنانی كابینەی نوێی حكومەت ناكات”

خەڵك-بەشی هەواڵ

ئەندامێكی جڤانی گشتی بزووتنەوەی گۆڕان ڕایدەگەیەنێت، یەكێتی زیاتر ڕێگری ناكات لە پێكهێنانی كابینەی حكومەت.

دوای زیاتر لە 8 مانگ لە هەڵبژاردنەكانی هەرێمی كوردستان، تا ئێستا حكومەتی هەرێمی كوردستان پێكنەهێنراوە و چەندین جاریش یەكێتی هەڕەشەی ئەوەی كردووە، كە بایكۆتی پڕۆسەی سیاسی دەكات و ئەمەش هۆكار دەبێت بۆ پێكنەهێنانی كابینەی نوێ، چونكە وەك تۆڕی (BBC) لە ڕاپۆرتێكیدا ئەوەی ئاشكرا كردووە، كە تاكو ئێستا دوو ئیدارەیی لە هەرێمی كوردستان بوونی هەیە و كشانەوەی یەكێتیش وادەكات، كە ئەو دوو ئیدارەییە بە ئاشكرا بەدیار بكەوێت.

بەپێی زانیارییەكانی (خەڵك)، ڕۆژی سێ شەممەی داهاتوو مەسرور بارزانی وەك كاندیدی پارتی بۆ پێكهێنانی كابینەی نۆیەم ڕادەسپێردرێت و تا ئێستاش هیچ ڕوئیایەكی ڕوون بوونی نییە بۆ یەكلایی بوونەوەی كێشەكانی نێوان یەكێتی و پارتی.

چالاكی موهەندیس، ئەندامی جڤانی گشتی بزووتنەوەی گۆڕان وێڕای ئەوەی ئامادەیی حزبەكەی بۆ بەشداری لە حكومەت ئاشكرا كرد، بە (خەڵك)ی ڕاگەیاند، پێموانییە یەكێتی و پارتی گەڕابێتنەوە بۆ خاڵی سەرەتا، بەڵام شتی واشی تێدەكەوێت، كە كێشە لەنێوان یەكێتی و پارتی دروست ببێت.

وتیشی، “ئەوانە دوو هێزن ڕاهاتوون بەو جۆرە مامەڵە لەگەڵ یەكتر بكەن، بۆیە ئاساییە”.

ئاشكراشیكرد، یەكێتی زیاتر ڕێگری ناكات و لەو باوەڕەدام، كە ڕێككەوتبن.

کوردستان

پۆلیسی هەولێر لەبارەی دۆزینەوەی تەرمی وتارخوێنی مزگەوتێك ڕوونكردنەوە دەدات

خەڵك – بەشی هەواڵ

بەڕێوەبەرایەتی پۆلیسی هەولێر دۆزینەوەی تەرمی مامۆستای ئایینی (یوسف ئەحمەد شێخ بزێنی) وتارخوێنی مزگەوتێكی كەركوك كە بە كوژراوی لە باڵەخانەیەكی شاری هەولێر دۆزرایەوە ڕوونكردنەوە دەدات.

لە ڕوونكردنەوەكەدا، بەڕێوەبەرایەتی پۆلیسی هەولێر ڕایدەگەیەنێت، بەگوێرەی ڕاپۆرتی پزیشكی دادی دەردەكەوێت كە ھیچ شوێنەوارێكی گوللە ولێدان یان ھەر ھۆكارێكی تر بە مامۆستای ئایینی (یوسف ئەحمەد شێخ بزێنی)یەوە دیار نەبووە و گیانلەدەستدانەكەشی تەنها كەوتنەخوارەوە لە شوێنێكی بەرزەوە بووە و پەڕاوی لێكۆلینەوەی بۆ كراوەتەوە و لەهەر پێشهاتێكی لێكۆلینەوەكان ڕوونكردنەوە دەخەنەڕوو.

جێی ئاماژەیە، سەر لە بەیانی ئەمڕۆ پێنج شەممە 21/11/2019 لە شاری هەولێر تەرمی (یوسف ئەحمەد شێخ بزێنی) پێش نوێژ و وتارخوێنی مزگەوتی حاجی عاسی لە كەركوك بە كوژراوی لە باڵەخانەیەكدا دۆزرایەوە.

 

دەقی ڕوونكردنەوەكەی بەڕێوەبەرایەتی پۆلیسی هەولێر..

 

روونكردنەوەیەك لەبەرێوەبەرایەتی پۆلیسی ھەولێر

دوای ئاگاداركردنەوەمان لەلایەن پاسەوانانی شوقەكانی زانیاری بە بوونی تەرمێك لە شوقەكەیان كاتژمێر ١١/٣٠بەیانی رێكەوتی٢٠١٩/١١/٢١ دەستبەجێ تیمی لێكۆلینەوەی بنكەی پۆلیسی خانەقا لەگەل تیمی بەلگەو تاوان گەیشتنە شوێنی رووداو دواتر تەرمەكە رەوانەی پزیشكی دادی كرا و دوای پشكنین و توێكاری كردنی تەرمەكە دەركەوت كەوا، كەسێك بەناوی (یوسف احمد محمد)موالید١٩٧٨خەلكی كەركوك .

وەبەگوێرەی راپۆرتی پزیشكی دادی دەردەكەوێت كەوا ھیچ شوێنەوارێكی گوله ولێدان یان ھەر ھۆكارێكی تر بە جەستەوەیەوە دیار نەبووە و گیان لەدەستدانەكەشی تەنھا كەوتنە خوارەوە له شوینیكی بەرزەوە بووە، وە پەڕاوی لێكۆلینەوەی بو كراوەتەوە و لەھەر پێشھاتێكی لێكۆلینەوەكان روونكردنەوە دەخەینە روو.

ڕاگەیاندنی پۆلیسی پارێزگای ھەولێر
٢٠١٩/١١/٢١

بەردەوام بە لە خوێندنەوە

کوردستان

سلێمانی.. كەمپینێك بۆ كۆكردنەوەی پارە و دەرمان بۆ ڕۆژئاوای كوردستان ڕاگەیەنرا

خەڵك – بەشی هەواڵ

بەشێك لە پزیشكان و چالاكوانان و ڕۆژنامەوانان و هونەرمەندانی سلێمانی بەمەبەستی كۆكردنەوەی هاوكاری ماددی و دەرمان بۆ نەخۆشخانەكانی ڕۆژئاوای كوردستان كەمینێكی یەك هەفتەییان بەناوی (ساڕێژ) ڕاگەیاند.

د.فائق گوڵپی یەكێك لە سەرپەرشتیارانی كەمپینی ساڕێژ لە لاپەڕەی تایبەتی خۆی لە تۆڕی كۆمەڵایەتی فەیسبوك بڵاویكردووەتەوە:”نەخۆشخانەكانی ڕۆژئاوای كوردستان پێویستییەكی زۆریان بە دەرمان و پێداویستی پزیشكی هەیە و داوا لە هاووڵاتیانی باشووری كوردستان دەكەین هەرچی لە توانایاندا هەیە بێنە فریامانەوە بۆ كۆكردنەوەی دەرمان و هاوكاری ماددی بۆ ئەوەی بتوانین دەرمان و پێداویستییەكانیان بۆ دابین بكەین و بە هاوكاریتان ئەركێكی مرۆڤایەتی و نەتەوەیی جێبەجێ‌ دەكەن”.

ھەڵمەتی ھاوکاری کۆکردنەوەی دەرمان و پێداویستی پزیشکی بۆ بریندار و نەخۆشەکانی رۆژئاوای کوردستان

Posted by Faeq Golpy on Thursday, November 21, 2019

بەردەوام بە لە خوێندنەوە

جیهان

مەزڵوم كۆبانێ‌ بۆ ڕوسیا و ئەمریكا: توركیا هاووڵاتی كۆمەڵكوژ دەكات و دەڵێت تیرۆریستم كوشتووە

خەڵك – بەشی هەواڵ

فەرماندەی گشتی هێزەكانی سوریای دیموكرات (هەسەدە) داوا لە ڕوسیا و ئەمریكا دەكات ڕێگە لە كوشتنی منداڵی كورد لە لایەن توركیاوە بگرن.

مەزڵوم كۆبانێ فەرماندەی گشتی هێزەكانی سوریای دیموكرات (هەسەدە) لە جریوەیەكدا لە تۆڕی كۆمەڵایەتی تویتەر نووسیویەتی، “توركیا خانەوادەیەكی كوردی لە نزیك كۆبانێ لە ڕێگەی بۆردوومانی فڕۆكەی بێفڕۆكەوانەوە كۆمەڵكوژ كرد و وەزارەتی بەرگری ئەو وڵاتە دەڵێت (7) تیرۆریست كوژران.

مەزڵوم كۆبانێ ئاماژەی بەوەشداوە، ڕوسیا و ئەمریكا گەرەنتیكار بەرپرسن لە پاراستنی منداڵانمان لە كۆمەڵكوژكردنیان لەلایەن توركیاوە “.

فەرماندەی گشتی هەسەدە داواكاریشە، ڕوسیا و ئەمریكا لێكۆڵینەوەیەكی ئاشكرا بۆ ڕاگرتنی پڕۆسەی لەناوبردن بكەنەوە ولێپێچینەوە لە لێپرسراوانی تاوانی كۆمەڵكوژییەكان بكرێت.

بەردەوام بە لە خوێندنەوە

کوردستان