ئێمە لە تۆرە کۆمەڵایەتیەکان

ژینگە

پەیامێك ئاڕاستەی هاووڵاتیان دەكرێت
بەهۆی ئاگرکەوتنەوە زیاتر لە 80 دۆنم پووش و پاوان لە چەمچەماڵ سووتا

خەڵك- بەشی هەواڵ
بەڕێوەبەرایەتی پۆلیسی دارستان و ژینگەی پارێزگای سلێمانی ئاشكرای دەكات، كە بەهۆی ئاگرکەوتنەوە زیاتر لە 80 دۆنم پوش و پاوان لە سنوری چەمچەماڵ سووتا و داواش لە هاووڵاتیان دەكات، “با بەهەموومان ژینگەی و سروشتی کوردستان بپارێزین”.

عمید هێمن کمرخان ئەفەندی، بەڕێوەبەری ڕاگەیاندنی پۆلیسی دارستان و ژینگەی سلێمانی بۆ (خەڵك) وتی، “بەهۆی وەرزی هاوین و بەرزبونەوەی پلەکانی گەرما و وشک بوونی (گژوگیا ) ڕووبەرێکی زۆری چیا و پێدەشتەکان گژوگیا تیایاندا وشک دەبێت ، ئەوەش هۆکاریکی سەرەکیە بۆ کەوتنەوە و تەشەنەکردنی ڕووداوی ئاگرکەوتنەوەکان، كە ئەو دیاردەیەش ساڵانە چەند جارێک دووبارە دەبنەوە و لەگەڵ ئەوەی کوژاندنەوە و کۆنتڕۆڵ کردنیان کارێکی زەحمەتە، هاوکات زیانێکی زۆر بەسروشت و ژینگەی کوردستان دەگەیەنێت.

وتیشی، ” لە ناحیەی شۆرش ئاگرێک کەوتەوە و دەست بەجێ مەفرەزەیەکی بنکەی پۆلیسی دارستانی شۆرش گەیشتنە شوێنی ڕوداوەکە، دوای چەند کاتژمێرێک توانرا ئاگرەکە کۆنترۆڵ بکرێت و بەو هۆکارەش نزیکەی (50) دۆنم لە پووش و پەرێز سووتاوە”.

ڕوونیشی كردەوە، لە ناحیەی سەنگاو ئاگرێک کەوتەوە و دەست بەجێ مەفرەزەیەکی بنکەی پۆلیسی دارستان و ژینگەی سەنگاو گەیشتنە شوێنی ڕوداوەکە و توانرا بەزووی کۆنتڕۆڵ بکرێت و بەوهۆکارەش نزیکەی (30) دۆنم لەپووش و پاوان سوتاوە .

وەك عمید هێمن کمرخان دەڵێت: “لە هەمان سنوردا لە ناحیەی تەکیە ئاگرێک کەوتەوە و پۆلیسی دارستان و ژینگەی تەکیە گەیشتنە شوێنی ڕووداوەکە و توانرا لەماوەیەکی کورتدا ئاگرەکە کۆنتڕۆڵ بکرێت بەو هۆیەوە (4) دۆنم لەپووش و پاوان سوتاوە”.

جەختیشی كردەوە، كە هۆکاری سووتانی ئاگرەکان نەزانراوە و لێکۆڵینەوە و بەدواداچوون بەردەوامە .

عەمید هێمن پەیامی بۆ هاووڵاتیان ئەوەیە، “با بەهەموومان ژینگەی و سروشتی کوردستان بپارێزین بەتایبەتی لەم وەرزەدا كاتێک هاووڵاتیان ڕوو دەکەنە دەشت و چیاکان و زۆر دڵنیابن لە پاشماوەی ئاگر و پشکۆ لە دوای خۆیان بەجێ نەهێڵن بۆ ئەوەی کارەساتی گەورە ڕوونەدات”.

ژینگە

كەشناسی هەرێم: پلەی گەرما دادەبەزێت

خەڵك- بەشی هەواڵ
كەشناسی هەرێم پێشبینییەكانی بۆ دۆخی كەشوهەوای سبەینێ‌ یەك شەممە بڵاودەكاتەوە و ئاشكرای دەكات، كە پلەكانی گەرما دادەبەزن.

بەڕێوەبەرایەتی گشتی كەشناسی و بوومەلەرزەزانی هەرێم لە ڕاپۆرتێكدا رەوشی كەشوهەوا و پلەكانی گەرمای ئەمڕۆ شەممە و سبەینێ یەك شەممەی پارێزگاكانی باشووری كوردستانی بڵاوكردۆتەوە و ڕاگەیاند، بەپێی پێشبینییەكان سبەینێ پلەكانی گەرما دادەبەزن.

هەر بەپێی ڕاپۆرتەكە، سبەینێ‌ لە هەولێر بەرزترین پلەی گەرما 37 پلە و لە سلێمانی و دهۆك 35 پلە و كەركوك 39 پلە دەبێت و خێرایی با مامناوەند دەبێت لە 10- 20 كیلۆمەتر/ كاتژمێر دەبێت و ئاستی بینین نزیكەی 8- 10 كیلۆمەتر دەبێت.

بەردەوام بە لە خوێندنەوە

ژیاندۆستی

وەرزی پاییز دەستپێدەكات
سبەینێ‌ 21-9 پاییزە .. بۆچی پێی دەڵێن هاوسەنگی پاییزە؟

سبەینێ‌ شەممە 21-9-2019 یەكەم ڕۆژی (وەرزی پاییز)ە لە نیوەگۆی باكووری زەوی و یەكەم ڕۆژی (وەرزی بەهار)ە لەنیوەگۆی باشووردا.

ڕۆژی شەممە بەرواری 21-9-2019 كاتژمێر 12ی شەو بەكاتی هەرێمی كوردستانی عیراق، ماوەی شەو و ڕۆژ لەنیوە گۆی باكووری زەوی بە تەواوی یەكسان دەبێت بۆ 12 كاتژمێر ڕۆژ و 12 كاتژمێریش شەو، بەمەش لە ڕووی فەلەكییەوە رۆژی شەممە دەبێتە یەكەم ڕۆژ و دەستپێكی وەرزی (پاییز) لەنیوە گۆی باكووری زەوی كە بە (هاوسەنگ بوونی پاییزی) ناسراوە و بە پێچەوانەوە، دەبێتە یەكەم ڕۆژی (وەرزی بەهار) لەنیوەگۆی باشووری زەوی، كە بە (هاوسەنگ بوونی بەهاری)ی ناسراوە و تیایدا خۆر ڕێك لە ڕۆژهەڵات هەڵدێت و لە ڕۆژئاوادا ئاوادەبێت.

لەگەڵ یەكەم ڕۆژی پاییز گۆڕانكاری لە ئاست و ڕێژە و ماوەی بەركەوتنی تیشكی خۆر لەسەر زەوی ڕوودەدات، هەر ئەمەشە دەبێتە هۆی سەرهەڵدانی گۆڕانكاری بەرچاو لە پلەكانی گەرما لەسەر ڕووی هەسارەكەماندا.

 

بەردەوام بە لە خوێندنەوە

ئابوری

ڕێژەی وەبەرهێنانی گەشتیاری لە هەرێم بۆ 50% بەرزدەبێتەوە

خەڵك – بەشی هەواڵ
وتەبێژی دەستەی گشتی گەشتوگوزاری هەرێم ڕایدەگەیەنێت، ساڵی ٢٠١٩ ئاستی وەبەرهێنان لە كەرتی گەشتیاری لە ماوەی ٨ مانگی ڕابردوو زۆر بەرزبۆتەوە و ژمارەیەكی پێوانەی تۆماركرد و لەتێكرای وەبەرهێنانی هەرێم كەرتی گەشتی گەشتیاری گەیشتە ٣٨% و بووە یەكەم كەرت لە وەبەرهێنان.

نادر ڕۆستی، وتەبێژی دەستەی گشتی گەشتوگوزاری هەرێم لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ساڵی ٢٠١٩ ئاستی وەبەرهێنان لە كەرتی گەشتیاری لە ماوەی ٨ مانگی ڕابردوو زۆر بەرزبۆتەوە و لەتێكرای وەبەرهێنانی هەرێم، كەرتی گەشتی گەشتیاری لە ٣٨%ی تۆمار كرد.

ڕاشیگەیاندووە، كۆی خەرجی وەبەرهێنانی گەشتیاریش بڕی پارەكەی گەیشتە نزیكەی یەك ملیار دۆلار، ئەمەش ژمارەیەكی پێوانەیی زۆر گرنگە، سەرەڕای ئەوەی ژمارەیەكی زۆریش پڕۆژە هەیە، كە لە سەر زەوی گەشتوگوزار و شارەوانی كراون و لە دەستەی وەبەرهێنانی هەرێمی كوردستان تۆمار نەكراون، هەندێك پڕۆژەی دیكەش هەیە لە مامەڵەدان و تۆمار نەكراون، كاتێك سەرجەمیان تۆمار دەكرێن، ڕێژەی وەبەرهێنانی گەشتیاری بۆ زیاتر لە ٥٠% بەرزدەبێتەوە.

ئاماژەی بۆ ئەوەشكردووە، هەموو ئەمانە ئاماژەی زۆر گرنگن بۆ پێشكەوتنی كەرتی گەشتیاری بە شێوەیەكی خێرا و پێشبینی نەكراو، ئەمەش بەرەنجامی بەرقراربوونی ئاسایشی هەرێم و ئەو پلانەیە، كە لە دەستەی گەشتوگوزار بۆ پێشوەبردنی كەرتی گەشتیاری هەرێم داڕێژراوە.

بەردەوام بە لە خوێندنەوە

کوردستان