ئێمە لە تۆرە کۆمەڵایەتیەکان

کوردستان

گەشتیارانی عەرەب گەشتیارانی نێوخۆیی لە ناوچە گەشتیارییەكانی هەرێم دووردەخەنەوە

خەڵك- بەشی هەواڵ

لە ڕۆژانی جەژندا سەدان هەزار گەشتیار ڕوویان لە ناوچە جیاوازەكانی هەرێمی كوردستان كرد، كە زۆربەیان لە ناوەڕاست و باشوری عیراقەوە هاتبوون و ئەوەش نیگەرانی بەشێك لە هاووڵاتیانی هەرێمی كوردستانی لێكەوتەوە، بەتایبەتی زۆربەی ئەو گەشتیارانە بە جلی ناشیاو و بە دەنگی بەرز لە شوێنە گەشتیارییەكاندا بێزاریان بۆ هاووڵاتیان دروستكردووە.

محەمەد حەسەن، یەكێكە لەو هاووڵاتیانە قسەی بۆ (خەڵك) كرد و ئاماژەی بەوەكرد، زۆربەی ئەو گەشتیارانەی لە ناوچە گەشتیارییەكان بینیونی گەشتیاری ڕاستەقینە نەبوون، بەڵكو هەندێك سیفاتی ناجۆر و نائاساییان هەبووە، كە لەگەڵ كلتوری كۆمەڵایەتی و ئەتەكێتی گەشتیاری مۆدێرندا یەكناگرێتەوە.

ناوبراو ڕونیكردەوە، كە ئەو كەسانە بوونەتە مایەی بێزاری زۆربەی خەڵك، چونكە زۆربەیان بە جلی نەشیاوەوە لە شوێنەكاندا بینراون، بەتایبەتی پیاوەكانیان، وەك”سێ‌ چارەك و شۆرتیان لەپێكردووە و لە ئاوەكاندا مەلەیان كردووە، هەروەها بە دەنگی بەزر گۆرانی دەڵێن و تەپڵ و دەفیان لێداوە و بە نێو خێزان و گەشتیارەكانی دیكەدا هاتووچۆیان كردووە”، لەكاتێكدا ئەو شوێنانە خێزانی زۆری تێدا بووە.

ئەو هاووڵاتییە پێشنیازی بۆ لایەنە پەیوەندارەكان ئەوەبوو، كە چاودێری شوێنە گەشتیارییەكان بكرێت و هە گەشتیارێك بێزاری بۆ هاووڵاتیان دروستبكات یان جلی نەشیاو لەبەربكات ڕێگری لێبكرێت، هەروەها كۆمپانیاكانی هێنانی گەشتیاری ڕێنمیایی بەسەر ئەو گەشتیارانەدا دابەشبكەن و لە حاڵەتی نەشیاو لێپرسینەوەیان لەگەڵدا بكەن “چونكە ناكرێت هاتنی گەشتیاران لەسەر حسابی بێبەهاكردنی كلتوری كوردی و پشتگوێخستنی هەستی تاكەكانی خەڵكی خۆمان بێت”.

ئەمەش لەكاتێكدایە لە بەدواداچوونێكی (خەڵك)دا دەركەوتووە، بەشێك لە گەشتیارانی نێوخۆیی بەهۆی بوونی ئەو حاڵەتاوە لە ناوچە گەشتیارییەكان دووركەوتوونەتەوە و ڕوویان تێناكەن.

نارد ڕۆستی، وتەبێژی دەستەی گەشتوگوزاری هەرێم ئەو بۆچونە ڕەتدەكاتەوە و پێیوایە، لە هەموو ئەو وڵاتانەی گەشتیار ڕوویان تێدا هیچ ڕێوشوێنێك بۆ گەشتیار دانانرێت كە چ بكات و چ لەبەربكات.

ناوبراو بە (خەڵك)ی ڕاگەیاند، هاتنی هەر لێشاوێك گەشتیار بێت یان گەشتیار نەبێت، لەگەڵ لایەنە باشەكانیدا هەندێك زیانیشی دەبێت، بەڵام زیاتر ئەوە بۆ كۆمەڵگە داخراوەكانە، وەك ئەو دەڵێت.

وتیشی”كۆمەڵگەی ئێمە كراوەیە و گەشتیاریش سودی ئابوری زۆری هەیە و داهات زیاتر دەكات، ئەوانەی ئەو بۆچونانەیان هەیە تا چەند شارەزای كەرتی گەشتوگوارن؟”.

سەبارەت بەوەی دەوترێت زیان بە چەند شوێنێكی گەشتیاری گەیەندراوە بەهۆی گەشتیارانی عەرەبەوە، ناوبراو وتی”قازانجی هاتنی گەشتیاران زۆر زیاترە لە زیان، زیانیش بەشێوەیەكی دیاریكراو هەیە، بەڵام گەشتیاری كەرتێكی گرنگی ئابورییەوە و نابێت بەهۆی ئەو بابەتە لاوەكییانەوە باس لە گەشتیاری بكرێت بەشێوەیەكی تر”.

کوردستان

ئەمریكا هاوكاری سەربازی زیاتر بۆ ڕۆژئاوای كوردستان ڕەوانە دەكات

خەڵك- بەشی هەواڵ
كاروانێكی نوێی یارمەتی سەربازی و لۆجستی ئەمریكایی، كە لە 60 بارهەڵگر پێكهاتبوون، دەچنە ناوچەكانی ژێر دەستی (پەیەدە) لە خۆرهەڵاتی سوریا.

بەپێی سەرچاوە ڕۆژنامەوانییەكان، كاروانەكە لە عیراق و لە مەرزی سنوری سمێلكاوە بەرەو ناوچەی خەراب عەشق لە باشووری شاری كۆبانێ‌ بەڕێكەوتووە.

بە وتەی سەرچاوەكان، كاروانەكە ئامێری هەڵكەندن و مۆلیدەی كارەبا و ئۆتۆمبێلی دەبڵ ئەكسل و عەمباری سووتەمەنی و چەندان بارهەڵگری داخراو پێكهاتوون كە “پێدەچێت چەك و تەقەمەنییان تێدا بێت”.

سەرچاوەكان دەڵێن، نزیكەی مانگێكە 450 بارهەڵگری یارمەتی ئەمریكایی گەیشتوونەتە عەمبارە سەربازییەكانی خەراب عشق لە ڕۆژئاوا.

بەردەوام بە لە خوێندنەوە

کوردستان

حكومەتی هەرێم ڕاگەیەنراوێكی بڵاوكردەوە

خەڵك – بەشی هەواڵ
حكومەتی هەرێمی كوردستان داوا لە توركیا و پەكەكە دەكات، ڕەچاوی دۆخی هاووڵاتیان و تایبەتمەندی هەرێمی كوردستان بكەن و چیتر نەبنە هۆكاری زیانگەیاندن بە هاووڵاتیانی هەرێمی كوردستان.

وتەبێژی حكومەتی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بەداخەوە ئەمڕۆ لە ئەنجامی بۆردومانی فڕۆكەكانی توركیا لە بناری قەندیل چەند هاووڵاتییەك برینداربوون و زیانی ماددیشی لێكەوتەوە.

دەشڵێت: “حكومەتی هەرێمی كوردستان هاوخەمی لەگەڵ زیانلێكەوتووانی ئەو ناوچەیە دەردەبڕێت و نیگەرانە لەو بۆردومانە، داواش دەكات سەلامەتی هاووڵاتیانی هەرێمی كوردستان بپارێزێرێت و نابێت هاووڵاتیانی هەرێم ببنە ئامانجی بوردومان”.

لە ڕاگەیەنراوەكەی حكومەتدا هاتووە، “داوا لە چەكدارانی پەكەكە دەكەین ڕەچاوی دۆخی هاووڵاتیانمان و تایبەتمەندی هەرێمی كوردستان بكەن و چیتر نەبنە هۆكاری زیانگەیاندن بە هاووڵاتیانی هەرێمی كوردستان”.

دەقی راگەیەندراوەكە:

داوا لە حكومەتی توركیا و چەكدارانی پەكەكە دەكەین نەبنە هۆی زیانگەیاندن بە هاووڵاتیانی هەرێمی كوردستان.

بەداخەوە ئەمڕۆ لە ئەنجامی بۆردومانی فڕۆكەكانی توركیا لە بناری قەندیل چەند هاووڵاتییەك برینداربوون و زیانی ماددیشی لێكەوتەوە، حكومەتی هەرێمی كوردستان لە كاتێكدا هاوخەمی لەگەڵ زیانلێكەوتووانی ئەو ناوچەیە دەردەبڕێت و نیگەرانە لەو بۆردومانە، داواش دەكات سەلامەتی هاووڵاتیانی هەرێمی كوردستان بپارێزێرێت و نابێت هاووڵاتیانی هەرێم ببنە ئامانجی بوردومان. لەهەمانكاتدا داواش لە چەكدارانی پەكەكە دەكەین رەچاوی دۆخی ھاووڵاتیانمان و تایبەتمەندیی ھەرێمی كوردستان بكەن و چیتر نەبنە هۆكاری زیانگەیاندن بە ھاووڵاتیانی هەرێمی كوردستان.

گوتەبێژی حكومەتی هەرێمی كوردستان

19 ی ئابی 2019

بەردەوام بە لە خوێندنەوە

کوردستان

پۆلیسی گەرمیان؛ چوار كەسی بەتۆمەتی دزینی مەڕ و ماڵات دەستگیركرد

خەڵك – بەشی هەواڵ
بەڕێوەبەرایەتی پۆلیسی گەرمیان ڕایدەگەیەنێت، لەسەر سكاڵای چەند هاووڵاتیەك، كە دزیان لێكراوە تەنانەت دوو ئاژەڵیان لێ دزراوە، كە بەمەبەستی قوربانی لەماڵەوە ڕایانگرت بوو چوار كەسیان دەستگیركرد.

عەلی جەمال قەدووری، بەڕێوەبەری ڕاگەیاندنی پۆلیسی گەرمیان لە ڕاگەیەنراوێكدا، كە وێنەیەكی بۆ (خەڵك) نێراوە ڕایگەیاندووە، چەند هاووڵاتیەك لەگەڕەكەكانی سیروان، شەهیدان، شیروانە، حەمرین سكاڵایان هێنایە لای پۆلیس، كە دزیان لێكراوە.

دەشڵێت: “ئەو هاووڵاتیانە تەنانەت دوو ئاژەڵێان لێ دزراوە، كە بەمەبەستی قوربانی كردن لەماڵەوە ڕایانگرت بوو، بۆیە دوای لێكوڵینەوە و بەدواداچوونی ورد بەشی پۆلیسی نەهێشتنی تاوانی گەرمیان توانیان چوار كەس دەستگیر بكەن”.

ڕاشیگەیاندووە ، ئەو چوار تۆمەتبارە دەستیان لەچەند حاڵەتێكی دزیكردندا هەبووە دوای لێكۆڵینەوە دانیان بەچەندین حاڵەتی دزینی مەڕ و ماڵات و زیاتر لەیەك تەن گەنمی هاووڵاتیەكیان دزیوە، لە ئێستادا بەبڕیاری دادوەر و بەپێی مادەی (444) بەندكراون لێكۆڵینەوەش لەگەڵیاندا بەردەوامە.

بەردەوام بە لە خوێندنەوە

کوردستان