ئێمە لە تۆرە کۆمەڵایەتیەکان

ژینگە

كەشناسی: باران دەبارێت
شەپۆلێكی گەرما عیراق و هەرێم دەگرێتەوە


خەڵك- بەشی هەواڵ
كەشناسی هەرێم و پسپۆڕێكی بواری كەشناسی پێشبینییەكانیان بۆ دۆخی كەشوهەوای ڕۆژانی داهاتوو بڵاودەكەنەوە و سەرەتا بە باران و دواتریش گەرما دەستپێدەكات و دواتریش بەهۆی ڕەشەباوە پلەی گەرما دادەبەزێتەوە.

كەشناسی هەرێم لە ڕاگەیەندراوێكدا ئاماژەی بەوەكردووە، كە سبەینێ‌ یەك شەممە لە سەرجەم شارەكانی هەرێمی كوردستان ئاسمان هەور و هەتاو دەبێت و ئەگەری پروشكە باران لە هەندێك ناوچەی شاخاوی دەكرێت.

لای خۆشیەوە، سادق عەتییە، پسپۆڕی كەشناسی عیراقی لەگەڵ بڵاوكردنەوەی نەخشەی مانگە دەستكردەكان ئاماژەی بەوەكردووە، لە رۆژانی داهاتوودا شەپۆلێكی بەتینی گەرما ڕوو لە سەرجەم ناوچەكانی عیراق و هەرێمی كوردستان دەكات.

ڕاشیگەیاندووە، ڕۆژی یەك شەممە تا چوار شەممە پلەكانی گەرما بەجۆرێك بەرزدەبنەوە، كە لەناوچەكانی باشوور دەگاتە 50- 52 پلە، بەڵام لە ناوچەكانی ناوەڕاستی وڵات و هەرێمی كوردستان پلەكان كەمتر دەبن.

دەشڵێت: “هەر بەوهۆیەوە لە ڕۆژی یەك شەممە ئەگەری باران بارین لە ناوچەكانی ئەنبار و بەشێكی موسڵ و سەڵاحەدین و ڕۆژئاوای كەركوك هەیە”.

ئاشكراشی كردووە، كە لە ڕۆژانی چوار شەممەوە پلەكانی گەرما 2 بۆ 3 پلە دادەبەزن و بای باكووری رۆژئاوا هەڵدەكات، كە سەرەتا خێراییەكەی كەمە دواتر زیاد دەكات بۆ 45 تا 500 كیلۆمەتر لە كاتژمێرێكدا.

ژینگە

كەشوهەوای ئەمڕۆ و سبەینێی هەرێمی كوردستان


خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرزتر دەبنەوە.

بەپێی پێشبینییەكانی كەشناسی، ئەمڕۆ دوو شەممە ئاسمان ساماڵ و كەمێك پەڵە دەبێت.

هەر بەپێی پێشبینییەكان، سبەینێ سێ شەممە، ئاسمان ساماڵ و كەمێك پەڵە دەبێت و پلەكانی گەرماش چەند پلەیەك بەرز دەبنەوە.

بەردەوام بە لە خوێندنەوە

ژینگە

كەشوهەوای ئەمڕۆ و سبەینێی هەرێمی كوردستان


خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرزتر دەبنەوە.

بەپێی پێشبینییەكانی كەشناسی، ئەمڕۆ یەك  شەممە ئاسمان ساماڵ دەبێت.

هەر بەپێی پێشبینییەكان، سبەینێ دوو شەممە، ئاسمان ساماڵ دەبێت و پلەكانی گەرماش چەند پلەیەك بەرز دەبنەوە.

بەردەوام بە لە خوێندنەوە

ژینگە

پلەكانی گەرما بەرزدەبنەوە


خەڵك- بەشی هەواڵ
بەپێی ڕاپۆرتە كەشناسییەكان، دۆخی كەشوهەوای بەهارە كۆتایی دێت و پلەكانی گەرما ڕوو لە بەرزبوونەوە دەكەن.

سادق عەتیە، پسپۆڕی كەشناسی عیراقی لە هەژماری خۆی لە فەیسبووك ڕایگەیاندووە، بەهۆی دابەزینی بارستە هەوایەكی تاڕادەیەك فێنك بۆ وڵاتی توركیا، وڵاتانی شام و ناوچەكانی هەرێمی كوردستان، پلەكانی گەرما بەڕێژەی 3 بۆ 6 پلە دابەزیون.

ئاشكراشی كردووە، كە لە سبەینێ‌ یەك شەممەوە پلەكانی گەرما بەشێوەی پلە بە پلە ڕوو لە بەرزبوونەوە دەكەن و لە چەند ناوچەیەكی باشووری وڵات لە ناوەڕاستی هەفتەدا دەگەنە 50 پلە.

جەختیشی كردۆتەوە، كە لەگەڵ چوونە وەرزی نوێوە خێرایی با زیاد دەكات و لەكاتەكانی ڕۆژدا تۆز و خۆڵ بەرزدەبنەوە.

هاوكات بەپێی ڕاپۆرتێكی كەشناسی عیراق، پێشبینی دەكرێت هاوینی ئەمساڵ 3 پارێزگای عیراق (بەسرەِ و عەممارە و خانەقین) بەرزترین پلەكانی گەرما تۆمار بكەن و بگەنە 51 پلەی سەدی.

بەردەوام بە لە خوێندنەوە

کوردستان