ئێمە لە تۆرە کۆمەڵایەتیەکان

کوردستان

چوار لیژنەی پەڕلەمان دەچنە ئەو ناوچانە
پێش سەرژمێری ساڵی داهاتوو ناوچە كوردستانیەكان تەعریب دەكرێنەوە

خەڵك – بەشی هەواڵ
ئەندامێكی لیژنەی ناوچە كوردستانییەكان لە پەڕلەمانی كوردستان ڕایدەگەیەنێت، ئەوەی لەناوچە دابڕێنراوەكان ڕوودەدات، پرسی نەتەوەیی و نیشتمانین و پێویستە حكومەت و تەواوی سەركردایەتی سیاسی كورد قسەی لەسەری هەبێت، دەشڵێت: “سبەی لە ڕێگەی چوار لیژنەوە سەردانی ئەو ناوچانە دەكرێت، كە زیانیان پێگەیشتووە و چوار ڕاپۆرت ئامادە دەكرێت”.

شیرین ئەمین، ئەندامی لیژنەی ناوچە كوردستانییەكان لە پەڕلەمانی كوردستان بە (خەڵك)ی ڕاگەیاند، “ئەم دۆخە درێژكراوەی ھەمان ساتی (16)ی ئۆكتۆبەرە، بەڵام قۆناغ بەقۆناغ، چونكە لەسایەی مەرامی شەخسی بەرپرسە باڵاكانی نێو یەكێتی بینیمان چۆن لەماوەی كەمتر لە (48) كاتژمێر (51٪)ی خاكی كوردستانیان تەسلیم بە نەیاران كرد، بەئاشكرا و بەپێش چاوی ھەمووانەوە لەو ناوچانە پاشەكشە بەھێزەكانی پێشمەرگە كرا! تا كار گەیشت بەوەی ڕۆژ بەڕۆژ كورد لەو ناوچانە لەپاشەكەشەی خاك و نەتەوەدا ژیان و ماڵیان لەژێر ھەڕەشە و مەترسیدا درێژە پێ دەدەن”.

وتیشی، “لە پێش ڕۆژانی پشوو چەندین جار پێشوازیمان لە جوتیاران و خەڵكی ئەو ناوچانە كردووە، كە لە ئێستادا بە جۆرێكی دیكە تەعیریب دەكرێن، لیژنەكەمان لە دوا كۆبوونەوەی خۆی قسەی تەواوی لەسەركرد”.

ڕاشیگەیاند، پێش ڕۆژانی پشوو لیژنەكەمان كۆبوونەوەی خۆی لەسەر ئەو پرسە نەتەوەییە كرد و بڕیاردرا بە دروستكردنی چوار لیژنە تا سەردانی تەواوی ئەو ناوچانە بكەن، كە تووشی ئەو كارەساتە بوون و لەگەڵ هاووڵاتیان و جوتیاران و زیانلێكەوتووان و كاربەدەستان قسە بكەن، دواتر لە ڕێگەی چوار ڕاپۆرتەوە لیژنە هەڵسەنگاندنی بۆ بكات و ئاڕاستەی سەرۆكایەتی پەڕلەمان بكرێت.

ئەو پەڕلەمانتارە جەختیشی كردەوە، ئەوەی ئێستا ڕۆژانە لە ناوچە دابڕێنراوەكان دەگوزرێ‌ جۆرێكی دیكەیە لە تەعریب بەرامبەر بە كورد و نەتەوەكەی دەكرێت، یان باگراوندی سەرژمێری داهاتووی عیراقی لە پشتەوە بێت، وەك چۆن پێشتر ئەوە بەسەر كورد هات.

ئاشكراشیكرد، ئەمە دەبێت بە پرسێكی گەورە و نەتەوەیی سەیری بكرێت، كاری لیژنە بەس نیە لە ئاست ئەو پرسە گەورەی هەیە لە ناوچەكەدا، بۆیە پێویستە سەركردایەتی سیاسی كورد و حكومەتی هەرێم و كاربەدەستانی كورد لە عیراق قسەی جدیان لەسەری هەبێت.

شیرین ئەمین ئاماژەی بۆ ئەوەشكرد، بەداخەوە بەئێستاشەوە سیاسییەكانی كورد نە لە كوردستان و نە لەبەغدا یەكگوتار و یەكگرتوو نین، ئەمش گۆمی كێشەكانی كورد لەڕووی نەتەوەی خاك و ئابورییەوە دەشڵەقێنێت و ھیچ ڕێگایەكی جدی بۆ چارەسەری ئەم پرسە بەپێی پێویست و لەئاستی بەرپرسیارێتیدا ھەنگاوی بۆ نەھاوێژراوە، ڕۆژ بەڕۆژیش كێشەكانیش لەبری چارەسەر ئاڵۆزتر دەبێت.

ئەو پەڕلەمانتارەی گۆڕان دەشڵێت: “ھیوادارم بەرپرسانی كورد وەك ئەو نەزانە مامەڵە نەكەن بۆئەوەی دەستی بگات بە بەرھەمی دارەكە، خودی دارەكەی بڕییەوە”.

کوردستان

وتەبێژی خوێندنی باڵا: كاتژمێر 12ی سبەینێ‌ شەو زانكۆلاین دادەخرێت

خەڵك – بەشی هەواڵ

وەزارەتی خوێندنی باڵا و توێژینەوەی زانستی ئاگاداری دەرچووانی پۆلی (12)ی ئامادەیی دەكات پەلە بكەن لە پڕكردنەوەی فۆڕمی (زانكۆلاین) چونكە كاتژمێر 12ی سبەینێ‌ شەو وێبسایتی (زانكۆلاین) دادەخرێت.

عەباس ئەكرەم وتەبێژی وەزارەتی خوێندنی باڵاو توێژینەوەی زانستی ئاگاداری دەرچووانی (١٢) ئامادەیی دەكات، كاتژمێر (١٢)ی سبەینێ‌ شەو (٢٠/٩/٢٠١٩) زانكۆلاین دادەخرێت، بۆیە لەو چەند كاتژمێرەی ماوە ئەو دەرچووانەی تا ئێستا فۆڕمی (زانكۆلاین)یان پڕنەكردووەتەوە هەوڵەكانیان بەتەواوەتی چڕبكەنەوە و پەلە بكەن بۆ پڕكردنەوەی فۆڕمی (زانكۆلاین)، بۆ ئەوەی مافیان نەفەوتێت و لەو بەش و كولێژانە وەربگیرێن كە خوازیارن تێیاندا درێژە بەخوێندن بدەن.

بەردەوام بە لە خوێندنەوە

کوردستان

هەفتەی داهاتوو كۆبوونەوەی لایەنەسیاسیەكان ئەنجام دەدرێت

خەڵك – بەشی هەواڵ
بەرپرسی دەزگای هەڵبژاردنی پارتی دیموكراتی كوردستان ڕایدەگەیەنێت ، هەفتەی داهاتوو لایەنە سیاسییەكان كۆبوونەوەیەكی هاوبەش سەبارەت بە هەڵبژاردنی ئەنجومەنی پارێزگاكانی عیراق ئەنجام دەدەن و دەشڵێت،”بڕیارە لە هەر لایەنە و ئەندامێكی مەكتەبی سیاسی بەشداری كۆبووەنەوەكە بكات”.

خەسرۆ گۆران، بەرپرسی دەزگای هەڵبژاردنی پارتی دیموكراتی كوردستان لە لێدوانێكیدا بۆ ماڵپەڕی فەرمیی حزبەكەی ڕایگەیاندووە، بڕیارە هەفتەی داهاتوو كۆبونەوەی لایەنەسیاسیەكان ئەنجام بدرێت، كە لەسەر كۆی پرسەكان گفتوگۆ دەكەن و پرسی هەڵبژاردنی ئەنجومەنی پارێزگاكانی عیراق-یش تەوەری سەرەكی كۆبونەوەكە دەبێت.

ڕاشیگەیاندووە، پارتی یەك لیستی بۆ هەلبژاردنی ئەنجومەنی پارێزگاكان زۆر گرنگ دەزانێت، چونكە كورد تا چەند لە ناوچە كوردستانییەكانی دەرەوەی ئیدارەی هەرێم یەكگرتوو بن ئەوا دەستكەوتی زیاتر بەدەست دێنن.

ئاماژەی بۆ ئەوەشكردووە، بڕیارە لە هەر لایەنە و ئەندامێكی مەكتەبی سیاسی بەشداری كۆبووەنەوەی لایەنە سیاسییەكان بێت.

بەردەوام بە لە خوێندنەوە

کوردستان

بەوێنە ؛ باشماخ بڕێكی زۆر دوگی ئاژەڵ لەناوبرا

خەڵك – بەشی هەواڵ
بەڕێوەبەرایەتی كۆمەڵگای دەروازەی نێودەوڵەتی باشماخ ڕایدەگەیەنێت ، لەلایەن لیژنە تایبەتەكانمانەوە دەست گیرا بەسەر زیاتر لە 24 تۆن دووگی ئاژەڵ، كە خاوەنەكەی بەنیازبووە بەشێوەی نهێنی هاوردەی هەرێمی كوردستانی بكات.

بەڕێوەبەرایەتی كۆمەڵگای دەروازەی نێودەوڵەتی باشماخ لە ڕاگەیەنراوێكدا، كە وێنەیەكی دەست (خەڵك) كەوتووە ڕاگەیاندووە، لیژنەی تایبەتی لەناوبردنی باری قاچاغ و نەشیاو هەستان بە لەناوبردنی بڕی 24 تۆن و 510 كیلۆگرام دووگی ئاژەڵ، كە خاوەنەكەی بەنیازبووە بەشێوەی نهێنی هاوردەی هەرێمی كوردستانی بكات.

ڕاشیگەیاندووە، هاوردەكردنی دووگ ڕێگە پێدراو نیە و هەربۆیە دەستی بەسەرداگیرا و دوای ڕێكارەیاساییەكان لەلایەن لیژنەی ناوبراوەوە كاری لەناوبردنی بۆ ئەنجامدرا.

وێنەی ‏بەڕێوەبەرایەتی كۆمەڵگای دەروازەى نێودەوڵەتی باشماخ‏.وێنەی ‏بەڕێوەبەرایەتی كۆمەڵگای دەروازەى نێودەوڵەتی باشماخ‏.وێنەی ‏بەڕێوەبەرایەتی كۆمەڵگای دەروازەى نێودەوڵەتی باشماخ‏.

بەردەوام بە لە خوێندنەوە

کوردستان