ئێمە لە تۆرە کۆمەڵایەتیەکان

ژینگە

سێ‌ ئاگری دیكە لە گەرمیان كەوتەوە
زیاتر لە 7 هەزار دۆنم دەغڵودان و پوش و پاوان سووتان

خەڵك- بەشی هەواڵ

دوای ئەوەی ئاگرەكەی شەوی ڕابردوو زیانی زیاتر لە 5 هەزار دۆنم پووشك و پاوان و دەغڵودانی دا، ئەمڕۆ بەهۆی كەوتنەوەی ئاگر لە سنوری شارۆچكەی كفری و خانەقین، ٢٠٧٠ دۆنم زەوی دەغڵودان و پوش و پاوانی دیكە سووتان‌، تا ئێستاش بەشێك لە ئاگرەكه كۆنترۆڵ نەكراوه.

بەپێی زیانیارییەكانی (خەڵك) ئەمڕۆ شەممە 8ی حوزەیران سێ‌ ئاگر لە چەند ناوچەیەكی سنووری گەرمیان كەوتۆتەوە و بەهۆیەوە زیانێكی زۆری لە پووش و پاراوان و دەغڵودانی جوتیاران داوە، بەجۆرێك زیاتر لە 2 هەزار دۆنم پووشك و پاوان و دەغڵودان سووتاون.

هەر بەپێی زانیارییەكان، شەوی ڕابردووش لە‌ سێ ڕووداوی ئاگركەوتنەوەی جیاجیادا، لە سنوری شارۆچكەی كفری و خانەقین، زیاتر لە پێنج هەزار دۆنم زەوی گەنمی جوتیاران و دەڕاسەیەكی دروێنە كردن سووتان.

هاوكات، بەپێی ڕاپۆرتێكی (ڕۆژنیوز) پێشنیوەڕۆ ئەمڕۆ، لە سنوری شارەدێی زنانەی سەر بە شارۆچكەی كفری ئیدارەی گەرمیان و شارەدێی قۆرەتووی سەر بە شارۆچكەی خانەقینی پارێزگای دیالە، بە هۆكاری نادیار سێ ئاگری دیكە لەو سنورە كەوتەوە.

وەك لە ڕاپۆرتەكەدا هاتووە، ئاگری یەكەم و دووەم، لە گوندەكانی پەتەكی و چەوری و دوڕاجی كەوتۆتەوە و نزیكەی ٧٠ دۆنم دەغڵودان و پاوان سووتاوە و بە زووی لە لایەن تیمەكانی بەرگری شارستانی كفری و خەڵكی كۆنترۆڵكراوه.

ئاگری سێیەمیش، لە گوندی ساڵح ئاغا كەوتۆتەوە و بە هۆی خێرایی ئەو بایەی ئێستا هەیە پەلكێشی كردووە بۆ گوندی باریەكە، نزیكەی 2 هەزار دۆنم دەغڵودان و پوش و پاوان سووتاوە و تا ئێستاش ئاگرەكە كۆنترۆڵ نەكراوە و تیمەكانی بەرگری شارستانی كەلار سەرقاڵی كۆنتڕۆڵكردنەوەی ئاگرەكەن.

ژینگە

بارانبارین دەستپێدەكات

خەڵك- بەشی هەواڵ
كەشناسی هەرێم دەستپێكردنی بارانبارینی لە شارەكانی هەرێمی كوردستان ڕادەگەیەنێت.

لە ڕاگەیەندراوێكدا كە كۆپییەكی دەست (خەڵك) كەوتووە بەڕێوەبەرایەتی گشتی كەشناسی و بومەلەرزەزانی هەرێم ڕایگەیاندوە: ئەمڕۆ شەممە 12ی تشرینی یەكەمی 2019، لە شارەكانی هەرێم بارانی پچڕپچڕ دەبارێت و ئاسمان هەور دەبێت.

هەر بەپێی ڕاگەیەندراوەكە” نزمترین پلەكانی گەرما لە نێوان 20 پلە بۆ 26 پلە دەبێت.

هەر لەو چوارچێوەیەدا، ئەمڕۆ پەیجی شارەزوور نیوز، تۆمارێكی ڤیدیۆیی بڵاوكردووەتەوە كە تێیدا بارانبارینی بەلێزمە لە شارەزوور دەركەوێت.

بەردەوام بە لە خوێندنەوە

ژینگە

بارانبارین دەستپێدەكات

خەڵك- بەشی هەواڵ
كەشناسێكی عیراقی دەڵێت، بارینی نمە باران دەستپێدەكات و لە سبەینێ‌ هەینییەوە، ناوچەكانی وڵات دەگرێتەوە.

سادق عەتیە لە پەیجی تایبەتی خۆی لەسەر تۆڕی كۆمەڵایەتی (فەیسبوك) بڵاویكردووەتەوە”كەشوهەوا تا ئەندازەیەك جێگیردەبێت لەگەڵ كۆبوونەوەی هەندێك پەڵەهەوری پەرش و بڵاو، ئەو جێگیرییەش تا بەرەبەیانی سبەینێ‌ هەینی بەردەوام دەبێت”.

بە وتەی ئەو كەشناسە”بەشێوەیەكی پلەبەندی لە كاتژمێرەكانی دواتری هەینی، پەڵە هەورەكان كۆدەبنەوە لەسەر شارەكانی ناوەڕاست و باكوور، نمەبارانیش كە هەورەبروسكەی لەگەڵدا دەبێت لە ناوچەكانی خۆرئاوای وڵات لە ئێوارە و شەوی هەیندا دەبارێت”.

سادق عەتیە دەڵێت”پەڵە هەورەكان بەرەو شارەكانی ناوەڕاست و بەغدا دەكشێن، و شارەكانی باكووریش دەگرنەوە تا ڕۆژی شەممە، لە ڕۆژی هەینشیدا ئاراستەكانی با گۆڕانكارییان بەسەردا دێت”، ڕەتیشیكردووەتەوە هیچ گۆڕانكارییەك بەسەر پلەكانی گەرمادا بێت.

 

بەردەوام بە لە خوێندنەوە

ژینگە

لە ناوچەیەكی هەرێم باران بارین دەستی پێكرد

خەڵك – بەشی هەواڵ
كەشناسی هەرێم كوردستان ڕایدەگەیەنێت، بەهۆی ناسەقامگیری كەش و هەوای هەرێم ئێستا لە قەڵادزێ‌ نمە باران دەستی پێكردوە.

بەڕێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، بەهۆی ناسەقامگیری كەش و هەوای هەرێم ئێستا لە قەڵادزێ‌ نمە باران دەستی پێكردوە و ئەگەر هەیە لە هەندێ شوێنی دیكەش دەست پێ بكات.

ڕاشیگەیاندووە، ئێوارەی ئەمڕۆ ئاسمانی پارێزگای هەولێر 6 بەشی هەور و مەودای بینین 9 كم بووە، لە پارێزگای سلێمانی 5 بەش هەور و مەودا بینین 8 كم، هەروەها پارێزگای دهۆك 4 بەش هەور و مەودا بینین 10 كم بووە.

وێنەی ‏بەرێوەبەرایەتی گشتی کەشناسی و بومەلەرزەزانی هەرێمی کوردستان‏.

بەردەوام بە لە خوێندنەوە

کوردستان