ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

ئەپڵ زمانی كوردی بۆ ئایفۆن و ئایپاد زیاد دەكات

خەڵك- تەكنەلۆجیا
كۆمپانیای ئەپڵ ئاشكرای دەكات، كە بەم نزیكانە سیستمی نوێی (ئای ئۆ ئێس) بۆ ئایفۆن و ئەڵ نوێ‌ دەكاتەوە و دەشڵێت: “زمانی كوردی دەخەنە ناو سیستمەكەوە”.

كۆمپانیای ئەپڵ لە ڕاگەیەندراوێكدا ئاماژەی بەوەكردووە، كە بەم نزیكانە سیستمی نوێی (iOS 13) دەخنە بەردەست و چەندین نوێبوونەوەشی لەخۆگرتووە.

ڕاشیگەیاندووە، یەكێك لە نوێگەرییەكان، كە بۆ سیستمەكە زیاد كراوە بریتییە لە زمانی كوردی و هەروەها دەتوانرێت بە 38 زمانی جیاواز نامەی پێ‌ بنووسرێت.

كورد یەكێكە لە پێكهێنەرە و پێكهاتە سەرەكییەكانی ڕۆژئاوای ئاسیا و دابەش كراون بەسەر وڵاتانی عیراق و توركیا و ئێران و سوریا و هەندێكیشیان كەتونەتە باشووری ڕۆژئاوای ئەرمینیا و هەندێك ناوچەی ئازربایجان و لوبنان.

ئۆتۆمبێل و تەکنەلۆژیا

شاومی مۆبایلێکی نوێی ڕاگەیاند بە نرخی زۆر گونجاو و پشتگیری کردنی 5G

خەڵک-

ڕێدمی کە لقێکی فەرمی شاومییە هەستاوە بە ئاشکراکردنی مۆبایلێکی نوێی کە کار بە نەوەی پێنجەمی ئینتەرنێت دەکات کە نرخێکی زۆر گونجاوی هەیە.

تایبەتمەندییە بەرزەکانی مۆبایلەکە خۆی دەبینێتەوە لە ڕامی بەرز و توانستی بەرزی پاتری بە پشتگیری بارگاویکەرەوەی خێرای ٣٠ واتی، هەروەها هەستەوەرێکی گەورە تایبەت بە چرکاندنی وێنەکان، هەروەها تایبەتمەندییەکی دیکەی سەرنجڕاکێش خێرایی نوێ بوونەوەی شاشەکەیەتی بە توانای 120Hz.

Image result for Xiaomi Redmi K30 5G"

گرنگترین تایبەتمەندییەکانی مۆبایلەکە، بەم شێوەیەی خوارەوەیە:

شاشە: 6.67 ئینج و بەڕوونی 1080×2400 پێکسڵ.
کامێرای پشتەوە:چوار کامێرا بە ڕونییەکانی 64+8+5+2 مێگاپێکسڵ.
کامێرای پێشەوە: 20 + 2مێگاپێکسڵ.
پڕۆسێسەر: Snapdragon 765G
باتری: 4500 میلی ئەمپێر.
بیرگە: 128+256 گێگابایت.
ڕام: 8+12 گێگابایت.
وەشان: ئەندرۆید 10 و ڕووکاری MIUI 11.
نرخ: 227 – 312 دۆلاری ئەمریکی.

Image result for Xiaomi Redmi K30 5G"

بەردەوام بە لە خوێندنەوە

ئۆتۆمبێل و تەکنەلۆژیا

لە کۆتاییدا Google Maps دۆخی ‘Incognito’ ی بۆ بەردەست خرا

خەڵک-

بەکارهێنەران دەتوانن بەبێ بوونی هەژماری گووگڵ سوودی لێ ببینن و سەیری گشت نەخشەی جیهان بکەن. بەکارهێنەرانی ئەم خزمەتگوزارییە زیاتر چینی گەشتیاران دەگرێتەوە بەهۆکاری ئەوەی لەو خزمەتگوزاییەدا زۆرینەی شوێنە گەشتیارییەکان وەک هوتێل و چێشتخانە و شوێنە جیهانییەکانی بەردەست کراوە و بەکارهێنەرانی دەتوانن لەڕێگای کۆمپیوتەر یان تابلێت یان مۆبایلە زیرەکەکان سوودی لێببینن و بەکاری بهێنن و ئەوانەی خاوەن هەژماری گووگڵن دەتوانن شوێنەکان لەسەر نەخشە زۆر بکەن لەڕێی گووگڵ مەپ مەیکەرەوە.

گووگڵ هەمیشە لە نوێکارییەکانیدا تایبەتمەندی زۆر گرنگ بەردەست دەخات بۆ گووگڵ ماپس بە هیوای ئەوەی زۆرترین بەکارهێنەر لە دەوری ناوی گووگڵ کۆ بکاتەوە، نوێترین تایبەتمەندیش زیادکردنی دۆخی Incognito یە بۆ ئەپی گووگڵ ماپس.

سەرەتا گووگڵ ئەم پلانەی لە کۆنگرەی گەشەپێدەرانی I/O دا باسکرد لە کالیفۆرنیا و لە مانگی ڕابردووەوە بەشێوەی زنجیرە نوێکارییەکەی ڕەوانەی بەکارهێنەران کردووە و هەتاوەکوو کۆتایی ئەم مانگەش بەردەست دەبێت بۆ هەمووان.

دۆخی ئیکۆگنیتۆ هاوشێوەی ئەم وێنەی جوڵاوەی خوارەوە چالاک دەکرێت و سوودێکی زۆر هەیە بۆ بەکارهێنەر تاوەکوو لە ژێر کۆنتڕۆڵی گووگڵ دەربچێت و زانیارییەکانی تۆمارنەکرێن کاتێک بەدوای شوێنێک دەگەڕێت یاخوود سەردانی شوێنێک دەکات، هەروەها ئەم دۆخە لە وێبگەڕی گووگڵ کڕۆمیشدا بەردەستە و بەکارهێنەر دەتوانێت چالاکی بکات و سەردانی پێگە و سایتەکان بکات بەبێ ئەوەی زانیارییەکان لە وێبگەڕەکەیدا تۆمار بکرێن.

بەردەوام بە لە خوێندنەوە

ئۆتۆمبێل و تەکنەلۆژیا

چۆنیەتی شاردنەوەی وێنە و زانیارییەکانمان بەبێ دابەزاندنی بەرنامە!

خەڵک-

لەوانەیە ڕۆژێک پێویست بکات زانیاری و وێنەکانی ناو مۆبایلەکەت قوفڵ بکەیت و ئەپی پێویستت لە بەردەستدا نەبێت، یاخوود ئەو ئەپانەشی هەبن ترست هەبێت لە سڕینەوەی زانیارییەکانی ناویان، لەم بابەتەدا ئاشناتان دەکەین بە چۆنیەتی قوفڵدان و شاردنەوەی وێنەکانتان بەبێ بوونی هیچ ئەپێک و تەنها لە ڕێگەی ئەپی  Note یان الملاحظة ـەوە.

سەرەتا ئەپی گەلەری بکەوە و بڕۆ سەر وێنەی مەبەست و دووگمەی Share دابگرە.

هاوشێوەی وێنەی لای ڕاست کرتە لە “انشاء ملاحظە” بکە و پاشان پاشەکەوتی بکە بە “حفظ“.

پاشان هاوشێوەی وێنەی لای ڕاست کرتە لە “اقفال” بکە و تێپەڕەوشەیەکی بۆ دابنێ و وێنەکە پاشەکەوت دەکات لە تێبینییەکاندا بە تێپەڕەوشەی دیاریکراوی خۆت.

پاشان دەتوانیت لە گەلەری وێنەکە بسڕیتەوە چوونکە لە ئەپی “الملاحظات” دەمێنێتەوە.

ئەگەریش ویستت وێنەکە بگەڕێنیتەوە بۆ گەلەری ئەوا بڕۆ ئەپی “الملاحظات” و ئەو تێبینییە بکەوە کە تێپەڕەوشەت بۆ دانا و دەست لەسەر وێنەکە ڕابگرە کرتە لە “حفظ فی الاستودیو” بکە.

بەردەوام بە لە خوێندنەوە

کوردستان