ئێمە لە تۆرە کۆمەڵایەتیەکان

عێراق

بەرهەم ساڵح پێشوازی لە وەزیری دەرەوەی ئەڵمانیا دەكات

خەڵك – بەشی هەواڵ
سەرۆك كۆماری عیراق پێشوازی لە وەزیری دەرەوەی ئەڵمانیا و شاندی یاوەری كرد و جەختی لەگرنگی بەھێزكردنی پەیوەندییەكانی نێوان هەردوو وڵات كردەوە بەتایبەت لە بوارەكانی ئابووری و پیشەسازیدا.

نووسینگەی ڕاگەیاندنی سەرۆك كۆماری عیراق بڵاویكردەوە، ئەمڕۆ شەممە 8ی حوزەیرانی 2019 بەرھەم ساڵح لە كۆشكی سەلام لە بەغدا پێشوازی لە هایكۆ ماس، وەزیری دەرەوەی ئەڵمانیا و شاندی یاوەری كرد.

ڕاشیگەیاندووە، لەمیانی دیدارێكدا سەرۆكركۆمار خۆشحاڵی خۆی بەسەردانی شاندی میوان دەربڕی و جەختی لەگرنگی بەهێزكردنی پەیوەندییەكانی نێوان ھەردوو وڵات و سوود وەرگرتن لە ئەزموون و شارەزایی لە پێناوی پتەوكردنی پەیوەندییە دوو قۆڵییەكان و بەرژەوەندییە ھاوبەشەكان كردەوە، بەتایبەتی لە بوارەكانی ئابووری و پیشەسازیدا، هاوكات ھەوڵەكانی ھاوپەیمانی نێودەوڵەتی لە پشتیوانیكردنی عیراقی لەبوارە جیاجیاكان و ھەروەھا پشتیوانی ئەڵمانیای بۆ گەلی عیراق، بەتایبەتی لە پِرۆسەی كۆمەككردن ئاوارەكان بەرز نرخاند.

لەبارەی ھەماھەنگی ھەڵوێستەكان لەگەڵ وڵاتانی یەكێتی ئەوروپا بۆ چارەسەركردنی كۆمەڵێك كێشە و پێشھات لە ناوچەكەدا، بەرهەم ساڵح جەختی لە دیدی نەگۆڕی عیراق كردەوە، سەبارەت بە قەیرانەكانی ناوچەكە، كە بریتیە لە بەر چاوگرتنی بەرژەوەندی باڵای عیراق.

ئاماژەی بۆ ئەوەشكردووە، عیراق لەسەر بنەمای پاراستنی بەرژەوەندی ھاوبەش و سەقامگیری و ئاسایش و ئاشتی لە ناوچەكەدا ڕەفتار دەكات.

هەر لەو دیدارەدا ئەوەشخراوەتەڕوو، كە دامەزراندنی سیستەمێكی ناوچەیی جێگیر و بەھێزكردنی كۆدەنگی نێودەوڵەتی و لەبەرچاوگرتنی بەرژەوەندییە ھاوبەشەكان باشترین ڕێگاچارەیە بۆ دورخستنەوەی عیراق و ناوچەكە لە ئەگەری بەریەك كەوتن و ململانێ.

سەرۆك كۆمار باسی لە پێویستی یەكخستنی ھەوڵەكان كرد، لەپێناوی زاڵكردنی زمانی دیالۆگ و دوركەوتنەوە لە دەستێوەردان لە كاروباری وڵاتان، ھەروەھا ئاماژەی بە گرنگی ڕۆڵی ئەڵمانیا كرد لە پشتیوانیكردنی ھەوڵەكانی ئاشتی و كەمكردنەوەی گرژییەكان لەپێناوی ئایندەیەكی باشتر بۆ ناوچەكە.

لەلای خۆیەوە، وەزیری دەرەوەی ئەڵمانیا پابەندبوونی وڵاتەكەی لەپشتیوانیكردنی عیراق لە گشت بوارەكاندا و بەھەند وەرگرتنی ئەڵمانیای لە فراوانكردنی ئاسۆی ھاریكاری دوو قۆڵی لەنێوان ھەردوو وڵاتدا دووپاتكردەوە، ھاوكات ڕۆڵی سەرەكی عیراقیشی لەپێناوی بەھێزكردنی بنەماكانی ئاشتی و ئاسایش و سەقامگیری لە ناوچەكە بەرز نرخاند.

عێراق

بەوێنە، فڕۆكەیەكی گەورەی بێفڕٍۆكەوانی داعش دۆزرایەوە

 

خەڵك- بەشی هەواڵ

شانەی میدیای ئەمنی ڕایدەگەیەنێت، فڕۆكەیەكی بێفڕۆكەوانی ڕێكخراوی داعش لە پارێزگەی دیالە دۆزرایەوە.

بەپێی بەیاننامەیەك كە لەلایەن شانەی میدیای ئەمنی عیراقەوە بڵاوكرایەوە”هێزێكی هاوبەشی سەر بە دەزگای هەواڵگری و حەشدی شەعبی، توانیان دەست بەسەر فڕۆكەیەكی گەورەی بێفڕۆكەوانی سەر بە ڕێكخراوی داعشدا بگرن لەكاتی هەڵكوتانە سەر حەشارگەیەكی ڕێكخراوەكە لە دیالە”.

هەر لە بەیاننامەكەدا هاتووە”فڕۆكەكە لە یەكێك لە حەشارگەكانی سەر بە ڕێكخراوی داعش و لە جەزیرەیەكى نزیك دەریاچەی حەمرین، دۆزرایەوە”.

تائێستاش پاشماوەی چەكدارانی داعش لە ناوچە جیاجیاكانی پارێزگەی دیالە بونییان هەیە و ناوبەناو پەلاماری هێزە ئەمنییەكان و هاووڵاتیانی ناوچەكە دەدەن، بەپێی میدیاكانی عیراقیش، لە شەوى ڕابردوودا گروپێكی سەر بە داعش پەلاماری گوندێكی سەر بە قەزای خانەقینيانداوە داوە و سێ‌ ماڵيان سوتاندووە.

بەردەوام بە لە خوێندنەوە

عێراق

داوا لە كۆمپانیا چینییەكان دەكرێت عیراق ئاوەدان بكەنەوە

خەڵك- بەشی هەواڵ
عادل عەبدولمەهدی سەرۆك وەزیرانی عیراق ڕایدەگەیەنێت، داوا لە كۆمپانیا چینییەكان دەكات، بەوپەڕی گوڕ و تینەوە بەشداریی لە هەڵساندنەوەی عیراق و ئاوەدانكردنەوەی وڵاتدا بكەن، بەڵێنیش دەدات ئاسانكارییان بۆ بكات.

عەبدولمەهدی سەرۆك وەزیرانی عیراق، لە كۆنگرەی پیشەسازی جیهانی 2019، لە شاری خیفی چینی ڕایگەیاند”لە میانی ئەو چاوپێكەوتنانەی ئەنجامیان دەدەن، داوا لە كۆمپانیا چینییەكان دەكەن بەوپەڕی گوڕ و تینەوە بەشداریی لە ئاوەدانكردنەوەی عیراقدا بكەن، لای خۆشيانەوە بەڵێن دەدەن هەموو ئەو ئاستەنگانەیان لەبەردەمدا ڕابماڵن كە دێنە ڕێیان”.

بە وتەی سەرۆك وەزیرانی عیراق، لیژنەی ناوەندی، سەرپەرشتی ڕەخساندنی هەلی گونجاو دەكات بۆ ئەو كۆمپانیایانە، ئامانجیشیان لەو كارەدا خستنەڕووی خواستی وڵاتە لە كاریی هاوبەش لەگەڵ وڵاتی چین.

عادل عەبدولمەهدی سەرۆك وەزیرانی عیراق لەگەڵ ئەندامانی شاندنی عیراقی كە لە وەزیرەكان و پارێزگارەكان و ڕاوێژكاران پێكهاتبوون، وەك میوان و لەسەر بانگهێشتی لی كیشیانگ سەرۆك وەزیرانی چین، ئامادەی كۆنگرەی پیشەسازی جیهانی 2019 بوون كە دوێنێ‌ هەینی كارەكانی لە شاری خیفی چینی دەستیپێكرد.

بەردەوام بە لە خوێندنەوە

عێراق

لە حەمرین حەشارگە و فڕۆكەیەكی بێفڕۆكەوانی داعش دۆزرایەوە

خەڵك- بەیش هەواڵ
فەرماندەیی پڕۆسەكانی دیالەی حەشدی شەعبی ئاشكرای دەكات، كە لە نزیك دەریاچەی حەمرین حەشارگەیەك و فڕۆكەیەكی بێفڕۆكەوانی داعش دۆزراوەتەوە.

تالب موسەوی، فەرماندەی پڕۆسەكانی دیالەی حەشدی شەعبی لە ڕاگەیەنراوێكدا ئاماژەی بەوەكردووە، هێزەكانی سەر بە فەرماندەیی پڕۆسەكانی دیالە دەستیان كردووە بە پڕۆسەی كێوماڵكردن و پشكنین لە 6 ناوچەی باكوری ڕۆژهەڵاتی دەریاچەی حەمرین بە هاوبەشی فەوجی بەرگری و هەواڵگری لیوای 24 و هێزی دەریایی و كەتیبەی دووی سەر بە بەڕێوەبەرایەتی دژە تانك.

ئاماژەی بەوەشكردووە، كە پڕۆسەكە لەسەر بنەمای زانیاری هەواڵگری ئەنجام دراوە و تێیدا حەشارگەیەكی گەورەی چەكدارانی داعش دۆزراوتەوە، كە چەندین پێداویستی لۆجستی و سەربازی تێدا بووە.

ئاشكراشی كردووە، كە هێزەكانیان توانیویانە فڕۆكەیەكی بێفڕۆكەوانی تێكشكاو بدۆزنەوە، كە لەژێر زەوی شاردرابووەوە لەناوچەیەك، كە تا ئێستا هێزە ئەمنییەكان نەچووبوونە ئەو شوێنە و ئەمەش وای لە دوژمن كردبوو ئەو ناوچەیە بقۆزێتەوە بۆ كردەوەكانی.

بەردەوام بە لە خوێندنەوە

کوردستان