ئێمە لە تۆرە کۆمەڵایەتیەکان

کوردستان

نێچیرڤان بارزانی وەك سەرۆكی هەرێم سوێندی یاسایی دەخوات

خەڵك- بەشی هەواڵ
بەپێی بانگهێشتنامەیەكی سەرۆكی پەڕلەمانی كوردستان، بڕیار دراوە ڕۆژی 10ی حوزەیران مەڕاسیمی سوێندخواردنی نێچیرڤان بارزانی وەك سەرۆكی هەرێمی كوردستان ئەنجام بدرێت و سەرۆكی فراكسیۆنی پارتی-ش دەڵێت: “سەرۆكی هەرێم سوێند دەخوات و سەرۆك وەزیرانیش ناوزەد دەكرێت”.

د. ڤالا فەرید، سەرۆكی پەڕلەمانی كوردستان لە بانگهێشتنامەیەكدا، كە بۆ سەرجەم پەڕلەمانتارانی ڕەوانە كردووە ئاماژەی بەوەكردووە، دانیشـتنی ژمارە (7)ـی ئاسایی، ســـاڵی یەكەم لە خولی هەڵبژاردنی پێنجەمی پەرلەمانی كوردستان ـ عیراق لە كاتژمێر (11:00)ـی پێشنیوەرۆی ڕۆژی دوو شەممه،‌ 2019-6-10 ئەنجام دەدرێت بۆ سوێندخواردنی سەرۆكی هەڵبژێردراوی هەرێمی كوردستان-عیراق.

ڕاشیگەیاندووە، لەبەر ئامادەبوونی میوانان لەسەر ئاستی ناوخۆ و دەرەوەی هەرێمی كوردستان و نەبوونی شوێنی پێویست لە تەلاری پەڕلەمان، دەستەی سەرۆكایەتی پەرلەمان بریاری دا ئەم دانیشتنە لە هۆڵی (سەعد عەبدوڵڵا) لەشاری هەولێری پایتەختی هەرێمی كوردستان بێت.

لای خۆشیەوە، ئومێد خۆشناو، سەرۆكی فراكسیۆنی پارتی لە پەڕلەمانی كوردستان بۆ میدیای فەرمی حزبەكەی ڕایگەیاندووە، كە كۆبوونەوەی پەڕلەمان بۆ سوێندخواردنی سەرۆكی هەرێم لە هۆڵی سەعد عەبدوڵڵا ئەنجام دەدرێت و كۆبوونەوەكە لە دوو بڕگە پێكدێت، كە سوێندخواردنی سەرۆكی هەرێم و ناوزەدكردنی سەرۆك وەزیرانی هەرێم دەبێت.

ئاشكراشی كرد، كە ڕۆژی دواتر لە ناو هۆڵی پەڕلەمان كۆبوونەوە دەكرێت و ئێمە وەك پارتی، كە فراكسیۆنی زۆرینەین ناوی مەسرور بارزانی بۆ سەرۆك وەزیران پێشكەش دەكەین و بە مەرسومێك لەلایەن سەرۆكی هەرێمەوە ڕادەسپێردرێت بۆ پێكهێنانی حكومەت.

جەختیشی كردەوە، كە سەرۆك وەزیرانی ڕاسپێردراو بەپێی یاسا ماوەی مانگێكی لەبەردەستدایە بۆ پێكهێنانی حكومەت.

کوردستان

تەندروستی سلێمانی: لە 24 كاتژمێری ڕابردوودا 22 تووشبووی كۆرۆنا چاكبوونەتەوە

خەڵك – بەشی هەواڵ

وتەبێژی بەڕێوەبەرایەتی‌ گشتی‌ تەندروستی‌ سلێمانی‌ ڕایدەگەیەنێت: لە ماوەی 24 كاتژمێری ڕابردوودا 22 تووشبووی كۆرۆنا چاكبوونەتەوە و 3 تووشبووش گیانیان لەدەستداوە.

د.یاد نەقشبەندی‌ وتەبێژی‌ بەڕێوەبەرایەتی‌ گشتی‌ تەندروستی‌ سلێمانی‌ لە ڕاگەیەندراوێكدا ئاشكرایكرد: لە 24 كاتژمێری‌ ڕابردوودا 32 نەخۆش داخڵی‌ نەخۆشخانەكانی‌ كۆرۆنا بوون و 22 تووشبووش نەخۆشخانەیان جێهێشتووە.

وتەبێژی بەڕێوەبەرایەتی‌ گشتی‌ تەندروستی‌ سلێمانی ‌ئاماژەی بەوەشداوە: هاتووە 146 تووشبوو لە نەخۆشخانەكان ماونەتەوە و لەو ژمارەیە 32 تووشبوو لە چاودێری‌ چڕن و هاوكات لە 24 كاتژمێری‌ ڕابردوو 3 تووشبووی‌ كۆرۆنا گیانیان لەدەستداوە.

بەردەوام بە لە خوێندنەوە

کوردستان

بەوێنە، بەهۆی ڕووخانی خانوویەك لە كەركوك كەسێك گیانی لەدەستدا و كەسێكی تر بریندار بوو

خەڵك- بەشی هەواڵ
بەڕێوەبەرایەتی بەرگری مەدەنی كەركوك، گیانلەدەستدانی كەسێك و برینداربوونی كەسێكی تر بەهۆی ڕووخانی خانوویەك ڕاگەیاند.

بەپێی ڕاگەیەندراوێك كە لەلایەن بەڕێوەبەرایەتی بەرگری مەدەنی كەركوكەوە بڵاوكرایەوە”لە ناوچەی تازەی لە گەڕەكی زەیتون لە پارێزگەی كەركوك، تیمەكانی بەرگری مەدەنی، توانیان دوو هاووڵاتی لە ژێر داروپەردوودا دەربهێنن، دوای ئەوەی بنمیچی خانووەكەیان بەسەریاندا ڕووخابوو”.

هەر لە ڕاگەیەندراوەكەدا هاتووە”تیمەكان داروپەردووەكانیان لابردووە و شیشەكانیان لەڕێی ئامێر و كەرەستەی بڕین و لێكترازانی هایدرۆلیكی تایبەتەوە پچڕاندبوو كە لەلایەن تیمەكانی بەرگری مەدەنییەوە بۆ ڕزگاركردنی قورسی ژێر داروپەردوو بەكاردەهێنرێن”.

بەرگری مەدەنی كەركوك دەڵێت”ئەوان فریاكەوتنی سەرەتاییان بۆ بريندارەكان ئەنجامدا و پشان گوازرانەوە بۆ نەخۆشخانەیەكی نزیك لەپێناو وەرگرتنی چارەسەر، بەڵام یەكێك لە بریندارەكان بەهۆی سەختی برینەكەی لە نەخۆشخانە گیانی لەدەستدا، لەئێستاشدا لێكۆڵینەوە بۆ زانینی هۆكاریی داڕوخانی بنمیچی ئەو خانووە دەستیپێكردووە”.

بەردەوام بە لە خوێندنەوە

کوردستان

هه‌ولێر؛ئەو كەسەی سێ ژنی برینداركرد و له‌لایه‌ن پۆلیسه‌وه‌ ده‌ستگیركرا

خەڵك – بەشی هەواڵ
بەڕێوەبەرایەتی پۆلیسی پارێزگای هەولێر ڕایدەگەیەنێت، دوای ئەوەی لە شەقامی سەرەكی هەولێر- كەسنەزان لەناو ئۆتۆمبێلێكی جۆری نیسان ئاڵتیما تەقە لە سێ ژن كراوە و برینداربوون توانرا بە ماوەی 72 كاتژمێر تۆمەتبارەكە دەستگیر بكرێت .

بەڕێوەبەرایەتی پۆلیسی پارێزگای هەولێر لە ڕاگەیەنراوێكدا، كەوێنەیەكی دەست (خەڵك) كەوتووە ڕایگەیاندووە، دوای ئاگاداركردنەوەیان لە ڕووداوێكی تەقەكردن لە شەقامی سەرەكیی هەولێر- كەسنەزان، بە سەرپەرشتی بەڕێوەبەری پۆلیسی هەولێر، تیمێكی لێكۆڵینەوە پێكهێنرا و دەستبەجێ گەیشتنە شوێنی رووداو.

ڕاشیگەیاندووە، دەركەوت كەوا تەقە لە سێ ژن كراوە لەناو ئۆتۆمبێلێكی جۆری (نیسان ئاڵتیما) و برینداربوون دوای لێكۆڵینەوەیەكی ورد، توانرا بە ماوەی (72 كاتژمێر) تەقەكەرەكە بە ناوی (ا.ا.ع) بدۆزرێتەوە و دەستگیر بكرێت.

ئاماژەبۆ ئەوەشكراوە، تۆمەتبارەكە بە ئۆتۆمبێلێكی جۆری (تۆیۆتا كرۆلا تەكسی) تاوانەكەی ئەنجام دابوو، تۆمەتباری ناوبراو دانی نا بە تاوانەكەیدا، بۆیە بەپێی ماددە(31/405) لە یاسای سزادان، بەند كرا و دەستیش بەسەر ئۆتۆمبێل و كڵاشینكۆفی تۆمەتبارەكەدا گیرا.

بەردەوام بە لە خوێندنەوە

کوردستان