وێنەکان ڕەشوسپین، بەڵام چرکەساتێک بە هەموو جوانییەکانیەوە و وردەکارییەکەوە تۆماردەکات.
وێنەگری سەرشەقام هونەرێکی جیاواز، وەستانی ژیانە لە چرکەساتێکدا، ئەوەی ئەم هونەرە هەڵدەبژێرێت دەبێت پەیوەندی کۆمەڵایەتی بەهێزێت و توانای ئارامگرییەکی باشی هەبێت، تا بتوانێت باشترین و جوانترین وێنە بگرێت.
دەروون نوری، ساڵانێکە بە کاری وێنەگرتنی سەرشەقامەوە سەرقاڵە، دەڵێت وێنەگری سەرشەقام پیشەیەکی ماندووکەر و چێژبەخشە، ئەو هەوڵدەدات زۆرینەی وێنەکانی بە ڕەشوسپی بێت، پێی وایە وێنە ڕەشوسپییەکان پەیامەکان باشتر دەگەیەنن، توانای وێنەگرەکە بۆ بەکارهێنانی ڕوناکی و سێبەر دەردەکەوێت، بەڵام لە وێنە ڕەنگاوڕەنگەکاندا ڕەنگەکان زیاتر لە پەیامەکە سەرنجی بینەرەکە ڕادەکێشێت.
هونەرمەندەکان گۆشەی بینین و تێڕوانینیان جیاوازترە، کاتێکیش دەبێتە وێنەگری سەرشەقام ئەو بەشە بچوکانەی ژیانمان نیشاندەدەن کە خۆمان سەرنجی نادەین.
