ئێمە لە تۆرە کۆمەڵایەتیەکان

ژینگە

لە كیشوەری ئاسیاش بە بەرزترین دادەنرێت
بەرزترین پلەی گەرما لە میژووی عیراقدا تۆماركرا

 

خەڵك- بەشی هەواڵ
شاری عەلی غەربی لە پارێزگای میسان، بەرزترین پلەی گەرما لە مێژووی عیراق و كیشوەری ئاسیا تۆمار دەكات بە تۆماركردنی 55.6 پلەی سەدی.

بەپێی ماڵپەڕی (طقس العرب)، بەرزترین پلەی گەرمای تۆماركراو لە عیراق 53.9 پلەی سەدی بووە لە شاری بەسرە لە 22ی تەمموزی 2019، بۆیە تۆماركردنی بەرزترین پلەی گەرما كە لە نیوەڕۆی 7ی حوزەیرانی 2019دا لە عەلی غەربی لە پارێزگای میسان تۆماركرا، بە پێوانەیی و بە بەرزترین پلەی گەرما لە مێژووی عیراقدا دادەنرێت”.

ئەم بەرزبوونەوەیەی پلەی گەرما بەپێی ماڵپەڕەكە، لە ئەنجامی بوونی بەرزە پاڵەپەستۆیەكی گەرمی هەوایە كە كاریگەریی لەسەر خۆرهەڵاتی نیمچە دوورگەی عەرەب و عیراق دروستكردووە.

ماڵپەڕەكە پێیوایە، ئەو پلە گەرمایەی لە عەلی غەربی پارێزگای میسان تۆماركراوە، بە بەرزترین پلەی گەرما لە مێژووی عیراق و كیشوەری ئاسیادا دادەنرێت، چونكە بە درێژایی مێژوو پلەی گەرمای هاوشێوە لە هیچ وڵاتێكی كیشوەری ئاسیادا تۆمارنەكراوە.

بەرزترین پلەی گەرما كە لە جیهاندا تۆماركراوە، 58 پلەی سەدییە كە لە ناوچەی عەزیزیە لە لیبیا لە ساڵی 1922 تۆماركرا، بەڵام ڕێكخراوی جیهانی كەشناسی (WMO)، بەدووریزانی خوێندنەوەكە ڕاست بێت، بۆیە بە بەرزترین پلەی گەرما لە مێژووی جیهاندا دۆكۆمێنت نەكرا، و ئەو پلەیەی لە 10ی تەمموزی 1913دا لە گرینلاند رانش (دۆڵی مەرگ) لە كالیفۆرنیای ئەمریكا تۆماركرابوو كە 56.7 پلەی سەدی بوو، بە بەرزین پلەی گەرما لە مێژووی جیهاندا مایەوە.

ژینگە

لە جەژنی قورباندا پۆلیسی دارستان 19 كەسی دەستگیر كردووە

خەڵك- بەشی هەواڵ
بەڕیوەبەرایەتی پۆلیسی دارستان و ژینگەی سلێمانی لەسەرجەم بنكە و بەشەكانی لەڕۆژانی پشوی جەژنی قورباندا بەردەوام مەفرەزەكانیان لە ئەركدابوون بۆ ڕێگریكردن لە سەرپێچیكاران و پارێزگاری كردن لە سروشت و ژینگەی كوردستان بۆ ئەو مەبەستە بە چەند هۆكارێكی جیاواز 19 سەرپێچیكار دەستگیر كراون و ڕووبەڕووی یاسا كراونەتەوە .

عەمیدی پۆلیس، هێمن كمرخان ئەفندی، بەڕێوەبەری ڕاگەیاندن لە بەرێوەبەرایەتی پۆلیسی دارستان و ژینگەی پارێزگای سلێمانی بۆ (خەڵك) ڕایگەیاند، پۆلیسی دارستان بەتایبەت لە پشووەكانی جەژنی قورباندا بەگیانێكی لەخۆبوردییەوە لە گەڕان و پشكنیندا بوون بۆ ڕێگریكردن لە سەرپێچیكاران و پارێزگاریكردن لە سروشت و ژینگەی كوردستان و لە ئەنجامی چەند دەرچوونێكی مەفرەزەكانمان لە سنورەكانی (سیتەك، سلێمانی، گاپیڵۆن، بازیان، قەرەداغ) توانیان (19) سەرپێچیكار دەستگیربكەن بەهۆكاری كەوتنەوەی ئاگر و زیادەڕەوی و بیرلێدان و ڕاوكردنی ماسی .

ڕوونیشی كردەوە، لە ئەنجامی دەرچوونێكی بنكەی پۆلیسی دارستان و ژینگەی سیتەك توانیان (7) سەرپێچیكار دەستگیر بكەن، كە زیادەڕەویان كردبووە سەر موڵكی گشتی، هاوكات لە سلێمانی توانرا (2) سەرپێچیكار دەستگیر بكەن لەسەر دیاردەی بیرلێدان بەشێوەیەكی نایاسایی و پۆلیسی دارستانی گاپیڵۆن-یش توانیان (7) ڕاوچی دەستگیر بكەن، كە سەرقاڵی ڕاوكردن بوون و هەر لەچوارچێوەی ڕۆژانی پشووی جەژندا لە سنوری قەرەداغ (3) هاووڵاتی دەستگیر كران بەهۆكاری ئاگركەوتنەوە.

ئاشكراشی كرد، زەرەر و زیانی ئاگرەكە سووتانی زیاتر لە (5000) دۆنم پووش و پاوانە لە سنوری بازیان و قەرەداغ لەگەڵ ئەوانەشدا دەستگیراوە بەسەر (2) جیهازی بیرلێدان و (1) مۆلیدەی كارەبایدا .

عەمید هێمن دەشڵێت: “پەڕاوی لێكۆڵینەوە ڕێكخراوە و ڕادەستی دادوەر كرا بۆ وەرگرتنی ڕێكاری یاسایی”.

بەردەوام بە لە خوێندنەوە

ژینگە

پیرەمەگروون.. سێ‌ ڕاوچی دەستگیركران

خەڵك- بەشی هەواڵ

لە ئەنجامی دەرچوونی مەفرەزەیەكی بنكەی پۆلیسی دارستانی پیرەمەگروون بۆ سنوری گوندی( زێوێ ) لە بناری چیای پیرەمەگروون بە مەبەستی چاودێریكردن و پشكنینی سنورەكە، توانیان ( ٣ ) هاووڵاتی دەستگیر بكەن كەبەمەبەستی ڕاوكردن هاتبوونە سنورەكە .

پۆلیسی دارستان و ژینگەی سلێمانی لە ڕاگەیەندراوێكدا ئاماژەی بەوەكردووە، پەڕاوی لێكۆڵێنەوەیان بۆ كراوەتەوە و ڕادەستی دادوەركراوە.

بەردەوام بە لە خوێندنەوە

ژینگە

لە ڕۆژانی جەژندا بۆشایی ئەمنی لە چەند ناوچەیەكی گەشتیارییدا دروستبوو

خەڵك- بەشی هەواڵ

بەپێی دواین بڕیاری ئەنجومەنی وەزیرانی حكومەتی هەرێمی كوردستان كە لە كۆتایی مانگی ڕابردوودا دەریكردووە، هەر سێ‌ وەزارەتەكانی شارەوانی و گەشتوگوزار، تەندروستی و ناوخۆ پێویستە ئاسایش و تەندروستی و سەلامەتی گەشتیاران و هاووڵاتیان بپارێزن، بەڵام بەپێی زانیارییەكان لە چەند شوێنێكی گەشتیاری هەرێمی كوردستاندا بۆشایی ئەمنی دروستبووە، وتەبێژی دەستەی گەشتوگوزاری هەرێمی كوردستانیش دەڵێت”یەكە ئیدارییەكانی سنوری ناوچە گەشتیارییەكان بەرپرسن لە پاراستنی ئاسایشی شوێنە گەشتیارییەكان و گەشتیاران”.

بەپێی ئەو زانیارییانەی (خەڵك) لە چەند گەشتیارێكەوە لە ناوچە جیاجیاكانی هەرێمی كوردستان بە دەستی گەیشتووە، لە ڕۆژانی جەژنی قورباندا، لە چەند شوێنێكی گەشتیاری هەرێمی كوردستان بۆشایی ئەمنی و شەڕ و تەقە دروستبووە و هێزە ئەمنییەكان بونێكی كاریگەریان نەبووە، ئەوەش گەشتیارانی نیگەران كردووە.

ئەو گەشتیارانە باسیان لەوەكرد، لە چەند شوێنێك تەقەكراوە و تەنانەت هەندێك لە شوێنە گەشتیارییەكان پاسەوانیشیان نەبووە”پاسەوانی ئەهلی و حكومی”.

نادر ڕۆستی، وتەبێژی دەستەی گەشتوگوزاری هەرێمی كوردستان بە (خەڵك)ی ڕاگەیاند، پاراستنی ئاسایشی شوێنە گەشتیارییەكان دەكەوێتە ئەستۆی وەزارەتی ناوخۆ و لە بڕیاری ئەنجومەنی وەزیرانیشدا بە ئاشكرا باسكراوە، بۆیە هەر یەكەیەكی ئیداری بەرپرسە لە پاراستنی ئاسایشی گەشتیاران و هاووڵاتیانی سنورەكە.

وتیشی”ئێمە هێزمان نییە ئاسایشی گەشتیاران بپارێزین، ئەوە ئیشی وەزارەتی ناوخۆیە، بۆیە ئەگەر كەموكورتییەك هەبێت لای ئێمە نییە”.

بەپێی ئامارە نافەڕمییەكان لە پشووی جەژنی قورباندا زیاتر لە 250 هەزار گەشتیار لە ناوچەكانی باشور و ناوەڕاستی عیراق و چەند شوێنێكی دیكەوە ڕوویان لە هەرێمی كوردستان كردووە.

بەردەوام بە لە خوێندنەوە

کوردستان