ئێمە لە تۆرە کۆمەڵایەتیەکان

جیهان

4 پارچەی بەردە ڕەشەكە لە توركیایە و سعودییەكان داوای دەكەنەوە

خەڵك- بەشی هەواڵ
محەمەد موساعید، میدیاكاری سعودی و توێژەر لە مێژووی عوسمانییەكان، دەستبەسەرداگرتنی پارچەكانی بەردە ڕەشەكە لەلایەن توركیاوە بە كارێكی نەخوازراو دادەنێت و داوا لە توركەكان دەكات هەموو شوێنەوارەكانی پێغەمبەر (د.خ) بگێڕنەوە كە پێشتر بردویانە.

بەپێی ماڵپەڕی (سكای نیوز عربیە)، ڕاگەیاندنی توركیا سەبارەت بە پاراستنی پارچەكانی “بەردە ڕەشەكە” و كانزا ئیسلامییەكان كە لە سەردەمی عوسمانییەكاندا لە مەدینەی پیرۆز براون، بۆتە مایەی توڕەبوونی سعودیەكان، بەو هۆیەی تائێستا ئەو كانزایانە نەگێڕدراونەتەوە.

پێشتر ئاژانسی ئەنادۆڵی توركیا لە ڕاپۆرتێكیدا بڵاویكردبۆوە كە 4 پارچەی گرانبەهای بەردە ڕەشەكەی لایە و بۆ پێنج سەدە دەچێت مزگەوتی “سۆقللو محەمەد پاشا”ی لە شاری ئیستەنبوڵ پێڕازێنراوەتەوە.

ئەم بابەتە، پرسی شەمەدنۆفێری ئەمانەتە پیرۆزەكانی هێنایەوە یاد لە ساڵی 1917 كە شوێنەوار و ئەو دیاریانەی پێشكەش بە حوجرەی پێغەمبەر كرابوون لەماوەی 1300 ساڵدا پێگوازرابووەوە بۆ توركیا.

ئەو كانزایانەی گوازرابوونەوە، بریتی بوون لە قورئانی مێژوویی و گەوهەری گرانبەها و شەمعەدانی زێڕ و شمشێر و تابلۆی ڕازاوە بە ئەڵماس و چەندان پارچەی تر كە بەپێی زانیارییەكان زیاترن لە 390 پارچە.

ئۆتۆمبێل و تەکنەلۆژیا

لە تویتەر 102 هەژماری داعش ڕاگیران

خەڵك – بەشی هەواڵ

فەرماندەی ناوەندیی هێزەكانی ئەمریكا ڕایدەگەیەنێت، بەردەوامین لە ڕاگرتنی هەژماری تیرۆریستان لە تۆڕی كۆمەڵایەتی تویتەر.

فەرماندەی ناوەندیی هێزەكانی ئەمریكا (Centcom) ئاشكرایكرد، 102 هەژماری تایبەت بە ڕێكخراوی دەوڵەتی ئیسلامی لە عیراق و شام ناسراو بە “داعش” لە لایەن تۆڕی كۆمەڵایەتی تویتەرەوە داخراون.

فەرماندەی ناوەندیی هێزەكانی ئەمریكا ئاماژەی بەوەشداوە، ئەو هەژمارانە هەواڵ و چالاكییەكانی داعشییان بڵاوكردووەتەوە، لەپاڵ بڵاوكردنەوەی چەندین شتی تری پەیوەست بە تیرۆرەوە.

هەژماری (Report_ISIS) كە سەر بەو فەرماندەییەیە و تایبەتە بە بڵاوكردنەوەی هەژمارەكانی داعش بۆ ئەوەی تویتەر لە”پێشێلكارییەكان” ئاگادار بكاتەوە، بڵاویكردووەتەوە توانیویانە 102 هەژماری داعش لە تۆڕی كۆمەڵایەتی تویتەر بسڕنەوە و بلۆك بكەن پاش ئاگاداركردنەوەی بەڕێوەبەرایەتی تویتەر.

فەرماندەی ناوەندیی هێزەكانی ئەمریكا لە گرتەیەكی ڤیدیۆیی كورتیشدا ناو و ناونیشانی سەرجەم هەژمارە بلۆككراوەكانی لەلایەن تۆڕی كۆمەڵایەتی تویتەرەوە ئاشكراكردووە.

بەردەوام بە لە خوێندنەوە

جیهان

ئێران لەبارەی دروستكردنی ناوچەی ئارام لە باكوری سوریا هاتە دەنگ

خەڵك – بەشی هەواڵ

وەزارەتی دەرەوەی ئێران ڕایدەگەیەنێت، دروستكردنی ناوچەی ئارام ئاڵۆزییەكانی سوریا قوڵتر دەكاتەوە.

وەزارەتی دەرەوەی ئێران لە ڕاگەیەندراوێكدا ڕایگەیاند، ڕێككەوتنی ئەمریكا و توركیا لەبارەی سوریا و دروستكردنی ناوچەی ئارام لە باكوری ئەو وڵاتە ڕەتدەكەنەوە.

وەزارەتی دەرەوەی ئێران ئەوەشیخستووەتەڕوو، دروستكردنی ناوچەی ئارام لە سوریا جێی نیگەرانییە و پێشێلكردنی سەروەریی ئەو وڵاتەیە.

وەزارەتی دەرەوەی ئێران ڕوونیشیكردووەتەوە، دروستكردنی ناوچەی ئارام یەكپارچەیی سوریا دەخاتە مەترسییەوە و ئاڵۆزییەكانی ئەو وڵاتە قوڵتر دەكاتەوە.

بەردەوام بە لە خوێندنەوە

جیهان

بەوێنە؛ حاجیە منداڵەكانی حەجی ئەمساڵ

خەڵك – بەشی هەواڵ
لە پەراوێزی بەجێگەیاندنی فەریزەی حەجی ئەمساڵ، كە نزیكەی 2 ملیۆن 500 هەزار موسڵمان لە سەرتاسەری جیهان بەشداریان كرد، بە هەزاران منداڵیش شانبەشانی دایك و باوكیان لەناو كەعبەی پیرۆز و مەڕاسیمەكانی حەج دەركەوتن.

ئاژانسی فەرمی (ئیرنا)ی ئێران لە ستۆریەكدا، وێنەی هەندێك لەو منداڵانەی داناوە، كە ئەمساڵ لەگەڵ كەسوكاریان بەشداریان لە مەڕاسیمەكانی بەجێگەیاندنی فەریزەی حەج كردووە، هەندێك لەو منداڵانە بە كۆڵی باوك یان باوەشی دایكیانەوە بەشداری ئەو كەشە ئیمانیەیان كردووە.

بەردەوام بە لە خوێندنەوە

کوردستان